ARYNews.tv | Urdu – Har Lamha Bakhabar

Tag: پاک فوج

  • آرمی چیف کی زیر صدارت فارمیشن کمانڈرز کانفرنس، وطن کی خدمت کے عزم کا اعادہ

    آرمی چیف کی زیر صدارت فارمیشن کمانڈرز کانفرنس، وطن کی خدمت کے عزم کا اعادہ

    راولپنڈی: جی ایچ کیو میں سالانہ فارمیشن کمانڈرز کانفرنس منعقد ہوئی، جس کی صدارت آرمی چیف جنرل قمر جاوید باجوہ نے کی۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت فوج کے جنرل ہیڈکوارٹر راولپنڈی میں سالانہ فارمیشن کمانڈرز کانفرنس منعقد ہوئی۔

    آئی ایس پی آر نے بتایا کہ فارمیشن کمانڈرز کانفرنس میں تمام جنرل آفیسرز نے شرکت کی، کانفرنس میں جیو اسٹرٹیجک صورت حال اور قومی سلامتی سے متعلق امور پر تبادلۂ خیال کیا گیا۔

    شعبہ تعلقات عامہ نے کہا کہ کانفرنس میں داخلی سیکورٹی کے معاملات، ملک کو در پیش چیلنجز اور ان سے نمٹنے کے لیے جوابی حکمت عملی پر بھی گفتگو کی گئی۔

    کانفرنس سے خطاب کرتے ہوئے آرمی چیف جنرل قمر جاوید باجوہ نے کہا کہ پاک فوج ہر قسم کے خطرے سے نمٹنے کے لیے تیار ہے، مادر وطن کے دفاع کی بھرپور صلاحیت موجود ہے۔

    آرمی چیف نے کہا کہ آپریشن رد الفساد کی کام یابیوں کو آگے بڑھایا جائے گا، امن و استحکام کو تقویت دینے کے لیے کام یابیوں کو رائیگاں نہیں جانے دیں گے۔

    اجلاس کے شرکا نے وطن کی خدمت کے لیے ہر اقدم بروئے کار لانے کے عزم کا اعادہ کیا۔

  • فوجی جوانوں کی شہادت پر افسوس ہے، ان ہی کی وجہ سے ہم پرامن زندگی گزار رہے ہیں: رانا ثنا اللہ

    فوجی جوانوں کی شہادت پر افسوس ہے، ان ہی کی وجہ سے ہم پرامن زندگی گزار رہے ہیں: رانا ثنا اللہ

    لاہور:  مسلم لیگ ن کے سینئر رہنما رانا ثنا اللہ نے کہا ہے کہ وزیرستان میں فوجی افسران اورجوان کی شہادت پر افسوس ہے.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ سیکیورٹی فورسزکے جوان ہمارے ہیرو ہیں.

    ران اثنا اللہ نے کہا کہ سیکیورٹی فورسز کے جوانوں نے ہمارے کل کے لئے اپنا آج قربان کر دیا، پاک فوج کے جوانوں کی وجہ سے ہم پرامن زندگی گزار رہے ہیں.

    [bs-quote quote=” اپوزیشن جب احتجاج کرے گی تواپنا کنٹینرخود لائے گی.” style=”style-8″ align=”left” author_name=”رانا ثنا اللہ”][/bs-quote]

    سابق صوبائی وزیر اور ن لیگ رہنما نے کہا کہ ہم پاک فوج کے جوانوں کےساتھ اظہاریکجہتی کرتے ہیں، وزیرستان میں امن پاک فوجی کی قربانیوں کی وجہ سےآیا ہے.

    ان کا مزید کہنا تھا کہ نواز شریف کوانتقامی احتساب کا نشانہ بنایا گیا ہے، نوازشریف بیمارہونے کے باوجود جیل میں ہیں، نوازشریف کوعیدپر اہل خانہ سےنہ ملنےدینا زیادتی ہے.

    مزید پڑھیں: فردوس عاشق اعوان کا رانا ثنا اللہ کو 2 ارب روپے ہرجانے کا نوٹس

    انھوں نے کہا کہ شہباز شریف اے پی سی میں پارٹی کی نمائندگی کریں گے، اپوزیشن جب احتجاج کرے گی تواپنا کنٹینرخود لائے گی.

