ARYNews.tv | Urdu – Har Lamha Bakhabar

Tag: پاک فوج

  • پاک فوج کے جوان نے ایشین انڈویژول اسکواش چیمپئن شب میں گولڈ میڈل جیت لیا

    پاک فوج کے جوان نے ایشین انڈویژول اسکواش چیمپئن شب میں گولڈ میڈل جیت لیا

    جنوبی کوریا کے شہر گِمچیون میں جاری 32 ویں ایشین جونیئر انڈویژول اسکواش چیمپئن شپ میں شاندار کارکردگی کا مظاہرہ کرتے ہوئے پاکستان کے کھلاڑی نے گولڈ میڈل جیت لیا۔

    تفصیلات کے مطابق کوریا میں 32ویں ایشین جونیئر انڈیویل  اسکواش چیمپئن شپ کا انعقاد کیا گیا جس میں پاکستان کے 10 کھلاڑیوں نے حصہ لیا، ان میں سے 2 کا تعلق پاک فوج سے تھا۔

    پاکستان آرمی کے نعمان خان نے بوائز انڈر 15 میں گولڈ میڈل حاصل کیا ہے، چیمپین شپ میں 11 مختلف ممالک کے کھلاڑیوں نے حصہ لیا۔

    جونیئر انڈویژول اسکواش چیمپئن شپ میں حصہ لینے والوں میں تھائی لینڈ، ایراق، ملیشیا، سری لنکا، انڈیا، ساؤتھ کوریا، ایران، متحدہ عرب امارات،کویت اور سعودی عرب کےکھلاڑی شامل ہیں۔

    اس سے قبل بوائز انڈر-19 کیٹیگری میں تھرڈ سیڈ عبداللہ نواز نے ہانگ کانگ کے وونگ ونگ کوئن کو 4-11، 6-11 اور 6-11 سے اسٹریٹ سیٹس میں شکست دی تھی۔

    سیمی فائنل میں رسائی کیلئے بوائز انڈر-15 میں فرسٹ سیڈ نعمان خان نے بھارت کے ہرشل رانا کو 6-11، 5-11، 7-11 سے ہرایا تھا، جبکہ پاکستان کے احمد ریان خان نے ملیشیا کے ارمٰن مرزہ بن اشرف کو 7-11، 3-11، 3-11 سے با آسانی شکست دی تھی۔

  • معرکہ حق میں پاک فوج کے شہدا کے ورثا اور زخمیوں کے لیے بڑے پیکج کا اعلان

    معرکہ حق میں پاک فوج کے شہدا کے ورثا اور زخمیوں کے لیے بڑے پیکج کا اعلان

    وزیراعظم شہباز شریف نے بھارت کو منہ توڑ جواب دینے والے معرکہ حق میں پاک فوج کے شہدا کے ورثا کے لواحقین اور زخمیوں کے لیے پیکج کا اعلان کیا ہے۔

    اے آر وائی نیوز کے مطابق وزیراعظم شہباز شریف نے مظفر آباد میں بھارتی جارحیت میں شہید ہونے والے شہریوں کے لواحقین میں امدادی رقوم کی تقسیم کی تقریب سے خطاب کرتے ہوئے افواج پاکستان کے شہدا اور زخمیوں کے لیے پیکیج کا اعلان کیا۔

    وزیراعظم نے کہا کہ افواج کے شہدا کے ورثا کو ایک کروڑ سے ایک کروڑ 80 لاکھ کی رقم دی جائے گی۔ لواحقین کو گھر کی سہولت کے لیے ایک کروڑ 90 لاکھ روپے سے 4 کروڑ 20 لاکھ روپے تک دیے جائیں گے۔

    شہباز شریف نے کہا کہ شہدا کی ریٹائرمنٹ کی تاریخ تک انکی مکمل تنخواہ جاری رہے گی۔ اس کے علاوہ ان کے بچوں کو گریجویشن تک مفت تعلیم دی جائے گی۔

