ARYNews.tv | Urdu – Har Lamha Bakhabar

Tag: پاک فضائیہ

  • پاک فضائیہ کے افسران کو ملٹری اعزازات کی تقسیم

    پاک فضائیہ کے افسران کو ملٹری اعزازات کی تقسیم

    اسلام آباد: ایئر ہیڈ کوارٹرز میں پاک فضائیہ کے افسران اور ائیرمینز کو ملٹری اعزازت دینے کی تقریب کا انعقاد کیا گیا، جس میں ائیرچیف مارشل نے غیر معمولی خدمات انجام دینے والے افراد میں میڈلز تقسیم کیے۔

    پاک فضائیہ کی جانب سے جاری ہونے والے اعلامیے کے مطابق ائیر ہیڈ کوارٹرز میں نان آپریشنل ملٹری اعزازات تقسیم کرنے کی تقریب کا انعقاد کیا گیا جس میں پاک فضائیہ کے سربراہ نے شرکت کی۔

    تقریب میں پاک فضائیہ کے 41 افسران کو ستارہ امتیاز (ملٹری)، 36 کو تمغہ امتیاز (ملٹری)، 5 افسران کو تمغہ بسالت جبکہ 33 جونیئر کمیشنڈ افسران کو تمغہ خدمت ملٹری درجہ اول کے اعزازات دیے گئے۔

    پاک فضائیہ کے افسران اور ائیرمینز کو بے لوث فرض شناسی اور انتھک محنت کے اعتراف میں اعزازات دیے جاتے ہیں۔

    یاد رہے کہ 5 اپریل کو پاک فوج کے 63 افسران کو ستارہ امتیاز ، 85 کو تمغہ امتیاز اور 2 افسران سمیت 24 جی سی اوز کو تمغہ بسالت سے نواز دیا گیا تھا۔ پاک فوج کے شعبہ تعلقاتِ عامہ(آئی ایس پی آر) کی جانب سے جاری ہونے والے اعلامیے کے مطابق راولپنڈی کے کورہیڈکوارٹرمیں افسران و جوانوں کو اعزازات دینےکی تقریب کا انعقاد کیا گیا جس میں کورکمانڈرراولپنڈی لیفٹیننٹ جنرل بلال اکبر نے بطور مہمانِ خصوصی شرکت کی تھی۔

    اعلامیے کے مطابق افسران کوتمغہ امتیازملٹری،ستارہ امتیازملٹری اورتمغہ بسالت سےنوازاگیا۔ تمغہ بسالت پانے والوں میں 2 افسران اور 24 جے سی اوز سمیت جوان شامل تھے، 21 شہدا کے لواحقین نے اپنے پیاروں کو دیا جانے والا اعزاز وصول کیا۔

  • یوم پاکستان پرمزار اقبال پر گارڈز کی تبدیلی

    یوم پاکستان پرمزار اقبال پر گارڈز کی تبدیلی

    لاہور: یوم پاکستان کے سلسلے میں مزار اقبال پر گارڈز کی تبدیلی کی پُروقار تقریب ہوئی۔ پاک فضائیہ کے چاق و چوبند دستے نے گارڈز کے فرائض سنبھال لیے۔

    تفصیلات کے مطابق ملک بھر میں آج یوم پاکستان ملی جوش وجذبے کے ساتھ منایا جا رہا ہے یوم پاکستان کے موقع پر گارڈز کی تبدیلی کی پُروقار تقریب ہوئی۔

    تقریب کے مہمان خصوصی پاک فضائیہ کے ایئرکموڈور رضوان ملک نے مزار اقبال پر پریڈ کا معائنہ کیا۔ پاک فضائیہ اور پنجاب رینجرز کے چاق وچوبند دستے نے مزارا قبال پر سلامی دی۔

    پاک فضائیہ کے چاق وچوبند دستے نے مزار اقبال پر گارڈز کی ذمہ داری سنبھال لی۔ اس سے قبل رینجرزکا دستہ مزارپر گارڈزکے فرائض سرانجام دے رہا تھا۔

