ARYNews.tv | Urdu – Har Lamha Bakhabar

Tag: پاک فوج

  • بھارتی فوج کی عباس پورسیکٹر میں شہری آبادی پرگولہ باری

    بھارتی فوج کی عباس پورسیکٹر میں شہری آبادی پرگولہ باری

    راولاکوٹ: لائن آف کنٹرول پربھارتی فورسز کی بلا اشتعال فائرنگ اور گولہ باری کا پاک فوج نے بھرپور جواب دیتےہوئے دشمنوں کی توپیں خاموش کرادیں۔

    تفصیلات کےمطابق بھارتی فوج کی جانب سے ایک بار پھر لائن آف کنٹرول پر سیز فائرمعاہدےکی خلاف ورزی کرتےہوئے عباس پورسیکٹر میں شہری آبادی پرگولہ باری کی گئی۔

    بھارتی فوج نےعباس پور سیکٹرمیں پولیس گاؤں اور تروٹی گاؤں کو نشانہ بنایا،پاک فوج کی جانب سے بھارتی اشتعال انگیزی کا منہ توڑ جواب دیاگیا۔

    خیال رہےکہ اس سے قبل دفترخارجہ کےترجمان نفیس زکریا کا کہناتھاکہ بھارت کی جانب سے لائن آف کنٹرول پر سیزفائرکی خلاف ورزیوں کا عالمی برادر ی نوٹس لے۔

    دفترخارجہ کےترجمان نفیس زکریا کا کہناتھاکہ بھارت کی جانب سے 3سال کےدوران1400سے زائد بار ایل اوسی پرسیزفائرکی خلاف ورزی کی گئی ہے۔

    مزید پڑھیں:پاکستان ایل او سی پربھارتی فوج کی بلااشتعال فائرنگ‘خاتون زخمی

    یاد رہےکہ تین روز قبل لائن آف کنٹرول پر بھارتی فوج کی جانب سے بھمبرسیکٹر پر بلااشتعال فائرنگ میں ایک خاتون زخمی ہوگئی تھی۔پاک فوج کی جانب سےبھارتی جارحیت کا منہ توڑجواب دیاگیاتھا۔

    مزید پڑھیں:بھارت کی جانب سے ظفروال سیکٹر میں ایل اوسی کی خلاف ورزی: آئی ایس پی آر

    واضح رہےکہ گزشتہ ماہ بھارتی فوج نے ظفروال ورکنگ باؤنڈری لمبڑیال اوراکرم شہید چوکی پربلا اشتعال فائرنگ کی تھی،تاہم پنجاب رینجرزکی جانب سےبھرپور جوابی کارروائی کے بعد بھارتی سورماؤں کی توپیں خاموش ہوگئی تھیں۔

  • ایل او سی پربھارتی فوج کی بلااشتعال فائرنگ‘خاتون زخمی

    ایل او سی پربھارتی فوج کی بلااشتعال فائرنگ‘خاتون زخمی

    مظفر گڑھ: لائن آف کنٹرول پر بھارتی فوج کی جانب سےبلااشتعال فائرنگ میں خاتون زخمی ہوگئی۔پاک فوج نے بھارتی اشتعال انگیزی کا بھرپور جواب دیا۔

    تفصیلات کےمطابق لائن آف کنٹرول پر بھارتی فوج کی جانب سے بھمبرسیکٹر پر بلااشتعال فائرنگ میں ایک خاتون زخمی ہوگئی۔پاک فوج کی جانب سےبھارتی جارحیت کا منہ توڑجواب دیاگیا۔

    پاک فوج کے شعبہ تعلقات عامہ آئی ایس پی آر کےبھارتی فوج نے ایک بار پھر ایل او سی پر سیزفائرکی خلاف ورزی کرتے ہوئےگزشتہ شب رات گئے بھمبر میں شہری آبادی کونشانا بنایا۔پاک فوج نے بھارتی اشتعال انگیزی کا منہ توڑ جواب دیتےہوئے دشمن کی بندوقیں خاموش کرادیں۔