    راناثنااللہ نے کہا کہ اپوزیشن کوعمران خان کے کنٹینرکی ضرورت نہیں، ہمارا مطالبہ ہے کہ چیئرمین نیب کی ویڈیو لیک کی انکوائری کی جائے.

  • دفاعی بجٹ میں کمی کافیصلہ جرات مندانہ اورلائق تحسین ہے: صمصام بخاری

    دفاعی بجٹ میں کمی کافیصلہ جرات مندانہ اورلائق تحسین ہے: صمصام بخاری

    لاہور: وزیراطلاعات پنجاب صمصام بخاری نے کہا ہے کہ دفاعی بجٹ میں کمی کافیصلہ جرات مندانہ اورلائق تحسین ہے.

    ان خیالات کا اظہار صمصام بخاری نے رینالہ خورد میں عید ملن پارٹی میں شرکت کے موقع پر کیا.

    [bs-quote quote=” افواج پاکستان کی قربانیوں کےطفیل ملک دشمن کی ریشہ دوانیوں سے محفوظ ہے.” style=”style-8″ align=”left” author_name=”صمصام بخاری”][/bs-quote]

    وزیر اطلاعات پنجاب کا کہنا تھا کہ افواج پاکستان کی قربانیوں کےطفیل ملک دشمن کی ریشہ دوانیوں سے محفوظ ہے.

    انھوں نے امید ظاہر کی کہ آئندہ برس تک مشکلات کافی حد تک کم ہو چکی ہوں گی اور ملک ترقی کی راہ پر گامزن ہوگا.

    خیال رہے کہ گزشتہ دنوں پاک فوج نے  معیشت کی بہتری کے لئے دفاعی بجٹ میں اضافہ نہ لینے کا فیصلہ کیا تھا۔

    فیصلہ کا اعلان وزیر اعظم عمران خان نے اپنے ٹویٹ میں کیا۔

    مزید پڑھیں: بلوچستان: عید سیکیورٹی پر مامور ایف سی جوانوں پر دہشت گردوں کا حملہ، دو سپاہی شہید

    مزید پڑھیں: سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    یاد رہے کہ آج سیالکوٹ میں تقریر کرتے ہوئے معاون خصوصی برائے اطلاعات فردوس عاشق اعوان نے کہا تھا کہ افواج پاکستان نے ہمیشہ ملک و قوم کے لیے قربانیاں دیں۔ ملک کی معیشت دباؤ کا شکار ہوئی تو پاک فوج اپنی سویلین حکومت کے شانہ بشانہ آکھڑی ہوئی.

    انھوں نے مزید کہا کہ سازشی ٹولہ عوام کو سڑکوں پر لانے کی ناکام کوشش کررہا ہے۔۔ ن لیگ کے دور میں معیشت کو تباہ کیا گیا۔

  • پاک فوج کا معیشت کی بہتری کیلئے رضا کارانہ طور پر دفاعی بجٹ میں اضافہ نہ لینے کا فیصلہ

    پاک فوج کا معیشت کی بہتری کیلئے رضا کارانہ طور پر دفاعی بجٹ میں اضافہ نہ لینے کا فیصلہ

    اسلام آباد : پاک فوج نے عید الفطر کے موقع پر قوم کو خوشخبری سنا دی، معیشت کی بہتری کیلئے دفاعی بجٹ میں اضافہ نہ لینے کا فیصلہ کیا ہے۔

    تفصیلات کے مطابق ملکی معیشت کی بہتری کے لئے پاک فوج کا بڑا فیصلہ سامنے آیا ہے، قوم کیلئے عید کا تحفہ دیتے ہوئے پاک فوج نے رضاکارانہ طور پر دفاعی بجٹ میں اضافہ نہ لینے کا فیصلہ کیا ہے۔

    یہ بات وزیراعظم عمران خان نے اپنے ٹوئٹر پیغام میں بتائی۔ انہوں نے کہا کہ پاک فوج کے اس رضا کارانہ اقدام کو سراہتا ہوں، مذکورہ فیصلہ حقیقی قومی ادارے کی حب الوطنی کا عکاس اور احسن اقدام ہے، پاک فوج نے سیکیورٹی چیلنجز کے باوجود دفاعی اخراجات کے بجٹ میں کٹوتی ملکی معاشی مشکلات کی وجہ سے کی،

