ARYNews.tv | Urdu – Har Lamha Bakhabar

Tag: پروازیں منسوخ

  • خراب موسم کے باعث پی آئی اے کی متعدد پروازیں منسوخ

    خراب موسم کے باعث پی آئی اے کی متعدد پروازیں منسوخ

    کراچی: خراب موسم اور بارشوں کے پیش نظر پاکستان انٹرنیشنل ایئر لائن (پی آئی اے) کی آج اور کل روانہ ہونے والی متعدد پروازیں منسوخ کردی گئیں جبکہ ایک پرواز کا وقت تبدیل کیا گیا ہے۔

    تفصیلات کے مطابق سندھ بھر میں بارشوں اور خراب موسم کی وجہ سے پاکستان انٹرنیشنل ایئر لائن (پی آئی اے) نے آج اور کل اپنی متعدد پروازیں منسوخ کرنے کا اعلان کردیا۔

    پی آئی اے ترجمان کے مطابق کراچی اور سکھر کے درمیان پروازپی کے 536 اور پی کے 537 منسوخ کردی گئی ہے۔ اسلام آباد اور بہاولپور کے درمیان پرواز 687 اور پی کے 688 اور اسلام آباد اور سکھر کے درمیان پرواز پی کے 631 اور پی کے 632 منسوخ کردی گئی ہے۔

    منسوخ ہونے والی دیگر پروازوں میں کراچی اور رحیم یار خان کے درمیان کل کی پرواز پی کے 582 اور پی کے 583، کراچی اور بہاولپور کے درمیان کل کی پرواز 588 اور پی کے 589 اور کراچی اور سکھر کے درمیان کل کی پرواز پی کے 530 اور پی کے 531 شامل ہیں۔

    کراچی اور ملتان کے درمیان کل کی پرواز پی کے 580 اور پی کے 581 اور اسلام آباد اور ملتان کے درمیان کل کی پرواز پی کے 681 اور پی کے 682 بھی منسوخ کردی گئی ہے۔

    ملتان سے کراچی کی پرواز پی کے 581 کا وقت تبدیل کیا گیا ہے، پرواز اب دن کے ڈھائی بجے روانہ ہوگی۔

    خیال رہے کہ کراچی اور ٹھٹھہ سمیت سندھ کے بیشتر علاقوں میں موسلا دھار بارشیں جاری ہیں۔ دو روز تک لگاتار طوفانی بارشوں کی وجہ سے کراچی، حیدر آباد اور ٹھٹھہ میں اربن فلڈ کا بھی خطرہ ہے۔

  • موسم کی خرابی : پی آئی اے کا شیڈول متاثر، متعدد پروازیں منسوخ

    موسم کی خرابی : پی آئی اے کا شیڈول متاثر، متعدد پروازیں منسوخ

    کراچی : موسم کی خرابی کے باعث اسلام آباد ایئرپورٹ پر پی آئی اے کا شیڈول شدید متاثر ہوگیا قومی ایئرلائن کی اسلام آباد کیلئے دوطرفہ11پروازیں منسوخ کردی گئیں۔

    تفصیلات کے مطابق ترجمان پی آئی اے نے کہا ہے کہ شمالی علاقہ جات کی پروازیں موسم کی خرابی کے باعث منسوخ کی گئیں ہیں جبکہ چند پروازوں کو مسافروں کی کمی کی وجہ سے دیگر پروازوں کے ساتھ ایڈجسٹ کیا گیا ہے۔

    ذرائع کے مطابق اسلام آباد ایئرپورٹ سے جانے اور آنے والی قومی ایئرلائین کی 11پروازیں منسوخ کردی گئیں ہیں، اسلام آباد سے گلگت کی دوطرفہ تین پروازیں پی کے605،606اور607،اسلام آباد سے ژوب کی دوطرفہ پروازیں پی کے689اور690منسوخ کی گئی ہیں۔

    اس کے علاوہ کراچی سے اسلام آباد آنے والی دو پروازیں پی کے368اور372منسوخ کی گئیں ہیں جبکہ سکھر سے اسلام آباد آنے والی پرواز پی کے692منسوخ کردی گئی۔

    مزید پڑھیں: کراچی میں طوفانی بارش کا امکان

    بین الاقوامی پروازوں میں اسلام آباد سے بارسلونا جانے والی پرواز پی کے769منسوخ کی گئی ہے، اسلام آباد سے چترال جانے والی والی پرواز پی کے660اور پشاور سے اسلام آباد آنے والی پرواز پی کے661 منسوخ کی گئی ہیں۔

