Tag: پاک چین دوستی

  • 18 جون اور دنیا کا آٹھواں عجوبہ!

    18 جون اور دنیا کا آٹھواں عجوبہ!

    شاہ راہِ ریشم زمانہ قدیم ہی سے ایک اہم گزر گاہ اور اس خطے سے دنیا کے دیگر ملکوں تک تجارت کا ذریعہ رہی ہے۔

    مشہور ہے کہ اس طویل راستے سے چین کی بہت سی اجناس دنیا کے دوسرے خطوں تک پہنچتی تھیں اور دوسرے ممالک سے بھی تاجر اپنا مال خریدوفروخت کے لیے یہاں لاتے تھے۔ اسے ریشم کے تاجروں کی وجہ سے شاہ راہِ ریشم پکارا جانے لگا۔ یہ راستہ بعد میں بند ہوگیا تھا۔

    قیام پاکستان کے بعد پاک چین دوستی کا آغاز ہوا تو دونوں ملکوں کے مابین اس شاہ راہ کی اہمیت کو دیکھتے ہوئے اور دوستی کی یادگار کے طور پر تعمیر کرنے کا فیصلہ کیا گیا اور اس کے مخصوص راستوں کو تعمیر کے بعد آمدورفت کے لیے کھولا گیا۔ اسے شاہ راہِ قراقرم کہا جاتا ہے جو کئی میل طویل ہے اور اپنے پُرپیچ اور طویل راستوں کی وجہ سے عجائباتِ دنیا میں شمار کی جاتی ہے۔

    اس کی تعمیر میں پاک فوج کے انجینئروں اور چینی ماہرین نے حصہ لیا اور دن رات کام کیا۔

    یہ شاہ راہ گلگت اور ہنزہ کے علاقوں کو درہ خنجراب کے راستے میں چین کے صوبہ سنکیانگ سے ملاتی ہے۔

    اس عظیم شاہ راہ کی تعمیر نو کا آغاز 1971 کو ہوا تھا اور آج 18 جون کو اس کا افتتاح کیا گیا تھا۔ یہ 1978 کی بات ہے۔ اس شاہ راہ کو آٹھواں عجوبہ مانا جاتا ہے۔

  • کورونا وائرس سے کئی سال پہلے کا چین

    کورونا وائرس سے کئی سال پہلے کا چین

    عمر بھر سنتا چلا آیا تھا کہ عورت و مرد، زندگی کی گاڑی کے دو پہیے ہیں اور اگر یہ ساتھ ساتھ چلیں تو زندگی خوش گوار و تیز رفتار ہو جاتی ہے۔ عملاََ اس کا مظاہرہ چین میں دیکھا۔ ہر شعبہ زندگی میں عورت مرد ایک دوسرے کے شانہ بہ شانہ کام کرتے نظر آئے۔

    اسپتالوں اور زچہ خانوں سے لے کر بچوں کے اسکولوں، تعلیم و تدریس کے تربیتی اداروں، تیار شدہ ملبوسات و اشیا کی دکانوں، کپڑے کے بڑے بڑے اسٹوروں، گھریلو اشیا کی فروخت کے مراکز اور کتابوں کی دکانوں، غرض عورت و مرد برابر نہیں بلکہ عورتوں کی تعداد مردوں سے کچھ زیادہ ہی تھی۔

    کمال کی بات یہ ہے کہ ہوٹل میں دوسرے کاموں کے علاوہ سیکیورٹی گارڈ، ایئرپورٹ کے حفاظتی و انتظامی عملے اور شہر کے ٹریفک نظام میں زیادہ عمل دخل خواتین ہی کا نظر آیا۔ سڑک کے بڑے بڑے چوراہوں پر ٹریفک کے جو بوتھ بنے ہیں، ان میں بھی عموماَ عورتیں ہی کام کرتی دکھائی دیں۔ بڑی بڑی پبلک بسیں بھی عورتیں چلا رہی تھیں، ایسی شائستگی، مستعدی اور کردار کی پاکیزگی و استقامت کے ساتھ کہ ان کے حسنِ عمل کا قائل ہونا پڑتا ہے۔

    (ڈاکٹر فرمان فتح‌ پوری کے سفر نامہ چین سے انتخاب، یہ ٹکڑا ایک ادبی جریدے کے 1993 کے شمارے سے لیا گیا ہے)

