ARYNews.tv | Urdu – Har Lamha Bakhabar

Tag: پاک فوج

  • پاک فوج کا شوال میں زمینی کارروائی شروع کرنے کا اعلان

    پاک فوج کا شوال میں زمینی کارروائی شروع کرنے کا اعلان

    شوال: شمالی وزیرستان کے علاقے شوال میں پاک فوج نے زمینی آپریشن شروع کردیا ہے۔

    آئی ایس پی آر کے مطابق آرمی چیف نے فوسز کو آپریشن کے مقاصد جلد سے جلد حاصل کرنے کی ہدایت کی ہے۔

    آرمی چیف نے موثر کارروائی کے لیے زمینی وفضائی افواج کو باہمی رابطے کی ہدایت کی ہے اور کہا ہے کہ فضائی وزمینی افواج کے درمیان مربوط روابط قابل تحسین ہیں۔

     ڈی جی آئی ایس پی آر نے ٹوئٹر پر ٹوئٹ کیا کہ سیکورٹی فورسز نے شوال میں دہشت گردوں کے خلاف اب فضائی کے ساتھ زمینی کارروائی بھی شروع کردی گئی ہے۔

    ڈی جی آئی ایس پی آر عاصم سلیم باجوہ کا کہنا تھا کہ آرمی چیف نے فورسز کو مطلوبہ مقاصد جلد حاصل کرنے کی ہدایت کی ہے او مؤثر کارروائی کیلئے زمینی اور فضائی فورسز میں مربوط رابطے کو قابل تحسین قرار دیا ہے۔

  • شمالی وزیرستان : پاک فوج کی شوال میں کارروائی،38شدت پسند ہلاک

    شمالی وزیرستان : پاک فوج کی شوال میں کارروائی،38شدت پسند ہلاک

    شوال : شمالی وزیرستان میں آپریشن ضرب عضب میں سیکورٹی فورسز نے کارروائی کرتے ہوئے اڑتیس شدت پسندہلاک اورمتعدد زخمی کر دیئے۔

    تفصیلات کے مطابق شمالی وزیرستان میں دہشت گردوں کے خلاف آپریشن ضرب عضب کامیابی سے جاری ہے اور فوج کو قدم قدم پر کامیابیاں مل رہی ہیں۔  شمالی وزیرستان کے علاقے شوال میں جیٹ طیاروں نے شدت پسندوں کے ٹھکانوں پرشدید بمباری کی۔

    سرکاری ذرائع کے مطابق پاک فوج کی کارروائی میں شدت پسندوں کے تین ٹھکانے تباہ کردیئے گئے اوران حملوں کے نتیجے میں اڑتیس شدت پسند ہلاک ہوگئے۔

    واضح رہے کہ گزشتہ تین روزکے دوران شمالی وزیرستان اور خیبر ایجنسی میں پاک فوج کی مختلف کارروائیوں میں درجنوں شدت پسند ہلاک ہوئے اور ان کے متعدد ٹھکانے تباہ کئے جا چکے ہیں۔

  • شوال: سیکیورٹی فورسز کی فضائی کارروائی،18شدت پسند مارے گئے

    شوال: سیکیورٹی فورسز کی فضائی کارروائی،18شدت پسند مارے گئے

    شوال: شمالی وزیرستان میں سیکیورٹی فورسز کی شدت پسندوں کے خلاف فضائی کارروائی میں اٹھارہ شدت پسند مارے گئے۔

    شمالی وزیرستان کی تحصیل شوال میں دہشتگردوں کے خلاف سیکیورٹی فورسز کی کارروائیاں جاری ہے۔

    فورسز کی فضائی کارروائی میں اٹھارہ شدت ہلاک ہوگئے، سیکیورٹی فورسز دہشتگردوں کے خلاف مستقل لڑرہی ہیں۔

    عسکری ذرائع کے مطابق شوال میں تین روز سے جاری فضائی کارروائی میں اب تک ایک سو اٹھ شدت پسند مارے جاچکے ہیں

  • شمالی وزیرستان، خیبرایجنسی میں کاروائی 65 دہشت گردہلاک

    شمالی وزیرستان، خیبرایجنسی میں کاروائی 65 دہشت گردہلاک

    خیبرایجنسی: شمالی وزیرستان اور خیبرایجنسی میں سیکیورٹی فورسز نے فضائی کارروائیاں کی، جس میں پینسٹھ دہشت گرد مارے گئے۔

     آئی ایس پی آر کے مطابق شمالی وزیرستان میں سیکورٹی فورسز نے فضائی کارروائی کی،جس میں پچاس دہشت گرد مارے گئے۔

     سیکورٹی فورسز نے شوال کے علاقے گھرلا مائی میں دہشتگردوں کےٹھکانوں پرحملےکیے، جس میں دہشتگردوں کےٹھکانے اور گولہ بارود بھی تباہ ہوا ہے۔

    آئی ایس پی آر کے مطابق خیبر ایجنسی میں فضائی کارروائی میں ہلاک ہونے والے پندرہ دہشت گردوں میں دو خودکش بمبار بھی شامل ہیں۔

