ARYNews.tv | Urdu – Har Lamha Bakhabar

Tag: پرتگال

  • کوئلے کی کان سے فٹ بال ورلڈ کپ تک، کاشف بلوچ کی حیران کن کہانی

    کوئلے کی کان سے فٹ بال ورلڈ کپ تک، کاشف بلوچ کی حیران کن کہانی

    مچھ: صوبہ بلوچستان کے پس ماندہ علاقے ضلع مچھ سے ابھرنے والا اسٹار فٹ بالر کاشف بلوچ سکس اے سائیڈ منی ورلڈ کپ کھیلنے آئندہ ماہ پُرتگال کے شہر لزبن جائیں گے۔

    تفصیلات کے مطابق ڈسٹرکٹ مچھ کے پس ماندہ علاقے سے تعلق رکھنے والا فٹ بالر کاشف بلوچ سب کی توجہ کا مرکز بن گیا، کاشف پرتگال میں کھیلے جانے والے سکس اے سائیڈ منی ورلڈ کپ میں پاکستان کی نمائندگی کریں گے۔

    کاشف بلوچ مقامی کوئلے کی کان میں کام کرکے اپنے گھر والوں کی بنیادی ضروریات پوری کرتے ہیں، انھیں فٹ بال سے جنون کی حد تک لگاؤ ہے۔

    کاشف نے کوئٹہ میں منعقدہ لیژر لیگس مقابلوں میں حصہ لیا اور سب کی توجہ کا مرکز بنے، اپنے عمدہ کھیل کے سبب نیشنل چمپئن شپ کے پلیئر آف دی ٹورنامنٹ قرار پائے۔

     

    کاشف بلوچ ورلڈ کپ میں پاکستان کی نمائندگی ملنے پر بے حد خوش اور عمدہ کارکردگی دکھانے کے لیے پُرعزم ہیں۔

    ایشین گیمز میں پاکستان فٹبال ٹیم کی 44 سال بعد پہلی کامیابی

    واضح رہے کہ لزبن میں 6 اے سائیڈ منی ورلڈ کپ 23 ستمبر سے شروع ہوگا جس میں پاکستان سمیت دنیا کی 32 ٹیمیں حصہ لے رہی ہیں۔

    پاکستان فٹ بال ٹیم کے سابق کوچ طارق لطفی نے کہا ہے کہ آئندہ ماہ پرتگال کے شہر لزبن میں کھیلا جانے والے سوکا ورلڈ کپ میں پاکستان کے کھلاڑیوں کی شرکت کا خواب ایک حقیقت کا روپ دھارنے جارہا ہے۔

  • یورپ جھلساتی گرمی، قحط اور جنگلات کی آتش زدگی سے نبرد آزما

    یورپ جھلساتی گرمی، قحط اور جنگلات کی آتش زدگی سے نبرد آزما

    اسپین: یورپ اور برطانیہ میں گرمی کی لہر بدستور جاری ہے، ہیٹ ویو کی وجہ سے یورپ کو جھلساتی گرمی، قحط اور جنگلات میں آتش زدگی کا بھی سامنا ہے۔

    تفصیلات کے مطابق یورپ اور برطانیہ میں گرمی کا راج برقرار ہے جس کی وجہ شہری بے حال ہوچکے ہیں، مختلف شہروں میں درجہ حرارت چالیس ڈگری سے تجاوز کر گیا۔

    جرمنی، فرانس، بیلجیئم، اسپین اور پرتگال شدید گرمی کی لپیٹ میں ہیں، آج اسپین اور پرتگال میں سال کا گرم ترین دن رہا، درجہ حرارت چالیس سے تجاوز کر گیا۔

    اسپین میں ہیٹ ویو سے دو افراد بھی ہلاک ہوئے جس کے باعث ریڈ الرٹ جاری کردیا گیا ہے، ادھر جرمنی بھی گرمی کی لپیٹ میں ہے، شدید گرمی میں لوگوں کا کام کرنا مشکل ہوگیا۔