  • 21 مئی، پاک چین دوستی کا تاریخی دن

    21 مئی، پاک چین دوستی کا تاریخی دن

    پاکستان اور چین نے اپنے دوستی کے سفر کا آغاز 21 مئی 1951 سے کیا، یہ رشتہ وقت کے ساتھ ساتھ مضبوط ہوتا رہا اور آج 68 برس گزرنے کے بعد بھی دونوں ممالک کے درمیان مثالی دوستی قائم ہے۔

    تفصیلات کے مطابق  پاکستان سن 1947 میں قائداعظم کی قیادت میں آزاد ہوا جبکہ چین 1949ء میں ماؤزے تنگ کی سربراہی اور اُن کے لانگ مارچ کے ثمرات کے نتیجہ میں آزاد ہوا۔

    سن 1949ء میں چین کی آزادی کے ساتھ ہی پاکستان اور چین کے تعلقات بہتری کی طرف گامزن ہونا شروع ہو گئے تھے۔ پاکستان دنیا کا وہ واحد ملک تھا جس نے نے چین کی آزادی کو سب سے پہلے تسلیم کیا یہی سے دونوں ممالک کے درمیان رشتے استوار ہونا شروع ہوئے۔

    دونوں ممالک کے مابین قائم ہونے والے رشتے کے حوالے سے سربراہان کی سطح پر تہنیتی پیغامات جاری ہوئے، چینی وزیراعظم یوبیان  نے اپنی قوم کو بتایا تھا کہ اگر وہ چین سے پیار کرتے ہیں تو پاکستان سے بھی اُسی طرح پیار کریں اسی طرح پاکستانی وزیر اعظم نے بھی دنیا کو بابنگ دہل بتایا تھا کہ ’پاکستان اور چین کی دوستی ہمالیہ کی بلندی سے بھی اونچی ہے‘‘۔

    مزید پڑھیں: پاک چین دوستی، سی پیک پر تنقید مسترد، دونوں ممالک کا مل کر مقابلہ کرنے پر اتفاق

    پاکستان اور چین ایک دوسرے کے ساتھ معاشی، اقتصادی، اسلحہ اور توانائی سمیت دیگر منصوبوں پر تعاون کرتے رہتے ہیں۔ چین کے اشتراک سے پاکستان میں اقتصادی راہداری کا سب سے بڑا منصوبہ ’’سی پیک‘‘ جاری ہے جو پاکستان کی تقدیر کو بدل دے گا، اس منصوبے کو ناکام بنانے کے لیے بھارت سمیت دیگر ممالک سے سازشیں کیں مگر  دونوں ممالک کی قیادتوں نے مل کر دشمن کے عزائم کو ہمیشہ خاک میں ملایا۔

    پاکستان پر جب بھی آزمائش کا وقت پڑا چین سے سب آگے بڑھ کر مدد کی، 1965 میں جب بھارت نے دراندازی کی کوشش کی تو چین نے پاکستان کی بھرپور مدد کی اور دوستی کا حق نبھایا جس کی وجہ سے بھارت کے خواب چکنا چور ہوئے اور اُسے شکستِ فاش سے دوچار ہونا پڑا۔

    اسی طرح 1971 میں جب بھارت نے مشرقی پاکستان میں مکتی باہنیوں کو ورغلا کر بنگلا دیش کو پاکستان سے علیحدہ کروایا تو چین اُس کے بعد بھی پاکستان کے شانہ بشانہ کھڑا ہوا اور نازک صورتحال سے نکالنے میں پاکستان کا بھرپور ساتھ دیا جس کے بعد دونوں ممالک اور بھی قریب آگئے۔

    حیران کن طور پر جب 1949 میں چین آزاد ہوا تو امریکا اور چین کے تعلقات  کشیدہ تھے البتہ پاکستان نے کئی سالوں تک مسلسل جدوجہد کر کے امریکا کو کشیدگی ختم کرنے پر رضا مند کیا اور اُس وقت کے امریکی وزیر خارجہ ہنری کسنجر نے چین کا دورہ بھی کیا تھا۔

    یہ بھی پڑھیں: چین نے پاکستان سے دوستی کا حق ادا کردیا

    بعد ازاں چین کو اقوام متحدہ کی مستقل رکنیت مل گئی اور چین کو اقوام متحدہ میں ویٹو پاور کا حق ملا، پاکستان کے اِس کردار کی وجہ سے چین کی نظر میں پاکستان کا وقار بہت بلند ہوگیا اور چین نے حال ہی میں بھارت کی جانب سے پیش کی جانے والی متعدد بے بنیاد قراردادوں کو ویٹو بھی کیا۔

