Tag: پاک فوج

رات کی تاریکی میں بزدلانہ حملے کے بعد پاکستانی عوام پاک فوج کے شانہ بشانہ ہیں اور بھارت کو دندان شکن جواب دینے کے لیے پرعزم ہیں۔

گزشتہ ماہ 22 اپریل کو پہلگام فالس فلیگ آپریشن کی آڑ میں بھارت نے بزدل دشمن ہونے کا ثبوت دیتے ہوئے منگل اور بدھ کی درمیانی شب پاکستان پر حملہ کیا جس کے نتیجے میں 26 پاکستانی شہید ہوئے تاہم پاک فوج نے فوری اور منہ توڑ جواب دیتے ہوئے بھارت کو شدید نقصان پہنچا کر اس کے غرور کو خاک میں ملایا۔

اس کشیدہ صورتحال میں پاکستان کے تمام مکاتب فکر کے شہری پاک فوج سے اظہار یکجہتی کر رہے ہیں۔ ملک کے مختلف حصوں میں عام عوام بھی بھارت کے خلاف پاک فوج کے جوابی حملے کو سراہ رہے ہیں اور بھارت کو دندان شکن جواب دینے کے لیے پرعزم ہیں۔

پاکستان میں بدھ کے روز شہر شہر پاک فوج کی حمایت اور بھارت کے خلاف مظاہرے ہوئے۔ اس موقع پر شہریوں نے دل کھول کر اپنے جذبات کا اظہار کیا۔

پاکستان کے آزاد کشمیر سمیت مختلف علاقوں میں عوام نے اے آر وائی نیوز سے گفتگو میں اپنے جذبات کا اظہار کرتے ہوئے پاکستان فوج کے ساتھ اظہار یکجہتی کیا ہے۔

ایک شہری نے کہا کہ گجرات کے قصائی نے جو پاکستان کے نہتے شہریوں پر حملہ کیا۔ پاک فوج وہ جوابی حملہ کرے گی کہ انڈیا کی سات نسلیں بھی یاد رکھیں گی۔

ایک شہری نے بھارت کی بزدلانہ حرکت پر سخت غم کا اظہار کرتے ہوئے کہا کہ ہم آپ کو دنیا کے نقشے سے مٹا دیں گے۔ ایک نے کہا کہ مودی کی کھوپڑی خراب ہو گئی ہے۔

پاکستان کی ہندو برادری بھی اس نازک وقت میں پاک فوج کے شانہ بشانہ کھڑی ہے۔ عمر کوٹ کے ایک ہندو نوجوان نے پاکستان زندہ باد کا نعرہ لگاتے ہوئے کہا کہ پاکستان میں رہنے اور بسنے والا ہر ہندو پاکستان اور پاک فوج کے ساتھ ہے۔

پاک فوج سے اظہار یکجہتی اور وطن عزیز کے چپہ چپہ کے دفاع کے لیے صرف جوان ہی نہیں بلکہ بچوں، بوڑھوں اور خواتین کا عزم وحوصلہ بھی قابل دید ہے۔

ایک بچے نے کہا کہ ہم انڈیا کو اس کے گھر میں گھس کر ماریں گے۔ ایک بزرگ شخص نے کہا کہ پوری قوم بھارت کی اس ناپاک جسارت پر بدلہ لینے کے لیے آمادہ ہے۔ ایک اور عمر رسیدہ شخص نے کہا کہ پاکستان پیچھے نہیں ہٹے گا۔

ایک خاتون نے کہا کہ پاک فوج نے بھارت کو منہ توڑ جواب دے کر اچھا کیا آئندہ بھی ایسا ہی کرے گا۔ ایک خاتون نے کہا کہ مودی جنگی جنون میں عوام کو پریشان نہ کرے بیٹھ کر مسئلہ حل کرے۔
ایک اور شخص نے کہا کہ آر ایس ایس کے نظریتے پر چلنے والی مودی سرکار نے جس طرح بزدلانہ کارروائی کی رات کی تاریکی میں حملہ کیا۔ اس ا پاک فوج نے بھرپور جواب دیا ہے۔

کراچی کے ایک نوجوان نے کہا کہ بھارت اسی لائق ہے۔ وہ اتنا بزدل ہے کہ چھپ کر حملہ کر سکتا ہے۔ اس میں سامنے آ کر پاک فوج کے سامنے لڑنے کی ہمت نہیں۔

آزاد کشمیر کے ایک نوجوان نے کہا کہ مودی صرف الیکشن کے لیے مظلوم عوام کو مروا رہا ہے۔ اس بار ایل او سی سے اس کو کوئی چانس نہیں دیں گے۔ کشمیری عوام پاک فوج کے شانہ بشانہ کھڑی ہے۔

بھارتی اشتعال انگیزی پر بر انگیختہ ایک اور شہری نے کہا کہ عنقریب پاکستان کا ہر شہری بھارت کے خلاف جہاد کے لیے نکلے گا۔ رات میں سوئے ہوئے نہتے شہریوں پر حملہ قابل مذمت ہے۔ اس سے بڑھ کر اس کی بزدلی کا ثبوت اور کیا ہوگا۔ ہمت ہے تو دن کی روشنی میں آ کر دکھائے۔

جے کے ایل ایف نے اپنے ایجنڈے پر عمل کرتے ہوئے ایک اور جھوٹا واقعہ پیش کیا ہے، پاک فوج کے خلاف ایک اور جھوٹا پراپیگنڈہ بے نقاب ہوگیا۔

پڑوسی گھروں میں داخل ہونے کے لئے کسی بھی ہندوستانی فوجی نے ایل او سی عبور نہیں کی تھی، آس پاس کی اپنی چوکیاں محتاط انداز میں علاقے پر نظر رکھے ہوئے ہیں اور آس پاس کے ماحول کا مؤثر انداز میں مشاہدہ کررہی ہیں۔ 25 بھارتی فوجیوں کا سرحد پار کرنا کچھ لوگوں کا ذاتی ایجنڈا ہے۔

وہ علاقے میں درختوں کی کٹائی کا مطالبہ کرتے ہیں جس سے پہلے مقامی کمانڈر انکار کرتے تھے۔ عوام کو سمجھنا چاہیے کہ اس طرح کی جعلی سرگرمیاں پاک فوج کو مورد الزام ٹھہرانے اور اپنے ذاتی فائدے کے لیے ان پر دباؤ ڈالنے کے لیے کی جا رہی ہیں۔

مقامی انتظامیہ اور سیکیورٹی فورسز نے کھلے عام اس طرح کے کسی واقعے یا اس طرح کے کسی بھی امکان کی تردید کی ہے، یہ علاقہ محفوظ ہیں اور چوبیس گھنٹے محتاط انداز میں نگرانی کی جارہی ہے۔

25 بھارتی فوجیوں کی دراندازی کے بارے میں جھوٹی خبر پاک فوج کو بدنام کرنے کی مضحکہ خیز کوشش ہے۔ عقلمند لوگوں کو حقیقت کو سمجھنا چاہیے اور اس طرح کے جھوٹے پروپیگنڈے کو مسترد کرنا چاہیے۔

ایک طرف وہ جعلی ویڈیوز جاری کر رہے ہیں جس سے ظاہر ہوتا ہے کہ بھارتی فوج علاقے میں فائرنگ کر رہی ہے۔ حقیقت واضح ہے کہ ایسی کوئی آگ نہیں لگائی جا رہی ہے۔ عوام کو ریاست مخالف عناصر کے جارحانہ ایجنڈے کا ادراک کرنا ہوگا۔