    غیر ملکی خبر رساں اداروں کے مطابق جنوبی پرتگال میں آج درجہ حرارت ریکارڈ سطح تک پہنچنے کی وجہ سے جنگلات میں آگ لگ گئی ہے جسے بجھانے کے لیے سات سو سے زیادہ فائر فائٹرز جدوجہد میں مصروف ہیں۔

    یورپ میں خدا کا قہر، شہری گرمی سے بلبلا اٹھے

    جنوبی یورپ کو لپیٹ میں لینے والی گرمی کی لہر نے یونان سے سویڈن تک قحط کی بھی ایک لہر دوڑا دی ہے، کئی ممالک قحط کے خطرے سے بھی نمٹنے کے لیے ہنگامی بنیادوں پر اقدامات کر رہے ہیں، شمالی کوریا میں شدید گرمی کے باعث فصلیں متاثر ہونے لگ گئیں۔

    دوسری طرف فرانس کے مختلف شہر وں میں پارہ ہائی ہوا تو لوگ گرمی کا توڑ کرنے تفریحی مقامات پر پہنچ گئے، بیلجیئم میں گرمی کا مقابلہ کرنے کے لیے خواتین نے گھر میں ہی پول بنا لیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈکپ 2018: گروپ بی میں کھیلے گئے دونوں مقابلے برابر

    فیفا ورلڈکپ 2018: گروپ بی میں کھیلے گئے دونوں مقابلے برابر

    ماسکو: فیفا ورلڈ کپ 2018 کے گروپ بی کے مقابلوں میں پرتگال اور ایران کے ساتھ ساتھ اسپین اور مراکش کا میچ بھی برابر ہوگیا۔

    تفصیلات کے مطابق فٹبال کے عالمی مقابلوں میں آج چار میچز کھیلے گئے، تیسرا میچ ایران اور پرتگال کے درمیان ایک ایک گول سے برابر ہوا جبکہ چوتھا میچ بھی اسپین اور مراکش کے درمیان دو دو گول سے برابر ہوگا۔

    اس فتح کے بعد اسپین اور پرتگال کی ٹیمیں ورلڈ کپ کے اگلے مرحلے میں پہنچ گئیں جبکہ ایران اور مراکش کی ٹیمیں ورلڈکپ سے باہر ہوگئیں۔

    فیفا ورلڈ کپ کے میگا ایونٹ میں سنسنی خیز مقابلے جاری ہیں، میگا ایونٹ کے پری کوارٹر فائنل میں پرتگال کا مقابلہ یوراگوئے سے ہوگا جبکہ اسپین اور روس کی ٹیمیں بھی پری کوارٹر فائنل میں ٹکرائیں گی۔

    قبل ازیں آج کھیلے گئے پہلے میچ میں سعودی عرب کو پانچ صفر سے ٹھکانے لگانے والی میزبان ٹیم روس کا پہلی بار بڑی ٹیم سے سامنا ہوا، تو اس کے ہاتھ پاؤں پھول گئے۔

    فیفا ورلڈ کپ 2018: یوروگوائے نے روس، سعودی عرب نے مصر کو شکست دے دی

    میچ میں‌ یوروگوائے کی ٹیم روس پر غالب رہی، سپراسٹار سواریز کی ٹیم نے روسی پوسٹ پر متعدد حملے کیے اور تین گول داغنے میں‌ کامیاب رہی اور یوں باآسانی یوروگوائے نے فتح اپنے نام کرلی۔

    علاوہ ازیں آج ہونے والے دوسرے مقابلے میں مصر اور سعودی عرب مدمقابل آئیں. یہ میچ دونوں‌ ٹیموں کے لیے اہم تھا، کیوں کہ دونوں‌ ہی نے تاحال فتح‌ کا ذائقہ نہیں‌ چکھا تھا۔

    دونوں ٹیموں نے بھرپور کھیل کا مظاہرہ کیا، البتہ میچ کے آخر میں فتح نے سعودی عرب کی قدم چومے، جو دو ایک سے یہ میچ جیتنے میں‌ کامیاب رہی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فیفا ورلڈ کپ 2018: پرتگال اور یوروگوائے کے اسٹار کھلاڑیوں نے اپنی ٹیموں کو فتح دلا دی

