Tag: پروفیشنل ٹیکس وصولی

  • کنٹونمنٹ بورڈ پروفیشنل ٹیکس وصول نہیں کر سکتے، سپریم کورٹ

    کنٹونمنٹ بورڈ پروفیشنل ٹیکس وصول نہیں کر سکتے، سپریم کورٹ

    کنٹونمنٹ بورڈ کی جانب سے پروفیشنل ٹیکس وصولی کیس کا تحریری فیصلہ جاری کردیا گیا، سپریم کورٹ نے سندھ ہائیکورٹ کے فیصلے سے مکمل اتفاق کیا۔

    تفصیلات کے مطابق سپریم کورٹ نے اپنے تحریری فیصلے میں کہا ہے کہ کنٹونمنٹ بورڈ کی جانب سے وصول کردہ ٹیکس غیر قانونی ہے، کنٹونمنٹ بورڈ پروفیشنل ٹیکس وصول نہیں کر سکتے۔

    فیصلے میں کہا گیا کہ آئین کے آرٹیکل 163 کے تحت ٹیکس کی وصولی کی پوری اسکیم موجود ہے۔ سپریم کورٹ سندھ ہائیکورٹ کے فیصلے سے مکمل اتفاق کرتی ہے۔

    عدالت کی جانب سے پروفیشنل مد میں وصول کردہ ٹیکس واپس کرنے کا حکم دیتے ہوئے کہا گیا کہ آئین صرف صوبائی حکومت کو ہی پروفیشنل ٹیکس کی وصولی کا اختیار دیتا ہے۔

    چیف جسٹس قاضی فائز عیسیٰ کی جانب سے 9 صفحات پر مشتمل فیصلہ تحریر کیا گیا۔ سندھ ہائی کورٹ کے 2 رکنی بینچ کے فیصلے کے خلاف اپیل دائر کی گئی تھی۔

    واضح رہے کہ سندھ ہائیکورٹ کی جانب سے کنٹونمنٹ بورڈ کے پروفیشنل ٹیکس وصولی کو غیرقانونی قرار دیا گیا تھا۔