Tag: پاک قطر تعلقات

اسلام آباد: قطر کے خصوصی سفیر مطلق بن ماجد القحطانی نے کہا ہے کہ قطر افغانستان میں امن کے لیے پاکستان سے مل کر کوششیں کر رہا ہے۔

اے آر وائی نیوز کے مطابق پیر کو اسلام آباد میں قطر کے خصوصی سفیر مطلق بن ماجد القحطانی نے وفاقی وزیر داخلہ شیخ رشید سے ملاقات کی، جس میں پاکستان قطر باہمی تعلقات اور افغانستان امن مذاکرات پر بات چیت کی گئی۔

وزیر داخلہ نے افغان امن مذاکرات سے متعلق قطر کی کاوشوں کو سراہا، قطر کے خصوصی سفیر نے کہا افغانستان میں امن خطے کی ترقی کے لیے ناگزیر ہے، پاکستان نے قیام امن کے لیے بے شمار قربانیاں دی ہیں۔

وزیر داخلہ شیخ رشید نے کہا پاکستان اور قطر کے درمیان تعلقات برادرانہ ہیں، افغانستان میں پائیدار امن پاکستان کا دیرینہ خواب ہے، قطر حکومت نے طالبان سے مذاکرات کے لیے قابل ستائش کام کیا۔

شیخ رشید کا کہنا تھا پاکستان قطر کی امن کوششوں کو انتہائی قدر کی نگاہ سے دیکھتا ہے، پاکستان، قطر اور افغانستان کی کوششوں سے علاقے میں امن بہتر ہوا، افغان طالبان سے مذاکرات کا عمل جاری رہنا چاہیے۔

وزیر داخلہ سے ملاقات میں قطری حکومت کے اعلیٰ حکام نے بھی شرکت کی، ملاقات میں پاکستان میں قطر کے سفیر اور وفاقی سیکریٹری داخلہ بھی موجود تھے۔

اسلام آباد: وزیر خارجہ شاہ محمود قریشی ایک روزہ سرکاری دورے پر قطر پہنچ گئے ہیں۔

تفصیلات کے مطابق پاکستان کے وزیر خارجہ شاہ محمود قریشی سری لنکا کے دورے کے بعد ایک روزہ سرکاری دورے پر قطر پہنچ گئے، جہاں قطر کی وزارتِ خارجہ کے چیف پروٹوکول آفیسر، پاکستانی ہائی کمشنر اور دیگر حکام نے ان کا استقبال کیا۔

وزیر خارجہ آج دوحہ میں دوسرے کوالالمپور سمٹ وزارتی اجلاس میں شرکت کریں گے۔

واضح رہے کہ اس سے قبل وزیر خارجہ شاہ محمود نے سری لنکا کا بھی دو روزہ سرکاری دورہ کیا، دورے کے اختتام پر اور قطر روانگی سے قبل میڈیا سے گفتگو کرتے ہوئے انھوں نے کہا کہ پاکستان کے سری لنکا کے ساتھ تعلقات مثالی نوعیت کے ہیں، دونوں ممالک نے مشکل حالات میں ایک دوسرے کا ساتھ دیا، ہمارا مستقبل ایک دوسرے سے وابستہ ہے۔

یہ بھی پڑھیں:  پاکستان کے سری لنکا سے تعلقات مثالی نوعیت کے ہیں ، شاہ محمود قریشی

ان کا کہنا تھا کہ پاک سری لنکا تجارت کے فروغ کے لیے وسیع مواقع موجود ہیں، ہم مستقبل میں بھی آزادانہ تجارت کے معاہدے سے فائدہ اٹھائیں گے اور خدمات کے شعبے میں ایک دوسرے کی معاونت کریں گے، دہشت گردوں کے خلاف کاررروائی میں بھی پاکستان نے سری لنکا کا بھرپور ساتھ دیا۔

خیال رہے کہ دورے کے دوران شاہ محمود نے سری لنکا کے نو منتخب صدر گوٹا بایا راجا پاکسا سمیت اہم حکام سے ملاقاتیں کیں۔

