ARYNews.tv | Urdu – Har Lamha Bakhabar

Tag: پراسرار بیماری

  • پراسرار بیماری سے 3 بھائی انتقال کر گئے، چوتھے کی حالت تشویشناک

    پراسرار بیماری سے 3 بھائی انتقال کر گئے، چوتھے کی حالت تشویشناک

    وہاڑی (30 جولائی 2025): میلسی میں پراسرار بیماری نے تین بھائیوں کی جان لے لی جب کہ چوتھے کی حالت تشویشناک ہے۔

    اے آر وائی نیوز کے مطابق پنجاب کے ضلع وہاڑی کی تحصیل میلسی میں موضع سنڈل کے علاقے میں پراسرار بیماری پھیل رہی ہے۔ جس سے اہل علاقہ میں بھی خوف پھیل رہا ہے۔

    اسی پراسرار بیماری کا شکار ہو کر تین بھائی انتقال کر گئے جب کہ چوتھے بھائی کی حالت تشویشناک بتائی جا رہی ہے۔

    متوفی بچوں کے والد نے بتایا کہ اس کے بچے ایسی بیماری میں مبتلا ہوئے ہیں کہ ڈاکٹرز بھی ان کا علاج نہیں کر رہے۔ میں بچوں کو اسپتال لے کر گیا تھا لیکن ڈاکٹروں نے چیک اپ کے بعد واپس بھیج دیا تھا۔

    غمزدہ والد نے پراسرار بیماری سے متعلق تو مزید کچھ نہیں بتایا لیکن ان کا کہنا تھا کہ پراسرار بیماری کا شکار ہو کر اس کے دو جڑواں بیٹے اور ایک 6 ماہ کا بیٹا انتقال کر گئے ہیں جبکہ چوتھا بیٹا 6 سالہ خرم کی حالت تشویشناک ہے۔

    انہوں نے حکومت سے بچے کے علاج میں مدد کی اپیل بھی کی ہے۔

    دوسری جانب اس حوالے سے سی ای او ہیلتھ کا کہنا ہے کہ بیماری کی تشخیص کے لیے محکمہ صحت کی ٹیموں کو مذکورہ علاقے میں روانہ کر دیا گیا ہے۔ اموات کی وجوہات کا پتہ مزید تشخیص کے بعد ہی چل سکے گا۔

    https://urdu.arynews.tv/4-children-die-after-drowning-in-standing-water-due-to-rain/

  • غریب درزی پراسرار بیماری کا شکار

    غریب درزی پراسرار بیماری کا شکار

    ڈسکہ : پنجاب میں ایک غریب درزی پراسرار بیماری کا شکار ہوگیا جس کے باعث اس کے جسم کے مختلف حصوں کی ہڈیاں بڑھ گئیں، غربت کے باعث وہ اپنا علاج کروانے سے قاصر ہے۔

    تفصیلات کے مطابق پنجاب کے شہر ڈسکہ میں غریب محنت کش پراسرار بیماری میں مبتلا ہوکر دہری اذیت کا شکار ہوگیا، ڈاکٹروں نے بھی ملک میں اس بیماری کے علاج نہ ہونے کی تصدیق کردی۔

    ڈسکہ کے نواحی گاؤں دھدھے والی کا رہائشی درزی محسن علی جسم کی ہڈیاں بڑھ جانے کے سبب انتہائی پریشانی کا شکار اور بیرون ملک علاج کیلئے کسی مسیحا کا منتظر ہے۔

    ڈسکہ سے اے آر وائی نیوز کے نمائندے رانا غلام مصطفیٰ کی رپورٹ کے مطابق محسن علی دن رات محنت کرکے اپنا اور اپنے بیوی بچوں کا پیٹ پالتا ہے۔

    فٹبال سی کر گزارا کرنے والا شہری ایک کمرے کے گھر میں رہائش پذیر ہے جو اس بیماری میں مبتلا ہونے کے بعد شدید مالی مشکلات میں گھر گیا ہے۔

    محسن علی کے جسم کی مختلف ہڈیاں مختلف زاویوں سے بڑھنا شروع ہوگئیں جس کے باعث وہ کام کرنے سمیت صحیح طرح چلنے پھرنے سے بھی قاصر ہے۔

    کئی ڈاکٹروں کو دکھانے کے باوجود معالجین اس پراسرار بیماری کی تشخیص اور علاج کرنے سے انکار کررہے ہیں ان کا کہنا ہے کہ اس مرض کا علاج بیرون ملک ہی کیا جاسکتا ہے۔

    محسن علی کی اہلیہ لوگوں کے گھروں کا کام کرکے اپنے گھر کا خرچہ چلانے کی کوشش کررہی ہے، اس کا کہنا ہے کہ بچوں کو کھلانے کے لیے پیسے نہیں اسکول کی فیس بھی نہیں دے سکتے۔