    فیفا ورلڈ کپ 2018: پرتگال اور یوروگوائے کے اسٹار کھلاڑیوں نے اپنی ٹیموں کو فتح دلا دی

    ماسکو : فیفا ورلڈ کپ 2018 کے آج ہونے والے مقابلوں میں پرتگال نے مراکش اور یوروگوائے نے سعودی کو شکست دے دی۔

    تفصیلات کے مطابق آج گروپ بی کے میچ میں پرتگال اور مراکش مقابل آئیں، جہاں‌ فتح‌ نے یورپی ٹیم کے قدم چومے.

    یاد رہے کہ مراکش کو ایران کے خلاف اپنے اولین میچ میں شکست کا سامنا کرنا پڑا تھا، جب کہ پرتگال اور اسپین کا میچ تین تین سے برابر رہا تھا۔

    میچ کا اکلوتا گول سپراسٹار کرسٹیانو رونالڈو نے داغا، ریال میڈرڈ سے کھیلنے والے رونالڈو نے میچ کے چوتھے منٹ میں گول اسکور کیا، یہ رونالڈو کا ورلڈ کپ میں چوتھا گول تھا۔

    مراکش کی جانب سے اسکور برابر کرنے کے لیے متعدد اٹیک کیے گئے، لیکن پرتگالی دفاع کی وجہ سے یہ کوششیں ناکام گئیں۔

    اس فتح کے بعد پرتگال گروپ بی میں پہلے نمبر پر آگئی، جب کہ مراکش کے لیے ورلڈ کپ کا سفر لگ بھگ تمام ہوا۔ گروپ بی کے دیگر ٹیمیں ایران اور اسپین آج ٹکرائیں گی۔

    آج دوسرا میچ گروپ اے کی ٹیموں‌ سعودی عرب اور یوروگوائے کے مابین کھیلا گیا، اس میچ میں‌ بارسلونا کے اسٹار کھلاڑی سوارز کے شان دار گول کے طفیل یوروگوائے نے فتح‌ حاصل کی.

    اگرچہ سعودی عرب کی ٹیم نے نسبتاً بہتر کھیل کا مظاہرہ کیا، مگر وہ یوروگوائے کی برتری ختم نہیں‌ کر سکی اور ورلڈ کپ مقابلوں سے باہر ہوگئی.

    گروپ اے میں‌ اب پوزیشن واضح ہے، یوروگوائے اور روس دوسرے راؤنڈ کے لیے کوالیفائی کر چکے ہیں، روس اور یوروگوائے کے میچ کے بعد گروپ کی نمبر ون ٹیم کا فیصلہ ہوگا.

    فیفا ورلڈ کپ کے چھٹے روز جاپان، سینیگال اور روس نے اپنے اپنے میچز جیت لیے

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سیاحت کے لیے دنیا کے محفوظ ترین ممالک

    سیاحت کے لیے دنیا کے محفوظ ترین ممالک

    کیا آپ سیاحت کرنے کے شوقین ہیں؟ تو پھر یقیناً یہ جاننا آپ کے لیے دلچسپی سے خالی نہیں ہوگا کہ سیاحت کے لیے دنیا کے کون سے ممالک محفوظ ترین ہیں جہاں آپ کو زندگی میں ایک بار ضرور جانا چاہیئے۔

    حال ہی میں جاری کی گئی ایک فہرست کے مطابق دنیا کے محفوظ ترین ممالک یہ ہیں۔

    آئر لینڈ

    آئر لینڈ سیاسی طور پر ایک مستحکم ملک ہے جہاں جرائم کی شرح بے حد کم ہے اور یہ سیاحوں کے لیے ایک بہترین ملک ہے۔

    جاپان

    کیا آپ جانتے ہیں جاپان میں ہتھیاروں تک رسائی حاصل کرنا بے حد مشکل کام ہے اور یہی وجہ ہے کہ یہ خود جاپانی شہریوں اور سیاحوں کے لیے ایک محفوظ ملک سمجھا جاتا ہے۔

