لاہور: پنجاب کے علاقے پتوکی میں نوعمر بچیوں کی فروخت کا انکشاف ہوا، اے آر وائی نیوز کی ٹیم نے ملزمان کو نشاندہی کے بعد رنگے ہاتھوں گرفتار کر ادیا۔
تفصیلات کے مطابق اے آر وائی نیوز کے پروگرام ذمہ دار کون کی ٹیم کو اطلاع موصول ہوئی کہ پتوکی میں ایک گروہ نوعمر بچیوں کی فروخت میں ملوث ہے۔
ذمہ دار کون کی ٹیم نے چائلڈ پروٹیکشن اور پولیس کے ہمراہ چھاپہ مار کر 2 بچیوں کو بازیاب کرایا جن کی عمر 13 اور تین سال ہیں۔ اینکر علی رضوی کا کہنا تھا کہ چھاپے کے بازیاب ہونے والی بچیوں کی شناخت لائبہ اور سیرت کے ناموں سے ہوئی۔
تیرہ سالہ لائبہ کو 50ہزار اور 3 سالہ سیرت کو 80 ہزار روپے میں فروخت کیاگیا تھا، تین سالہ بچی کی فروخت کے وقت عمر صرف ایک دن تھی جبکہ لائبہ کو پانچ سال کی عمر میں فروخت کیا گیا۔
چھاپے کے دوران گرفتار ہونے والی خواتین نے انکشاف کیا کہ ’بچیوں کو جوان ہونے کے بعد جسم فروشی کے دھندے میں لگا دیا جاتا‘۔ دوسری جانب پتوکی اور پنجاب کے مختلف اسپتالوں سےغائب اور اغوا ہونے والی بچیوں کی فروخت کا خدشہ ظاہر کیا جا رہا ہے۔
پولیس نے بچیوں کو بازیاب کرتے ہوئے 2 خریدار خواتین کو حراست میں لے کر تھانہ سٹی پولیس میں مقدمہ درج کرلیا جبکہ دونوں مغویوں کو اے آر وائی کی ٹیم نے چائلڈ پروٹیکشن کے حوالے کیا۔
پتوکی : سپریم کورٹ کے حالیہ فیصلے کے بعد مظاہروں کے دوران پتوکی میں پولیس اہلکاروں پر تشدد کرنے والوں کیخلاف پولیس نے مقدمہ درج کرلیا، ایف آئی آر میں 348افراد کو نامزد کیا گیا ہے۔
تفصیلات کے مطابق سپریم کورٹ کے حالیہ فیصلے کیخلاف جاری رہنے والے دھرنے مذاکرات کے بعد بلآخر اختتام پذیر ہوگئے اور معمولات زندگی بحال ہوگئے، لیکن اس سے قبل دھرنوں اور مظاہروں میں مشتعل افراد کی جانب سے پرتشدد کارروائیاں کی گئیں جس کے نتیجے میں شہریوں کی گاڑیوں اور دیگر قیمتی املاک کو نذر آتش کیا گیا۔
اس کے علاوہ مظاہرین نے پتوکی کے علاقے جمبر اسٹاپ پر ہونے والے دھرنے میں پولیس اہلکاروں کو تشدد کا نشانہ بنایا، سوشل میڈیا پر وائرل ہونے والی فوٹیج میں دیکھا جاسکتا ہے کہ گزشتہ روز دھرنے کے دوران ڈی ایس پی سمیت اہلکاروں پر تشدد کیا گیا تھا، اہلکاروں کو ڈنڈوں سے تشدد کا نشانہ بنایا جارہا ہے، پتوکی میں مظاہرین کے تشدد سے ڈی ایس پی سمیت7پولیس اہلکار زخمی ہوئے تھے۔
پتوکی پولیس نے اہلکاروں پر تشدد کرنے والے مظاہرین کےخلاف مقدمہ درج کرلیا ہے، مقدمے میں دہشت گردی کی دفعات شامل کی گئی ہیں، پولیس کے مطابق مقدمے میں ٹی ایل؛ پی کے مقامی رہنماؤں سمیت348افراد کو نامزد کیا گیا ہے ، تھانہ صدر پھول نگر میں درج مقدمے میں300نامعلوم افراد بھی شامل ہیں۔