    ہڈیوں کی پراسرار بیماری میں مبتلا محسن علی وزیراعلیٰ پنجاب محسن نقوی سے امید لگائے بیٹھا ہے کہ حکومتی سطح پر اس کا علاج کرایا جائے گا۔

  • پراسرار بیماری نے کم عمر لڑکی کا چہرہ بگاڑ دیا

    پراسرار بیماری نے کم عمر لڑکی کا چہرہ بگاڑ دیا

    فلپائن میں ایک 17 سالہ دوشیزہ پراسرار بیماری کا شکار ہوگئی جس کے باعث اس کا چہرہ سوج گیا، غربت کے باعث وہ اپنا علاج کروانے سے قاصر ہے۔

    فلپائن کے ایک چھوٹے سے قصبے کی رہائشی یہ لڑکی ایک بچے کی ماں بھی ہے، اس کا کہنا ہے کہ ایک سال قبل اس کے چہرے پر ایک دانہ نکل آیا تھا جس کو چھیڑنے پر ابتدا میں تکلیف شروع ہوئی۔

    بعد ازاں اس کا چہرہ سوجنے لگا اور یہ سوجن پورے چہرے پر پھیل گئی جس کی وجہ سے اس کا چہرہ بگڑ گیا۔

    اس سوجن نے اس کی آنکھوں اور بصارت کو بھی متاثر کیا ہے اور اب وہ ایک آنکھ سے بمشکل دیکھ پاتی ہے، اس کا کہنا ہے کہ اسے لگتا ہے اس کا چہرہ اب کبھی بھی پہلے جیسا نہیں ہوسکے گا۔

    مذکورہ لڑکی کا شوہر ایک کھیت میں کام کرتا ہے اور اس کی آمدنی بمشکل اتنی ہے کہ وہ اپنے گھر والوں کا پیٹ پال سکے۔

    غربت کی وجہ سے وہ ڈاکٹر کے پاس بھی نہ جاسکی اور گھریلو ٹوٹکوں سے ہی اپنی تکلیف کا علاج کرتی رہی۔

    ایک سال بعد کچھ پیسے جمع کر کے وہ ڈاکٹر کے پاس گئی تاہم قصبے کے معمولی سے اسپتال میں جدید سہولیات موجود نہیں ہیں جس کی وجہ سے اسے بڑے شہر جانے کا کہا گیا۔

    مذکورہ لڑکی اور اس کے شوہر نے سوشل میڈیا پر ویڈیو جاری کر کے لوگوں سے مدد کی اپیل کی ہے تاکہ وہ شہر جاسکیں اور اس پراسرار بیماری کا علاج کرواسکیں۔

  • سعودی عرب: پراسرار بیماری سے 3 بہنیں جاں بحق

    سعودی عرب: پراسرار بیماری سے 3 بہنیں جاں بحق

    ریاض: مکہ مکرمہ میں مقیم ایک خاندان کی 3 بیٹیاں ایک پراسرار مرض میں مبتلا ہو کر جاں بحق ہوگئیں، مذکورہ مرض میں ہڈیاں ٹوٹ پھوٹ کا شکار ہوجاتی ہیں۔

    سعودی ویب سائٹ کے مطابق مکہ مکرمہ میں مقیم ایک اردنی خاندان کی 3 بیٹیاں پراسرار مرض میں مبتلا ہو کر چل بسیں، مذکورہ مرض کی وجہ سے ہڈیاں کمزور ہوجاتی ہیں اور افزائش کا سلسلہ کمزور پڑ جاتا ہے۔

    اس بیماری میں ہاتھ پیر فطری شکل میں مضبوط نہیں ہوتے جبکہ سینے کی شکل بگڑ جاتی ہے۔ ہاتھ اور پیر کی ہڈیوں میں ٹوٹ پھوٹ ہونے لگتی ہے جبکہ مریض کو 24 گھنٹے آکسیجن پر رکھنا پڑتا ہے۔

    مذکورہ اردنی خاندان مکہ مکرمہ کے البحیرات محلے میں مقیم ہیں، انہوں نے بتایا کہ ڈاکٹر حیران ہیں کہ یہ کیا مرض ہے۔

    خاندان کے سربراہ تحسیر احمد کا کہنا ہے کہ میری 3 بیٹیاں اسی پراسرار مرض میں مبتلا ہو کر دنیا سے رخصت ہوگئیں جبکہ میرا 22 سالہ بیٹا عبد الرحمٰن بھی اسی مرض میں مبتلا ہوگیا ہے۔

    اردنی شہری کا مزید کہنا ہے کہ اس انجانے مرض میں مبتلا ہو کر پہلے اس کی 2 بیٹیاں اس دنیا سے رخصت ہوئیں۔ اب 37 سالہ بیٹی بھی عید کے روز اسی مرض سے متاثر ہو کر چل بسی۔