Tag: پاک فوج

پاک فوج کے سربراہ جنرل راحیل شریف نے بنوں کا دورہ کیا اور دھماکے کے زخمیوں کی عیادت کی، انھوں نے زخمی جوانوں کےعزم اور حوصلے کو بھی سراہا۔

عسکری حکام کے مطابق جنرل راحیل شریف بنوں پہنچے تو کور کمانڈر پشاور لیفٹنٹ جنرل خالد ربانی نے اُن کا استقبال کیا، جنرل راحیل کمبائنڈ ملٹری اسپتال بنوں پہنچے اور چھاؤنی دھماکے میں زخمی سکیورٹی اہلکاروں کی عیادت کی۔

اس موقع پر انھوں نے زخمی جوانوں کے عزم اور حوصلے کو سراہا، جنرل راحیل نے فوجی جوانوں کو گلدستے بھی پیش کئے، بنوں میں اتوار کو کرائے پر حاصل کی گئی گاڑی میں بم دھماکے سے تئیس سکیورٹی اہلکار شہید اور متعدد زخمی ہوگئے تھے، شہید ہونے والوں میں ایف سی اور آرمی کے جوان شامل ہیں۔

پاک فوج کا کہنا ہے کہ پاکستان نے ہمیشہ لائن آف کنٹرول پر جنگ بندی معاہدے کا مکمل احترام کیا، بھارتی آرمی چیف کا حالیہ بیان کے منافی ہے، الزامات کبھی ثمر آور نہیں ہوتے۔

پاکستان کی مسلح افواج نے بھارتی آرمی چیف جنرل بِکرم سنگھ کے بیان کو مسترد کردیا، آئی ایس پی آر کے مطابق بھارتی آرمی چیف کابیان حقائق کےمنافی اور الزامات اشتعال انگیزہیں، پاک فوج نے ہمیشہ لائن آف کنٹرول پر سیزفائرکا مکمل احترام کیا، پاک بھارت ڈی جی ایم اوزملاقات سے بھی کنٹرول لائن پرصورتحال بہتر ہوئی۔

ترجمان کا کہنا ہے کہ بھارتی آرمی چیف کی جانب سے ایل اوسی پرسیزفائرکی خلاف ورزی کابیان مسترد کرتےہیں، ایسے بیانات کبھی فائدہ مندثابت نہیں ہوں گے، بھارتی آرمی چیف جنرل بِکرم سنگھ نے اپنے تازہ بیان پاکستان کے خلاف ایک مرتبہ پھر زہرافشانی کرتے ہوئے الزامات عائد کئے، اور دھمکی دی کہ کنٹرول لائن پرپاکستانی فوج کی خلاف ورزیاں برداشت نہیں کی جائیں گی۔