واضح رہے کہ گذشتہ دنوں سپریم کورٹ کے فیصلے کے بعد ملک بھر میں مظاہروں اور دھرنوں کا سلسلہ شروع ہوگیا تھا، جس سے معمولات زندگی مفلوج ہوگئے اور کئی شہروں میں کاروبار ٹھپ ہوگیا تھا، دھرنوں نے شہر کا حسن بھی تباہ کر دیا اور اہم مقامات کوڑا کرکٹ کا ڈھیر بن گئی۔
بعد ازاں گزشتہ رات حکومت اور مظاہرین میں معاہدہ طے پانے کے بعد دھرنے ختم کردیئے گئے اور روز مرہ کی زندگی معمول پر آگئی تھی، وزارت داخلہ نے کریک ڈاؤن کی ہدایت کرتے ہوئے موقف اختیار کیا ہے کہ مظاہرے کی آڑ میں شرپسند عناصر نے املاک کو بھی نقصان پہنچایا۔
پتوکی : نواز لیگ کے جلسے میں آنے والی خاتون کے ساتھ کارکنان نے بدتمیزی کی اور دھکے دیئے، متاثرہ خاتون نے وزیراعلیٰ پنجاب سے انصاف فراہمی کی اپیل کردی، شہباز شریف نے نوٹس لے کر واقعے کی رپورٹ طلب کرلی۔
تفصیلات کے مطابق قصور کی تحصیل پتوکی میں نواز لیگ کے زیر اہتمام ہونے والے جلسے میں وزیر اعلیٰ پنجاب کی تقریر کے بعد وہاں موجود لیگی کارکنان نے ایک خاتون سے بدتمیزی کی۔
میڈیا سے گفتگو کرتے ہوئے زیبا رانا نامی خاتون کا کہنا تھا کہ میں نواز لیگ یوتھ ونگ کی رہنما ہوں، مانسہرہ، لودھراں سمیت دیگر ن لیگی جلسوں میں گئی ہوں، آج ہم پتوکی آئے تھے تو یہاں کچھ لڑکوں نے ہم سے بد تمیزی کی اور ہمارے کپڑے کھینچے، جس کی وجہ سے میرے بازو پر چوٹ بھی آئی اور ہاتھ کی چوڑیاں بھی ٹوٹ گئیں۔
ان کا کہنا تھا کہ میاں صاحب یہ دیکھیں کہ میرے ساتھ کیا سلوک کیا گیا ہے؟ شہبازشریف سے کہتی ہوں کہ واقعے میں ملوث کارکنان کو سخت سزا دیں، متاثرہ خاتون نے شہباز شریف سے مطالبہ کیا کہ نواز لیگ کے جلسوں میں خواتین کے تحفظ کیلئےاقدامات کریں۔
وزیر اعلیٰ پنجاب نے واقعے کا نوٹس لے لیا
دوسری جانب میڈیا پر خبر نشر ہونے کے بعد لیگی قیادت کو ہوش آگیا، ترجمان پنجاب حکومت نے سماجی رابطے کی ویب سائٹ ٹوئٹر پر اپنے تازہ پیغام میں کہا ہے کہ وزیراعلیٰ پنجاب شہباز شریف نے خاتون کے ساتھ ناروا سلوک کے واقعہ کا سختی سے نوٹس لے لیا ہے۔
شہباز شریف نے ڈی پی او قصور سے واقعے کی رپورٹ طلب کر کے تحقیقات کاحکم دے دیا ہے، وزیراعلیٰ نے پولیس کو ہدایت دی ہے کہ ملوث افراد کےخلاف سخت قانونی کارروائی کی جائے۔
ملک احمد خان کا کہنا تھا کہ خاتون سے بدسلوکی کا واقعہ ناقابل معافی جرم ہے، ٹی وی فوٹیج کی مدد سےتمام ملزمان کو گرفتارکریں گے، خواتین سے ایسا سلوک کرنے والے کسی رعایت کے مستحق نہیں ہیں۔
