ARYNews.tv | Urdu – Har Lamha Bakhabar

Tag: پرندہ ٹکرا گیا

  • اڑان کے فوراً بعد لینڈنگ، بھارتی ایئرلائن انڈیگو کی فلائٹ حادثے سے بال بال بچ گئی

    اڑان کے فوراً بعد لینڈنگ، بھارتی ایئرلائن انڈیگو کی فلائٹ حادثے سے بال بال بچ گئی

    بھارتی ایئرلائن انڈیگو کی پٹنہ سے دہلی جانے والی فلائٹ کو پرندے کے ٹکرانے کی وجہ سے عین وقت پر منسوخ کردیا گیا۔

    احمدآباد حادثے کے بعد سے بھارتی ایئرلائنز اس وقت خصوصی طور پر دنیا بھر کی نظروں میں ہے اور ایویشن کے کئی ادارے ان کی چھوٹی سے چھوٹی چیزوں پر بھی نظر رکھے ہوئے ہیں، اب ایئر انڈیگو کی پرواز 6E 5009 کی پرواز 9 جولائی کو اڑنے کے فوری بعد لینڈ کرگئی۔

    پٹنہ سے دہلی جانے والی فلائٹ 9 جولائی کو انسپیکشن کے بعد منسوخ کی گئی، ہوائی جہاز کے معائنہ اور جان کے بعد پتہ چلا کہ پرندوں کے ٹکرانے کی وجہ سے فلائٹ پرواز کے قابل نہیں۔

    ایئر انڈیا طیارہ حادثہ : زندہ بچ جانے والے شخص کی نئی ویڈیو وائرل

    ایئرلائن کے ترجمان نے بتایا کہ "انڈیگو کی پرواز 6E 5009 جو 09 جولائی 2025 کو پٹنہ سے دہلی کے لیے پرواز کرنے والی تھی، پرندوں کے ٹکرانے کی وجہ سے واپس پٹنہ کی طرف مڑ گئی”۔

    انڈیگو کے ترجمان نے بتایا کہ ہوائی جہاز کے ضروری معائنہ اور جانچ کی ضرورت کی وجہ سے پرواز کو منسوخ کر دیا گیا ہے۔

    https://urdu.arynews.tv/pakistan-airspace-closure-impacts-around-600-indian-flights/

  • کراچی ائیرپورٹ پر ایک اور مسافر طیارہ بڑے حادثے سے بچ گیا

    کراچی ائیرپورٹ پر ایک اور مسافر طیارہ بڑے حادثے سے بچ گیا

    کراچی : کراچی ائیر پورٹ پر ایک اور طیارہ بڑے حادثے سے بچ گیا اور کپتان نے طیارے کو بحفاظت ایئرپورٹ پراتارلیا۔

    تفصیلات کے مطابق کراچی ایئر پورٹ پر فلائی جناح کے طیارے سے دوران لینڈنگ پرندہ ٹکرا گیا، ذرائع نے بتایا کہ فلائی جناح کی پرواز لاہور سے کراچی ایئرپورٹ لینڈ کر رہی تھی۔

    ذرائع کا کہنا تھا کہ کپتان نے طیارے سے پرندہ ٹکرانے کی اطلاع اے ٹی سی کو دی، پرواز میں 150سےزائدمسافر سوار تھے تاہم کپتان نے طیارے کو بحفاظت ایئرپورٹ پر اتار لیا۔

    کراچی ایئرپورٹ اوراطراف بارش کےباعث کیڑے مکوڑےہونےسےپرندوں کی تعدادزیادہ ہے، ڈی جی ایئرپورٹ ذیشان سعید نے فوری طور پرفیومیگیشن اور اضافی برڈشوٹر تعینات کرنے کی ہدایت کردی۔

    مزید پڑھیں : ترکش ائیرلائن کا طیارہ بڑے حادثے سے بال بال بچ گیا

    اس سے قبل کراچی ائیرپورٹ پر استنبول کیلئے جانے والی ترکش ائیرلائن کی پرواز حادثے سے بال بال بچ گئی۔