    ملک بھرمیں یوم پاکستان ملی جوش وجذبے سے منایا جا رہا ہے

    واضح رہے کہ ملک بھرمیں یوم پاکستان ملی جوش و جذبے سے منایا جا رہا ہے، اسلام آباد میں دن کا آغاز اکتیس اور صوبائی دارالحکومتوں میں اکیس، اکیس توپوں کی سلامی سے ہوا۔

    توپوں کی سلامی کے موقع پر پاک فوج کے جوانوں کی جانب سے ’نعرہ تکبیر‘ اور ’پاکستان زندہ باد‘ کے فلک شگاف نعرے لگائے گئے۔

  • یوم پاکستان : ’پاک فضائیہ کو جنگلی پرندوں سے خطرہ‘

    یوم پاکستان : ’پاک فضائیہ کو جنگلی پرندوں سے خطرہ‘

    اسلام آباد: پاک فضائیہ نے یوم پاکستان کی پریڈ کے حوالے سے عوامی آگاہی پیغام جاری کردیا۔

    پاکستان ائیرفورس کی جانب سے جاری ہونے والے پیغام میں بتایا گیا ہے کہ 23 مارچ کی پریڈ کے حوالے سے پاک فضائیہ کے جنگی طیارے اسلام آباد اور راولپنڈی میں نچلی سطح پر پراوزیں کریں گے۔

    آگاہی پیغام میں بتایا گیا ہے کہ نچلی پروازوں کے دوران پاک فضائیہ کے طیاروں کے لیے سب سے بڑا خطرہ کوڑا کرکٹ پر منڈلانے والے پرندے ہیں۔ پاک فضائیہ نے عوام سے اپیل کی ہے کہ وہ اپنے گلی محلوں میں صفائی ستھرائی کا خاص خیال رکھیں تاکہ قوم کے بیش قیمت اثاثوں کی حفاظت کو یقینی بنایا جاسکے۔

    یاد رہے کہ ہر سال 23 مارچ کی مناسبت سے پریڈ گراؤنڈ میں تینوں مسلح افواج کے دستے سلامی دیتے ہیں، رواں سال ملائیشیا کے وزیراعظم میں تقریب میں خصوصی طور پر شرکت کریں گے۔

    یوم پاکستان کے موقع پر آذربائیجان اور سعودی عرب کے فوجی دستے پریڈ میں شرکت کریں گے، آذربائیجان ،بحرین، سعودی عرب اور سری لنکا کا پیراٹروپرز فری فال جمپ کا مظاہرہ کریں گے جبکہ ترکی کے ایف 16 اور چین کے جے 10 طیارے فضائی کرتب دکھائیں گے۔

    مزید پڑھیں: ملائیشین وزیراعظم یوم پاکستان پریڈمیں مہمان خصوصی ہوں گے، ڈی جی آئی ایس پی آر

    یوم پاکستان کی مناسبت سے ہونے والی تقریب کی فل ڈریس ریہرسل کا سلسلہ جاری ہے جبکہ مقامی انتظامیہ نے متبادل ٹریفک پلان اور سیکیورٹی انتظامات کو حتمی شکل دے دی ہے۔

    وفاقی دارالحکومت اسلام آباد میں یوم پاکستان پریڈ کی فل ڈریس ریہرسل میں بری، بحری، فضائی افواج، فرنٹیئر کور اورمجاہد فورس سمیت دیگر سروسز کے دستے پریڈ میں حصہ لے رہے ہیں۔

    پاک فضائیہ کےلڑاکا طیارے، پاک بحریہ اور فوج کے ہیلی کاپٹر فلائی پاسٹ کررہے ہیں جبکہ کسی بھی ناخوشگوار واقعے سے بچنے کےلیے راولپنڈی اسلام آباد میں سیکورٹی کے سخت انتظامات کیےگئے ہیں۔