انہوں نے کہا کہ ملزمان سے رتی بھر بھی رعایت نہیں برتی جائے گی، جلسے کے اختتام پر بھیڑ کی کیفیت تھی، ایسے میں واقعہ پیش آیا۔
علاوہ ازیں وزیر قانون پنجاب رانا ثناءاللہ نے اے آر وائی نیوز سے گفتگو کرتے ہوئے کہا ہے کہ پتوکی میں جلسے کے بعد خاتون سے پیش آنے والاواقعہ بہت افسوس ناک ہے، ملوث افراد کیخلاف ٹی وی فوٹیجزکی مدد سے کارروائی ہوگی۔
رانا ثناءاللہ نے مزید کہا کہ ایسےعناصر کو پارٹی سے نکالنا چھوٹی سزا ہوگی، متاثرہ خاتون کی مدعیت میں مقدمہ درج کیا جائے گا، بدسلوکی میں ملوث افراد کوگرفتار کرنے کی ہدایت کردی گئی ہے، بدتمیزی میں ملوث افراد کوایسی سزادی جائے تاکہ آئندہ کسی کوجرأت نہیں ہو۔
جلسوں میں ایسے واقعات پی ٹی آئی کا کلچر ہے، رانا ثناءاللہ
اپنی گفتگو میں راناثناءاللہ نے پی ٹی آئی پر تنقید کرتے ہوئے کہا کہ ان کے جلسوں سے معاشرے میں ایسا کلچر متعارف ہوا ہے، ایسے واقعات پی ٹی آئی کے جلسوں میں زیادہ ہوتے ہیں لیکن پی ٹی آئی نے کبھی ایسے واقعات پر کوئی کارروائی نہیں کی۔
علاوہ ازیں پتوکی جلسے میں خاتون سے بدتمیزی کے واقعے کا مریم نواز نے بھی نوٹس لے لیا، اپنے ٹوئٹ میں انہوں نے کہا کہ شہباز شریف کو واقعے کیخلاف سخت کارروائی کر نی چاہیے، یہ مسلم لیگ ن کی اخلاقیات نہیں ہیں، جن لوگوں نے ایسا کیا ان کو سخت سزا دینی چاہیے۔
پتوکی : زیادتی کا نشانہ بنانے کے بعد قتل کیے جانے والے پتوکی کے رہائشی گیارہ سالہ اشراق کی نماز جنازہ ادا کردی گئی، نمازجنازہ میں تمام طبقات سے تعلق رکھنے والے افراد نے بڑی تعداد میں شرکت کی۔
تفصیلات کے مطابق پتوکی کے گاؤں ڈھولن چک 27 کا رہائشی چھٹی جماعت کا طالب علم اشراق منگل کی شام چھ بجے گھر سے نکلا پھر واپس نہیں آیا۔
کسی درندے نے اس معصوم کو زیادتی کا نشانہ بنانے کے بعد موت کے حوالے کردیا، اس کی تشدد زدہ لاش دو دن بعد گنے کے کھیت سے ملی۔
قانونی کارروائی کے بعد اشراق کی میت ورثاء کے حوالے کردی گئی تھی، بعد ازاں اس کی نماز جنازہ ادا کردی گئی، اس موقع پر انتہائی رقت انگیز نماظر بھی دیکھنے میں آئے، نمازجنازہ اور تدفین میں عزیزو اقارب کے علاوہ شہریوں کی بڑی تعداد نے بھی شرکت کی۔
اپنے بیٹے کو یاد کرکے فالج کے مریض باپ منور حسین کا رو رو کر برا حال ہے، بدںصیب باپ کی آہ و زاری نے عرش ہلادیا، اشراق کے بڑے بھائی نے بھی اعلیٰ حکام سے فوری انصاف ففراہم کرنے کی فریاد کی ہے۔
یاد رہے کہ مقتول اشراق کی پوسٹ مارٹم رپورٹ میں زیادتی کی تصدیق کے بعد آئی جی پنجاب نے ڈی پی او اوکاڑہ کو اشراق کیس کا انچارج مقرر کرکے تفتیش جلد مکمل کرنے کی ہدایت کی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