    آئی ایس پی آر کا کہنا ہے کہ فضائی کارروائی پاک افغان سرحدی علاقے رجگال سیکٹرمیں کی گئی، جس میں دہشت گردوں کے کئی ٹھکانے بھی تباہ ہوئے ہیں۔

  • پاک فوج کی شمالی وزیرستان میں فضائی کارروائی، چالیس دہشت گرد ہلاک

    پاک فوج کی شمالی وزیرستان میں فضائی کارروائی، چالیس دہشت گرد ہلاک

    شمالی وزیرستان : پاک فوج نے شمالی وزیرستان میں کارروائی کرکے چالیس دہشت گردوں کو ہلاک کردیا، حملےمیں  متعدد دہشت گرد زخمی ہوگئے۔

    تفصیلات کے مطابق پاک آرمی کا شمالی وزیرستان میں آپریشن ضرب عضب کامیابی سے جاری ہے۔ اب تک کی جانے والی کاررائیوں میں سینکڑوں دہشت گردوں کو ٹھکانے لگایا جاچکا ہے۔ جس نے اُن کی کمر توڑ دی ہے۔

    شمالی وزیرستان کے علاقے شوال میں جیٹ طیاروں نے دہشت گردوں کے ٹھکانے پر میزائل داغے۔امن کے دشمنوں پر شوال میں جیٹ طیاروں نے بمباری کی۔

    فضائی آپریشن دوپہر کے بعد کیا گیا۔ آئی ایس پی آر کے مطابق فضائی کارروائی میں چالیس دہشت گرد ہلاک جبکہ متعدد زخمی ہوگئے۔

    آپریشن ضرب عضب میں دہشت گردوں پر زمین اور فضا دونوں سے حملے کئے جا رہے ہیں۔ دہشت گردوں کی ہلاکتوں اور فرار ہونے سے علاقے میں امن بحال ہو رہا ہے۔

    پاک فوج کا عزم ہے کہ آخری دہشت گرد کے خاتمے تک شمالی وزیرستان میں آپریشن ضربِ عضب جاری رہے گا۔

  • پاک فوج کےافسران اورجوانوں کے لئے اعزازات کی منظوری

    پاک فوج کےافسران اورجوانوں کے لئے اعزازات کی منظوری

    اسلام آباد : صدرمملکت ممنون حسین نےجشن آزادی کےموقع پرپاک فضائیہ اور بحریہ کےافسران اورجوانوں کے لئے اعزازات تفویض کرنے کی منظوری دےدی۔

    پاک فضائیہ ترجمان کے مطابق صدر ممنون حسین نے دو افسران کو ہلال امتیاز ملٹری،سولہ کوستارہ امتیاز ملٹری،پندرہ کوتمغہ امتیاز ملٹری کی منظوری سمیت دوافسراان کیلئےستارہ بسالت اورنوکے لئے تمغہ بسالت کی منظوری دی ہےْ

    صدر مملکت کی جانب سے پاک بحریہ کے تریپن آفیسرز اورسیلرز کیلئے بھی اعزازات تفویض کئے گئے۔

    نیوی کےدوافسران کوہلال امتیازملٹری، گیارہ کموڈورستارہ امتیاز ملٹری،دس افسران کو تمغہ امتیاز ملٹری، دوآفیسرز کوستارہ بسالت اورایک سیلرکوتمغہ بسالت سےنوازا گیاہے۔

  • آرمی چیف کا وزیرستان میں اگلے مورچوں کا دورہ ، آئی ایس پی آر

    آرمی چیف کا وزیرستان میں اگلے مورچوں کا دورہ ، آئی ایس پی آر

    پشاور: آرمی چیف نے وزیرستان میں اگلےمورچوں کادورہ کیا اور جوانوں سے ملاقات کی۔

     ملک سے دہشت گردی کے خاتمے کے لیے پرعزم آرمی چیف اگلے مورچوں پر جوانوں کا حوصلہ بڑھانے وزیرستان پہنچ گئے۔

    آئی ایس پی آر کے مطابق وزیرستان دورے کے موقع پر آرمی چیف کا کہنا تھا کہ آپریشن ضرب عضب آخری مراحل میں داخل ہوچکا،شمالی وزیرستان کےچند محدود علاقوں سے مزاحمت ہورہی ہے۔

     آرمی چیف جنرل راحیل کا کہنا تھا کہ دہشتگردوں کے فرارکی تمام راہیں مسدودکردیں ہیں اورعلاقے کو کو جلد دہشت گردوں کی باقیات سے بھی پاک کردیا جائے گا۔

  • پاک فوج میں ہر خطرے کا مقابلہ کرنےکی صلاحیت موجودہے، آرمی چیف

    پاک فوج میں ہر خطرے کا مقابلہ کرنےکی صلاحیت موجودہے، آرمی چیف

    راولپنڈی : آرمی چیف جنرل راحیل شریف نے کہا ہے کہ افغان حکومت اورطالبان کے درمیان مذاکرات ہی پائیدارامن کاواحد راستہ ہیں۔