  • پاک فضائیہ کے لڑاکا طیاروں نے روڈ پر لینڈنگ کرکے دشمن کو پریشان کردیا

    پاک فضائیہ کے لڑاکا طیاروں نے روڈ پر لینڈنگ کرکے دشمن کو پریشان کردیا

    کراچی : پاک فضائیہ کے لڑاکا طیاروں کی روڈ رن وے پر لینڈنگ کا مظاہرہ کیا ، اس مشق کا مقصدپاک فضائیہ کے ہائی ٹیمپو فضائی آپریشنز کے تسلسل کو برقرار رکھنے کی صلاحیت کا مظاہرہ کرنا تھا۔

    تفصیلات کے مطابق پاک فضائیہ کے لڑاکا طیاروں نے آج موٹر وے اور ہائی وے پرمختلف مقامات پر لینڈنگ اور ٹیک آف کاکامیاب مظاہرہ کیا، لینڈنگ کے بعد طیاروں کو موٹر وے پر ہی ایندھن فراہم اور ہتھیاروں سے لیس کیا گیا۔

    اس مشق کا مقصدپاک فضائیہ کے ہائی ٹیمپو فضائی آپریشنز کے تسلسل کو برقرار رکھنے کی صلاحیت کا مظاہرہ کرنا تھا۔

    اس موقع پر وفاقی وزیر برائے مواصلات، مراد سعیدکے علاوہ سینئر ملٹری افسران اور اعلٰی سول عہدیداران بھی اس موقع پر موجود تھے۔

    یاد رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    مزید پڑھیں : پاکستانی حدود کی خلاف ورزی پر بھارتی طیارے مارگرائے، ڈی جی آئی ایس پی آر

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    اس سے قبل 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔

  • 1965 کی جنگ کے ہیروایم ایم عالم کوہم سے بچھڑے 6 برس بیت گئے

    1965 کی جنگ کے ہیروایم ایم عالم کوہم سے بچھڑے 6 برس بیت گئے

    کراچی : پاک بھارت 1965 کی جنگ کے ہیرو اور پاکستان ائیر فورس کے قابل فخر پائلٹ ایم ایم عالم کی آج چھٹی برسی منائی جا رہی ہے۔

    ایم ایم عالم 6 جولائی 1935 کو کلکتہ کے ایک خوشحال اورتعلیم یافتہ گھرانے میں پیدا ہوئے، ثانوی تعلیم 1951 میں سندھ گورنمنٹ ہائی اسکول ڈھاکہ (سابقہ مشرقی پاکستان ) سے مکمل کی، 1952 میں فضائیہ میں آئے اور 2 اکتوبر 1953 کو کمیشنڈ عہدے پرفائز ہوئے۔ ان کے بھائی ایم شاہد عالم نارتھ ایسٹرن یونیورسٹی میں معاشیات کے پروفیسرتھے اور ایک اور بھائی ایم سجاد عالم البانی میں طبعیات دان تھے۔

    ایم ایم عالم پاک فضائیہ کی تاریخ کا درخشندہ ستارہ

    پاک فضائیہ کی تاریخ کا درخشندہ ستارہ محمد محمود عالم المعروف ایم ایم عالم نے 1965 کی پاک بھارت جنگ میں ایسی تاریخ رقم کی جو ہمیشہ یادرکھی جائے گی، بطور پائلٹ ایم ایم عالم نے دشمن کے پانچ طیاروں کوچشم زدن میں زمیں بوس کردیا، انہوں نے مجموعی طور پر نو بھارتی طیاروں کوگرایا، ان کا یہ کارنامہ نہ صرف پاک فضائیہ بلکہ جنگی ہوا بازی کی تاریخ کا بھی ایک معجزہ تصور کیا جاتا ہے۔

    پاک بھارت کی جنگ کے بعد 1967 میں آپ کا تبادلہ بطوراسکواڈرن کمانڈر برائے اسکواڈرن اول کے طور پر ڈسالٹ میراج سوئم لڑاکا طیارہ کے لیے ہوا جو کہ پاکستان ایئرفورس نے بنایا تھا، 1969 میں ان کو اسٹاف کالج کے عہدے سے ہٹا دیا گیا۔ 1972 میں انہوں نے 26ویں اسکواڈرن کی قیادت دو مہینے کے لیے کی۔ 1982 میں ریٹائر ہو کرکراچی میں قیام پذیرہوئے۔