    وزیراعظم نے پاک فوج کے زخمیوں کے لیے 20 سے 50 لاکھ روپے فی کس دینے کا اعلان کیا۔

    انہوں نے بھارتی جارحیت میں شہید ہونے والے شہریوں کے ورثا کو ایک کروڑ اور زخمیوں کو 10 سے 20 لاکھ روپے دینے کا بھی اعلان کیا۔

    https://urdu.arynews.tv/pm-shehbaz-sharif-address-in-muzaffarabd/

  • پاک فوج کو خراجِ تحسین پیش ، پاکستانیوں نے رافیل کو تباہ والے طیارے جے 10 سی کا انسانی ماڈل بنا ڈالا

    پاک فوج کو خراجِ تحسین پیش ، پاکستانیوں نے رافیل کو تباہ والے طیارے جے 10 سی کا انسانی ماڈل بنا ڈالا

    جھنگ : پاکستانیوں نے رافیل کوتباہ اوربھارت کوشرمسار کرنے والے طیارے جے ٹین سی کا انسانی ماڈل بناڈالا اور پاک فوج کو خراج تحسین پیش کیا۔

    تفصیلات کے مطابق دشمن بھارت کا غرورخاک میں ملانے پر جھنگ کے شہریوں نے مسلح افواج کو خراج تحسین پیش کرتے ہوئے رافیل کو تباہ اور بھارت کو شرمسار کرنے والے طیارے جے ٹین سی کا انسانی ماڈل بنایا۔

    دربارسلطان باہو پر جذبہ حب الوطنی کا فقیدالمثال مظاہرہ کیا گیا، ہزاروں افراد نے مل کرافواج پاکستان کوخراج تحسین اوردوست ممالک کا شکریہ ادا کیا، اس دوران "پاکستان کامطلب کیا لا الہ الا اللہ” کےنعروں سے فضا گونجتی رہی۔

    چین، ترکیہ،آذربائیجان اورسعودی عرب سمیت پاکستان کا ساتھ دینے والے تمام ممالک کا شکریہ ادا کیا گیا، اس موقع پر خطاب میں صاحبزادہ سلطان احمد علی کا کہناتھاکہ نہرو کی طرح مودی نے بھی جنگ بندی کی بھیک مانگی۔

    واضح رہے کہ چین، ترکی اور آذربائیجان نے بھارت کے سرحد پار سے میزائل حملوں کے بعد کھل کر پاکستان کی حمایت کا اظہار کیا تھا جس کے نتیجے میں شہری ہلاکتیں ہوئیں۔

    دریں اثنا، سعودی عرب، ایران، متحدہ عرب امارات اور قطر سمیت خلیجی ممالک نے نہ صرف کشیدگی کو کم کرنے کے لیے کام کیا بلکہ پاکستان کے لیے اپنی سفارتی اور اخلاقی حمایت کا اعادہ بھی کیا۔

  • پاک فوج نے کراچی کے رہائشی ننھے عثمان عقیل کی خواہش پوری کردی

    پاک فوج نے کراچی کے رہائشی ننھے عثمان عقیل کی خواہش پوری کردی

    پاک فوج نے کراچی کے رہائشی ننھے عثمان عقیل کی خواہش پوری کردی، مہلک مرض میں مبتلا بچے کو ہیڈکوارٹرز میں مدعو کیا گیا۔

    عثمان عقیل کالسی فیلیائسز کے مہلک مرض میں مبتلا ہیں، ننھے معصوم بچے نے پاک فوج میں بطور افسر ایک دن گزارنے کی درخواست کی تھی، کورکمانڈر کراچی لیفٹیننٹ جنرل اویس دستگیر نے ننھے عثمان عقیل کو ہیڈ کوارٹرز میں مدعوکیا۔

    کورکمانڈر نے بچے کے جذبے کو سراہا اور اس کو خراج تحسین پیش کیا، بچے نے والدہ کے ہاتھوں کیپٹن کے عہدے کے رینک لگائے اور پاک فوج کے ساتھ دن گزارا۔

    ننھے عثمان عقیل کو پاک فوج کے زیراستعمال مختلف ہتھیاروں کے فائر کروائے گئے، عثمان عقیل کو پاک فوج کی ٹریننگ اور آپریشنز کے طریقہ کار سے بھی آگاہی دی گئی۔

