ARYNews.tv | Urdu – Har Lamha Bakhabar

Tag: پتوکی

  • 14 سالہ لڑکے سے زیادتی کرنیوالے 2 ملزمان گرفتار

    14 سالہ لڑکے سے زیادتی کرنیوالے 2 ملزمان گرفتار

    پتوکی(10 اگست 2025): پولیس نے 14 سالہ لڑکے کے ساتھ زیادتی کرنے والے 2 ملزمان کو گرفتار کرلیا۔

    تفصیلات کے مطابق پتوکی کے تھانہ سٹی پولیس نے کارروائی کرتے ہوئے 14 سالہ لڑکے سے زیادتی کرنیوالے 2 ملزمان کو گرفتار کرلیا، پرانی منڈی کا رہائشی 14 سالہ لڑکا دکان پر سامان لینےگیا تھا۔

    دکان سے ملزمان ساتھ لے گئے، یامین اور مسعود نے لڑکے سے زیادتی کی اور ویڈیو بھی بناتے رہے، تھانہ سٹی پولیس نے مقدمہ درج کرکے ملزمان کا ریمانڈ حاصل کر لیا۔

    دوسری جانب لاہور کے علاقہ راج گڑھ میں لڑکی سے دو رشتہ داروں کی مبینہ زیادتی کا مقدمہ درج کرلیا گیا، تھانہ وویمن پولیس ریس کورس نے لڑکی سے زیادتی میں ملوث دونوں ملزمان کو گرفتار کرلیا۔

    https://urdu.arynews.tv/muridke-alleged-rape-girl/

    پولیس کے مطابق ملزمان متاثرہ لڑکی کے رشتہ دار ہیں، ملزمان لڑکی کو جان سے مارنے کی دھمکیاں بھی دیتے رہے۔

    پولیس کے مطابق والدین کی علیحدگی کے بعد متاثرہ لڑکی اپنے والد کیساتھ رہائش پذیر تھی، ملزمان نے متاثرہ لڑکی کے گھر والوں کی غیر موجودگی میں زیادتی کی، متاثرہ لڑکی کو مکمل قانونی وطبی امداد فراہم کی جارہی ہے۔

  • شادی رکوانے کے لئے دلہا کو قتل کرنے والے ملزمان گرفتار

    شادی رکوانے کے لئے دلہا کو قتل کرنے والے ملزمان گرفتار

    پولیس نے پتوکی میں شادی رکوانے کے لئے دلہا کو قتل کرنے میں ملوث دو ملزموں کو گرفتار کرلیا۔

    تفصیلات کے مطابق پتوکی میں شادی رکوانے کے لئے دلہا کے قتل میں ملوث دو ملزموں کو گرفتار کرلیا گیا، تھانہ صدر نے تفتیش کے بعد ملزم اظہر منظور اور ساجد کو حراست میں لے لیا۔

    ملزمان نے مقتول عمر شہزاد کو شادی سے سات دن پہلے چھت پر فائرنگ کر کے قتل کیا تھا، پولیس کی خصوصی ٹیم نے جدید ٹیکنالوجی سے ملزمان کو ٹریس کیا۔

    پولیس کا کہنا ہے کہ مرکزی ملزم اظہر، مقتول کی منگیتر سے تعلق رکھتا تھا اور عمر شہزاد کی شادی رکوانا چاہتا تھا اس بنا پر اس نے دلہے کو قتل کیا۔

    https://urdu.arynews.tv/sahiwal-accident-2-died/

    اس سے قبل لاہور ڈویژن کے علاقے سندر میں شادی کے روز نوجوان لڑکی عائشہ حبیبہ کو قتل کرنے والے ملزم کو پولیس نے گرفتار کیا تھا۔

    ڈی آئی جی انویسٹی گیشن کے مطابق ملزم اکرام مقتولہ کا بہنوئی ہے، ملزم نے مقتولہ کو رشتہ کے تنازعہ کی وجہ سے فائرنگ کرکے قتل کردیا تھا اور واردات کے بعد موقع سے فرار ہو گیا تھا۔