    اسی طرح چین نے وقت کے ساتھ ساتھ پاکستان کی دفاعی میدان میں بھی بھرپور مدد کی، دونوں ممالک نے اسلحہ سازی کے لیے معاہدے کیے جس کی وجہ سے دفاعی پیداوار بڑھی اور مقامی سطح پر ٹینک، طیارے تیار کیے گئے۔

    چین توانائی اور دیگر بہت سے منصوبہ جات میں جن میں سینڈک کا منصوبہ، گوادر پورٹ کا منصوبہ پاکستان کو ریلوے انجن کی فراہمی اور دیگر بے شمار ایسے منصوبہ جات ہیں جن میں پاکستان کو چین کی بھرپور مدد حاصل ہے جس سے پاکستان اور چین دوستی کے ایک ایسے رشتے میں بندھے ہوئے ہیں۔

    پاکستان اور چین دو ایسے ملک ہیں جو دوستی کے لازوال رشتے میں بندھے ہوئے ہیں۔ یہ دوستی برسوں پر محیط ہے جو وقت گزرنے کے ساتھ ساتھ مضبوط سے مضبوط تر ہوتی جا رہی ہے۔

  • چینی سرمایہ کار گروپ کا اربوں ڈالر کی نئی سرمایہ کاری کا اعلان

    چینی سرمایہ کار گروپ کا اربوں ڈالر کی نئی سرمایہ کاری کا اعلان

    کراچی: پاکستان کے لیے ایک اچھی خبر آ گئی، چینی سرمایہ کار گروپ نے توانائی کے شعبے میں سرمایہ کاری کا اعلان کر دیا ہے۔

    تفصیلات کے مطابق چینی سرمایہ کار گروپ پاور چائنا نے کوئلے اور ونڈ انرجی میں اربوں ڈالر کی نئی سرمایہ کاری کا فیصلہ کر لیا ہے۔

    اس سلسلے میں آج پاور چائنا اور پورٹ قاسم الیکڑک پاور کمپنی نے کراچی میں پریس کانفرنس کی۔

    گروپ کے نمائندے شینگ یومنگ نے میڈیا کو بتایا کہ پاور چائنا کمپنی توانائی کے شعبے میں اپنی سرمایہ کاری بڑھا رہا ہے۔

    شینگ یومنگ نے پاکستان کے موجودہ معاشی بحران کو عارضی قرار دیا۔

    یہ بھی پڑھیں:  پاکستانی خلانوردوں کو خلا میں بھیجنے کی راہ ہموار، چین نے معاہدہ کرلیا

    یاد رہے کہ چند دن قبل بیجنگ میں پاکستان اور چین کے درمیان خلائی ٹیکنالوجی منتقلی کا معاہدہ بھی ہو گیا ہے، معاہدے کے تحت دونوں ممالک مل کر سائنسی اور تیکنیکی ترقی کے تجربات کریں گے۔

    اس معاہدے کے بعد پاکستانی خلا نوردوں کو خلا میں بھیجنے کی راہ ہم وار ہوگئی ہے، پاکستانی اور چینی خلا نوردوں کو مشترکہ طور پر اب خلائی مشن پر بھیجا جائے گا اور چین پاکستان کی خلائی تحقیق میں مدد اور تعاون فراہم کرے گا۔

  • پاک چین دوستی، سی پیک پر تنقید مسترد، دونوں ممالک کا مل کر مقابلہ کرنے پر اتفاق

    پاک چین دوستی، سی پیک پر تنقید مسترد، دونوں ممالک کا مل کر مقابلہ کرنے پر اتفاق

    اسلام آباد: پاکستان اور چین نے سی پیک پر تنقید کو مسترد کرتے ہوئے سی پیک کے خلاف چلائی جانے والی مہم کا مل کر مقابلہ کرنے پر اتفاق کیا ہے۔

    تفصیلات کے مطابق بیجنگ میں پاک چین تعاون پر مشترکہ ورکنگ گروپ کا افتتاحی اجلاس ہوا، پاکستان کی نمائندگی سیکریٹری خارجہ تہمینہ جنجوعہ نے کی جبکہ چین کی نمائندگی نائب وزیر خارجہ کانگ زوان یو نے کی۔

