کوئٹہ: دہشت گردوں کے سہولت کار گرفتار پروفیسر ڈاکٹر عثمان کا اعترافی بیان سامنے آگیا ، جس میں تہلکہ خیز انکشافات کئے گئے ہیں۔
تفصیلات کے مطابق کوئٹہ سے گرفتار لیکچرار نے کالعدم تنظیم بی ایل اے سے روابط اور دہشت گردوں کی سہولت کاری کا اعتراف کرلیا،وزیراعلیٰ بلوچستان نے ڈاکٹر عثمان قاضی کا اعترافی بیان میڈیا سے شیئر کردیا۔
گرفتار لیکچرار نے اپنے بیان میں کہا حربیار کی جانب سے اہداف بتائے جاتے تھے، دہشت گرد کارروائیوں کیلئے ٹیلی گرام ایپ استعمال کرتے تھے، ریاست نے عزت اور وقار دیا۔ غداری پر شرمندہ ہوں
ڈاکٹر عثمان نے بتایا کہ وہ اور ان کی اہلیہ دونوں سرکاری ملازم ہیں، انہوں نے پشاور یونیورسٹی سے پی ایچ ڈی کیا اور بیوٹم یونیورسٹی میں گریڈ 18 کے لیکچرار کے طور پر خدمات انجام دیتے رہے۔
ان کا کہنا تھا کہ پشاور سے قائداعظم یونیورسٹی کے دورے کے دوران ان کی ملاقات تین دوستوں سے ہوئی، جن کا تعلق بی ایل اے سے تھا، جن میں سے دو بعد ازاں مارے گئے۔
Currency Rates in Pakistan Today- پاکستان میں آج ڈالر کی قیمت
ڈاکٹر عثمان نے بتایا کہ ڈاکٹر ہیبتان عرف کالک نے ان سے رابطہ کیا اور بی ایل اے میں شمولیت کرائی، بعد ازاں ان کی ملاقات بشیر زیب سے کرائی گئی، جس سے ان کا رابطہ ٹیلی گرام کے ذریعے رہتا تھا۔
انہوں نے اعتراف کیا کہ وہ بی ایل اے کو تین مختلف کاموں میں سہولت کاری فراہم کرتے رہے اور ان کا تنظیمی نام "عرف امیر” تھا۔
پروفیسر کا کہنا تھا کہ پہلا کام انہوں نے بی ایل اے کے ریجنل کمانڈر شیر دل کو طبی سہولیات فراہم کر کے کیا، دوسرا کام نومبر میں دو دہشت گردوں کو اپنے گھر میں پناہ دینا تھا، جن میں سے ایک نے بعد ازاں کوئٹہ ریلوے اسٹیشن پر خودکش دھماکا کیا اور تیسرا کام میں نے ایک پستول لی تھی جیسے ٹارگٹ کلنگ کے لئے خاتون کو دیتا تھا۔
گرفتار لیکچرار نے بتایا کہ نعمان عرف فیرک نامی دہشت گرد آٹھ دن تک ان کے پاس رہا، جسے بعد میں ایک اور کمانڈر کے حوالے کیا گیا، نعمان نے 14 اگست کے کسی بھی پروگرام میں خودکش حملہ کرنا تھا۔