    مزید پڑھیں:بھارت کی جانب سے ظفروال سیکٹر میں ایل اوسی کی خلاف ورزی: آئی ایس پی آر

    واضح رہےکہ گزشتہ ماہ بھارتی فوج نے ظفروال ورکنگ باؤنڈری لمبڑیال اوراکرم شہید چوکی پربلا اشتعال فائرنگ کی تھی،تاہم پنجاب رینجرزکی جانب سےبھرپور جوابی کارروائی کے بعد بھارتی سورماؤں کی توپیں خاموش ہوگئی تھیں۔

  • تھر میں قحط اور وبائی امراض، پاک فوج کا میڈیکل کیمپ قائم

    تھر میں قحط اور وبائی امراض، پاک فوج کا میڈیکل کیمپ قائم

    کراچی: صحرائے تھر میں قحط کی صورتحال برقرار ہے۔ تھری عوام کو امداد فراہم کرنے کے لیے پاک فوج کی جانب سے میڈیکل کیمپ قائم کیا گیا ہے۔

    تفصیلات کے مطابق تھر میں قحط کی صورتحال تاحال برقرار ہے جس کی وجہ سے اموات اور وبائی امراض کا سلسلہ طول پکڑ گیا ہے۔ سردیاں ختم ہوتے ہی تھر میں وبائی امراض بھی پھوٹ پڑے۔

    بھوک اور پیاس سے بے حال تھری باشندوں نے نقل مکانی بھی شروع کردی ہے۔ تھر میں قائم اسپتال حکومتی عدم توجہی کے باعث سنسان پڑے ہیں جبکہ ادویات ناپید ہیں۔

    اس صورتحال سے نمٹنے کے لیے پاک فوج نے تھر کے متاثرہ گاؤں واؤڑی دورا میں میڈیکل کیمپ قائم کیا ہے۔ کیمپ کے تحت غذائی قلت کا شکار متاثرین کو طبی امداد اور دوائیں فراہم کی گئیں۔

    بیمار افراد کو میڈیکل کیمپ تک لانے اور لے جانے کے لیے بلا معاوضہ ٹرانسپورٹ سروس کا بھی انتظام کیا گیا ہے۔ میڈیکل کیمپ میں جدید سہولتوں کی فراہمی کو یقینی بنایا گیا ہے۔

    یاد رہے کہ اس سے قبل بھی تھر میں قحط کی صورتحال پیش آنے کے بعد پاک فوج کی جانب سے امدادی کارروائیاں عمل میں لائی گئیں تھی جس کے تحت راشن، پانی اور طبی امداد فراہم کی گئی۔

  • صوابی میں آپریشن، 5 دہشت گرد ہلاک، کیپٹن اور فوجی اہلکار شہید، نماز جنازہ ادا

    صوابی میں آپریشن، 5 دہشت گرد ہلاک، کیپٹن اور فوجی اہلکار شہید، نماز جنازہ ادا

    صوابی : خیبرپختونخوا کےڈسٹرکٹ صوابی میں سیکیورٹی فورسز کے آپریشن میں فائرنگ کے تبادلے میں کیپٹن اور ایک فوجی اہلکار شہید جبکہ جوابی کارروائی میں 5 دہشت گرد مارے گئے، شہدا کی نماز جنازہ ادا کردی گئی۔

    تفصیلات کےمطابق خیبرپختونخوا کے علاقے صوابی میں سیکیورٹی فورسز کے آپریشن میں پاک فوج کے کیپٹن جنید اور سپاہی امجد نے جام شہادت نوش کیا جبکہ فورسز سے فائرنگ کے تبادلے میں 5 دہشت گرد ہلاک ہوئے۔

    پاک فوج کے کیپٹن جنید اور سپاہی امجد کی نماز جنازہ میں کورکمانڈر پشاور اور سول و عسکری حکام نے شرکت کی۔ اس سےقبل پاکستان میں وفاق کے زیرانتظام قبائلی علاقے مہمند ایجنسی کے پانچ شہدا نائیک ثنا اللہ، نائیک صفدر، سپاہی الطاف، سپاہی انوار، سپاہی نیک محمد کی نماز جنازہ بھی پشاور گیریژن میں ادا کی گئی۔