    طیارہ اڑان بھرنے کیلئے ٹی کے 709 ٹیکسی وے پہنچا تو پرندہ ٹکرا گیا ، طیارے سے پرندہ ٹکرانے پر کپتان نے ایمرجنسی بریک لگائی۔

  • کراچی : جہاز کے انجن سے پرندہ ٹکرا گیا، شعلے بھڑک اٹھے

    کراچی : جہاز کے انجن سے پرندہ ٹکرا گیا، شعلے بھڑک اٹھے

    کراچی سے اسلام آباد جانے والی نجی ایئر لائن کی پرواز سے اچانک پرندہ ٹکرا گیا جس کے نتیجے میں زور دار دھماکا ہوا۔

    پرندہ ٹکرانے کا واقعہ پی اے 208 کے طیارے میں پیش آیا، پرواز حادثے سے بال بال بچی طیارے نے ٹیک آف کیلئے اسپیڈ پکڑی تواڑان سے کچھ سیکنڈ پہلے ہی پرندہ ٹکرا گیا۔

    طیارے نے جیسے ہی اڑان بھری انجن سے پرندہ ٹکرانے سے دھماکا ہوا اور آگ کے شعلے نکلنے لگے۔

    پرندہ

    واقعے کی فوٹیج میں انجن سے شعلے نکلتے اور دھماکے کی آواز سنی جاسکتی ہے پرندہ ٹکراتے ہی کپتان نے ایمرجنسی بریک لگادی جس سے مسافروں کو شدید جھٹکے لگے۔

    اس حوالے سے ذرائع کا کہنا ہے کہ مسافروں میں اچانک بریک لگانے پرخوف وہراس پھیل گیا، کپتان طیارے کو واپس رن وے پر لے آیا، مسافروں کو اتار کر پرواز منسوخ کردی گئی۔

    ذرائع کے مطابق طیاروں سے پرندہ ٹکرانے کے واقعات سے ایئرلائنز کو سالانہ کروڑوں روپے کا نقصان برداشت کرنا پڑتا ہے۔

  • نجی ایئرلائن کا طیارہ حادثے سے بال بال بچ گیا ، ویڈیو سامنے آگئی

    نجی ایئرلائن کا طیارہ حادثے سے بال بال بچ گیا ، ویڈیو سامنے آگئی

    کراچی : لاہور سے دبئی جانیوالی والی پرواز سے پرندہ ٹکرا گیا، طیارہ 900فٹ بلندی پر تھا تاہم کپتان نے طیارے کو باحفاظت اتار لیا۔

    تفصیلات کے مطابق لاہور سے دبئی جانیوالی نجی ایئرلائن کی پرواز حادثے سے بال بال بچ گئی، پرواز کے اڑان بھرنے کے کچھ ہی دیر بعد طیارے سے پرندہ ٹکرا گیا۔

    ایئرپورٹ منیجر نے بتایا کہ کپتان نے لاہور ایئرپورٹ پر ایمرجنسی لینڈنگ کیلئے کنٹرول ٹاور سے رابطہ کیا جس پرکنٹرول ٹاور نے طیارے کو لینڈنگ کی اجازت دے دی۔

    ایئرپورٹ پر احتیاطی تدابیر کے طور پر فائر بریگیڈ اور ریسکیو ٹیمیں طلب کرلی گئیں ، طیارہ 900فٹ بلندی پر تھا تاہم کپتان نے طیارے کو باحفاظت اتار لیا ۔

    سرین ایئر کے سی ای او ایئر وائس مارشل ریٹائرڈصفدر ملک نے اے آروائی نیوز کو بتایا کہ طیارہ بوئنگ737سے پرندہ ٹکرانے کے باعث طیارے کو سینسر کو نقصان پہنچا، جس کی وجہ سے کپتان کے سسٹم نے کام کرنا چھوڑ دیا تھا۔

    صفدر ملک کا کہنا تھا کہ کپتان نے حاضر دماغی کا مظاہرہ کرتے ہوئے طیارے کو مینوئل طریقے سے باحفاظت اتارا طیارے میں سو سے زائد مسافر سوار تھے۔