    وزیر اعظم عمران خان کا مزید کہنا ہے کہ فوج کا راشن، سفری الاؤنس اور انتظامی اخراجات میں بھی کمی کا فیصلہ کیا گیا ہے، اس کے علاوہ پاک فوج نے رواں مالی سال میں دفاعی ترقیاتی اخراجات مؤخر کرنے کا بھی فیصلہ کیا ہے، بچت کی رقم قبائلی علاقوں اور بلوچستان میں ترقیاتی کاموں پر خرچ ہوگی۔

    اس حوالے سے ذرائع کا کہنا ہے کہ معاشی مشکلات کے باعث پاک فوج کے افسران نے تنخواہ میں اضافہ نہ لینے کا اعلان کیا ہے، علاوہ ازیں پاک فوج کے افسران نے تنخواہوں میں اضافے نہ لینے کا بھی رضاکارانہ فیصلہ کیا۔

  • شمالی وزیرستان: پاک فوج کی گاڑی پر فائرنگ، بارودی سرنگ کا دھماکا، سپاہی شہید

    شمالی وزیرستان: پاک فوج کی گاڑی پر فائرنگ، بارودی سرنگ کا دھماکا، سپاہی شہید

    راولپنڈی: پاک فوج کے شعبہ تعلقات عامہ (آئی ایس پی آر) کا کہنا ہے کہ شمالی وزیرستان میں پاک فوج کی گاڑی پر فائرنگ کی گئی اور بارودی سرنگ کا دھماکا ہوا۔

    تفصیلات کے مطابق آئی ایس پی آر نے کہا ہے کہ شمالی وزیرستان کے علاقے بویا میں معمول کی پٹرولنگ کرنے والی پاک فوج کی گاڑی پر حملے میں سپاہی امل شاہ شہید ہو گیا۔

    شمالی وزیرستان میں گزشتہ چند روز میں دہشت گردی کی کارروائیوں میں اضافہ ہو گیا ہے، آئی ایس پی آر کے مطابق گزشتہ ایک ماہ میں دہشت گردی میں 5 جوان شہید اور 31 زخمی ہوئے۔

    آئی ایس پی آر کا کہنا ہے کہ شمالی وزیرستان میں دہشت گردوں کے سہولت کاروں کو پکڑنے کے لیے کارروائیاں کی جا رہی تھیں۔

    خڑ کمر میں 25 مئی کا واقعہ سہولت کاروں کی گرفتاری کے لیے کی جانے والی کارروائیوں کے دوران ہی پیش آیا۔

    یہ بھی پڑھیں:  شمالی وزیرستان خرکمر واقعہ، محسن داوڑ اور علی وزیر ذمہ دار قرار

    خیال رہے کہ شمالی وزیرستان کے علاقے خڑ کمر میں پاک فوج کی چوکی پر ایم این ایز علی وزیر اور محسن داوڑ نے اپنے ساتھیوں سمیت حملہ کر دیا تھا جس میں ایک سپاہی شہید ہو گیا تھا۔

    رپورٹ کے مطابق 24 مئی کو سیکیورٹی فورسز نے آپریشن کیا، آپریشن کے دوران 2 مشتبہ افراد کو حراست میں لیا گیا، 2 افراد کو حراست میں لینے کے خلاف ڈوگہ مچہ کے رہائشیوں نے ریلی نکالی، ڈوگہ مچہ کے رہائشیوں نے خڑ کمر چیک پوسٹ تک ریلی نکالی، مظاہرین نے رکاوٹوں کو نقصان پہنچایا، ریاست مخالفت نعرے لگائے گئے، فوج نے احتجاج کے دوران تحمل کا مظاہرہ کیا۔

    رپورٹ میں بتایا گیا ہے کہ 25 مئی کو بویا میں 12 عمائدین کے ساتھ مذاکرات کیے گئے، حکام دھرنا ختم کرنے کی شرط پر ایک مشتبہ شخص کو رہا کرنے پر آمادہ ہوگئے، علی وزیر، محسن داوڑ کے اکسانے پر مظاہرین دوبارہ چیک پوسٹ پر جمع ہوئے، 26 مئی کو ایم این ایز 300 حمایتیوں کو لے کر چیک پوسٹ پہنچے۔