    اسکوارڈن لیڈر محمد محمودعالم کو یہ اعزازحاصل ہے کہ انہوں نے 1965 کی پاک بھارت جنگ میں سرگودھا کے محاذ پرپانچ انڈین ہنٹر جنگی طیاروں کوایک منٹ کے اندراندر مار گرایا جن میں سے چار ابتدائی تیس سیکنڈ کے اندر مارگرائے گئے تھے اوریہ ایک عالمی ریکارڈ تھا۔

    وطن کے اس عظیم ہیرو کو ان کے تاریخ ساز کارنامے پر ستارہ جرأت سے نوازا گیا جبکہ لاہور کے علاقہ گلبرگ میں ایک اہم سڑک کا نام ایم ایم عالم روڈ رکھا گیا۔

    قوم کے یہ قابل فخر سپوت اٹھارہ مارچ دو ہزار تیرہ کو 78 برس کی عمر میں دنیائے فانی سے کوچ کرگئے۔

  • بھارتی طیارے مار گرانے والے پائلٹس کو قومی اسمبلی میں خراج تحسین، قومی ہیروز قرار

    بھارتی طیارے مار گرانے والے پائلٹس کو قومی اسمبلی میں خراج تحسین، قومی ہیروز قرار

    اسلام آباد: قومی اسمبلی میں بھارتی طیارے مار گرانے والے پاک فضائیہ کے پیشہ ور شاہینوں کو خراج تحسین پیش کیا گیا، اجلاس میں پاکستانی پائلٹس کو قومی ہیروز قرار دے دیا گیا۔

    تفصیلات کے مطابق قومی اسمبلی کے اجلاس میں حکومتی اور اپوزیشن رہنماؤں نے مشترکہ طور پر بھارتی طیارے مار گرانے والے پاکستانی جاں باز پائلٹس کو خراج تحسین پیش کیا۔

    [bs-quote quote=”بھارتی طیارے مار گرانے والے پائلٹس حسن صدیقی اور نعمان علی خان کو سلام پیش کرتا ہوں۔” style=”style-8″ align=”left” author_name=”بلاول بھٹو”][/bs-quote]

    اجلاس میں متفقہ طور پر سیاسی رہنماؤں نے حسن صدیقی اور نعمان علی خان کو قومی ہیرو قرار دیا۔

    وزیرِ خارجہ شاہ محمود قریشی نے کہا بھارتی طیارے گرانے والے پائلٹس کو خراج تحسین پیش کرتے ہیں، بھارت کے طیارے حسن صدیقی اور نعمان علی خان نے مار گرائے، بھارتی جارحیت کا پاکستان نے فوری منہ توڑ جواب دیا، دونوں پائلٹس ہمارے قومی ہیروز ہیں۔

    پی پی چیئرمین بلاول بھٹو زرداری نے کہا کہ پاک فضائیہ نے ثابت کیا کہ وہ دنیا کی بہترین ایئر فورس ہے، بھارتی طیارے مار گرانے والے پائلٹس حسن صدیقی اور نعمان علی خان کو سلام پیش کرتا ہوں۔

    یہ بھی پڑھیں:  بھارتی طیاروں کو تباہ کرنے والا پاک فضائیہ کا ہیرو

    مسلم لیگ ن کے رہنما احسن اقبال نے پاکستانی شاہینوں کو ان الفاظ میں خراجِ تحسین پیش کیا کہ پاکستان آج ان شاہینوں کی وجہ سے بلند فضاؤں کو چھو رہا ہے۔

    [bs-quote quote=”دونوں پائلٹس ہمارے قومی ہیروز ہیں۔” style=”style-8″ align=”right” author_name=”شاہ محمود قریشی”][/bs-quote]