    فریقین نے سی پیک کے مختلف منصوبوں کی رفتار پر اطمینان کا اظہار کیا، فریقین نے سی پیک منصوبوں کی رفتار برقرار رکھنے کے عزم کا اظہار کیا۔

    مشترکہ ورکنگ گروپ اجلاس میں مختلف منصوبوں سے متعلق تجاویز پر تبادلہ خیال کیا گیا، عالمی تعاون پر مشترکہ ورکنگ گروپ کا آئندہ اجلاس اسلام آباد میں ہوگا۔

    چینی سفیر کا فیصل آباد چیمبر آف کامرس میں صنعتکاروں سے خطاب

    دوسری جانب چینی سفیر یاؤ جنگ نے فیصل آباد چیمبر آف کامرس میں صنعتکاروں سے خطاب کرتے ہوئے کہا کہ ٹریڈ ڈیولپمنٹ اتھارٹی آف پاکستان 28 اپریل کو چین میں بی ٹو بی فورم کا اہتمام کررہی ہے۔

    چینی سفیر نے کہا کہ پاکستانی برآمدات کو زیرو ریٹ پر 95 فیصد چینی مارکیٹوں تک رسائی ملے گی، معاہدے کے بعد سی پیک کا نیا چہرہ دنیا کے سامنے آئے گا، معاہدے کے تحت پاکستان چین کی برآمد ات کو 68 فیصد تک رسائی دے گا۔

    انہوں نے کہا کہ چین پاکستان سے چاول، چینی اور دھاگا برآمد کرے گا، فری ٹریڈ ایگریمنٹ کے دوسرے مرحلے پر دستخط اپریل کے آخری ہفتے میں ہوں گے۔

  • چینی لڑکی کا قبولِ اسلام، پاکستانی نوجوان سے شادی کر لی

    چینی لڑکی کا قبولِ اسلام، پاکستانی نوجوان سے شادی کر لی

    لاہور: پاک چین دوستی کا ایک خوب صورت نظارہ ایک بار پھر دیکھنے میں آیا ہے، چینی لڑکی چونگ نے اسلام قبول کر کے جرمنی میں مقیم پاکستانی نوجوان علی رضا سے شادی کر لی۔

    اے آر وائی نیوز کی خصوصی رپورٹ کے مطابق جرمنی میں مقیم پاکستانی نوجوان نے پاک چین دوستی کو ایک حقیقت بنا دیا، علی رضا نے لاہور میں چینی لڑکی چونگ سے جیون بھر کا ناتا جوڑ لیا۔

    چینی لڑکی چونگ نے اسلام قبول کر کے اپنا نام دعا علی رکھ لیا، دعا کا کہنا ہے کہ پاک چین دوستی بہت مضبوط ہے۔

    چینی لڑکی اور جرمنی میں مقیم پاکستانی نژاد علی رضا نے ماں باپ کی خواہش پر شادی لاہور میں کرنے کا فیصلہ کیا اور پاکستانی روایات کے مطابق رسومات ادا کی گئیں۔

    یہ بھی پڑھیں:  پاکستانی لڑکے کی محبت میں چینی لڑکی نے اسلام قبول کرلیا

    نئی دلہن کا کہنا ہے کہ پاکستان ایک پُر امن ملک ہے اور پاک چین دوستی بہت مضبوط ہے، دلہا علی رضا کا کہنا تھا کہ اہلیہ کی خواہش پر پی ایس ایل کا فائنل دیکھنے کراچی جائیں گے۔

    پاکستان آ کر شادی کے بندھن میں بندھنے والی چینی لڑکی دعا علی نے چند دن میں ہی سسرالی خاندان کے دل جیت لیے ہیں۔

    خیال رہے کہ اس سے قبل بھی کئی چینی لڑکیاں پاکستانی لڑکوں کی محبت میں گرفتار ہو کر اسلام قبول کر چکی ہیں، اور ان کی شادیاں پاکستان میں ہوئیں۔

  • پاک چین دوستی میں دراڑیں ڈالنے والے کبھی کامیاب نہیں ہوں گے، وزیراطلاعات فواد چوہدری

    پاک چین دوستی میں دراڑیں ڈالنے والے کبھی کامیاب نہیں ہوں گے، وزیراطلاعات فواد چوہدری