    ننھے عثمان عقیل کا کہنا تھا کہ آج پاک فوج میں شامل ہونے کی میری خواہش پوری ہوگئی، میں کور کمانڈر کراچی کا شکرگزار ہوں جنھوں نے مجھے یہ موقع فراہم کیا۔

    عتمان عقیل نے مزید کہا کہ پاک فوج نے جس طرح بھارت کو دھول چٹائی اس کی مثال نہیں ملتی، پاکستان کا بچہ بچہ اپنی پاک افواج کے شانہ بشانہ ہے، ہردم دشمن سے مقابلے کیلئے تیار ہے۔

  • 10 مئی کو ہمیشہ یاد رکھا جائے گا: مایا علی

    10 مئی کو ہمیشہ یاد رکھا جائے گا: مایا علی

    پاکستان شوبز انڈسٹری کی معروف اداکارہ و ماڈل مایا علی کا کہنا ہے کہ 10 مئی 2025 ہمیشہ یاد رکھا جائے گا۔

    مایا علی نے فوٹوز اینڈ ویڈیوز شیئرنگ ایپ انسٹاگرام پر جاری اپنے پیغام میں کہا کہ 10 مئی 2025 ایک ایسا دن جو ہمیشہ یاد رکھا جائے گا، جنگ بندی دونوں اطراف کے لیے امن لاتی ہے۔

    انہوں نے کہا کہ جیسا کہ میں ہمیشہ کہتی رہی ہوں کہ جنگ کبھی بھی حل نہیں تھی، اداکارہ پاکستان کی مسلح افواج اور ان بہادر سپاہیوں کو بھی خراجِ تحسین پیش کیا جو فرنٹ لائن پر ڈٹے رہے۔

    مسلح افواج کی تعریف کرتے ہوئے انہوں نے مزید کہا کہ ہمیں اپنی مسلح افواج پر فخر ہے، پاکستان زندہ باد، انہوں نے تکلیف برداشت کی اور قوم کے لیے کامیابی حاصل کی۔

     

    View this post on Instagram

     

    A post shared by Maya Ali (@official_mayaali)

    واضح رہے کہ 22 اپریل کو بھارت نے پاکستان پر سری نگر کے پہلگام میں اپنے سیاحوں پر حملہ کرنے کا الزام عائد کیا، پاکستان نے فوری طور پر الزامات کو مسترد کرتے ہوئے تحقیقات کی پیشکش کی جسے بھارت نے نظر انداز کر دیا۔

    بعد ازاں بھارت نے پاکستان پر حملہ کیا اور بھارت نے 6 اور 7 مئی کی درمیانی شب پاکستان پر فضائی حملہ کیا جس کا پاکستان نے بروقت اور موثر جواب دیا اور رات کی تاریکی میں میزائل حملوں میں معصوم شہریوں کو نشانہ بنانے والے بھارت کے 5 جنگی طیارے پاک فضائیہ نے مار گرائے، جن میں جدید طرز کے تین فرانسیسی جنگی طیارے رافیل بھی شامل ہیں۔

    لیکن جنگی جنون میں مبتلا بھارت پھر بھی نہ رکا اور اس نے پاکستان کے بڑے شہروں پر ڈرون حملہ کیا جسے پاکستان کی افواج نے نہ صرف ناکارہ کیا بلکہ اس سے جواب میں بھارت کے خلاف آپریشن کیا جس میں پاکستان کو کامیابی ملی۔

    پاکستان کے مسلح افواج کے کامیاب آپریشنز کو دنیا بھر نے سراہا جبکہ پاکستانی بھی اپنی فوج کو خراج تحسین پیش کر رہی ہے۔

  • خنجراب بارڈر پر چین اور پاک فوج کے جوانوں کا رقص، مغربی سیاح نے ویڈیو شیئر کردی

    خنجراب بارڈر پر چین اور پاک فوج کے جوانوں کا رقص، مغربی سیاح نے ویڈیو شیئر کردی

    مغربی سیاح نے خنجراب بارڈر کراسنگ پر چینی فوج اور پاکستانی فوج کی ایک ساتھ رقص کرنے کی ویڈیو شیئر کی ہے۔