    ڈی آئی جی سید ذیشان رضا کا کہنا تھا کہ قانون شکن عناصر سے آہنی ہاتھوں کےساتھ نمٹاجائےگا۔

  • ملزم نے ریٹائرڈ اسکول ٹیچر کو اغوا کر کے کیوں قتل کیا؟ عجیب وجہ سامنے آ گئی

    ملزم نے ریٹائرڈ اسکول ٹیچر کو اغوا کر کے کیوں قتل کیا؟ عجیب وجہ سامنے آ گئی

    پتوکی: ریٹائرڈ اسکول ٹیچر کے اغوا اور قتل کا معمہ پتوکی پولیس نے تیزی سے حل کر کے قاتل کو چند ہی گھنٹوں میں گرفتار کر لیا۔

    تفصیلات کے مطابق پنجاب کے شہر پتوکی میں ایک شخص نے ریٹائرڈ اسکول ٹیچر ذوالفقار کو اغوا کر کے قتل کر دیا، پولیس نے ملزم کو گرفتار کر لیا ہے۔

    پولیس کا کہنا ہے کہ ملزم اقبال نے قتل کا اعتراف کر لیا ہے، ملزم نے انکشاف کیا کہ مقتول ذوالفقار نے اس کو سود پر رقم دی تھی، اور وہ سود سے تنگ آ گیا تھا، جس پر اس نے قرض دہندہ کو قتل کر دیا۔

    پتوکی پولیس کے مطابق نائلہ ریاض نے اپنے شوہر محمد ذوالفقار کے اغوا کا مقدمہ درج کرایا تھا، جس پر پولیس نے کارروائی شروع کی اور چند ہی گھنٹوں میں ملزم تک پہنچ گئی۔

    لاہور کے 6 تھانوں کی پولیس غیر قانونی اسلحہ کی سب سے بڑی بیوپاری، ہوشربا انکشافات

    پولیس کے مطابق ملزم نے مقتول کو چھری کے وار کر کے قتل کیا تھا، اور پھر لاش کھیت میں پھینک دی تھی، پولیس نے ملزم اقبال کو ٹریس کر کے گرفتار کر کے آلہ قتل بھی برآمد کر لیا ہے۔

    ادھر سندھ کے شہر شکارپور میں ایک ریٹائرڈ خاتون تعلیمی افسر کو دن دہاڑے مسلح افراد نے اغوا کر کے لوٹ لیا ہے، خاتون کو ہاتھی گیٹ میں 3 مسلح افراد کار میں اغوا کر کے لے گئے تھے۔ پولیس کے مطابق مسلح افراد نے خاتون سے 11 لاکھ روپے مالیت کا سونے کا ہار چھینا، اور پھر انھیں گاڑی سے اتار کر فرار ہو گئے۔

    شکارپور ہی میں تھانہ سلطان کوٹ کی حدود میں پولیس مقابلے میں ایک ڈاکو ہلاک ہو گیا ہے، ڈاکو سڑک کنارے واردات کے لیے کھڑے تھے، پولیس کے مطابق ڈاکوؤں نے اہلکاروں پر فائرنگ کی اور جوابی فائرنگ میں ڈاکو مارا گیا۔

  • اسپتال کا ایمرجنسی عملہ غائب، سوئپر نے زخمی خاتون کو ٹانکے لگائے مرہم پٹی کی

    اسپتال کا ایمرجنسی عملہ غائب، سوئپر نے زخمی خاتون کو ٹانکے لگائے مرہم پٹی کی

    پتوکی میں تحصیل ہیڈکوارٹرز اسپتال کا ایمرجنسی کا عملہ غائب رہا، سوئپر نے مریض کے ٹانکے لگائے اور اسکی مرہم پٹی کی۔