    سپاہی نیک محمد کی نماز جنازہ ان کے آبائی علاقے عمر کوٹ میں ادا کی گئی، صدر پاکستان، آرمی چیف اور جوائنٹ چیف آف اسٹاف کمیٹی کی جانب سے پھول چڑھائے گئے، شہید کو پورے فوجی اعزاز کے ساتھ سپرد خاک کردیا گیا۔


    شہید کیپٹن جنیداور سپاہی امجد کی نمازجنازہ… by arynews

    اس موقع پر گفتگو کرتے ہوئے شہید نیک محمد کے والد کا کہنا تھا کہ وہ دوسرے ملک کی سلامتی کی خاطر دوسرے بیٹوں کو بھی وطن پر قربان کرنے کیلئے تیار ہیں، شہید کے عزیز و اقارب اور اہل محلہ کا کہنا تھا کہ ہمیں نیک محمد کی شہادت پر فخر ہے۔

    پاک فوج کے شعبہ تعلقات عامہ آئی ایس پی آر کےمطابق صوابی میں سیکیورٹی فورسز کی جانب سے کیا جانے والا آپریشن انٹیلی جنس کی بنیاد پر کیا گیا۔

    پاک فوج کےسربراہ جنرل قمر جاوید باجوہ کا کہنا ہے کہ شہدا کا خون رائیگاں نہیں جائے گا۔ انہوں نے کہا کہ دہشت گردوں کو ختم کرکے دم لیا جائے گا۔

    آرمی چیف جنرل قمر جاوید باجودہ نے کہا کہ دہشت گردوں کو ان کے برپا کردہ فساد کا حساب دینا ہوگا۔

    مزید پڑھیں:مہمند ایجنسی: پاکستانی چیک پوسٹوں پرحملہ‘ 5اہلکار شہید‘ 10دہشت گردہلاک

    خیال رہےکہ اس سےقبل اتوار اور پیر کی درمیانی شب پاکستان میں وفاق کے زیرانتظام قبائلی علاقے مہمند ایجنسی میں افغانستان سے دہشت گردوں کے3پاکستانی چیک پوسٹوں پرحملےمیں 5اہلکار شہید جبکہ 10دہشت گرد مارے گئےتھے۔

    مزید پڑھیں:آرمی چیف کا حملہ آوروں کا بھر پور مقابلہ کرنے پر خراج تحسین

    یاد رہےکہ پاک فوج کے سربراہ جنرل قمر جاوید باجوہ نےگزشتہ روزمہمند ایجنسی میں دہشت گردوں کا حملہ ناکام بنانے پر پاک فوج کے جوانوں اور شہیدوں کو زبردست انداز میں خراج تحسین پیش کیاتھا۔

    مزید پڑھیں:پاکستان کےدشمنوں کو ختم کردیاجائےگا‘ وزیراعظم نوازشریف

    واضح رہےکہ وزیراعظم پاکستان کا کہناتھاکہ اگردہشت گرد سمجھتے ہیں کہ وہ ہماری قوم کےعزم کو کمزورکرسکتے ہیں تو یہ ان کی غلط فہمی ہوگی۔

  • پاکستان کےدشمنوں کو ختم کردیاجائےگا‘ وزیراعظم نوازشریف

    پاکستان کےدشمنوں کو ختم کردیاجائےگا‘ وزیراعظم نوازشریف

    اسلام آباد: وزیراعظم پاکستان کا کہناہےکہ اگردہشت گرد سمجھتے ہیں کہ وہ ہماری قوم کےعزم کو کمزورکرسکتے ہیں تو یہ ان کی غلط فہمی ہوگی۔

    تفصیلات کےمطابق وزیراعظم میاں محمد نوازشریف نےسرحدپارسے کیےجانے والے دہشت گردحملے میں جام شہادت نوش کرنے والے پاک فوج کے اہلکاروں کی شہادت پرگہرے دکھ کا اظہارکیاہے۔

    وزیراعظم نےکہاکہ سرحدوں اور شہروں میں وردی میں ہمارے چوکس جوانوں کی وجہ سے پاکستان مضبوط سے مضبوط ترہوگا۔