    فورسز نے احتجاجی کیمپ میں جانے کے لیے پارلیمنٹیرینز کو دوسرے راستے کا کہا، علی وزیر نے سیکیورٹی فورسز کے خلاف نازیبا زبان استعمال کی، علی وزیر نے مظاہرین کو چیک پوسٹ پر حملے کے لیے بھڑکایا، محسن، علی وزیر نے چیک پوسٹ پر حملہ کرنے والوں کی رہبری کی، مظاہرین نے چیک پوسٹ پر پتھراؤ کیا، ایم این ایز کے ساتھ مسلح افراد نے چیک پوسٹ پر گولیاں چلائیں۔

    رپورٹ کے مطابق چیک پوسٹ پر مختلف اطراف سے گولیاں چلیں، سیکیورٹی فورسز نے مختصر دورانیے کے لیے جوابی فائرنگ کی، مظاہرین نے سیکیورٹی اہلکاروں سے اسلحہ چھیننے کی کوشش کی، شرپسندوں کی گولیاں مظاہرین اور پارلیمنٹیرینز کی گاڑیوں پر لگیں۔

  • آرمی چیف نے دو افسران کی سزائے موت، ایک افسر کی قید کی توثیق کردی

    آرمی چیف نے دو افسران کی سزائے موت، ایک افسر کی قید کی توثیق کردی

    راولپنڈی: آرمی چیف جنرل قمر جاوید باجوہ نے دو فوجی افسران اور ایک سول افسر کی سزاؤں کی توثیق کر دی۔

    پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف نے 2 افسران کی سزائے موت اور ایک افسر کی قید کی سزا کی توثیق کی ہے۔

    لیفٹیننٹ جنرل (ر) جاوید اقبال کی 14 سال قید بامشقت کی توثیق، جب کہ بریگیڈیئر (ر) راجہ رضوان اور  ایک سول افسر ڈاکٹر وسیم اکرم کی سزائے موت میں توثیق کی گئی۔

    ڈی جی آئی ایس پی آر  کے مطابق یہ سزائیں مسلح افواج کے سخت احتساب کے نظام کامظہر ہے، افسران کودی گئی سزاؤں کا تعلق 3 مختلف کیسز سے ہے، افسران کو ان کےجرائم پرسخت ترین سزائیں دی گئیں۔

    تینوں افسران کو حساس راز افشا کرنے اور جاسوسی کے الزامات پر سزائیں سنائی گئیں، مذکورہ افسران پر  آرمی ایکٹ کے تحت مقدمات چلائے گئے تھے۔

    مزید پڑھیں: آرمی چیف سے نیٹو کے افغانستان کے لیے سینئر نمائندے کی ملاقات

    یاد رہے کہ فروری میں ڈی جی آئی ایس پی آر نے پریس کانفرنس میں تصدیق کی تھی کہ آرمی کے دو سینئر افسران جاسوسی کے الزام میں زیر حراست ہیں

    یاد رہے کہ گزشتہ دو سال کے دوران  400 افسران کو سزائیں سنائی جاچکی ہیں، جس میں برطرفیاں بھی شامل ہیں۔

  • پی ٹی ایم رہنماؤں کا پاک فوج کی چیک پوسٹ پرحملہ

    پی ٹی ایم رہنماؤں کا پاک فوج کی چیک پوسٹ پرحملہ

    پشاور: سابقہ قبائلی علاقے میران شاہ میں پشتون تحفظ موومنٹ کے رہنماؤں نے پاک فوج کی چیک پوسٹ پر حملہ کیا ہے،علی وزیرنے کچھ دن قبل علی الاعلان فوج کو دھمکیاں دی بھی دیں تھی۔

    تفصیلات کے مطابق یہ واقعہ آج میران شاہ کے علاقے بویا میں پیش آیا جہاں پی ٹی ایم کے رہنما محسن داوڑ ، علی وزیر اور ان کےساتھی عوام کو پاک فوج اور ریاست کے خلاف اکسا رہے ہیں۔

