ARYNews.tv | Urdu – Har Lamha Bakhabar

Tag: پرائز بانڈ

  • 25 ہزار کے پرائز بانڈز سے متعلق حکومت کا اہم فیصلہ

    25 ہزار کے پرائز بانڈز سے متعلق حکومت کا اہم فیصلہ

    اسلام آباد: حکومت پاکستان نے ایف اے ٹی ایف کی ایک اور شرط پوری کرنے کا فیصلہ کر لیا۔

    اے آر وائی نیوز کے مطابق حکومت نے فناشنل ایکشن ٹاسک فورس (ایف اے ٹی ایف) کی ایک اور شرط پوری کرنے کا فیصلہ کرتے ہوئے 40 ہزار کے بعد اب 25 ہزار کے انعامی بانڈز بھی ختم کرنے پر غور شروع کر دیا ہے۔

    ذرایع کا کہنا ہے کہ پہلے مرحلے میں 25 ہزار کے انعامی بانڈ کو پرائم بانڈ میں تبدیل کیا جائے گا، اس سلسلے میں انعامی بانڈ کی رجسٹریشن کا آغاز رواں ماہ کے آخر میں ہوگا۔

    ذرایع کے مطابق 25 ہزار کے بعد 15 ہزار اور ساڑھے 7 ہزار کے انعامی بانڈز کی رجسٹریشن ہوگی، انعامی بانڈ فروخت کرتے وقت اسٹیٹ بینک کو بھی لازمی آگاہ کرنا ہوگا۔

    40 ہزار کا پرائز بانڈ رکھنے والوں کے لئے بڑی خبر

    25 ہزار کے انعامی بانڈز کے لیے شناختی کارڈ کی شرط بھی رکھ دی گئی ہے، دیگر انعامی بانڈز کی رقم بھی اب کیش نہیں ملےگی، ذرایع کا کہنا ہے کہ قرعہ اندازی میں نکلنے والا انعامی بانڈ بھی اسٹیٹ بینک میں جمع کرانا ہوگا۔

    پرائز بانڈ خبریں اور معلومات

    انعامی رقم کے لیے بھی قومی شناختی کارڈ نمبر اور اسٹیٹ بینک فارم پر کرنا ہوگا۔

    یاد رہے کہ اسٹیٹ بینک آف پاکستان نے 40 ہزار والے بانڈز رواں برس مارچ میں ختم کر دیے تھے، چالیس ہزار مالیت والے پرائز بانڈ کی مالی حیثیت یکم اپریل سے ختم ہو گئی ہے۔ یہ اقدام کالے دھن سے بانڈز کی خریداری کرنے والوں کے خلاف گھیرا تنگ کرنے اور معیشت کو دستاویزی بنانے کی خاطر کیا گیا تھا۔

  • 40 ہزار مالیت کے پرائز بانڈ اور مہنگی جائیدادیں رکھنے والے پریشان

    40 ہزار مالیت کے پرائز بانڈ اور مہنگی جائیدادیں رکھنے والے پریشان

    کراچی: حکومت کی جانب سے 40 ہزار کے پرائز بانڈ کی بغیر رجسٹریشن خرید و فروخت پر پابندی عاید ہونے کے بعد 40 ہزار مالیت کے پرائز بانڈ اور مہنگی جائیدادیں رکھنے والے پریشان ہو گئے ہیں۔

    تفصیلات کے مطابق کالے دھن پر مبنی چالیس ہزار مالیت کے پرائز بانڈ رکھنے والے اس بات پر پریشان ہو گئے ہیں کہ انھیں کیسے رجسٹرڈ کرائیں۔

    ذرایع کا کہنا ہے کہ سرکاری افسران نے پیسے 40 اور 25 ہزار والے پرائز بانڈ کی صورت میں رکھے ہیں، 40 ہزار والے پرائز بانڈ رجسٹرڈ نہ ہوئے تو صرف کاغذ کا ٹکڑا رہ جائیں گے۔

    سرکاری افسران کو پریشانی لاحق ہوگئی ہے کہ 40 ہزار کے پرائز بانڈ اور جائیدادیں کیسے لیگل ہوں گی، اس سلسلے میں فرنٹ مین کے ذریعے کالا دھن سفید کرنے کی کوششیں کی جا رہی ہیں۔