    مزید پڑھیں: مہمند ایجنسی: پاکستانی چیک پوسٹوں پرحملہ‘ 5اہلکار شہید‘ 10دہشت گردہلاک

    نوازشریف نے کہا وردی میں ہمارے مردوں ہماری سرحدوں پر اور ہمارے شہری مراکز میں چوکس ہیں کیونکہ کہ پاکستان میں زیادہ کامیاب اور مضبوط ہو جائے گا۔انہوں نےکہا کہ آپریشن ردالفساد ملک میں موجود دہشت گردوں کےساتھ ساتھ بیرون ملک سے دہشت گردی کرنے والوں کے خلاف ہے۔

    واضح رہےکہ وزیراعظم نوازشریف نے کہاکہ جان کی قربانی دینے والے جوان قوم کے اصل ہیرو ہیں۔انہوں نےکہاکہ قوم دہشت گردوں کےمذموم عزائم ناکام بنانےکےلیےپاک فوج کےساتھ کھڑی ہے۔

  • مہمند ایجنسی: پاکستانی چیک پوسٹوں پرحملہ‘ 5اہلکار شہید‘ 10دہشت گردہلاک

    مہمند ایجنسی: پاکستانی چیک پوسٹوں پرحملہ‘ 5اہلکار شہید‘ 10دہشت گردہلاک

    مہمند ایجنسی :قبائلی علاقے مہمندایجنسی میں دہشت گردوں نے 3 پاکستانی چیک پوسٹوں پرحملے کی کوشش کی، فائرنگ کےتبادلےمیں 5 جوان شہید ہوئے۔ پاک فوج نے جوابی کارروائی میں 10دہشت گردوں کوہلاک کردیا۔

    تفصیلات کےمطابق پاکستان میں وفاق کے زیرانتظام قبائلی علاقے مہمند ایجنسی میں گزشتہ رات افغانستان سے دہشت گردوں کے3پاکستانی چیک پوسٹوں پرحملےمیں 5اہلکار شہید جبکہ 10دہشت گرد مارے گئے۔

    پاک فوج کےشعبہ تعلقات عامہ کاکہناہےکہ دہشت گردوں کی جانب کیے جانے والے حملے میں پاک فوج کے جوان نائیک ثنااللہ،نائیک صفدر،سپاہی الطاف ،سپاہی انور،سپاہی نیک محمد شہید ہوئے۔

    آرمی چیف جنرل قمرجاوید نے دہشت گردوں کے خلاف موثر جوابی کارروائی کوسراہا اوروطن کی خاطر جانوں کا نذرانہ پیش کرنے والےجوانوں کو خراج عقیدت پیش کیا۔

    پاک فوج کےسربراہ نےکہاکہ دہشت گرد پاکستان اور افغانستان دونوں ممالک کے مشترکہ دشمن ہیں اور سرحد پر افغانستان کی جانب سےموثرسیکورٹی کی ضرورت ہے تاکہ دہشت گردوں کی آزادانہ آمدورفت کو روکاجاسکے۔

    مزید پڑھیں:بلوچستان میں پاک فوج کی کارروائی، بھاری تعداد میں‌ گولہ بارود برآمد

    یاد رہےکہ دوروز قبل بلوچستان میں پاک فوج کے جوانوں نے کامیاب کارروائی کرتے ہوئے بھاری تعداد میں‌ گولہ بارود سمیت دیگر تخریب کاری کا سامان تحویل میں لے لیاتھا۔

    مزید پڑھیں:بنوں میں کارروائی: لیفٹیننٹ اور نائیک شہید، 4 دہشت گرد ہلاک

    واضح رہےکہ رواں ماہ 2مارچ کو سیکیورٹی فورسز کی ایک کارروائی میں دو طرفہ فائرنگ کے نتیجے میں 4 دہشت گرد ہلاک اور پاک فوج کے لیفٹیننٹ خاور اور نائیک شہزاد شہید ہوگئے تھے۔