    سوئٹزر لینڈ

    سوئٹزر لینڈ بھی سیاسی طور پر مستحکم اور کم جرائم کی شرح کا حامل ملک ہے۔

    کینیڈا

    کینیڈا کے کسی بھی شہر میں آپ آسانی سے معاشرتی مطابقت پیدا کر سکتے ہیں۔

    سلووینیا

    سلووینیا میں آپ کو جابجا پولیس اہلکاروں کی بڑی تعداد ملک میں امن و امان کی صورتحال برقرار رکھنے کے لیے تعینات دکھائی دے گی۔

    جمہوریہ چیک

    یورپی ملک جمہوریہ چیک میں جرائم کی شرح نہایت معمولی ہے۔

    مزید پڑھیں: جمہوریہ چیک کے دارالحکومت پراگ کی سیر کریں

    ڈنمارک

    ڈنمارک دنیا کے سب سے زیادہ خوش رہنے والے افراد کا ملک ہے۔

    پرتگال

    پرتگال ایک سستا ملک ہے جہاں آپ کم پیسوں میں باآسانی سیاحت کر سکتے ہیں۔

    نیوزی لینڈ

    نیوزی لینڈ بھی ایک پرسکون ملک ہے جو کسی بھی قسم کے اندرونی یا بیرونی تنازعات سے محفوظ ہے۔

    آئس لینڈ

    فہرست میں پہلا نمبر آئس لینڈ کا ہے جہاں قتل کی وارداتوں اور جیلوں میں قید افراد کی تعداد نہایت کم ہے جس کی وجہ سے اسے دنیا کا محفوظ ترین ملک قرار دیا جاتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کرسٹیانو رونالڈو بیٹی کے باپ بن گئے

    کرسٹیانو رونالڈو بیٹی کے باپ بن گئے

    پرتگال : معروف فٹبالر اور فیفا پلیئر آف دی ایئر کرسٹیانو رونالڈو بیٹی کے باپ بن گئے ہیں یہ انُ کی چوتھی اولاد ہے.

    تفصیلات کے مطابق عالمی شہرت یافتہ فٹبالر کرسٹیانو رونالڈو کے لیے یہ سال خوشخبریوں سے بھر پور ہے جہاں وہ رواں سال سب سے زیادہ پیسے کمانے امیرترین کھلاڑی بنے وہیں ان کے آنگن میں ایک اور بیٹی کی صورت میں ایک نعمت آئی ہے.

    پرتگال ٹیم کے کپتان کرسٹینا رونالڈو نے سماجی رابطے کی ویب سائٹ ٹویٹر پر ایک تصویر شیئر کی ہے جس میں انہیں اپنی نو مولد بیٹی اور اہلیہ کے ہمراہ دیکھا جا سکتا ہے جب کہ ان کی سب سے بڑی بیٹی بھی وہاں موجود ہے.

    رونالڈو جو اب چار بچوں کے باپ بن چکے ہیں نے اپنے مداحوں سے نومولود بیٹی کے لیے دعاؤں، نیک تمناؤں اور خواہشات کے اظہار کی درخواست کرتے ہوئے بتایا ہے کہ بچی کا نام آلانا مارٹینا رکھا ہے.

     

    مسلسل دوسری بار فیفا پلیئر آف دی ایئر کا اعزاز حاصل کرنے والے بتیس سالہ کرسٹیانو رونالڈو اس وقت سب سے مہنگے کھلاڑی ہیں اور دنیائے فُٹ بال کے مقبول ترین کھلاڑی ہیں جن کے بارے میں معروف فٹبالر میرا ڈونا نے کہا تھا کہ کرسٹینا رونالڈو اس سیارے پر سب سے بہترین کھلاڑی ہے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • کرسٹیانورونالڈونےدوسری بارفیفا فٹبالرآف دی ایئرکا ایوارڈ جیت لیا