    اے آر وائی نیوز کے مطابق پتوکی کے تحصیل ہیڈکوارٹرز میں اسپتال کے عملے نے لاپروائی کی انتہا کردی، اسٹاف کی غیرموجودگی میں اسپتال کے سوئپر کی جانب سے مریض کو ٹانکے لگانے اور مرہم پٹی کی ویڈیو سامنے آگئی۔

    شہری نے بتایا کہ سوئپر عابد ایمرجنسی میں مریضوں کی مرہم پٹی کرتا ہے اور ٹانکے بھی لگاتا ہے، اسپتال میں دوائیں بھی میسر نہیں ہیں۔

    ذرائع نے بتایا کہ اسپتال میں عملے کا غائب رہنا معمول بن چکا ہے، سامنے آنے والی ویڈیو میں دیکھا جاسکتا ہے کہ ایک زخمی خاتون تحصیل ہیڈکوارٹرز اسپتال پتوکی میں موجود ہیں جسے عابد سوئپر ٹانکے لگارہا ہے۔

    پتوکی میں واقع اسپتال مسائل کی آماجگاہ بن چکا ہے، یہاں ادویات کی انتہائی کمی ہے، یہاں کروڑوں روپے کے فنڈز میں کرپشن کی جارہی ہے۔

    اسپتال آنے والے مریض دہائی دیتے نظر آتے ہیں، شہریوں نے مطالبہ کیا کہ اسپتال میں دوائیں بھی میسر نہیں ہیں، وزیراعلیٰ پنجاب مریم نواز اس کا نوٹس لیں۔

  • ڈاکوؤں نے موٹرسائیکل نہ روکنے پر نوجوان کو قتل کردیا

    ڈاکوؤں نے موٹرسائیکل نہ روکنے پر نوجوان کو قتل کردیا

    پتوکی میں ڈاکوؤں نے موٹرسائیکل نہ روکنے پر فائرنگ کرکے نوجوان کو قتل کردیا۔

    تفصیلات کے مطابق واردات تھانہ صدر کی حدود آدھن روڈ پر پیش آیا، پولیس کے مطابق 26 سالہ اعظم سر اور گردن میں گولیاں لگنے سے جاں بحق ہوا۔

    پولیس کا کہنا ہے کہ لاش پوسٹمارٹم کیلئے تحصیل ہیڈ کوارٹر اسپتال پتوکی منتقل کردی گئی، جبکہ مزید تفتیش جاری ہے۔

    دوسری جانب کراچی میں نیپا پل کے قریب فائرنگ سے ایک شخص جاں بحق ہوگیا، پولیس کا کہنا ہےکہ قتل کیے جانے والے شخص کی شناخت زبیر کے نام سے ہوئی ہے جو شیریں جناح کالونی کا رہائشی تھا۔

    پولیس نے سی سی ٹی وی حاصل کرلی جس  میں دیکھا جا سکتا ہے کہ ملزم نے چلتی موٹر سائیکل سے شہری پر فائرنگ کی اور فرار ہوگیا، پولیس کا یہ بھی کہنا ہےکہ واقعہ ٹارگٹ کلنگ لگتا ہے۔

    https://urdu.arynews.tv/tank-2-brothers-killed-in-shooting/

  • درندگی کی انتہا: ڈاکوؤں کی باپ کے سامنے بیٹی کے ساتھ اجتماعی زیادتی

    درندگی کی انتہا: ڈاکوؤں کی باپ کے سامنے بیٹی کے ساتھ اجتماعی زیادتی

    لاہور : ڈاکوؤں نے پتوکی میں باپ کے سامنے بیٹی کو اجتماعی زیادتی کا نشانہ بنا ڈالا ، پولیس نے واقعہ میں ملوث ایک مشکوک شخص کوحراست میں لے لیا ہے۔

    تفصیلات کے مطابق پنجاب کے شہر پتوکی میں درندگی کی انتہا ہوگئی، ڈاکوؤں نے باپ کو باندھ کر اس کے سامنے بیٹی کو زیادتی کا نشانہ بناڈالا۔