  • لاہور آنے والے کھلاڑیوں‌ اور مہمانوں‌ کو پاک فوج کا ویلکم

    لاہور آنے والے کھلاڑیوں‌ اور مہمانوں‌ کو پاک فوج کا ویلکم

    راولپنڈی: پاک فوج کے ترجمان نے کہا ہے کہ کھیل امن کو فروغ دینے کے لیے اچھا اقدام ہے، پی ایس ایل فائنل کے لیے آنے والے تمام غیر ملکی کھلاڑیوں اور مہمانوں کو خوش آمدید کہتے ہیں۔

    ڈی جی آئی ایس پی آر نے پی ایس ایل فائنل میں پہنچنے والی ٹیموں کے لیے نیک خواہشات کا اظہار کیا اور کھیل کو امن کے فروغ کے لیے اچھا اقدام بھی قرار دیا۔

    پی ایس ایل فائنل کے لیے آرمی چیف آف اسٹاف نے بھرپور سیکیورٹی دینے کا اعلان کیا تھا، قذافی اسٹیڈیم کے باہر اور اندر خصوصی سیکیورٹی انتظامات کیے گئے ہیں جس کے تحت قانون نافذ کرنے والے اداروں کے ساتھ پاک فوج کے مستعدد جوان بھی تعینات کیے گئے ہیں۔

    قذافی اسٹیڈیم کے باہر 10 ہزار اہلکار تعینات کیے گئے ہیں جبکہ پاک فوج کے ہیلی کاپٹر بھی اسٹیڈیم کی فضائی نگرانی کررہے ہیں اور غیر ملکی کھلاڑیوں کے ساتھ پاک فوج کے خصوصی دستے تعینات کیے گئے۔

    پڑھیں: ’’ پی ایس ایل فائنل:چند گھنٹےباقی‘شائقین پہنچنا شروع ‘‘

    یاد رہے آج قذافی اسٹیڈیم میں پی ایس ایل کا فائنل کھیلا جارہا ہے جس میں کوئٹہ گلیڈی ایٹرز اور پشاور زلمی کی ٹیمیں مدِ مقابل ہیں۔ ایونٹ کی اختتامی تقریب پاکستانی وقت کے مطابق رات 8 بجے شروع ہوگی۔

  • بھارت کی دراندازی پر پاک فوج کا جواب

    بھارت کی دراندازی پر پاک فوج کا جواب

    راولپنڈی: بھارت نے ایک بار پھر سیز فائر کی خلاف ورزی کرتے ہوئے آزاد کشمیر کے علاقے ٹانڈراور کھوئی رٹہ سیکٹرز سیکٹر پر بلااشتعال فائرنگ کی، پاک فوج نے اپنی صلاحیتوں کا مظاہرہ کرتے ہوئے دشمن کی توپوں کو خاموش کروایا۔

    آئی ایس پی آر کے مطابق بھارتی فوج کی لائن آف کنٹرول کی خلاف ورزی کرتے ہوئے آزاد کشمیر کے علاقے ٹانڈر اور کھوئی رٹہ سیکٹرز پر بلااشتعال فائرنگ کی۔

    پاک فوج کے اپنی دفاعی صلاحیتوں کا مظاہرہ کرتے ہوئے جوابی فائرنگ کی اور دشمن کی توپوں کو خاموش ہونے پر مجبور کیا۔

    پڑھیں: ’’ بھارتی فوج آزاد کشمیر کے علاقے کھوئی رٹہ فائرنگ چارخواتین زخمی ‘‘

    یاد رہے بھارتی فوج کی جانب سے سینکڑوں بار لائن آف کنٹرول کی خلاف ورزی کی گئی ہے جس کے نتیجے میں کئی بے گناہ شہری اور فوجی جوان شہید ہوچکے ہیں، پاک فوج  نے کبھی پہل نہیں کی تاہم ہربار اپنی دفاعی صلاحیتوں کا مظاہرہ کرتے ہوئے دشمن کی توپوں کو خاموش ہونے پر مجبور کیا ہے۔