    کرسٹیانورونالڈونےدوسری بارفیفا فٹبالرآف دی ایئرکا ایوارڈ جیت لیا

    لندن : پرتگال کےاسٹارفٹبالرکرسٹیانو رونالڈو نے مسلسل دوسری بار فیفا پلیئرآف دی ائیر کا ایوارڈ حاصل کرلیا۔

    تفصیلات کے مطابق برطانیہ کے دارالحکومت لندن میں فیفا ایوارڈز کی رنگین شام سجی، دنیائے فٹبال کے ستاروں نے تقریب میں شرکت کرکے تقریب کو چار چاند لگا دیے۔

    فیفا ایوارڈ کے لیے پرتگال کے کرسٹیانو رونالڈو، ارجنٹینا کے لیونل میسی اور برازیل کے نیمار کے درمیان مقابلہ تھا۔

    عالمی شہرت یافتہ فٹبالر کرسٹیانو رونالڈو فیفا فٹبالرآف دی ایئرکا یہ ایوارڈ پانچویں بارجیتا ہے۔ رونالڈو نےایوارڈ ملنے پرخوشی کا اظہار کرتے ہوئے اپنے مداحوں کا شکریہ ادا کیا۔

    دوسری جانب سال کے بہترین کوچ کا ایوارڈ بھی ریال میڈرڈ کے فرنچ کوچ زین الدین زیڈان کے نام رہا جبکہ بہترین گول کیپر کا ایوارڈ اٹلی کے بوفون نے جیتا۔

    ادھرنیدرلینڈز کی لایکا مارٹنز بہترین خاتون کھلاڑی اورنیدرلینڈز کی خواتین ٹیم کی کوچ سارینا ویگ مین بہترین کوچ قرار پائیں۔

    کرسٹیانورونالڈو نےیوئیفا پلیئرآف دی ایئرکا ایوارڈ اپنےنام کرلیا

    واضح رہے کہ رواں سال 25 اگست کو پرتگال کے اسٹار فٹبالرکرسٹیانورونالڈو نے تیسری مرتبہ یوئیفا پلیئرآف دی ایئر کا ایوارڈ جیتنے کا اعزاز حاصل کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • طیارے کی ساحل پر ایمرجنسی لینڈنگ سے سن باتھ لیتا شخص ہلاک

    طیارے کی ساحل پر ایمرجنسی لینڈنگ سے سن باتھ لیتا شخص ہلاک

    لزبن: پرتگال میں ایک ساحل پر طیارے کی ہنگامی لینڈنگ سے ساحل پر آئے افراد کی تفریح، خوف میں بدل گئی۔ طیارے کی زد میں آکر ایک 8 سالہ بچی اور ایک شخص ہلاک ہوگئے۔

    پرتگال کے دارالحکومت لزبن سے 30 کلومیٹر جنوب میں واقع مشہور کاپریکا بیچ غسل آفتابی کے لیے مقبول ترین مقام ہے جہاں ہزاروں افراد آتے ہیں۔

    حکام کے مطابق طیارے کا بایاں پر معمولی طور پر ٹوٹ گیا تھا جس کے باعث جہاز غیر ہموار ہو کر نیچے آنے لگا۔ عینی شاہدین کا کہنا ہے کہ طیارے کو ساحل پر گرتا دیکھ کر لوگ خوفزدہ ہو کر سمندر کی طرف بھاگے۔

    اس سے قبل یہ کافی دیر تک فضا میں بے ہنگم طریقے سے نچلی پرواز کرتا رہا جس سے وہاں موجود افراد شدید خوف و ہراس میں مبتلا ہوگئے۔

    بعد ازاں طیارے نے کریش لینڈنگ کی جس کی زد میں آکر بچی اور ایک شخص بری طرح زخمی ہوئے۔ بچی اپنے والدین کے ساتھ وہاں موجود تھی جبکہ مذکورہ شخص ساحل پر سن باتھ لے رہا تھا۔