    یاد رہے کہ 27 فروری کو بھارتی فضائیہ کے طیارے پاکستانی حدود میں داخل ہو کر دوسری مرتبہ دراندازی کے مرتکب ہوئے، تاہم اس بار پاک فضائیہ کے شاہینوں نے انھیں واپس جانے کی مہلت نہیں دی اور دو طیارے مار گرائے، جن میں سے ایک آزاد کشمیر اور دوسرا مقبوضہ کشمیر میں گرا، اور ایک بھارتی پائلٹ بھی زندہ پکڑا گیا۔

    بھارتی پائلٹ ونگ کمانڈر ابھی نندن کے طیارے مگ 21 کو اسکواڈرن لیڈر حسن صدیقی نے مار گرایا، جب کہ دوسرا طیارہ ونگ کمانڈر نعمان علی خان نے گرایا۔

    پاک فضائیہ کے اسکواڈرن لیڈر حسن محمود صدیقی کو صدارتی تمغا حسن کارکردگی اور تمغا جرأت دینے کے مطالبے کی قرارداد پنجاب اسمبلی میں جمع کرائی جا چکی ہے۔

  • وزیراعلیٰ گلگت بلتستان کا پاک فضائیہ کے بھرپورجواب پرخراج تحسین

    وزیراعلیٰ گلگت بلتستان کا پاک فضائیہ کے بھرپورجواب پرخراج تحسین

    گلگت: وزیراعلیٰ گلگت بلتستان حافظ حفیظ الرحمان نے کہا کہ پاکستان خودمختاری، سالمیت، عزت و وقارپرسمجھوتہ نہیں کرے گا۔

    تفصیلات کے مطابق زیراعلیٰ گلگت بلتستان حافظ حفیظ الرحمان نے پاک فضائیہ کے بھرپورجواب پر خراج تحسین پیش کرتے ہوئے کہا کہ بھارت کواس کی جارحیت کا جواب مل گیا۔

    انہوں نے کہا کہ اب بھی وقت ہے مودی دانشمندی کی راہ اپنائے، یہ بھارت کے لیے پیغام ہے وہ جنگی جنون، منفی سوچ ترک کردے۔

    وزیراعلیٰ گلگت بلتستان نے کہا کہ پاکستان کی مسلح افواج نے ثابت کردیا دفاع کرنے کی صلاحیت ہے، پاکستان خودمختاری، سالمیت،عزت ووقارپرسمجھوتہ نہیں کرے گا۔

    پاکستانی حدود کی خلاف ورزی پر بھارتی طیارے مارگرائے، آئی ایس پی آر

    یاد رہے کہ گزشتہ روز پاک فضائیہ کے لڑاکا طیاروں نے بھارت کو بھرپور جواب دیتے ہوئے 2 طیارے مار گرائے تھے جبکہ ایک پائلٹ کو بھی گرفتار کرلیا تھا۔

    ترجمان پاک فوج کا کہنا تھا کہ بھارتی طیاروں کو پاکستانی فضائی حدود میں نشانہ بنایا گیا، ایک بھارتی طیارہ آزاد جموں کشمیر اور دوسرا مقبوضہ کشمیر کی حدود میں گرا۔

    واضح رہے کہ دو روز قبل بھارت کے طیاروں نے پاکستانی حدود کی خلاف ورزی کی تھی جس پر پاکستانی طیاروں نے بروقت ردعمل دیا تو بھارتی طیارے اپنا پے لوڈ لائن آف کنٹرول کے علاقے جبہ میں گراتے ہوئے فرار ہوگئے تھے۔

  • بھارتی وزارتِ خارجہ نے اپنے طیارے کے نقصان کا اعتراف کرلیا

    بھارتی وزارتِ خارجہ نے اپنے طیارے کے نقصان کا اعتراف کرلیا

    نئی دہلی: بھارتی وزارت خارجہ نے پاکستانی ایئر فورس کے ہاتھوں اپنا طیارہ تباہ ہونے اور فوجی تنصیبات کو نشانہ بنانے کا اعتراف کرلیا۔