    اسلام آباد : وزیراطلاعات فواد چوہدری نے کہا پاکستان اورچین کاتعلق بہت پراناہے،  پاک چین دوستی میں دراڑیں ڈالنے والے کبھی کامیاب نہیں ہوں گے جبکہ چینی سفارتکار کا کہنا تھا کہ پاکستان چین دوستی مثالی ہے، ایسےبزدلانہ واقعات سے کمزورنہیں ہوگی۔

    تفصیلات کے مطابق وزیراطلاعات فواد چوہدری نے قونصلیٹ حملے کے شہدا کو خراج عقیدت پیش کرنے کی تقریب سے خطاب کرتے ہوئے کہا  کہ چین میں پاکستانی شہدا کے لئے فنڈرینز سے دوستی کا اندازہ لگا سکتے ہیں، عوامی سطح پر قونصلیٹ حملے میں شہیدوں کے لئے فنڈریزنگ ہورہی ہے، پاک چین دوستی میں دراڑیں ڈالنے والے کبھی کامیاب نہیں ہوں گے۔

    فواد چوہدری کا کہنا تھا کہ قونصلیٹ حملےمیں شہدا کے لئے فنڈریزنگ کی تقریب کا اہتمام کیا گیا، پاکستان اور چین کے درمیان دفاعی اور معاشی رشتہ مزید آگے بڑھا ہے، وزیراعظم عمران خان کے حالیہ دورہ چین میں اہم معاہدے کیے گئے۔

    [bs-quote quote=”پاکستان چین دوستی زندہ باد،دشمن زخم لگاتا رہےگاہم اورمضبوط ہوتےرہیں گے” style=”style-6″ align=”left”][/bs-quote]

    وزیراطلاعات نے کہا چینی قونصلیٹ پر حملے پیچھے کون ہے، ہمیں معلوم ہے، دنیا کو بھی معلوم ہے، چینی قونصلیٹ پر حملے کس کی ایما پر کیے گئے، دشمن کو وہ معاہدے کھٹکتے ہیں، اسی لیے چینی قونصلیٹ پرحملہ کرایا گیا، ہم اس قسم کی دہشت گردی کامل کر مقابلہ کریں گے۔

    ان کا کہنا تھا کہ پاکستانی عوام نے قربانیاں دیں،خود کو مستقل مزاج قوم ثابت کیا ، دنیاجانتی ہے کون سا ملک امن کیلئےکھڑاہے، اس لڑائی کے نتیجے میں ہمارا معاشرہ تک بٹ گیا تھا۔

    فواد چوہدری نے کہا کہ صاف ظاہر ہے چینی قونصلیٹ پرحملے میں بیرونی طاقتیں ملوث تھیں، چینی قونصلیٹ کو خاص طور پر ٹارگٹ کیا گیا ہے، چینی عوام نے بھی پاکستان کی تکلیف کو محسوس کیا ہے، شہدا کے ساتھ پاکستان چینی حکومت اور چینی عوام کھڑی ہوئی ہے۔

    وزیراطلاعات کا کہنا تھا کہ پاکستان چین دوستی زندہ باد،دشمن زخم لگاتا رہےگاہم اورمضبوط ہوتےرہیں گے، پاکستان اورچین کاتعلق بہت پراناہے، پاکستان نےسب سےپہلےچین کوتسلیم کیا تھا، سیکیورٹی بھرپور تھی، اسی لیےچینی قونصلیٹ پرحملہ ناکام بنایاگیا، بےوقوف لوگ ہیں جواس قسم کےحملےکررہےہیں کامیاب نہیں ہوں گے۔

    پاکستان چین دوستی مثالی ہے، ایسےبزدلانہ واقعات سےکمزورنہیں ہوگی، چینی سفارتکار


    دوسری جانب چینی سفارتکار لی جانگ ژاؤ نے اپنے بیان میں کہا فنڈزریزنگ کی تقریب میں شرکت پرفوادچوہدری کےشکرگزارہیں، دنیا بھر میں مقیم چینی شہدا کے لئے فنڈریزنگ کررہےہیں، پاکستان چین دوستی مثالی ہے، ایسےبزدلانہ واقعات سےکمزورنہیں ہوگی۔

    [bs-quote quote=” ہر مشکل میں پاکستان کیساتھ کھڑےہیں اورکھڑےرہیں گے” style=”style-6″ align=”left”][/bs-quote]