    بعد ازاں دونوں زخمی دم توڑ گئے۔

    مزید پڑھیں: کھٹمنڈو ایئرپورٹ پر تیندوے نے ہلچل مچا دی

    جہاز میں سوار دونوں افراد محفوظ رہے جنہیں پولیس نے فوراً حراست میں لے لیا۔

    اس موقع پر وہاں موجود افراد نے شور مچانا شروع کردیا اور پائلٹ کو گھیرنے کی بھی کوشش کی تاہم پولیس، پائلٹ اور جہاز میں سوار دوسرے شخص کو وہاں سے نکال کر لے گئی۔

    دونوں افراد سے تفتیش کی جارہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پرتگال میں خوش رنگ پھولوں کا میلہ

    پرتگال میں خوش رنگ پھولوں کا میلہ

    لزبن: پرتگال کے جزیرے میڈیرا میں موسم بہار کے سالانہ میلے کا آغاز ہوگیا۔ سڑکیں خوشنما پھولوں سے بھر گئی۔

    فیسٹا دا فلور نامی اس میلے کی تھیم رواں برس اسٹائل اینڈ ڈیزائن رکھی گئی ہے جس کے تحت لاکھوں پھول دلکش باغوں کی زینت بنائے گئے ہیں۔

    ہزاروں بچے، بوڑھے اور جوان رنگا رنگ لباس پہنے سڑکوں پر نکل آئے۔

    لوگوں نے پھولوں سے بنے دیوہیکل فلوٹس کے ساتھ سڑکوں پر پریڈ بھی کی۔

    یہ میلہ گزشتہ 20 سال سے اس جزیرے پر منایا جارہا ہے جس میں پورے پرتگال اور دنیا بھر سے افراد شرکت کرتے ہیں۔

    یہ میلہ اس جزیرے کی معیشت میں اہم کردار ادا کرتا ہے اور ہزاروں لوگ سارا سال اس میلے کے توسط سے روزگار حاصل کرتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پرتگال، طیارہ سپر مارکیٹ پر جا گرا، پانچ افراد ہلاک

    پرتگال، طیارہ سپر مارکیٹ پر جا گرا، پانچ افراد ہلاک

    پرتگال : ایک چھوٹا مسافر بردار طیارہ سپر مارکیٹ پر جا گرا جس کے نتیجے میں پائلٹ سمیت 5 افراد ہلاک ہو گئے ہیں۔

    تفصیلات کے مطابق مسافر بردار طیارہ گرنے کا واقع پرتگال کے شہر لزبن میں پیش آیا جس کے نتیجے طایرے کے کپتان سمیت پانچ افراد ہلاک ہو گئے ہیں جب کہ آگ نے سپر مارکیٹ کو اپنی لپیٹ میں لے لیا۔

    واقعہ کی اطلاع ملتے ہی ریسکیو ادارے جائے وقوعہ پر پینچ گئے اور امدادی کاموں کا آغاز کردیا اورہلاک ہونے والے افراد کو قریبی
    اسپتال منتقل کردیا گیا اور آگ پر قابو پا کر علاقے کو کلیئر کرادیا گیا۔

    اسپتال ذرائع کا کہنا ہے کہ ہلاک ہونے والوں میں طیارے کا کپتنان ، مسافر اور سپر مارکیٹ میں سامان لانے والی لاری کا ڈرائیور شامل ہیں جن میں بیشتر کی لاشیں ناقابل شناخت ہیں جن کا ڈی این اے کرایا جائے گا۔

    علاقہ پولیس کا کہنا ہے کہ متعلقہ محکمہ کو اطلاع کردی گئی ہے جن کے ساتھ مل کر مشترکہ تحقیقات کی جائیں گی تاہم ابھی حادثے کی وجہ کا تعین نہیں کیا جا سکتا۔

    سپر مارکیٹ کے مالکان اور خریداری کے لیے آنے والے افراد کا کہنا تھا کہ حادثہ انتہائی خوفناک تھا اور ایسے نا گہنانی حادثات سے محفوظ رکھنے کے لیے ہنگامی بنیادوں پر اقدامات کی ضرورت ہے۔