کراچی : بیرون جانے والے مسافروں کی لیے اچھی خبر آگئی ، کراچی سے ایک اور ملک کے لیے پروازوں کاآغاز کردیا گیا۔
تفصیلات کے مطابق آذربائیجان کے شہر باکو سے کراچی کے لئے پروازوں کا آغاز کردیا گیا، پہلی پرواز کراچی ائیرپورٹ پہنچنے پر طیارے کو سول ایوی ایشن اتھارٹی کی طرف سے واٹر سلوٹ کی سلامی دی گئی۔
گورنرسندھ اورآذربائیجان کے سفیر نے کراچی سے باکو جانے والے مسافروں کو الوداع کیا۔
اس موقع پر گورنرسندھ نے کہا آذربائیجان کیلئے پروازیں شروع کرنے سے سیاحت اور تجارت کوفروغ حاصل ہوگا۔
سفیر آذربائیجان کا کہنا تھا کہ آج کراچی سے باکو کے لیے آذربائیجان کی پہلی پرواز کا آغاز کر رہے ہیں، اب سیاحت کےساتھ ساتھ کاروبارکےوسیع مواقع موجود ہیں۔
انھون نے کہا کہ گزشتہ سال اسلام آباد اور لاہور کے لیے پروازوں کا آغاز کیا تھا، لاہور اور اسلام آباد کے بعد کراچی کی پروازوں میں بھی کامیابی دیکھیں گے۔