اسلام آباد: پاکستان کو قطر سے امداد کی پہلی قسط مل گئی، ذرایع کا کہنا ہے کہ قطر سے پاکستان کو 50 کروڑ ڈالرز کی پہلی قسط ملی ہے۔

تفصیلات کے مطابق قطر نے پاکستان کو 3 ارب ڈالرز دینے کی منظوری دی تھی، امداد کی رقم کے سلسلے میں پہلی قسط پچاس کروڑ ڈالر پر مبنی ہے، ذرایع نے بتایا ہے کہ پہلی قسط پاکستان کو مل گئی ہے۔

اسٹیٹ بینک ذرایع کا کہنا ہے کہ قطری امداد ملنے سے زر مبادلہ کے ذخائر میں اضافہ ہوگا، قسط ملنے سے زر مبادلہ کے ذخائر 14 ارب 80 کروڑ ڈالر کی سطح پر پہنچ جائیں گے۔

یاد رہے کہ چھ دن قبل قطری حکومت نے اعلان کیا تھا کہ قطر پاکستان میں 3 ارب ڈالر کی براہ راست سرمایہ کاری کرے گا، سرمایہ کاری کے بعد پاک قطر باہمی معاشی تعاون کا حجم 9 ارب ڈالر ہوگا۔

یہ بھی پڑھیں:  قطر پاکستان میں 3 ارب ڈالر کی براہ راست سرمایہ کاری کرے گا، قطری حکومت کا اعلان

وزیر خارجہ شیخ محمد بن عبد الرحمان الثانی کا کہنا تھا کہ قطر پاکستان میں گیس اور دیگر شعبوں میں سرمایہ کاری بھی کرے گا۔

اس سے قبل سعودی عرب اور یو اے ای بھی پاکستان کو ایسے ہی پیکجز دے چکے ہیں، سعودی عرب نے پاکستان کو ڈائریکٹر ڈپازٹس کےعلاوہ مؤخر ادائیگیوں پر تیل کی سہولت بھی فراہم کی ہے۔

پاکستان کا آئی ایم ایف سے بھی اصولی معاہدہ طے پا گیا ہے، جس کے تحت پاکستان کو چھ ارب ڈالر ملیں گے، معاہدے کی حتمی منظوری آئی ایم ایف کا بورڈ اگلے ماہ دے گا۔

دوحہ: وزیرِ اعظم عمران خان نے دو روزہ دورے پر قطر پہنچنے کے بعد دوحہ میں اپنے قطری ہم منصب سے ملاقات کی۔

تفصیلات کے مطابق وزیرِ اعظم عمران خان دو روزہ دورے پر قطر پہنچ گئے ہیں جہاں انھوں نے اپنے قطری ہم منصب عبد اللہ بن نصر بن خلیفہ الثانی سے ملاقات کی۔

پاک قطر وزرائے اعظم کی ملاقات میں دونوں ممالک کے مابین باہمی اقتصادی تعاون بڑھانے پر تبادلۂ خیال کیا گیا۔

قطر کے وزیرِ اعظم عبد اللہ بن نصر بن خلیفہ الثانی نے ملاقات کے بعد وزیرِ اعظم پاکستان کے اعزاز میں عشائیہ بھی دیا۔

وزیر اعظم پاکستان عمران خان کی قطر کے وزیر اعظم عزت مآب عبداللہ بن نصر بن خلیفہ الثانی سے دوحہ میں ان کی رہائش گاہ پر ملاقات
جناب عبداللہ بن نصر بن خلیفہ الثانی ریاست قطر کے وزیر داخلہ بھی ہیں@ImranKhanPTI#PMIKVisitsQatar pic.twitter.com/ISB8Uvk2dz

— PTI (@PTIofficial) January 21, 2019

واضح‌ رہے کہ وزیرِ اعظم عمران خان دو روزہ سرکاری دورے پر قطر میں‌ ہیں، قطر پہنچنے پر نائب وزیرِ خارجہ سلطان بن سعد نے ان کا استقبال کیا۔