    ان خیالات کا اظہار انہوں نے جی ایچ کیو راولپنڈی میں کورکمانڈرزکانفرنس کی صدارت کر تے ہوئے کانفرنس سے خطاب کرتے ہوئے کیا۔

    پاک فوج کے شعبہ تعلقات عامہ (آئی ایس پی آر )کے مطابق آرمی چیف کا کہنا تھا کہ افواج پاکستان میں ہر خطرےکامقابلہ کرنےکی بھرپورصلاحیت موجودہے۔

    انہوں نے کہا کہ افغان حکومت اورطالبان کے درمیان مذاکرات ہی پائیدارامن کاواحد راستہ ہیں۔ مذاکرات کو خراب کرنے والے افغانستان سمیت خطے کے امن اور ترقی کے مخالف ہیں۔

    کانفرنس میں ایل اوسی کی صورتحال پرتبادلہ خیال کیا گیا، آپریشن ضرب عضب اور خفیہ معلومات کی بنیاد پر جاری آپریشنز کا بھی جائزہ لیا گیا۔

    کانفرنس میں سیکیورٹی کی صورتحال پر بھی غورکیاگیا۔ سیکیورٹی کی بہترصورتحال پرآرمی چیف نے اطمینان کا اظہار کیا۔

  • سیلاب متاثرہ علاقوں میں پاک فوج کی امدادی سرگرمیاں جاری

    سیلاب متاثرہ علاقوں میں پاک فوج کی امدادی سرگرمیاں جاری

    لاہور : جنوبی پنجاب کے سیلاب سے متاثرہ علاقوں میں پاک فوج کی امدادی سرگرمیاں جاری ہیں۔لاہور اور اس کے اطراف میں نو امدادی کیمپ قائم کردیئے گئے ہیں۔

    تفصیلات کے مطابق جنوبی پنجاب کے متاثرہ علاقوں میں پاک فوج کی جانب سے امدادی کارروائیاں جاری ہیں, آئی ایس پی آر کے مطابق لیہ،ڈی جی خان،راجن پور سمیت دیگر متاثرہ علاقوں میں پھنسےافرادکونکالاجارہاہے ۔

    لیہ اورگردونواح سےنو سو ساٹھ افرادکومحفوظ مقامات پرمنتقل کیا گیا ۔لیہ کے آرمی میڈیکل کیمپ میں آٹھ سو تین مریضوں کوطبی امدادفراہم کی گئی ہے۔

    راجن پور میں بھی مریضوں کو طبی امداد دی جارہی ہے،  آئی ایس پی آر کے مطابق جھگڑاامام بندکاشگاف پرکرنےکےلئےدن رات کام جارہی ہے۔

    پاک فوج کی جانب سے متاثرین میں خوراک کےتھیلے بھی تقسیم کیےجارہےہیں، آئی ایس پی آر کے مطابق پاک فوج نے لاہور میں نو امدادی کیمپ قائم کئے ہیں ۔عوام سے راشن، خیمے اور دوائیں فراہم کرنے کی اپیل کی گئی ہے۔

  • چترال:پاک فوج کی امدادی کارروائیاں جاری،سیلاب میں پھنسے 60افراد محفوظ مقام پرمنتقل

    چترال:پاک فوج کی امدادی کارروائیاں جاری،سیلاب میں پھنسے 60افراد محفوظ مقام پرمنتقل

    چترال : آرمی چیف جنرل راحیل شریف کی ہدایت پرچترال کے سیلاب زدہ علاقوں میں پاک فوج کا امدادی کام جاری ہے، سیلاب میں پھنسے ساٹھ افراد کو محفوظ مقام پرمنتقل کردیا گیا۔

    آئی ایس پی آر کے مطابق چترال کے سیلاب سے متاثرعلاقوں میں پاک فوج کا ریلیف آپریشن جاری ہے، کراغ اور بونی میں پھنسے ساٹھ افراد کو آرمی ہیلی کاپٹر کے ذریعے محفوظ مقام پرمنتقل کردیا گیا، ان میں سیاح، بیمار اور بزرگ شامل ہیں۔

    سیلاب متاثرین کو محفوظ مقامات پرمنتقل کرنے کا سلسلہ جاری ہے اور متاثرہ علاقوں میں آرمی کے ہیلی کاپٹرز مسلسل پرواز کر رہے ہیں، چترال میں سیلابی ریلوں سے درجنوں گاؤں ملیا میٹ ہوگئے ہیں اور پانچ لاکھ افراد متاثر ہوئے ہیں۔

    مون سون بارشوں کےبعد چترال کو سیلابی پانی نے چاروں سے گھیرے میں لیا ہوا ہے، سیلاب کی منہ زورموجوں نےگرم چشمہ، کیلاش، بمبورت، رمبور،حسن آباد اور مستونج سمیت دیگرعلاقوں میں بڑے پیمانے پر تباہی مچادی، اب تک تین درجن سے زائدپُل،متعددرابطہ سڑکیں اور کئی مکانات سلابی ریلوں میں بہہ گئے ہیں۔

    ذرائع کے مطابق چترال کے چھبیس سے زائد دیہات میں تیار فصلوں کو بھی نقصان پہنچا ہے۔