    پولیس کا کہنا ہے لانگ مارچ کی وجہ سے ساری نفری ڈیوٹی پرتھی، مؤثر گشت نہ ہونے کی وجہ سے واقعہ پیش آیا۔

    پولیس نے بتایا کہ ظہور احمد اپنے پندرہ برس کی بیٹی اور پانچ سال کے بیٹے کے ساتھ شادی کی تقریب سے واپس گاؤں جارہا تھا کہ ڈاکوؤں نے پتوکی چونیاں بائی پاس پر روک کرپہلےلوٹ مار کی اور پھرانہیں کھیتوں میں لے گئے۔

    حکام کا کہنا تھا کہ ڈاکوؤں نے باپ اور بیٹے کو رسیوں سے باندھا اوران کے سامنے لڑکی کو اجتماعی زیادتی کا نشانہ بنایا اور کچھ لوگوں کوآتا دیکھ کرڈاکو موٹرسائیکل چھوڑ کر فرار ہوگئے۔

    اطلاع ملنے پر تھانہ صدر پولیس موقع پر پہنچی اور لڑکی کا تحصیل ہیڈکوارٹر اسپتال میں میڈیکل کرایا، جس میں زیادتی ثابت ہوگئی۔

    پولیس نے ڈکیتی اور زیادتی کی دفعات کے تحت مقدمہ درج کرکے تمام شواہد اکٹھے کرلیے اور کہا کہ ملزمان کو جلد گرفتار کرلیا جائے گا۔

    آئی جی پنجاب نے پتوکی میں ڈاکوؤں کی لڑکی سے زیادتی کا نوٹس لیتے ہوئے آر پی اوشیخوپورہ سےواقعےکی رپورٹ طلب کرلی اور تمام ملزمان کو جلد از جلد گرفتار کر کے سخت قانونی کارروائی کی ہدایت کردی ہے۔

    ،آئی جی پنجاب نے ڈی پی اوقصور کو رمتاثرہ فیملی کےساتھ قریبی رابطہ رکھنے کی بھی ہدایت کی۔

    ڈی پی اوقصورمحمد صہیب اشرف موقع پرپہنچ گئے اور بتایا کہ واقعہ میں ملوث ایک مشکوک شخص کوحراست میں لیا گیا ہے اور کرائم سین یونٹ کی ٹیمیں جائے وقوعہ سےشواہداکٹھےکر رہی ہیں، ملزمان کی گرفتاری کیلئے5 ٹیمیں تشکیل دےدی گئی ہیں،

  • پتوکی : اشتہاری مجرموں کی پولیس پر فائرنگ ، اے ایس آئی جاں بحق

    پتوکی : اشتہاری مجرموں کی پولیس پر فائرنگ ، اے ایس آئی جاں بحق

    پتوکی : اشتہاری مجرموں کی جانب سے پولیس پارٹی پر فائرنگ کے نتیجے میں چوکی انچارج سرسنگھ میاں محمد رفیق شہید ہوگئے، محمد رفیق کی لاش کو ڈسٹرکٹ ہیڈ کوارٹر اسپتال قصور منتقل کر دیا گیا ہے۔

    تفصیلات کے مطابق پنجاب کے ضلع قصور کی تحصیل پتوکی تھانہ سرائے مغل کے علاقہ ہنجرائے کلاں میں پولیس مقابلے میں اشتہاری ڈاکوؤں نے پولیس پارٹی پر اندھا دھند فائرنگ کردی ، فائرنگ کے نتیجے میں پولیس چوکی سر سنگھ کے چوکی انچارج میاں محمد رفیق شہید ہو گئے۔

    واقعے کے بعد پولیس کی بھاری نفری موقع پر پہنچ گئی اور علاقے کا محاصرہ کر لیا تاہم اشتہاری مجرمان رات کی تاریکی کا فائدہ اٹھاتے ہوئے فرار ہونے میں کامیاب ہوگئے۔

