Tag: پرائم منسٹر الیون

قومی کرکٹ ٹیم اور پرائم منسٹر الیون کی ٹیمیں اتوار سے پرتھ میں ڈیرے ڈالیں گی، دونوں ٹیمیں 14 دسمبر سے شروع ہونے والے ویسٹ ٹیسٹ میں شرکت کریں گی۔

تفصیلات کے مطابق تین میچز پر مشتمل سیریز کا پہلا ٹیسٹ پرتھ اسٹیڈیم میں کھیلا جائے گا، پیٹ کمنز کی قیادت میں آسٹریلیا کرکٹ ٹیم کل پرتھ پہنچے گی۔

سیریز کے لیے پرائم منسٹر الیون کی ٹیم اتوار سے تربیتی سیشن کا آغاز کرے گی، ہیڈ کوچ اینڈریو میکڈونلڈ سیشن کے بعد میڈیا کانفرنس میں شرکت کریں گے۔

دوسری جانب پاکستانی اسکواڈ اتوار کو کینبرا سے پرتھ روانہ ہوگا، قومی ٹیم  پیر سے ٹریننگ کا آغاز کرے گی، پاکستانی اسکواڈ کا ایک رکن پریکٹس سیشن کے بعد میڈیا سے بات چیت کے لیے دستیاب ہوگا۔

ویسٹ ٹیسٹ کی خاص بات یہاں ٹیسٹ سیریز لانچ کا انعقاد ہے، جو پیر کو منعقد ہوگا، بارہ دسمبر کو اسٹیو اسمتھ پریکٹس سیشن سے قبل پرتھ اسٹیڈیم میں میڈیا سے گفتگو کریں گے۔

پاکستانی ٹیم دوپہر کو یہاں اپنی ٹریننگ کا آغاز کرے گی، تیرہ دسمبر کو دونوں کپتان بینو قادر ٹرافی کے فوٹو شوٹ میں شرکت کریں گے، ٹرافی شوٹ کے بعد دونوں کپتان پریس کانفرنس میں شرکت کریں گے۔

آسٹریلیا کے وزیراعظم اینتھونی البانیز نے کہا ہے کہ ہماری کرکٹ میں پرائم منسٹر الیون کی ایک شاندار تاریخ ہے، پاکستان کے خلاف مضبوط اسکواڈ کا اعلان کیا گیا۔

کرکٹ آسٹریلیا کی جانب سے گرین شرٹس کا مقابلہ کرنے کے لیے چھ ٹیسٹ کرکٹرز پر مشتمل مضبوط پی ایم الیون بنائی گئی ہے۔ خود آسٹریلوی وزیراعظم اور نیشنل سلیکشن پینل نے پاکستان کے خلاف چار روزہ میچ کے لیے 12 کھلاڑیوں کے ناموں کا انتخاب کیا ہے۔

ساؤتھ آسٹریلیا کے بیٹر نیتھن میکس وینی کو چار روزہ میچ میں پی الیون کی قیادت سونپی گئی ہے۔ 12 رکنی اسکواڈ میں شامل 6 کھلاڑی ٹیسٹ میچ کھیلنے کا تجربہ رکھتے ہیں۔

حال ہی میں آسٹریلیا اے کی کوچنگ کے فرائض انجام دینے والے سری لنکا کے سابق ٹیسٹ کرکٹر تھیلان سمراویرا کو پی ایم الیون کا ہیڈ کوچ بھی مقرر کیا گیا ہے۔

آسٹریلین پی الیون اسکواڈ میں نیتھن میکس وینی (کپتان)، کیمرون بنکروفٹ، کیمرون گرین، مارکس ہیرس، نیتھن اینڈریو، ٹوڈ میئرفی، مائیکل نیسر جمی پیئرسن، میتھیو رینشا، مارک سٹیکٹی اور باو ویبسٹر کو شامل کیا گیا ہے۔

آسٹریلوی وزیر اعظم اینتھونی البانیز نے اپنے خیالات کا اظہار کرتے ہوئے کہا کہ آسٹریلین کرکٹ میں پرائم منسٹر الیون کی ایک شاندار تاریخ ہے اور مجھے خوشی ہے کہ ہم نے آئندہ ماہ پاکستان کے سامنے کے لیے ایک مضبوط سکواڈ کا اعلان کیا ہے۔

میکس وینی کو کپتان نامزد ہونے پر آسٹریلوی وزیراعظم نے مبارکباد پیش کرتے ہوئے کہا کہ یقین ہے کہ وہ بہترین طریقے سے ٹیم کی قیادت کریں گے۔

واضح رہے کہ آسٹریلوی وزیر اعظم نے پیٹ کمنز اور ان کی ٹیم کو آئی سی سی ورلڈکپ جیتنے پر بھی مبارکباد پیش کرتا ہوں۔انھوں نے کہا کہ ٹیم نے شاندار کارکردگی سے پوری قوم کو خوش کردیا ہے۔