Tag: پاک ویسٹ انڈیز

پاکستان اور ویسٹ انڈیز کے درمیان دو ٹیسٹ میچوں کی سیریز کے میچز اسٹیڈیم میں دیکھنے والے خواہشمند شائقین کیلیے بڑی خوشخبری ہے۔

ویسٹ انڈیز 19 سال کے طویل عرصہ کے بعد ٹیسٹ سیریز کھیلنے پاکستان آئی ہے اور پاکستانی شائقین ویسٹ انڈین اسٹارز کو اپنے میدانوں کھیلتا دیکھنے کے لیے بے تاب ہیں۔

جو شائقین کرکٹ اسٹیڈیم جا کر میچز اپنے اسٹار کرکٹرز کو ایکشن میں دیکھنا چاہتے ہیں۔ ان کے لیے خوشخبری ہے کہ آج سے سیریز کے ٹکٹ کی فروخت شروع ہو رہی ہے۔

پاکستان کرکٹ بورڈ نے سیریز کے لیے ٹکٹوں کی فروخت کا اعلان کر دیا ہے۔ آج دوپہر 12 بجے سے شائقین کرکٹ ٹکٹ خرید سکیں گے۔ تاہم فرسٹ کلاس اور جنرل انکلوژرز میں تماشائیوں کا داخلہ مفت ہوگا۔

پی سی بی نے ٹکت کی کم سے کم قیمت 100 روپے رکھی ہے۔ وی آئی پی کا 150 جب کہ گیلری انکلوژر کا ٹکٹ 500 روپے میں دستیاب ہوگا۔

واضح رہے کہ ٹیسٹ سیریز کے دونوں میچز ملتان میں کھیلے جائیں گے۔ پہلا میچ 17 سے 21 جنوری جب کہ دوسرا میچ 25 سے 29 جنوری تک کھیلا جائے گا۔ اس سے قبل ویسٹ انڈیز کی ٹیم پاکستان شاہینز کے خلاف تین روزہ میچ آج سے پنڈی کرکٹ اسٹیڈیم میں کھیلا جا رہا ہے۔

پاکستان کرکٹ بورڈ (پی سی بی) کی جانب سے ویسٹ انڈیز کے خلاف ہوم سیریز ملتوی کیے جانے کا امکان ہے۔

میڈیا رپورٹس کے مطابق پاکستان کو فروری میں ویسٹ انڈیز کے خلاف 2 ٹیسٹ اور تین ٹی20 میچوں پر مشتمل سیریز کی میزبانی کرنا تھی تاہم پی ایس ایل کے نویں ایڈیشن سے متصادم ہونے کی وجہ سے سیریز کرنے پر مختلف آپشن پر غور کیا جارہا ہے۔

رپورٹ کے مطابق پی سی بی سیریز رمضان کے بعد اپریل کے وسط میں شروع کرنےکا خواہاں ہے، پی ایس ایل کی ونڈو کے لیے کرکٹ بورڈ نے اسٹیک ہولڈرز سے مشاورت کی ہے۔

واضح رہے کہ پاکستان کو فروری میں ویسٹ انڈیز کی میزبانی کرنی ہے، سیریز میں دو ٹیسٹ، تین ٹی ٹوئنٹی کھیلےجانے ہیں۔