    ذرائع کا کہنا ہے کہ محسن داوڑ کی فوج کے خلاف ہرزہ سرائی کا سلسلہ جاری ہے اور محسن داوڑ اور ان کے ساتھیوں نے ہتھیار بھی اٹھا رکھے ہیں۔بتایا جارہا ہے کہ یہ سلسلہ گزشتہ روز ایک مشکوک شخص کی گرفتاری سے شروع ہوا۔ جس کی رہائی کے لیے پی ٹی ایم نے دھرنا شروع کیا اور اشتعال انگیزی پھیلاتے ہوئے آج چیک پوسٹ پر حملہ آور ہوگئے۔

    یاد رہے کہ کچھ روز قبل پی ٹی ایم رہنما علی وزیرنے جلسے میں کچھ عرصہ پہلے قومی اداروں کوکھلے عام دھمکیاں دی تھیں کہ میں تمہیں ماروں گا۔

    اس ساری صورتحال پر تجزیہ ن گار حارث نواز کا کہنا ہے کہ محسن داوڑکوگرفتارکرلیناچاہیے،چیک پوسٹ پرحملہ کرنےوالوں کوگرفتارکرکےمقدمہ چلایاجائے۔

    حارث نواز کا کہنا تھا کہ یہ لوگ پاکستان میں رہ رہےہیں لیکن پاکستان کےخلاف بات کررہےہیں،محسن داوڑ،منظورپشتین اوردیگرکوگرفتارکرناچاہیے۔ان کوپتہ لگناچاہیےکہ ریاست کےخلاف بات کرنےپرریاست سزادےگی۔

    انہوں نے مزید کہا کہ ان کوپکڑکران کےخلاف فوجی عدالت میں جلدازجلدکیس چلایاجائے،کیسزچلاکران کوسزادی جائے۔ یہ بھی کہا کہ تمام ارکان اسمبلی کوان کےخلاف آوازاٹھانی چاہیے،تمام جماعتوں کواسمبلی میں ان کےخلاف قراردادلانی چاہیے۔

    ایک اور تجزیہ کار نعیم خالد لودھی کا کہناہے کہ پی ٹی ایم کے لوگوں کےراوراین ڈی ایس سےرابطےتھے،ان لوگوں سےمتعلق بات کھل کرسامنےآگئی۔اب حکومت عوام کی مددسےان پرقابوپالےگی۔

  • وزیر اعظم عمران خان سے آرمی چیف جنرل قمر جاوید باجوہ کی ملاقات

    وزیر اعظم عمران خان سے آرمی چیف جنرل قمر جاوید باجوہ کی ملاقات

    اسلام آباد: وزیر اعظم عمران خان سے آرمی چیف جنرل قمر جاوید باجوہ نے ملاقات کی ہے جس میں ملکی سیکورٹی سے متعلق تبادلۂ خیال کیا گیا۔

    ذرایع کے مطابق آج وزیر اعظم سے آرمی چیف نے ملاقات کی، ملاقات میں ملکی سیکورٹی سے متعلق بات چیت کی گئی۔

    ذرایع کا کہنا ہے کہ ملاقات میں پاک فوج کے پیشہ ورانہ امور اور امن و امان کی صورت حال پر غور کیا گیا۔

    دریں اثنا، وزیر اعظم عمران خان کی زیر صدارت قومی سلامتی کمیٹی کا اجلاس منعقد ہوا، اجلاس میں آرمی چیف سمیت انٹیلی جنس اور اہم اداروں کے سربراہان نے شرکت کی۔

    ذرایع کا کہنا ہے کہ اجلاس میں سروسز چیفس، خزانہ، دفاع اور داخلہ کے حکام شریک ہوئے، اور ملکی مجموعی سیکورٹی کی صورت حال کا جائزہ لیا گیا۔

  • پی سی گوادر میں کلیئرنس آپریشن مکمل، 3 دہشت گرد سیکورٹی فورسز کے ہاتھوں ہلاک

    پی سی گوادر میں کلیئرنس آپریشن مکمل، 3 دہشت گرد سیکورٹی فورسز کے ہاتھوں ہلاک

    راولپنڈی: پاک فوج کے ترجمان ادارے آئی ایس پی آر نے کہا ہے کہ پی سی ہوٹل گوادر میں کلیئرنس آپریشن مکمل کر لیا گیا ہے۔

    پاک فوج کے شعبہ تعلقات عامہ کے مطابق سیکورٹی فورسز نے پی سی گوادر میں کلیئرنس آپریشن مکمل کر لیا، تینوں دہشت گرد سیکورٹی فورسز کے ہاتھوں مارے گئے۔