پتوکی : گنے کے مناسب ریٹ نہ ملنے اور پرانے واجبات کلیئر نہ ہونے کیخلاف کسان برادری سراپا احتجاج بن گئی۔ پتوکی میں کسان اتحاد نے ریلوے ٹریک پر قبضہ کرلیا، کسان مظاہرین نے روڈ بلاک کرکے ٹریفک معطل کردیا۔
تفصیلات کے مطابق گنے کے کاشتکاروں نے حکومت کی جانب سے مناسب دام نہ ملنے اور واجبات کی عدم ادائیگی کیخلاف بھرپور احتجاج کرتے ہوئے پتوکی میں چھانگا مانگا ریلوے اسٹیشن ٹریک پر دھرنا دے دیا جس کے سبب ٹرینوں کی آمد ورفت مکمل طور پر بند ہوگئی۔
کسان اتحاد نے مطالبات کی منظوری کے لئے ریلوے ٹرک پر قبضہ کرلیا، ملتان روڈ بند ہونے سے گاڑیوں کی طویل قطاریں لگ گئیں، ٹریک بند ہونے کے باعث تمام ٹرینوں کو لاہور واپس بلوا لیا گیا اس صورتحال پر مسافر پریشانی کا شکار ہوگئے۔ مشتعل کسانوں نے پتھراؤ کرکے گاڑیوں کے شیشے توڑ دئیے۔
اس موقع پر میڈیا سے گفتگو کرتے ہوئے مظاہرین کا کہنا تھا کہ ہمیں گنے کے مناسب ریٹ، واجبات کی فوری ادائیگی اور نئے گنے کی رقم بھی دی جائے۔
صدر کسان اتحاد سردار اورنگزیب کا کہنا ہے کہ جب تک ہمارے مطالبات تسلیم نہیں کیے جاتے احتجاج جاری رہے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: صوبہ پنجاب کے ضلع قصور کے شہر پتوکی کی کاٹن فیکٹری میں لگنے والی ہولناک آگ سے کروڑوں روپے مالیت کی روئی جل کر خاکستر ہوگئی۔ آگ پر قابو پانے میں 16 گھنٹے لگے۔
تفصیلات کے مطابق پتوکی میں کاٹن فیکٹری کے گودام میں رات گئے اچانک آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔
آگ اتنی شدید تھی کہ فائر بریگیڈ کی گاڑیاں کم پڑگئیں۔ ساہیوال، اوکاڑہ، قصور، رائے ونڈ، چونیاں اور لاہور سے مزید گاڑیاں طلب کی گئیں۔
فیکٹری مالک کادعویٰ ہے کہ کاٹن کے 15 ہزار بنڈل جلنے سے کروڑوں روپے کا نقصان ہوا۔ ریسکیو آپریشن میں 15 گاڑیوں نے حصہ لیا۔
آگ لگنے کی وجوہات جاننے کے لیے تحقیقات شروع کردی گئی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: صوبہ پنجاب کے شہر پتوکی میں تیز رفتار بس اور وین کی ریس نے 5 افراد کی جان لے لی۔
تفصیلات کے مطابق ساہیوال سے لاہور جانے والی بس اور وین کی ریس ایک دوسرے سے آگے نکلنے کی کوشش میں دونوں گاڑیاں ٹکرا گئیں۔ تصادم میں خاتون سمیت ایک ہی خاندان کے 4 افراد لقمہ اجل بن گئے۔
واقعہ نعمت چوک کے قریب پیش آیا۔ حادثے میں مزید 15 مسافر بھی زخمی ہوئے۔
ریسکیو عملے نے لاشوں اور زخمیوں کو اسپتال منتقل کردیا۔