  • کراچی سے لاہور جانے والی پرواز تاخیر کا شکار، طیارے کے پروں پر خون کے دھبے مل گئے

    کراچی سے لاہور جانے والی پرواز تاخیر کا شکار، طیارے کے پروں پر خون کے دھبے مل گئے

    کراچی: شہر قائد سے لاہور جانے والی ایک نجی ایئر لائن کی پرواز غیر معمولی تاخیر کا شکار ہو گئی، طیارے کے پروں پر خون کے دھبے پائے گئے تھے۔

    تفصیلات کے مطابق کراچی سے لاہور جانے والی نجی ایئر لائن کی پرواز میں 4 گھنٹوں سے زیادہ تاخیر پر مسافروں کا پارہ ہائی ہو گیا، جناح انٹرنیشنل ایئر پورٹ پر مسافروں نے شدید احتجاج کیا۔

    پرواز پی اے 402 کو دوپہر 12 بجے لاہور روانہ ہونا تھا لیکن کئی گھنٹوں کی تاخیر پر ایئر پورٹ پر مسافروں اور عملے کے درمیان تکرار شروع ہوئی، جس کے بعد مسافروں نے شور شرابا کیا اور انتظامیہ کے خلاف احتجاج شروع کر دیا۔

    مسافروں کا کہنا تھا کہ انھیں پرواز کی روانگی کے حوالے سے درست معلومات فراہم نہیں کی جا رہیں۔

    ادھر ترجمان ایئر لائن کا کہنا ہے کہ لاہور سے کراچی پہنچنے والے طیارے سے پرندہ ٹکرانے کا شبہ ہے، طیارے کے پروں پر پرندے کے خون کے دھبے نظر آئے ہیں۔

    ترجمان ایئر لائن کے مطابق انجینئرز کی ٹیم نے طیارے کی مکمل جانچ پڑتال کی ہے، جس کے بعد پرواز کو لاہور کے لیے روانہ کر دیا گیا ہے۔

  • پی آئی اے کا طیارے حادثے سے بال بال بچ گیا، پائلٹ نے بحفاظت زمین پراتار لیا

    پی آئی اے کا طیارے حادثے سے بال بال بچ گیا، پائلٹ نے بحفاظت زمین پراتار لیا

    لاہور : پی آئی اے کے طیارے سے پرندہ ٹکرا گیا، پائلٹ نے کمال مہارت سے طیارے کو بحفاظت اتار کرطیارے کو حادثے سے بچالیا، مذکورہ پرواز جدہ سے لاہور آرہی تھی۔

    تفصیلات کے مطابق سول ایوی ایشن اتھارٹی کی غفلت و لاپرواہی کے باعث طیاروں سے پرندے ٹکرانے کے واقعات میں مسلسل اضافہ ہورہا ہے، جدہ سے لاہور آنے والی پی آئی اے کے طیارے سے پرندہ ٹکرا گیا۔

    کپتان نے مہارت کا مظاہرہ کرتے ہوئے طیارے کو بحفاظت ایئرپورٹ اتار لیا، مذکورہ پرواز پی کے 760جدہ سے لاہور آرہی تھی، پی آئی اے کے بوئنگ777طیارے کو نقصان پہنچا ہے جس کو گراؤنڈ کردیا گیا ہے۔

    ترجمان پی آئی اے کے مطابق طیارہ نہ ہونے کی وجہ سے لاہور سے جدہ جانے والی پرواز پی کے759کئی گھنٹے تاخیر کا شکار ہوگئی، پرواز رات بارہ بجے جدہ کیلئے روانہ ہوگی۔

    بوئنگ777طیارے کا پرزہ کراچی سے لاہور آنے والی پرواز پی کے304کے ذریعے لایا جارہا ہے۔ واضح رہے کہ گزشتہ ایک ہفتے کے دوران پرندے ٹکرانے کے چار سے زائد واقعات رپورٹ ہوئے۔

    کراچی ایئرپورٹ پر پی آئی اے کے تین طیاروں سے پرندے ٹکرائے جس کے باعث ایک777اور دو ایئربس320طیاروں کو نقصان پہنچا تھا۔