وزیرِ خارجہ شاہ محمود، وزیرِ خزانہ اسد عمر، خسرو بختیار، غلام سرور خان، مشیر تجارت عبد الرزاق داؤد اور زلفی بخاری بھی وزیرِ اعظم کے ہم راہ ہیں۔

یہ بھی پڑھیں:  وزیرِ اعظم عمران خان 2 روزہ سرکاری دورے پر قطر پہنچ گئے

قبل ازیں وزیرِ اعظم نے صحافیوں سے گفتگو کرتے ہوئے کہا کہ دورۂ قطر انتہائی اہمیت کا حامل ہے، قطر اور پاکستان کے دیرینہ برادرانہ تعلقات ہیں، پاکستان برادرمسلم ممالک کے درمیان مثالی تعلقات کا خواہاں ہے۔

ذرائع کا کہنا ہے کہ دورے کے دوران پاکستان 4 ارب ڈالر ادھار ایل این جی کی درآمد پر بات کرے گا، پاکستان ایل این جی کی قیمت پر نظرِ ثانی کی تجویز بھی دے گا، دوسری طرف فیفا ورلڈ کپ 2022 کے لیے ایک لاکھ نوکریوں کے کوٹے کا مطالبہ کیا جائے گا۔

اسلام آباد: وفاقی وزیرِ خارجہ شاہ محمود قریشی نے کہا ہے کہ وزیرِ اعظم کے دورۂ قطر سے تعلقات کو مزید وسعت دینے میں مدد ملے گی، پاک قطر تعلقات میں وسعت کی بے پناہ گنجائش موجود ہے۔

تفصیلات کے مطابق وزیرِ خارجہ شاہ محمود قریشی نے وزیرِ اعظم عمران خان کے ہم راہ قطر روانگی سے قبل میڈیا سے گفتگو کرتے ہوئے کہا کہ اس دورے سے باہمی تعلقات میں وسعت آئے گی۔

[bs-quote quote=”قطر میں فٹ بال ورلڈ کپ کے انعقاد پر افرادی قوت درکار ہے۔” style=”style-7″ align=”left” color=”#dd3333″ author_name=”وزیر خارجہ”][/bs-quote]

شاہ محمود نے کہا ’قطر میں پاکستانیوں کی بڑی تعداد برسرِ روزگار ہے، وزیرِ اعظم مزید پاکستانی افرادی قوت بھجوانے پر بات کریں گے۔‘

وزیرِ خارجہ کا کہنا تھا کہ قطر میں فٹ بال ورلڈ کپ کے انعقاد پر افرادی قوت درکار ہے، نئی تعمیرات اور دیگر سرگرمیوں کے لیے بھی افرادی قوت درکار ہے، آئی ٹی سمیت مختلف شعبوں کے ہنر مند افراد قطر بھجوانے پر بات ہوگی۔

شاہ محمود قریشی کا کہنا تھا کہ گزشتہ 6 ماہ میں قطر کے ساتھ پاکستان کی تجارت میں اضافہ ہوا ہے، قطر سے تجارت میں مزید اضافے کے امکانات بھی موجود ہیں، قطر سے پاکستان کی ایل این جی کی ضروریات پوری ہوتی ہیں، مزید سہولیات اور بہتر شرائط کار پر بات چیت ہوگی۔

یہ بھی پڑھیں:  قوم کو یقین دلاتا ہوں قطرسےواپس آکر ساہیوال واقعے کے قصورواروں کوعبرت ناک سزا دی جائے گی،وزیراعظم

انھوں نے کہا ’پاکستان افغانستان میں مصالحتی عمل میں قطر کے کردار کو سراہتا ہے، دورۂ قطر میں وہاں کی قیادت سے افغان امن عمل سے متعلق بات چیت ہوگی۔‘

وزیر خارجہ کا کہنا تھا کہ خطے کو پہلے سے زیادہ مستحکم اور پُر امن بنانے کے لیے مزید امکانات کا جائزہ لیں گے، جب کہ قطر حکام سے اسلامی دنیا میں مفاہمت، غلط فہمیوں کو دور کرنے میں پاکستانی کردار پر بھی بات ہوسکتی ہے۔