    آئی ایس پی آر کے اعلامیے میں کہا گیا ہے کہ آپریشن کے دوران ہوٹل کے 4 ملازمین اور پاک بحریہ کا ایک جوان عباس شہید ہو گیا۔

    پی سی گوادر آپریشن میں پاک فوج کے 2 کیپٹن، پاک بحریہ کے 2 جوان، اور 2 ہوٹل ملازمین زخمی ہوئے۔

    یہ بھی پڑھیں:  گوادر حملہ، تمام افراد کو ہوٹل سے بہ حفاظت نکال لیا گیا، کلیئرنس آپریشن جاری

    آئی ایس پی آر کے مطابق دہشت گردوں کی لاشیں شناخت کے لیے تحویل میں لے لی گئی ہیں، دہشت گرد مہمانوں کو یرغمال بنانے کے لیے ہوٹل میں داخل ہوئے، دہشت گردوں کو سیکورٹی گارڈ نے مرکزی ہال میں داخل ہونے سے روکا تھا۔

    آئی ایس پی آر نے کہا کہ دہشت گردوں نے ہوٹل کے مرکزی زینے پر پہنچ کر فائرنگ کی، دہشت گردوں کی فائرنگ سے سیکورٹی گارڈ شہید ہوا، دہشت گردوں کی اندھا دھند فائرنگ سے مزید 3 ہوٹل ملازمین شہید ہوئے، جن میں فرہاد، بلاول اور اویس شامل ہیں۔

    آئی ایس پی آر کے مطابق واقعے کی اطلاع ملتے ہی پاک فوج، بحریہ، پولیس کی کیو آر ایف ٹیمز فوراً ہوٹل پہنچیں، فورسز نے مہمانوں اور عملے کو فوری محفوظ مقام پر منتقل کیا، فورسز کی بر وقت کارروائی سے دہشت گرد چوتھی منزل کے کوریڈور تک محدود رہے۔

  • پاک فوج 6 دہائیوں سے امن مشنز میں حصہ ڈال رہی ہے، ملیحہ لودھی

    پاک فوج 6 دہائیوں سے امن مشنز میں حصہ ڈال رہی ہے، ملیحہ لودھی

    نیویارک: اقوام متحدہ میں پاکستانی مندوب ملیحہ لودھی کا کہنا ہے کہ امن مشنزمیں فوجی دستے بھیجنے والے ممالک میں پاکستان ہمیشہ سرفہرست رہا ہے۔

    تفصیلات کے مطابق پاکستانی سفیرڈاکٹرملیحہ لودھی نے سلامتی کونسل میں امن مشنز میں تربیت اور مہارت کو فروغ دینے پرمباحثے سے خطاب کرتے ہوئے کہا کہ پاکستان کا کلیدی کردارعالمی امن کے لیے ہماری کوششوں کا ثبوت ہے۔

    ملیحہ لودھی نے کہا کہ چیلنجز کے باوجود پاکستان 6 دہایوں سے اپنی افواج، تکنیکی سامان سے امن مشنز میں حصہ ڈال رہا ہے۔

    پاکستانی سفیر نے کہا کہ امن مشنزمیں فوجی دستے بھیجنے والے ممالک میں پاکستان ہمیشہ سر فہرست رہا ہے۔

    انہوں نے کہا کہ پاکستان نے باقی ممالک کے فوجی دستوں کو تربیت دینے کی پیشکش کے ہے، اقوام متحدہ میں پاکستان دستے بھیجنے والے ممالک کے گروپ کا چئیرمین بھی ہے۔

    امن مشنزکے بجٹ میں کمی سے قیام امن کی کوششوں پرمنفی اثرپڑے گا‘ ملیحہ لودھی

    یاد رہے کہ رواں سال 12 فروری کو پاکستانی سفیر ملیحہ لودھی کا کہنا تھا کہ امن مشنزمیں دستے بھیجنے والے ممالک کے تجربات سے فائدہ اٹھایا جائے۔

    ملیحہ لودھی کا کہنا تھا کہ امن مشنزکے لیے مختص بجٹ میں کمی نہیں کرنی چاہیے، امن مشنزکے بجٹ میں کمی سے قیام امن کوششوں پرمنفی اثر پڑے گا۔