    ڈپٹی چیف آف مشن لی جانگ ژاؤ کا کہنا تھا کہ چینی قونصلیٹ پرحملےمیں شہداکیلئےفنڈریزنگ کی تقریب کااہتمام کیاگیا، پاکستانی جوانوں نےچینی قونصلیٹ پرحملےکوناکام بنایا، ہر مشکل میں پاکستان کیساتھ کھڑےہیں اورکھڑےرہیں گے۔

    لی جانگ ژاؤ نے کہا چینی کمیونٹی اپنےطورپرفنڈریزنگ کررہی ہے، چینی حکومت قونصلیٹ حملےمیں شہداکیلئےالگ اقدامات کرےگی، چینی عوام اپنے طور پر شہدا کیلئے فنڈریزنگ میں کررہی ہے، پاک چین دوستی زندہ باد۔

  • نائن الیون کے بعد چینی شہریوں پرہونے والے حملے

    نائن الیون کے بعد چینی شہریوں پرہونے والے حملے

    کراچی میں آج چینی قونصل خانے پر حملے کی کوشش سیکیورٹی فورسز نے ناکام بنادی، اس سانحے میں دو پولیس اہلکار شہید جبکہ تین دہشت گرد ہلاک ہوگئے، دیکھتے ہیں پاکستان میں چینی شہری کب کب دہشت گرد حملوں کا نشانہ بنے ہیں۔

    آج ہونے والے اس حملے میں چینی قونصل خانے سے تعلق رکھنے والے تمام افراد محفوظ رہے ، وزیراعلیٰ سندھ مراد علی شاہ نے بنفس نفیس حملے کی اطلاع پر شروع کئے جانے والے رسپانس آپریشن کی نگرانی کی اور آپریشن ختم ہونے کےبعد قونصل خانے جاکر چینی قونصل جنرل وانگ یو سے ملاقات بھی کی ۔

    وزیراعظم پاکستان عمران خان نے حملے کی مذمت کی اور اسے پاک چین دوستی او ر سی پیک کو سبوتاژ کرنے کی سازش ہے، تاہم دونوں ممالک کی دوستی بے مثال ہے ۔ا مریکا اور چین کی جانب سے بھی قونصل خانے پر حملے کی مذمت کرتے ہوئے افسوس کا اظہار کیا ہے۔

    آئیے دیکھتے ہیں امن اور ترقی کے دشمنوں نے پاکستان میں کب کب چینی باشندوں کو نشانہ بنانے کی کوشش کی ہے۔

    3 مئی سنہ 2004


    3 مئی کو دہشت گردوں نے بلوچستان کے شہر گوادر کے جنوب مغربی علاقے میں ایک کار بم کے ذریعے چینی انجینئروں کو نشانہ بنایا، حملے میں تین چینی انجینئر مارے گئے جبکہ دس دیگر افراد بھی زخمی ہوئے تھے۔

    8 جولائی سنہ 2007


    8 جولائی کو پشاور کے نزدیک ایک مسلح شخص نے چینی شہریوں پر فائرنگ کردی جس کے نتیجے تین چینی ورکرز ہلاک جبکہ ایک زخمی ہوا تھا۔ حکام کے مطابق یہ اسلام آباد میں لال مسجد پر کارروائی کا ردعمل تھا۔

    19 جولائی 2007


    19 جولائی کو ملک میں تین دہشت گرد حملے ہوئے حملے ہوئے جن میں سے ایک بلوچستان کے ضلع لسبیلہ کے علاقے حب میں چینی قافلے پر ہوا تھا جس کے نتیجے میں 26 افراد جاں بحق جبکہ پچاس زخمی ہوئے تھے، یہ حملہ بھی چینی ورکرز کو نشانہ بنانے کے لیے کیا گیا تھا تاہم وہ ا س سانحے میں محفوظ رہے تھے ۔

    24 مئی 2017


    24 مئی کو کوئٹہ کے علاقے جناح ٹاؤن میں چائنیز لینگوئج سینٹر چلانے والے چینی جوڑے کو نا معلوم افراد نے اغوا کیا تھا۔ 9 جون کو شدت پسندوں کی جانب سے انہیں قتل کرنے کا دعویٰ بھی کیا گیا تھا۔ بعد ازاں پاکستانی دفترِ خارجہ نے چینی جوڑے کے قتل کی تصدیق کی تھی۔