    ڈی پی او قصور صہیب اشرف اطلاع ملنے پر موقع پر پہنچے ، چوکی انچارج سرسنگھ میاں محمد رفیق کی لاش کو ڈسٹرکٹ ہیڈ کوارٹر ھسپتال قصور منتقل کر دیا گیا ہے، جہاں ضروری کاروائی کے بعد ان کا جنازہ پولیس لائن قصور میں پورے اعزاز کے ساتھ ادا کی جائے۔

  • پتوکی بچیوں سے زیادتی کی کوشش، ملزم نے اعتراف کر لیا

    پتوکی بچیوں سے زیادتی کی کوشش، ملزم نے اعتراف کر لیا

    قصور: پنجاب کے شہر پتوکی میں کم سن بچیوں سے زیادتی کی کوشش کرنے والے ملزم یاسین نے 5 بچیوں سے زیادتی کی کوشش کا اعتراف کر لیا۔

    تفصیلات کے مطابق پولیس کا کہنا ہے کہ ملزم نے متاثرہ 3 بچیوں سے زیادتی کی کوشش کی، میڈیکل رپورٹ میں بچیوں سے زیادتی ثابت نہیں ہوئی، 3 بچیوں سے ملزم نے زیادتی کی کوشش کی، 2 کو راستے میں ہی چھوڑ کر بھاگ گیا۔

    پولیس نے اپنے بیان میں کہا ہے کہ ملزم نے اعتراف جرم کر لیا ہے، 5 روز کا ریمانڈ بھی حاصل کر لیا گیا، ملزم سے تفتیش میں مزید حقائق سامنے آ جائیں گے۔

    پولیس کے مطابق ملزم کے ڈی این اے سیمپل حاصل کر کے پنجاب فرانزک لیب بھجوا دیے گئے ہیں، گرفتار ملزم نفسیاتی مریض لگتا ہے، اس سلسلے میں میڈیکل بورڈ تشکیل دیا جا رہا ہے، تمام تر حقائق سائنسی ثبوتوں کے ساتھ سامنے لائے جائیں گے۔

    پتوکی، ایک ماہ میں‌6 بچیوں‌ سے زیادتی کا انکشاف

    پولیس کا یہ بھی کہنا ہے کہ بچیوں سے زیادتی کی کوشش کرنے والا ملزم نشے کا عادی اور غیر شادی شدہ ہے، ملزم سرائے مغل کے علاقے میں اینٹوں کے بھٹے پر کام کرتا ہے اور ادھر ہی رہتا ہے۔

    پولیس کے مطابق ملزم یاسین کی فیملی کے حوالے سے مکمل تفصیلات اکٹھی کی جا رہی ہیں۔

    یاد رہے کہ گزشتہ روز قصور کے شہر پتوکی میں ایک ماہ کے دوران چھٹی بچی سے زیادتی کا کیس سامنے آیا تھا جس پر علاقہ مکینوں نے شدید احتجاج کیا تو پولیس نے ملزم کی گرفتاری ظاہر کی۔ علاقہ مکینوں کا کہنا تھا کہ ملزم بچیوں کو ورغلا کر ویران جگہ لے جا کر زیادتی کر کے چھوڑ دیتا ہے۔

  • پتوکی : لنڈاپھاٹک پر کار ٹرین کی زد میں آ گئی، ایک ہی خاندان کے 4 افراد جاں بحق

    پتوکی : لنڈاپھاٹک پر کار ٹرین کی زد میں آ گئی، ایک ہی خاندان کے 4 افراد جاں بحق

    پتوکی: لنڈا پھاٹک پر کار ٹرین کی زد میں آ گئی، جس کے نتیجے میں ایک ہی خاندان کے   4 افراد جاں بحق ہوگئے ، وزیرریلوے شیخ رشید نے واقعہ کا نوٹس لیتے ہوئے تحقیقات کاحکم دے دیا ہے۔