    یہ بھی پڑھیں:  غیر رجسٹرڈ پرائز بانڈ رکھنا غلط ہے،40 ہزار کے بانڈ رجسٹرڈ ہونے والے ہیں، شبر زیدی

    ایف بھی آر ذرایع کا کہنا ہے کہ فرنٹ مین کالا دھن سفید کر کے خود بھی پھنس جائیں گے، ادھر اربوں روپے مالیت کی پراپرٹی بھی تا حال بے نامی ہے، کس نے کتنا کالا دھن پراپرٹی میں لگایا، اس سلسلے میں 30 جون کے بعد اہم انکشافات متوقع ہیں۔

    یاد رہے کہ فیڈرل بورڈ آف ریونیو نے کہا تھا کہ 40 ہزار روپے مالیت کے پرائز بانڈ رجسٹر ہونے سے ایمنسٹی حاصل کرنے والوں کی تعداد میں اضافہ ہوگا۔

    چیئرمین ایف بی آر شبرزیدی نے کہا تھا کہ ہمیں پہلے یہ طے کرنا ہو گا کہ ٹیکس کہاں کہاں سے آ رہا ہے، جہاں جہاں سے ٹیکس نہیں آ رہا، ان اہداف کے پیچھے جائیں گے، فائلرز کی تعداد بڑھانا ہی کام یابی ہوگی، ایسیٹ ڈکلیریشن اسکیم کے نتائج آنا ابھی باقی ہیں۔

  • دسمبر میں مالیاتی خسارے میں 50 کروڑ ڈالر کمی آئی: اسد عمر

    دسمبر میں مالیاتی خسارے میں 50 کروڑ ڈالر کمی آئی: اسد عمر

    اسلام آباد: وزیرِ خزانہ اسد عمر نے کہا ہے کہ دسمبر میں مالیاتی خسارے میں 50 کروڑ ڈالر کمی آئی، امریکی بانڈ مارکیٹ میں پاکستانی بانڈ ایشیائی ملکوں میں ٹاپ پر رہا۔

    تفصیلات کے مطابق اوورسیز پاکستانیوں کے لیے ’پاکستان بناؤ سرٹیفکیٹ‘ کے اجرا کی تقریب سے خطاب کرتے ہوئے اسد عمر نے کہا کہ پانچ ماہ کی سب سے اچھی خبر یہ ہے کہ دنیا بھر سے با صلاحیت پاکستانی ملک کے لیے کچھ کرنے کے خواہش مند ہیں۔

    [bs-quote quote=”بڑی کمپنیاں آج پاکستان واپس آ کر کام کرنا چاہتی ہیں۔” style=”style-7″ align=”left” color=”#dd3333″ author_name=”اسد عمر” author_job=”وزیرِ خزانہ”][/bs-quote]

    وزیرِ خزانہ نے بتایا کہ دسمبر میں مالیاتی خسارے میں پچاس کروڑ ڈالر کی کمی آئی، جنوری میں نمبر اس سے بھی بہتر نظر آ رہے ہیں۔

    انھوں نے کہا کہ نئے پاکستان میں اوورسیز پاکستانیوں کا کلیدی کردار ہے، اوورسیز پاکستان کا بہت بڑا اثاثہ ہیں، بڑی کمپنیاں آج پاکستان واپس آ کر کام کرنا چاہتی ہیں۔

    وزیرِ خزانہ اسد عمر نے کہا ’منافع آپ کا اور مستقبل پاکستان کا، یہی چیز مجھے پُر امید کر دیتی ہے، پاکستان بناؤ سرٹیفکیٹ سے اوورسیز پاکستانیوں اور ملک دونوں کو فائدہ ہوگا۔‘

    انھوں نے کہا ’حکومت کے ساتھ تعاون کرنے والے تمام بینکوں کا شکریہ ادا کرنا چاہتا ہوں، ان شاء اللہ پاکستان کی بینکنگ انڈسٹری اور زیادہ منافع کمائے گی۔‘

    یہ بھی پڑھیں:  اوورسیز پاکستانیوں کے لیے خصوصی اسکیم ’منافع آپ کا مستقبل پاکستان کا‘ کا افتتاح

    وزیرِ خزانہ نے کہا کہ ادائیگیوں کے توازن میں خاصی بہتری آئی ہے، قوموں کی زندگی میں مشکل وقت بھی آتا ہے، ہم اوورسیز پاکستانیوں کے لیے بہت کچھ کر سکتے ہیں۔