    5 فروری 2018


    5 فروری 2018 کو ملک کے صنعتی حب کراچی میں ایک مسلح شخص نے دو چینی نژاد باشندوں کو فائرنگ کرکے قتل کردیا تھا۔

    11 اگست 2018


    پاکستان کے صوبے بلوچستان کے علاقے دالبدین میں میں ہونے والے خودکش حملے میں چھ افراد زخمی ہوئے جن میں سے تین چینی انجینئر ز بھی تھے۔ حکام کے مطابق چینی انجینئر ایک پراجیکٹ سے واپس آرہے تھے خود کش حملہ آور نے دھماکہ خیز مواد سے بھری گاڑی کو ان کی بس کے قریب تباہ کرلیا تھا۔

    23 نومبر 2018


    آج 23 نومبر 2018 کو کراچی میں واقع چینی قونصل خانے پر دہشت گردوں نے حملہ کرکے عملے کو یرغمال بنانے کی کوشش کی جسے سیکیورٹی فورسز نے اپنی جان پر کھیل کر ناکام بنایا۔ حملے میں د و پولیس اہلکار اور ویزہ کے حصول کے لیے آئے ہوئے شہری شہید ہوئے جبکہ تین دہشت گرد موقع پر ہلاک کردیے گئے ۔ چینی قونصل خانے کے اہلکار اس کارروائی میں محفوظ رہے۔


    مجموعی طور پر ملک میں چینیوں پر ہونے والے زیادہ تر حملے سیکیورٹی فورسز نے اپنی جان پر کھیل کر ناکام بنائے ہیں۔ متعدد حملہ آوروں کو سیکیورٹی فورسز نے مخبری کے نیٹ ورک کے ذریعے حملے کی منصوبہ بندی کے دوران ہی چھاپہ مار کارروائیوں میں گرفتار بھی کیا ہے۔

  • آج کا حملہ پاکستان اور چین کےتعلقات پرحملہ ہے، فواد چوہدری

    آج کا حملہ پاکستان اور چین کےتعلقات پرحملہ ہے، فواد چوہدری

    اسلام آباد : وزیراطلاعات فواد چوہدری کا کہنا ہے کہ چینی قونصلیٹ حملے کے پیچھے ایک بڑی سازش ہے، پاک چین دوستی مضبوط ہے، آج کا حملہ پاکستان اور چین کےتعلقات پرحملہ ہے۔

    تفصیلات کے مطابق وزیراطلاعات فواد چوہدری نے میڈیا سے گفتگو کرتے ہوئے کہا کہ حملہ آوروں اور دہشت گردوں کو ہلاک کردیا گیا ہے، پولیس اور رینجرز کی بروقت کارروائی پر قوم کو فخرہے۔

    [bs-quote quote=”چینی قونصلیٹ حملے کے پیچھے ایک بڑی سازش ہے” style=”style-6″ align=”left”][/bs-quote]

    فوادچوہدری کا کہنا تھا کہ بڑی سازش کےتحت چینی قونصلیٹ پرحملےکی کوشش کی گئی، ایسے ہی نہیں کہ 3لوگوں نےسوچااورجاکرحملہ کردیا، حملےکےپیچھےایک بڑی سازش ہے۔

    وزیراطلاعات  نے کہا کہ پاک چین دوستی مضبوط ہے، سی پیک سبوتاژکرنےاورپاک چین دوستی کیخلاف بزدلانہ کارروائی کی گئی، آج کا حملہ پاکستان اور چین کےتعلقات پرحملہ ہے۔

    مزید پڑھیں : سیکیورٹی اداروں نےآج کراچی کوبڑی سازش سےبچالیا،وزیراطلاعات فوادچوہدری

    اس سے قبل وفاقی وزیراطلاعات فوادچوہدری نے سماجی رابطے کی ویب سائٹ ٹویٹر پرچینی قونصل خانے پر حملے کی مذمت کرتے ہوئے کہا تھا سیکورٹی اداروں نے آج کراچی کو ایک بڑی سازش سے بچا لیا، تمام تین دہشت گردوں کو ہلاک ہوچکے ہیں، اس آپریشن میں پولیس کے دو اہلکاروں نے خون کا نذرانہ پیش کیا۔

    فوادچوہدری کا کہنا تھا کہ چینی قونصل خانے کے تمام اہلکار محفوظ ہیں اور صورتحال پولیس اوررینجرز کے مکمل کنٹرول میں ہیں، سازش کی تہہ تک پہنچیں گے۔