    تفصیلات کے مطابق پتوکی کے قریب لنڈا پھاٹک کراس کرتے ہوئے کار ٹرین کی زد میں آ گئی، جس کے نتیجے میں ایک ہی خاندان کے تین افراد موقع پر ہی جاں بحق ہوگئیے جبکہ ایک خاتون کو تشویشناک حالت میں تحصیل ہیڈ کوارٹرز اسپتال پتوکی منتقل کیا گیا تاہم وہ جانبر نہ ہوسکی۔

    عینی شاہدین کا موقف ہے کہ حادثہ ریلوے ملازمین کی غفلت کے باعث پیش آیا، جنہوں نے سگنل پر بھی پھاٹک بند نہیں کیا جبکہ المناک حادثے پرمشتعل افراد نے احتجاج کرتے ہوئے روڈ بلاک کردیا۔

    وزیرریلوے شیخ رشید نے پتوکی ٹرین حادثے کا نوٹس لیتے ہوئے تحقیقات کا حکم دے دیا اور چیف ایگزیکٹو آفیسرریلوے سے حادثہ کی رپورٹ طلب کرلی ہے۔

    وزیراعلیٰ پنجاب نے پتوکی حادثہ پر 4افراد کے جاں بحق ہونے پر افسوس کا اظہار کرتے ہوئے لواحقین سے دلی ہمدردی واظہار تعزیت کیا اور حادثے سے متعلق انتظامیہ سے رپورٹ طلب کر لی ہے۔

    عثمان بزدار کا کہنا ہے کہ ٹرین کی آمد پر پھاٹک کو کھلا چھوڑناغفلت کے زمرےمیں آتا ہے، مجرمانہ غفلت کےذمہ دار وں کاتعین کر کےقانونی کارروائی عمل میں لائی جائے۔

  • قصور: تین لاپتا بچوں کی مسخ شدہ لاشیں برآمد، علاقے میں خوف کی لہر

    قصور: تین لاپتا بچوں کی مسخ شدہ لاشیں برآمد، علاقے میں خوف کی لہر

    پتوکی: ضلع قصور کی تحصیل پتوکی میں چونیاں بائی پاس کے قریب تین لاپتا بچوں کی مسخ لاشیں اور انسانی اعضا برآمد ہوئے ہیں.

    تفصیلات کے مطابق ضلع قصور میں بچوں کی مسخ لاشیں ملنےکے واقعے نے سنسنی پھیلا دی ہے، زینب  قتل کیس پھر تازہ ہوگیا۔

    پتوکی میں تین بچوں کی لاشیں ملی ہیں،  ایک بچےکی لاش مکمل حالت میں، جب کہ دوبچوں کے سر  اور ہڈیاں برآمد ہوئیں۔

    قتل ہونے والا آٹھ سال کا فیضان پیرکو لاپتا ہوا تھا، سلیمان دس اگست اور  علی حسنین ایک ماہ سےلاپتا تھے، علاقہ مکینوں کے مطابق بچوں کے لاپتا ہونے کا سلسلہ دو  ماہ سے جاری ہے، مگر کوئی کارروائی نہیں کی گئی۔

    اس ضمن میں آئی جی پنجاب کا کہنا ہے کہ حالیہ واقعات میں مماثلت پائی گئی ہے، تفتیش جاری ہے، انویسٹی گیشن کے لئے خصوصی ٹیم چونیاں روانہ کردی ہے، جب کہ پنجاب فرانزک کی ٹیموں نے موقع سے اہم شواہد اکٹھے کر لیے ہیں۔

    ادھر تنقید کے جواب میں  ڈی پی او قصور نے ہاتھ کھڑے کرلیے، ان کا کہنا ہے کہ ہم ہر گلی میں پولیس والا نہیں کھڑا کرسکتے، لاش اور اعضا ملنے کے معاملے کی وجہ سے علاقے میں‌خوف و ہراس پایا جاتا ہے.