    تفصیلات کے مطابق بھارتی وزارت خارجہ کے ترجمان رویش کمار نے انتہائی مختصر پریس کانفرنس کی ، پاکستان کی فاتحانہ کارروائیوں کا اعتراف کیا اور بغیر سوال و جواب کے روانہ ہوگئے۔

    رویش کمار نے اعتراف کیا کہ پاکستان نے ایئر فورس نے ان کی تین ملٹری تنصیبات کو نشانہ بنایا ہے۔ انہوں نے تصدیق کی کہ ان کا ایک مگ 21 طیارہ تباہ ہوچکا ہے۔

    انہوں نے کہا کہ پاکستان اور بھارتی فضائیہ کا ٹکراؤ  ہوا جس میں  ان کا مگ 21 طیارہ گر کر تباہ ہوگیا۔ پائلٹ کے بارے میں انہوں نے کہا کہ وہ لاپتہ ہے، اور اس کے پاکستانی تحویل میں ہونے کی اطلاعات کی تصدیق کی جارہی ہے۔

    یاد ر ہے کہ آج صبح  پاکستانی ایئر فور س نے بھارتی فضائیہ کے دو طیارے مار گرائے تھے ۔ ان میں سے ایک مقبوضہ کشمیر میں گرا جبکہ ایک پاکستان کی جانب آزاد کشمیر میں گرا۔ پاکستانی جانب گرنےو الے جہاز کے دونوں پائلٹ حراست میں لے لیے گئے ہیں۔

    بھارت جان لے، جنگ مسلط کی تو بھرپور جواب دینے کی صلاحیت رکھتےہیں

    پاک فوج  نے بھارتی پائلٹ کو میڈیا کے سامنے پیش کردیا

    ڈی جی آئی ایس پی آر جنرل آصف غفور نے اپنی پریس کانفرنس میں  بھارت کے ایک پائلٹ کی ویڈیو پیش کی جس میں وہ اپنا نام ابھینندن بتا رہا ہےاور ساتھ ہی ساتھ اپنا عہدہ اور سروس نمبر بھی بتارہا ہے۔

    دوسرے پائلٹ کے بارے میں پاک فوج کے ترجمان نے بتایا کہ وہ زخمی ہے اور اس کا سی ایم ایچ میں علاج کیا جاچکا ہے۔ انہوں نے یہ بھی کہا کہ بھارتی پائلٹس کے ساتھ بالکل ویسا ہی سلوک کیا جارہا ہے جیسا کہ کوئی مہذب قوم کرسکتی ہے۔

    آج صبح کے واقعے کے تناظر میں بھارتی میڈیا کی جانب سے دعویٰ کیا جارہا تھا کہ ان کی ایئر فورس نے   پاکستانی ایف 16 کو نشانہ بنایا ہے۔ میجر جنرل آصف غفور نے اس بات کی نفی کی تھی اور بھارتی ترجمان نے بھی اپنی پریس بریفنگ میں اس نوعیت کا کوئی دعویٰ نہیں کیا۔

    یاد رہے گذشتہ روز بھارتی دراندازی کے بعد وزیراعظم عمران خان کی زیرصدارت قومی سلامتی سے متعلق اجلاس ہوا تھا، جس میں وزیراعظم نے پاک فضائیہ کے بروقت ایکشن کی تعریف کرتے ہوئے پاک فوج اور عوام کو تیار رہنے کی ہدایت کی تھی اور کہا تھا کہ جوابی کارروائی کیلئے پاکستان وقت اور جگہ کا انتخاب خود کرے گا۔

    گزشتہ روزبھارتی طیارے مظفرآباد سیکٹر میں جبہ کے مقام پر دراندازی کی کوشش کی تھی اورمظفرآباد سیکٹر میں تین سے چارمیل اندر آئے تھے ، پاک فضائیہ نے انہیں وارننگ دی تھی جس کے بعد  بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا تھا۔