  • میونخ کے ہوائی اڈے پر مشتبہ خاتون کی اطلاع، پروازیں منسوخ

    میونخ کے ہوائی اڈے پر مشتبہ خاتون کی اطلاع، پروازیں منسوخ

    برلن : میونخ کے عالمی ہوائی اڈے پر مشتبہ خاتون کی اطلاع ملتے ہی انتظامیہ نے 200 پروازیں منسوخ کردی، پروازوں میں تاخیر پر ہزاروں مسافروں نے انتظامیہ کے خلاف شدید رد عمل کا اظہار کیا۔

    تفصیلات کے مطابق جرمنی کے شہر میونخ کے ہوائی اڈے میں مشتبہ خاتون کے داخل ہونے کے بعد انتظامیہ نے 200 پروازیں منسوخ کرکے اعلان کردیا کہ ایئر پورٹ کے ٹرمنل نمبر 2 میں ایک مشتبہ خاتون گھس آئی ہے، جس کے بعد مسافروں میں شدید خوف و ہراس پھیل گیا۔

    جرمن میڈیا کا کہنا تھا کہ مشتبہ خاتون ٹرمنل نمبر 2 میں داخل ہونے کے بعد ممنوعہ علاقے میں گھس گئی تھی، جس کے باعث انتظایہ کو پروازیں منسوخ کرنا پڑیں، حالاںکہ پولیس نے کہا تھا کہ خاتون کی جانب سے کوئی خطرہ نہیں تاہم اس کی تلاشی میں ذرہ دیر لگی تھی۔

    غیر ملکی خبر رساں ادارے کا کہنا ہے کہ میونچ کے انٹرنیشنل ہوائی اڈے کے ممنوعہ علاقے میں مشتبہ خاتون کے داخل ہونے کے بعد کسی بھی ناخوش گوار واقعے سے بچنے کے لیے انتطامیہ علاقے کو مسافروں سے خالی کروالیا تھا۔

    جرمن پولیس کا کہنا ہے کہ ٹرمنل 2 کو مسافروں سے خالی کروانے کے بعد ممنوعہ زون کی تلاشی لی گئی تاہم کسی قسم مشکوک چیز برآمد نہیں ہوئی۔

    غیر ملکی خبر رساں ادارے کا کہنا تھا کہ میونخ ایئرپورٹ پر مشتبہ خاتون کے واقعے کے باعث ہزاروں افراد کی پروازیں کئی گھنٹے تاخیر کا شکار ہوئیں جس پر مسافروں کی جانب سے شدید رد عمل کا اظہار کیا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • موسم کی خرابی: پی آئی اے کی 4 پروازیں‌ منسوخ، بقیہ تاخیر کا شکار

    موسم کی خرابی: پی آئی اے کی 4 پروازیں‌ منسوخ، بقیہ تاخیر کا شکار

    کراچی: موسم کی خراب صورتحال کے باوجود پی آئی اے کی چار پروازیں منسوخ کردی گئیں، ایک کا رخ موڑ دیا گیا جب کہ بقیہ تاخیر کا شکار رہیں۔

    ترجمان پی آئی اے کے مطابق چار پروازیں منسوخ کی گئیں جبکہ ایک پرواز کا رخ متبادل ائر پورٹ کی جانب تبدیل کیا گیا،  کچھ پروازیں موسم کی خرابی کی وجہ سے 30 منٹ سے ڈیڑھ گھنٹہ تک تاخیر کا شکار رہیں۔

    کراچی اور پرواز کے روٹ میں موسم کی خرابی کی وجہ سے کراچی سے سکھر کی پرواز PK-536 ، بہاولپور سے کراچی کی پروازPK-589 ، کراچی سے تربت کی پرواز PK-501 اور کراچی سے گوادر کی پروازPK-503 منسوخ کر دی گئیں جبکہ کراچی سے بہاولپور کی پروازPK-588 کا رخ ملتان ائر پورٹ کی جانب موڑ دیا گیا۔

    ترجمان نے بتایا کہ کراچی سے سکھر کی پروازPk-582 کی روانگی میں ایک گھنٹہ، کراچی سے دبئی کی پروازPK-213 ایک گھنٹہ تیس منٹ، کراچی سے اسلام آباد کی پروازPK366 ایک گھنٹہ تیس منٹ، کراچی سے سکھر کی پرواز PK-390 ایک گھنٹہ پینتیس منٹ تاخیر سے روانہ ہوئی۔