    نہ کوئی تناؤ، نہ بندوقیں تنی ہوئی، بس مسکراہٹیں، تالیاں، اور سرحدی فضاؤں میں گونجتی ہنسی کی ایک ویڈیو سوشل میڈیا پر وائرل ہورہی ہے جسے ایک مغربی سیاح نے شیئر کرتے ہوئے حیرانگی کا اظہار کیا ہے۔

    سیاح کی جانب سے شیئر کی جانے والی ویڈیو میں دیکھا جاسکتا ہے کہ خنجراب بارڈر پر پاکستان اور چین کے فوج رقص کررہے ہیں، مغربی سیاح نے یہ دل چھو لینے والے لمحے کو کیمرے میں محفوظ کر لیے۔

    ویڈیو میں دیکھا جا سکتا ہے کہ وردی میں ملبوس فوجی آپس میں گھل مل کر رقص کر رہے ہیں، سیاح نے کہا کہ دو ہمسایہ ممالک، جنہیں اکثر دنیا صرف اسٹرٹیجک مفادات کے تناظر میں دیکھتی ہے لیکن یہاں دوستی، ہم آہنگی اور امن کی زبان بولتے دکھائی دیے۔

    غیر ملکی سیاح نے ویڈیو بنائی اور سادہ مگر اثر انگیز الفاظ میں لکھا "سرحدیں زمینیں بانٹتی ہیں، دل نہیں، ساتھ ہی سیاح نے پاک فوج کے جوانوں کی تعریف بھی کی ہے۔”

  • عالمی سطح پر پاک فوج نے بھارت پر اپنی برتری ثابت کردی

    عالمی سطح پر پاک فوج نے بھارت پر اپنی برتری ثابت کردی

    بین الاقوامی جریدے "دی نیشنل انٹرسٹ” نے بھی پاک فوج کی برتری کو تسلیم کر لیا ہے، جو اس تاریخی کامیابی کا عالمی اعتراف ہے۔

    تفصیلات کے مطابق عالمی سطح پر پاک فوج نے بھارت پراپنی برتری ثابت کردی ہے، دی نیشنل انٹرسٹ کا کہنا ہے پانچ بھارتی جنگی طیاروں کو مار گرانا پاکستان کی زبردست کامیابی ہے۔

    دی نیشنل انٹرسٹ کے مطابق پاک فضائیہ نے جے 10 سی طیاروں اور پی ایل ففٹین میزائلوں کی مدد سے بھارتی فضائیہ کو بھاری نقصان پہنچایا ہے۔

    جریدے کا کہنا ہے رافیل جیسے جدید بھارتی جنگی طیارے تباہ ہونا بھارت کےلیے ناقابلِ تلافی دھچکا ہے، دفاعی ماہرین کے مطابق پاکستان کی دفاعی طاقت اور عسکری حکمت عملی نے بھارت کے غرور کو خاک میں ملا دیا، دشمن کو سبق سکھانا پاک فوج خوب جانتی ہے، اور حالیہ فتح اس کی روشن مثال ہے

    جنگ بندی کی خواہش بھارت کی تھی، پاکستان نے سیزفائر کی درخواست نہیں کی، ڈی جی آئی ایس پی آر

    دوسری جانب بھارتی میڈیا نے پاکستان کیخلاف جارحیت کے دوران گمراہ کُن پروپیگنڈا کیا جو عالمی نشریاتی ادارے ڈی ڈبلیو نے فیکٹ چیک کے ساتھ بھارتی اکاؤنٹس سے شیئر ہونے والی ویڈیوز کو جھوٹا ثابت کردیا۔

    ڈی ڈبلیو نے کہا کہ کچھ دن پہلے بھارتی سوشل میڈیا اکاؤنٹ سے پاکستان کے شہر سیالکوٹ پر حملے کی ویڈیو شیئر کی گئی، بھارتی سوشل میڈیا پر شیئر کی گئی سیالکوٹ پر حملے کی یہ ویڈیو جھوٹ پرمبنی ہے، ویڈیو ایک ماہ پرانی اور ممبئی میں گیس سلنڈر کے ہونے والے دھماکے کی تھی۔