حادثے کے 6 زخمیوں کی حالت تشویش ناک ہونے پر انہیں لاہور روانہ کر دیا گیا۔ پولیس کے مطابق جاں بحق ہونے والے 4 افراد کی شناخت غلام مرتضیٰ، محمد سرور، رضیہ سلطانہ اور محمد عامر کے نام سے ہوئی، مذکورہ افراد کا تعلق چشتیاں سے تھا۔
یاد رہے کہ اس سے قبل گزشتہ روز صوبہ پنجاب کے شہر ساہیوال میں جی ٹی روڈ پر دھند کے باعث 12 گاڑیاں آپس میں ٹکرا گئیں جس کے نتیجے میں 5 افراد جاں بحق اور20زخمی ہوگئے۔
پتوکی : پاکستان تحریک انصاف کے چیئر مین عمران خان نے کہا ہے کہ اسپیکر قومی اسمبلی سردار ایاز صادق الطاف حسین جیسے دہشت گرد سے بات کریں گے تو ہم پارلیمنٹ میں ہی نہیں بیٹھیں گے۔
ان کا کہنا تھا کہ جوڈیشل کمیشن کی رپورٹ نے الیکشن کمیشن کو نااہل ثابت کردیا ہے، ان خیالات کا اظہار انہوں نے پتوکی میں ایک بڑے جلسہ عام سے خطاب کرتے ہوئے کیا۔
عمران خان کا جلسہ گاہ پہنچنے پر شاندار استقبال کیا گیا، عمران خان نے اپنے خطاب میں اسپیکر ایاز صادق کو آڑے ہاتھوں لیا۔
عمران خان نے سیاسی مخالفیں کو شدید تنقید کا نشانہ بناتے ہوئے کہا الطاف حسین سے پوچھنے سے بہتر ہے ہم اسمبلیوں سے باہر رہیں۔
الطاف حسین ملک کا سب سے بڑا غدار اور دہشت گرد ہے۔ کپتان نے وزیراعظم کو بھی نہیں بخشا۔ عمران خان نے کہا کہ میاں نواز شریف فیصلے خود کیا کریں۔
وزیراعظم فضل الرحمان کے کندھے پر رکھ کر بندوق نہ چلائیں۔ ان کا مزید کہنا تھا پہلے شفاف انتخابات کیلئے جنگ تھی اور یہ جنگ چلتی رہی گی اب کسانوں کے حقوق کیلئے تحریک انصاف تحریک چلائے گی۔
انہوں نے کہا کہ تحریک انصاف آئندہ الیکشن میں الیکشن دوہزار تیرہ سے زیادہ ووٹ لے کر اسمبلی میں آئے گی ، کپتان نے جوڈیشل کمیشن کی رپورٹ پر ایک بار پھر الیکشن کمیشن کیخلاف جوش خطابت دکھایا۔
کپتان نے ایک بار پھرعزم دُہراتے ہوئے کہا کہ تحریک انصاف کو تبدیلی لانے سے کوئی نہیں روک سکتا۔
پتوکی پولیس نے دو حقیقی بہنوں پر تیزاب پھینکنے والے سوتیلے باپ اور اس کی بیوی کو گرفتار کرلیا، ملزم کو سوتیلی بیٹی سے اپنے گونگے بہرے بیٹے کا رشتہ نہ ہونے کا رنج تھا۔
پتوکی میں ایسا ایک انسانیت سوز واقعہ پیش آیا، جہاں دو سگی کم سن بہنوں جویریہ اور ملائکہ پر رات کے پچھلے پہر سوتے میں تیزاب پھینک دیا گیا، اِن بہنوں کا قصور صرف اتنا تھا کہ ان کے والدین نے چھ ماہ قبل چودہ سالہ جویریہ کے لئے آنے والے رشتے سے انکار کیا تھا۔
وہ دونوں بہنیں تو اس شخص سے واقف بھی نہیں، جس نے اُن کے ساتھ یہ ظُلم کیا، جویریہ اور ملائکہ لاہور کے جناح اسپتال میں زیرِ علاج ہیں ان بہنوں کے چہرے تو شاید کبھی ٹھیک ہوجائیں لیکن کیا یہ بے رحم معاشرہ کبھی انہیں اس واقعہ کو بُھولنے دے گا۔