    اسی طرح کراچی سے ڈیرہ غازی خان کی پرواز PK-585 ایک گھنٹہ، کراچی سے رحیم یار خان کی پروازPK-582 تیس منٹ، پشاور سے دبئی کی پروازPK-283 ایک گھنٹہ 40 منٹ، دبئی سے اسلام آباد کی پروازPK-212 ایک گھنٹہ بیس منٹ، دبئی سے اسلام آباد کی پروازPK-211 پچاس منٹ اور اسلام آباد سے مانچسٹر کی پرواز PK-701 پینتالیس منٹ کی تاخیر سے روانہ ہوئیں۔

    ترجمان پی آئی اے نے موسم کی خرابی کی وجہ سے پروازوں کی آمدورفت میں ہونے والی تاخیر پر مسافروں سے معذرت کی ہے۔

  • اے ٹی آرطیارے ایک بارپھرگراؤنڈ، متعدد پروازیں منسوخ

    اے ٹی آرطیارے ایک بارپھرگراؤنڈ، متعدد پروازیں منسوخ

    کراچی: سول ایوی ایشن اتھارٹی نے پی آئی اے کے خلاف سخت ایکشن لیتے ہوئے اسے تمام اے ٹی آر طیارے گراؤنڈ کرنے کی ہداہت دے دی،قبل ازیں حویلیاں حادثے کے بعد بھی ان طیاروں کو گراؤنڈ کیا گیا تھا۔

    تفصیلات کے مطابق سول ایوی ایشن اتھارٹی نے اپنے شدید تحفظات کا اظہار کرتے ہوئے پی آئی اے کو تمام اے ٹی آر طیاروں کو گراؤنڈ کرنے کا کہا ہے کیونکہ یہ طیارے قواعد و ضوابط پر پورے نہیں اتر رہے جس پرخدشہ ظاہر کیا جارہا تھا کہ سو گھنٹے پرواز کے بجائے 500 گھنٹوں کے بعد اس کے انجنوں کی مرمت کی جارہی تھی۔

     اس صورتحال پراعتراض کرتے ہوئے سول ایوی ایشن اتھارٹی نے کہا کہ ہر سو گھنٹے کے اندر اندر جہازوں کا فلٹر تبدیل کیا جائے، ان ہدایات کے بعد پی آئی اے کی جانب سے متعدد پروازوں کو منسوخ کرنا پڑا۔

    مزید پڑھیں : شیک ڈاؤن ٹیسٹ‘پی آئی اے کےاے ٹی آر طیارےگراؤنڈ

    پی آئی اے نے اندرونِ ملک چلنے والی چھ سے زائد اے ٹی آر طیاروں کی پروازوں کو منسوخ کیا۔ دوسری جانب اے ٹی آر طیارے گراؤنڈ ہونے کے باعث پروازیں منسوخ ہونے سے مسافروں کو شدید مشکلات کا سامنا کرنا پڑا۔ مسافروں کا کہنا ہے کہ ایئر لائن کی جانب سے اٹھائے گئے اقدام کی پیشگی اطلاع نہیں دی گئی۔

    مزید پڑھیں : پی آئی اے کے نو میں سے چار اے ٹی آرطیارے خراب نکلے

    یاد رہے کہ اس سے قبل حویلیاں سانحہ کے بعد 12 دسمبر کو بھی سول ایوی ایشن کی جانب سے تمام 10 اے ٹی آر طیاروں کو جانچ پڑتال کے لیے گراؤنڈ کیا گیا تھا جس کے بعد چار طیارے خراب حالت میں نکلے تھے۔

  • پی آئی اے اور پالپا کے درمیان تنازعہ بین الاقوامی پروازیں منسوخ

    پی آئی اے اور پالپا کے درمیان تنازعہ بین الاقوامی پروازیں منسوخ

    کراچی: پی آئی اے انتظامیہ اور پائلٹس کے تنازع میں مسافر رل گئے،کراچی سمیت ملک بھر میں فضائی آپریشن شدید متاثرہے،بین الاقوامی پروازیں بھی منسوخ ہوگئیں،انتظامیہ اور پالپا کے درمیان مذاکرات جاری ہیں۔

    پی آئی اے کی انتظامیہ اور پائلٹس تنظیم پالپاکے درمیان تنازعہ طول پکڑگیا، پروازوں کاشیڈول متاثرہے اور کئی ملکی وبین الاقوامی پروازیں منسوخ کردی گئی ہیں۔