  • پاک فوج نے دنیا کو پیغام دے دیا کہ ہمیں ہلکا نہ لیا جائے، بہروز سبزواری

    پاک فوج نے دنیا کو پیغام دے دیا کہ ہمیں ہلکا نہ لیا جائے، بہروز سبزواری

    کراچی: پاکستان شوبز انڈسٹری کے سینئر اداکار بہروز سبزواری نے کہا ہے کہ پاک فوج نے دنیا کو واضح پیغام دے دیا ہے کہ ہمیں ہلکا نہ لیا جائے۔

    یہ بات انہوں نے اے آر وائی نیوز کی خصوصی ٹرانسمیشن میں میزبان وسیم بادامی سے گفتگو کرتے ہوئے کہی، انہوں نے کہا کہ اللہ کا بہت بڑ اکرم ہے کہ اس نے ہمیں عزت سے نوازا۔

    ایک سوال کے جواب میں بہروز سبزواری کا کہنا تھا کہ یہ بات بہت اہم ہے کہ پاک بھارت کشیدگی کے پس منظر میں بھارت کے ساتھ اسرائیل بھی تھا اور پاکستان کی اس کامیاب کارروائی کے بعد اسرائیل کو بھی ایک واضح پیغام پہنچ گیا۔

    بہروز سبزواری نے کہا کہ میں پاک فوج کو خراج تحسین اور سلام پیش کرتا ہوں کہ انہوں نے ہمارے سر فخر سے بلند کردیئے اور ساتھ ہی اے آر وائی نیوز کی ٹرانسمیشن بھی قابل تعریف ہے۔

    سینئر اداکار کا مزید کہنا تھا کہ پاکستان نے جو جوابی کارروائی کی بہت کمال کا کام ہے اور یہ مسئلہ کشمیر کو حل کرنے کا بہترین موقع ہے کہ اس کا فیصلہ ہوجانا چاہیے۔

    پاک بھارت کشیدگی سے متعلق تمام خبریں

    خیال رہے کہ پاک فوج کی جانب سے گزشتہ صبح شروع کیے گئے آپریشن بُنیان مّرصُوص میں زبردست کارروائی دیکھ کر دشمن دہشت میں آگیا اور اپنے ہونے والے پے در پے نقصانات کو دیکھتے ہوئے بھارت سیز فائر پر مجبور ہونا پڑا۔

  • پاک فوج نے مزید 6 اسرائیلی ساختہ بھارتی ڈرون تباہ کردیئے

    پاک فوج نے مزید 6 اسرائیلی ساختہ بھارتی ڈرون تباہ کردیئے

    راولپنڈی : پاک فوج نے وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیئے، اب تک دشمن کے پینتیس ڈرونز تباہ کیے جاچکے ہیں۔

    اے پی پی کے مطابق پاک فوج دراندازی کرنے والے بھارتی ڈرونز کو چن چن کر نشانہ بنارہی ہے، وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیے گئے۔

    سیکیورٹی ذرائع نے بتایا کہ ایک ڈرون وہاڑی ، ایک پاکپتن جبکہ 4 ڈرونز کو اوکاڑہ میں تباہ کیا گیا، اب تک دشمن کے پینتیس ڈرونز تباہ کیے جاچکے ہیں۔

    ڈی جی آئی ایس پی آر کا کہنا ہےتمام ڈرونز مسلسل ریڈارپر مانیٹر کئے جا رہے تھے، پاکستان کا دفاعی نظام اور ایئر ڈیفنس سسٹم دشمن کے حملے مسلسل ناکام بنا رہا ہے، ہروپ ڈرون کی ٹریکنگ سے واضح ہے پاکستان کادفاعی اور ایئرڈیفنس سسٹم انتہائی مضبوط ہے۔

    ہمارے ایئرڈیفنس سسٹم میں اتنی صلاحیت ہے کہ چھوٹے ڈرونز بھی ٹریک کرلیتا ہے، جب بھی ڈرون آتا ہےتو وہ مسلسل ریڈار پر دیکھا جارہا ہوتا ہے،شہری علاقوں،کمرشل فلائٹس کی موجودگی میں ڈرون مار گرانے کا آپریشنل طریقہ کارہے۔