  • شرمندہ بھارتی افواج نے اپنی ویب سائٹ بند کردی

    شرمندہ بھارتی افواج نے اپنی ویب سائٹ بند کردی

    بھارتی مسلح افواج کے تمام تر شعبہ جات کی اطلاعات فراہم کرنے والی ویب سائٹ بھارت رکشک بند کردی گئی ہے، آج پاکستان نے بھارتی فضائیہ کے دو طیارے مار گرائے ہیں۔

    تفصیلات کے مطابق یہ ویب سائٹ سنہ 1997 میں بھارتی افواج کی سرگرمیوں کی اطلاعات فراہم کرنے کے لیے بنائی گئی تھی ۔ آج صبح سے یہ ویب سائٹ بند پڑی ہے۔

    آج صبح پاکستان نے اپنی سرحدی حدود میں در اندازی کرنے والے دو بھارتی طیارے مار گرائے تھے ، اور دو پائلٹس کو اپنی حراست میں لے لیا تھا۔

    ڈی جی آئی ایس پی آر میجر جنرل آصف غفور نے پریس کانفرنس میں بھارتی پائلٹ کی ویڈیو بھی جاری کردی تھی جس میں وہ اپنا نام اور سروس نمبر بھی بتارہا ہے۔

    ویڈیو میں دیکھا جاسکتا ہے کہ بھارتی ایئر فورس کے یونی فارم میں ملوث بھارتی فضائیہ کا افسر خود اعتراف کررہا ہے کہ وہ بھارتی ایئر فورس کا ونگ کمانڈر ہے۔ ویڈیو میں اس نے اپنا نام ابھی نندن بتا یا ہے اور اپنا سروس نمبر 27981 بتایا ہے۔

    اس پریس کانفرنس کے بعد دنیا بھر سے بڑی تعداد میں انٹرنیٹ صارفین نے بھارتی ملٹری کی ویب سائٹس کا رخ کیا۔

    بھارت رکشک کا لنک

    بھارت رکھ شک بھارتی افواج کے تمام شعبہ جات کا مشترکہ کنسورشیم ہے جہاں بھارتی افواج اپنے کارنامے بڑھا چڑھا کر بیان کرتی ہیں ۔ لیکن آج بھارت کے پاس دنیا کے بتانے کے لیے کچھ نہیں ہے اس لیے دنیا بھر میں یہ ویب سائٹ بند ہے۔ دیکھنا یہ ہے کہ خود کو آئی ٹی کے میدان میں ٹائیگر کہنے والا بھارت کب تک اپنی فوج کی ویب سائٹ بحال کرسکے گا۔

    یاد رہے کہ پاکستان نے بارہا یہ باور کرایا ہے کہ ہم ایک امن پسند ملک اورذمہ دار ایٹمی طاقت ہیں، بھارت ہماری امن پسندی کو کمزوری نہ سمجھے اور طاقت کے استعمال سے گریز کرے۔

  • جوابی کارروائی کیلئے پاکستان وقت اور جگہ کا انتخاب خود کرے گا، وزیراعظم عمران خان

    جوابی کارروائی کیلئے پاکستان وقت اور جگہ کا انتخاب خود کرے گا، وزیراعظم عمران خان

    اسلام آباد : وزیراعظم عمران خان نے پاک فضائیہ کے بروقت ایکشن کی تعریف کرتے ہوئے پاک فوج اور عوام کو تیار رہنے کی ہدایت کردی اور کہا جوابی کارروائی کیلئے پاکستان وقت اور جگہ کا انتخاب خود کرے گا۔

    تفصیلات کے مطابق وزیراعظم عمران خان کی زیرصدارت قومی سلامتی اجلاس کا اعلامیہ جاری کردیا گیا ، اعلامیہ میں وزیراعظم عمران خان نے پاک فضائیہ کے بروقت ایکشن کی تعریف کی اور پاک فوج اور عوام کو تیار رہنے کی ہدایت کردی ہے۔