  • چھٹی مردم شماری کے انتظامات مکمل، 15 مارچ سے آغاز

    چھٹی مردم شماری کے انتظامات مکمل، 15 مارچ سے آغاز

    اسلام آباد: سیکریٹری شماریات نے کہا ہے کہ ملک میں 15 مارچ سے شروع ہو جانے والی مردم و خانہ شماری کے انتظامات مکمل ہو چکے ہیں۔ انہوں نے کہا کہ سیکیورٹی کا کوئی مسئلہ نہیں ہے۔

    تفصیلات کے مطابق سیکریٹری شماریات نے چیف شماریات آصف باجوہ کو مردم شماری کے حوالے سے بریفنگ دیتے ہوئے کہا کہ چھٹی مردم اور خانہ شماری کے لیے تمام انتظامات مکمل ہیں۔ مردم و خانہ شماری 15 مارچ سے شروع ہو جائے گی۔

    سیکریٹری شماریات نے چیف شماریات کا کہنا تھا کہ عملے کی تربیت مکمل ہوچکی ہے جبکہ حتمی مرحلہ بھی چند روز میں مکمل ہوجائے گا۔ پاک فوج کے ساتھ رابطے اور کوآرڈینیشن مسلسل جاری ہے۔ تمام متعلقہ حکام اور عملے کو ذمہ داریاں سونپی جا چکی ہیں۔

    مزید پڑھیں: مردم شماری کے نتائج پر قومی اسمبلی کی نشستیں تقسیم ہوں گی، آصف باجوہ

    اس موقع پر چیف شماریات آصف باجوہ نے کہا کہ جہاں آپریشن چل رہا ہے اس بارے میں حکومت سے معاملات طے ہوگئے ہیں۔ انہوں نے سیکیورٹی کے حوالے سے کیے گئے انتظامات پر اطمینان کا اظہار کیا۔

    یاد رہے کہ پاکستان میں آخری بار مردم اور خانہ شماری سنہ 1998 میں کی گئی تھی تاہم طویل وقفے کے بعد سپریم کورٹ نے نوٹس لیتے ہوئے حکومت وقت کو مردم شماری کرنے کا حکم دیا تھا۔

    پاک فوج کے 2 لاکھ جوان مردم اور خانہ شماری کے دوران پورے ملک میں ٹیموں کے ساتھ اپنے فرائض سرانجام دیں گے۔ مردم شماری کا آغاز 15 مارچ سے کیا جائے گا جو مرحلہ وار ہوگا۔

  • آپریشن ردالفساد : پاک فوج نے عوام کیلئے ہاٹ لائن متعارف کرادی

    آپریشن ردالفساد : پاک فوج نے عوام کیلئے ہاٹ لائن متعارف کرادی

    لاہور: پاک فوج نے عوام کو مطلع کیا ہے کہ دہشت گردی کے قلع قمع کیلئے جاری آپریشن "ردالفساد” کو مزید مؤثر بنانے کیلئے عوام پنجاب رینجرز کے شانہ بشانہ اپنا کردار ادا کرسکتے ہیں اس حوالے سے درج ذیل فون نمبرز اور واٹس ایپ پر براہ راست رابطہ کیا جا سکتا ہے۔

    پاک فوج کے شعبہ تعلقات عامہ آئی ایس پی آر کے مطابق آپریشن "ردالفساد” میں پنجاب رینجرز کی معاونت کی جاسکتی ہے۔

    عوام کسی بھی مشکوک سرگرمی کی اطلاع کیلئے رینجرزسے رابطہ کرسکتے ہیں، آئی ایس پی آر کے مطابق عوام 99220030-042 پر رابطہ کرسکتے ہیں۔

     کسی بھی مشکوک سرگرمی کی اطلاع کیلیے نمبر 99221230-042 پر رابطہ کرسکتے ہیں،اس کے علاوہ واٹس ایپ کےلئے 8880100-0340پررابطہ کیاجاسکتا ہے۔

    آئی ایس پی آر کا کہنا ہے کہ عوام 8880047-0340 پر بذریعہ ایس ایم ایس بھی آگاہ کرسکتے ہیں۔ اس کے علاوہ اس ایڈریس پر  [email protected] ای میل کی جاسکتی ہے ،