    پاک بھارت کشیدگی سے متعلق تمام خبریں

    یاد رہے گذشتہ روز بھارت کی جانب سے بھیجے گئے ڈرونز کے ذریعے متعدد بار پاکستانی حدود کی خلاف ورزیاں کیں، جنہیں پاک فوج نے مؤثر جواب دیتے ہوئے ناکام بنایا تھ۔ا۔

    ترجمان پاک فوج نے بتایا تھا کہ پاک فوج نے مجموعی طور پر 29 اسرائیلی ڈرون مار گرائے، جس میں سے ایک ڈرون ٹارگت پر پہنچا جس سے 4 فوجی زخمی ہوئے، بھارتی ڈرونز حملے میں تین سویلینز کی شہادت ہوئی اور 4 زخمی ہوئے۔

    ترجمان کا کہنا تھا کہ بھارت کو اپنے سنیما سے نکل کر حقیقی دنیا میں آنا ہوگا، دنیا کو بے وقوف بنانا بند کرے، 18ویں نہیں 21ویں صدی ہے جہاں ہر پروجیکٹائل اپنی ڈیجیٹل پاتھ چھور جاتا ہے۔

  • پاک فوج نے بھارت کی جانب سے بھیجے گئے 25 اسرائیلی ساختہ ہیروپ ڈرونز مار گرائے

    پاک فوج نے بھارت کی جانب سے بھیجے گئے 25 اسرائیلی ساختہ ہیروپ ڈرونز مار گرائے

    راولپنڈی : افواج پاکستان نے بھارت کی جانب سے بھیجے گئے 25 اسرائیلی ساختہ ہیروپ ڈرونز مار گرائے، یہ بزدلانہ حملہ بھارت کی پریشانی اور بوکھلاہٹ کی نشانی ہے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا کہ افواج پاکستان نے اب تک 25اسرائیلی ساختہ ہیروپ ڈرونز مارگرائے، افواج پاکستان نےسافٹ اور ہارڈ کل کی بدولت ڈرونز مارگرائے.

    آئی ایس پی آر کا کہنا تھا کہ بھارت کے 7،6مئی کےبزدلانہ حملےمیں 5 جدید طیاروں، ڈرونز اور متعددپوسٹوں کو تباہ کیاگیا، بھارت بوکھلاہٹ میں اسرائیلی ساختہ ہیروپ ڈرونز سے پاکستان پر حملہ کر رہا ہے، یہ بزدلانہ حملہ بھارت کی پریشانی اور بوکھلاہٹ کی نشانی ہے۔

    ترجمان نے کہا کہ لائن آف کنٹرول پربھی بھارت کوبھرپور نقصان ہوااورمزید بھی اٹھا رہا ہے ، پاکستان کے مختلف علاقوں سے اسرائیلی ساختہ ہیروپ ڈرونز کا ملبہ اٹھایا جا رہا ہے اور افواج پاکستان دشمن کومنہ توڑ جواب اور اسکے تمام عزائم خاک میں ملا رہی ہیں۔

    مزید پڑھیں : بھارت کی ایک بار پھر جارحیت کی کوشش، 12 ڈرون حملوں کو ناکام بنادیا گیا

    اس سے قبل ڈی جی آئی ایس پی آرنے پریس کانفرنس میں بتایا تھا کہ بھارت نے سات اور آٹھ مئی کی درمانی شب پھر دراندازی کی کوشش کی۔ جس پر بھارت کے بارہ ڈرون مار گرائے۔

    انھون نے بتایا کہ لاہور، گوجرانوالہ، راولپنڈی، اٹک، بہاولپوراورکراچی میں ڈرون حملے کیے،۔ سندھ کےعلاقے میانوں میں ڈرون حملے میں ایک شخص شہید اورایک زخمی ہوا جبکہ لاہورکے قریب ڈرون حملے میں پاک فوج کے چارجوان زخمی ہوئے اور فوجی تنصیبات کومعمولی نقصان پہنچا۔