     تنازعے کے باعث ملک بھر کے ایئرپورٹس پر مسافروں کو سخت مشکلات کا سامنا ہے پالپا ذرائع کے مطابق دو پائلٹس کے لائسنس بغہر وجہ بتائے منسوخ کرنا سراسر ناانصافی ہے ذرائع کا کہنا ہے کہ سول ایوی ایشن نے پی آئی اے کے پائلٹ کا لائسنس منسوخ کردیا۔

    ذرائع نے بتایا کہ پائلٹس نے انتظامیہ کے اصرار پر سولہ گھنٹے پرواز کی تھی جبکہ بین الاقوامی قوانین کے مطابق پائلٹ دس گھنٹے پرواز کرسکتا ہے کپتانوں کے انکار سے چالیس فیصد پروازیں متاثر ہوں گی۔

  • واشنگٹن: فلائٹ ٹریکنگ سٹم خراب4 سو پروازیں منسوخ

    واشنگٹن: فلائٹ ٹریکنگ سٹم خراب4 سو پروازیں منسوخ

    واشنگٹن: امریکا میں واشنگٹن ائیر پورٹ کا ایوی ایشن سسٹم کے خراب ہونے سے چار سو پروازیں منسوخ ہو گئیں۔

    امریکی شہر واشنگٹن میں ایوی ایشن سسٹم میں خرابی پیدا ہونے سے دس ہزار افراد متاثر ہوئے ہیں،مسافر کئی گھنٹوں سے ائیرپورٹ پر سسٹم کی بحالی کے امید میں انتظار کرنے پر مجبور ہیں ۔

    حکام کے مطابق فلائیٹ ٹریکنگ سسٹم میں خرابی پیدا ہوئی ہے جسے بحال کرنے کے لیے کام جاری ہے تاہم سسٹم کی بحالی کے لیے درکار وقت کے حوالے سے کچھ نہیں کہا جاسکتا۔

  • کیرولینا:طوفان سے ہزاروں پروازیں منسوخ،لاکھوں افراد متاثر،7 ہلاکتیں

    کیرولینا:طوفان سے ہزاروں پروازیں منسوخ،لاکھوں افراد متاثر،7 ہلاکتیں

    carolina

  • امریکا شدید برفباری کے لپیٹ میں، ہزاروں پروازیں منسوخ، تعلیمی ادارے ،دفاتر بند

    امریکا شدید برفباری کے لپیٹ میں، ہزاروں پروازیں منسوخ، تعلیمی ادارے ،دفاتر بند

     usweather.

  • پنجاب میں شدید دھند:ٹریفک حادثات میں چھ افراد جاں بحق

    پنجاب میں شدید دھند:ٹریفک حادثات میں چھ افراد جاں بحق

    پنجاب کےمختلف شہروں میں شدید دھند کا راج ہے ۔ حد نگاہ انتہائی کم ہونے کے باعث ٹریفک حادثات میں چھ افراد جان سے ہاتھ دھو بیٹھے۔ لاہور سمیت پنجاب کے مختلف شہروں میں شدید دھند کےڈیرے ہیں ،شدید دھند کے باعث لاہور میں حد نگاہ نوے میٹر سے نیچے آگئی۔

    علامہ اقبال انٹرنیشنل ائیرپورٹ کوپروازوں کیلئےبند کرنا پڑا۔ جس کے بعد بیرون ملک آمدو رفت کی آٹھ پروازیں تاخیر کا شکار ہوئیں۔ پروازوں کی منسوخی اور تاخیر کے باعث مسافروں کو شدید مشکلات کا سامنا ہے۔

    شدید دھند کے باعث لاہور میں ٹریفک حادثات میں چھ ا فراد جان کی بازی ہارگئے جبکہ پندرہ شدید زخمی ہیں۔ لاہور موٹروے کو کئی گھنٹوں بعد چھوٹی گاڑیوں کے لئے کھول دیا گیا ہے ۔شدید دھند کی وجہ سے اب بھی موٹروے پر سفر کرنے والے مسافروں کو شدید مشکلات کا سامنا ہے۔۔

    دھند کے باعث سالم کے مقام پر آٹھ گاڑیاں آپس ٹکرا گئیں ۔۔ حادثے میں پانچ افراد زخمی بھی ہوئے ۔۔ ترجمان موٹروے نےمسافروں کو متبادل راستے اختیار کرنے کی ہدایت کی ہے۔ ٹریفک حکام کا کہنا ہے کہ ڈرائیور ز دھند میں فوگ لائٹس آن رکھیں اور احتیاط سے ڈرائیونگ کریں۔