پرتگال: ڈرون ٹیکنالوجی میں ایک نئی جدت آگئی ہے، ذہن سے ڈرون کی پرواز نے انقلاب برپا کر دیا۔
پرتگال میں ماہرین نے ذہنی خیالات سے ڈرون اڑا کر ٹیکنالوجی کی دنیا میں تہلکہ مچا دیا ہے، ماہرین کے اس انوکھے تجربے میں ڈرون طیارہ اڑانے کے لئے صرف ذہن استعمال کیا گیا۔
پائلٹ کے سر پر ایک الیکٹرونک کیپ رکھی گئی اور اسے ایک خاص سافٹ وئیر کے ذریعے کمپیوٹر سے جوڑ دیا گیا۔
کمپیوٹر نے ریموٹ کنٹرول کا کام کیا اور جونہی پائلٹ نے سوچنا شروع کیا، ڈرون طیارے نے پرواز کا آغاز کر دیا۔
ماہرین کا کہنا ہے کہ مستبل قریب میں یہ ٹیکنالوجی مسافر طیاروں کے لئے بھی استعمال کی جاسکے گی۔