    وزیراعظم کا کہنا ہے کہ جوابی کارروائی کیلئے پاکستان وقت اور جگہ کا انتخاب خود کرے گا۔

    اعلامیہ میں کہا گیا ہے کہ وزیراعظم نے عالمی رہنماؤں کوبھارت کےغیرذمہ دارانہ رویے سے آگاہ کرنے کا فیصلہ کیا اور نیشنل کمانڈ اتھارٹی کااجلاس کل طلب کرلیا ہے۔

    بھارت کےخودساختہ دعوے یکسر مسترد

    اجلاس میں بھارت کے خود ساختہ دعوے یکسر مستردکردیئے گئے  اور کہا گیابھارتی اقدام مقامی سطح پرہونےوالےانتخابات کیلئےفائدہ اٹھانےکی کوشش ہے، اس سے علاقائی امن واستحکام کو شدید خطرات لاحق ہوئے ہیں۔

    دراندازی کی جگہ بین الاقوامی اور مقامی میڈیا کیلئے اوپن کرنے کا اعلان

    حکومت نے دراندازی کی جگہ بین الاقوامی اور مقامی میڈیا کیلئے اوپن کرنے کا اعلان کردیااور کہا عالمی برادری خود آکر زمینی حقائق دیکھیں۔

    پوری قوم کو اعتماد میں لینے کیلئے پارلیمنٹ کا مشترکہ اجلاس بلانے کا اعلان

    اجلاس میں پوری قوم کو اعتماد میں لینے کیلئے پارلیمنٹ کا مشترکہ اجلاس بلانے کا اعلان بھی کیا گیا، اجلاس میں چیئرمین جوائنٹ چیفس اسٹاف کمیٹی ،تینوں افواج کےسربراہان کی شرکت کریں گے جبکہ وزرائےخارجہ، دفاع، خزانہ اور دیگر سول و ملٹری حکام بھی شریک ہوں گے۔

    یاد رہے وزیراعظم عمران خان کی زیرصدارت بھارتی طیاروں کی دراندازی پر قومی سلامتی سےمتعلق اجلاس ہوا ، اجلاس میں عسکری حکام ، وزیر خارجہ شاہ محمود قریشی اوروزیر دفاع پرویز خٹک شریک ہوئے۔

    قومی سلامتی سےمتعلق اجلاس میں پاک فضائیہ کےاعلیٰ حکام نے بھارتی طیاروں کی دراندازی سے متعلق وزیراعظم کو بریفنگ دی اور آئندہ کے لائحہ عمل پر غور کیا گیا۔

    واضح رہے بھارتی ایئرفورس کی جانب سے لائن آف کنٹرول کی خلاف ورزی کی گئی ، پاک فضائیہ کی بروقت ردعمل کے بعد بھارتی طیارے فرار ہوگئے۔

    مزید پڑھیں : لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    ڈی جی آئی ایس پی آر میجرجنرل آصف غفور کا کہنا تھا کہ بھارتی طیاروں نے مظفرآباد سیکٹر سے دراندازی کی کوشش کی اور مظفر آباد سیکٹر میں تین سے چارمیل اندر آئے، بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا۔

    آئی ایس پی آرنے بھارتی طیاروں کی جانب سےجلدبازی میں پھینکےگئے پےلوڈکی تصاویرجاری بھی کی۔

    خیال رہے گذشتہ ہفتے وزیرِ اعظم کی زیرِ صدارت قومی سلامتی کمیٹی کے اجلاس میں بھارت کی جانب سے کسی بھی جارحیت کا منہ توڑ جواب دینے کا فیصلہ کیا گیا تھا۔

    قومی سلامتی اجلاس میں وزیرِ اعظم پاکستان نے مسلح افواج کو بھارت کی جانب سے کسی بھی جارحیت کا بھرپور جواب دینے کا اختیار دے دیا تھا اورکہا تھا کہ  یہ نیا پاکستان ہے، ریاست اپنے لوگوں کا تحفظ یقینی بنائے۔