    یاد رہے دہشت گردوں نے آج صبح سوا نو بجے کے قریب کراچی میں چینی قونصل خانے پر حملہ کیا، ذرائع کے مطابق تین سے چار حملہ آور سفید کار چینی قونصلیٹ  کے قریب پہنچے اور قونصل خانے کے دروازے پر تعینات پولیس اہلکاروں کو نشانہ بنایا۔

    مزید پڑھیں : چینی قونصل خانے پرحملے کی کوشش ناکام ‘ 2 پولیس اہلکار شہید ‘ 3 دہشت گردہلاک

    بہادراہلکاروں نے مقابلہ کیا جس پر دہشت گردوں نے دستی بموں سے حملہ کردیا، جس میں دو اہلکار شہید ہوگئے، جس کے بعد دہشت گرد قونصل خانے کے احاطے میں داخل ہوئے اور ویزا سیکشن کی طرف بڑھنے کی کوشش کی، یہاں بھی اہلکار موجود تھا، جس نے دہشت گردوں کا مقابلہ کیا ۔

    فورسز کے فوری ایکشن کی وجہ سے دہشت گرد احاطے ہی میں محصور رہے اور عمارت کے اندر داخل نہیں ہوسکے ، کارروائی کے دوران تین دہشت گرد باہراحاطے ہی میں مارے گئے، جن سے بھاری اسلحہ اور خود کش جیکٹ برآمد ہوئے۔

    دہشت گردی کی اس کارروائی میں چینی قونصل جنرل اورتمام عملہ محفوظ رہا

  • پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    شنگھائی: وفاقی وزیرِ خارجہ شاہ محمود قریشی نے شنگھائی میں سرمایہ کاری کانفرنس سے خطاب کرتے ہوئے کہا کہ پاک چین سرمایہ کار دو طرفہ سرمایہ کاری میں دل چسپی رکھتے ہیں۔

    شاہ محمود کا کہنا تھا کہ پاکستان اور چین منفرد رشتے میں جڑے ہم سایہ ممالک ہیں، پاک چین اقتصادی راہ داری نے ہمارے رشتے کو نیا مطلب دے دیا ہے۔

    [bs-quote quote=”تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے” style=”style-7″ align=”left” color=”#dd3333″ author_name=”وزیر خارجہ شاہ محمود قریشی” author_job=”شنگھائی میں سرمایہ کاری کانفرنس سے خطاب”][/bs-quote]

    وزیرِ خارجہ نے کانفرنس میں کہا کہ اقتصادی راہ داری سے دو طرفہ تعاون، تجارت اور باہمی روابط کو فروغ ملا ہے، اس منصوبے سے پورے خطے کو فائدہ ہوگا۔

    ان کا کہنا تھا کہ چینی سرمایہ کار بھی پاکستان میں سرمایہ کاری میں دل چسپی رکھتے ہیں اور پاکستانی سرمایہ کار بھی چین میں سرمایہ کاری کرنا چاہتے ہیں، ہمیں مکمل تیاری کے ساتھ اس موقع سے بھرپور فائدہ اٹھانا ہوگا۔

    شاہ محمود قریشی نے کہا ’چین، روس، ویتنام کے سربراہان نے نمائش میں جن 8 پویلین کا دورہ کیا ان میں پاکستانی پویلین بھی شامل ہے، وزیرِ اعظم نے ملاقاتوں میں چینی قیادت سے دو طرفہ تعلقات کو مضبوط کرنے پر تبادلۂ خیال کیا۔‘


    یہ بھی پڑھیں:  چین پاکستان کے لیے مثالی ماڈل ہے، وزیرِ اعظم عمران خان


    وفاقی وزیرِ خارجہ نے مزید کہا کہ خارجہ پالیسی مرتب کرتے ہوئے معاشی سفارت کاری کو اہمیت دی جائے گی، تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے۔

    ان کا کہنا تھا کہ معاشی بحالی کے لیے وزارتِ خارجہ، خزانہ اور تجارت کی وزارتوں کی مدد کرے گی، وزیرِ اعظم ملک میں روزگار کے نئے مواقع، سرمایہ کاری، ترقی اور استحکام چاہتے ہیں، معاشی اور سیاسی استحکام ایک دوسرے سے منسلک ہیں۔