Tag: پروٹیکٹڈ صارفین

لاہور : وفاقی حکومت پروٹیکٹڈ صارفین کو اووربلنگ پر ایکشن لیتے ہوئے پاورپلاننگ اینڈمانیٹرنگ کمپنی کے ایم ڈی ظفرعباس کو اوایس ڈی بنادیا۔

تفصیلات کے مطابق پروٹیکٹڈ صارفین کو اووربلنگ پر وفاقی حکومت کا پہلا ایکشن سامنے آیا، پاورپلاننگ اینڈمانیٹرنگ کمپنی کے ایم ڈی ظفرعباس کو اوایس ڈی بنادیاگیا ۔

گریڈ 21کے ایڈیشنل سیکرٹری ظفرعباس کواسٹیبلشمنٹ ڈویژن رپورٹ کرنے کا حکم دے دیا گیا۔

پاورپلاننگ اینڈمانیٹرنگ کمپنی نے ڈسکوز میں پرو ریٹا بلنگ سسٹم شروع کرایا ۔ پروریٹا بلنگ میکنزم کے باعث لاکھوں صارفین پروٹیکٹڈ کیٹیگری سے نکل گئے۔

ایف آئی اے اس حوالےسے تحقیقات کررہا ہے، ذرائع نے بتایا کہ ابتدائی رپورٹس میں پروریٹابلنگ میکنزم کو اووربلنگ کا باعث قرار دیا گیا۔

پی پی ایم سی میں کام کرنے والے کنسلٹنٹس کے حوالے سے بھی تفتیش کاآغاز کردیا گیا ، پروریٹا سسٹم کس نے شروع کرایا، ادارے کھوج لگانے کیلئے متحرک ہیں۔

اسلام آباد : کم یونٹس والے صارفین کو 200 سے زائد یونٹس کے بل بھیجے جانے کا انکشاف سامنے آیا، اووربلنگ سے کروڑوں کا اضافی بوجھ پڑا۔

تفصیلات کے مطابق وفاقی تحقیقاتی ادارے ( ایف آئی اے) نے لیسکو کیخلاف پروٹیکٹڈ صارفین کو اوور بلنگ کی شکایات پر ایکشن لیتے ہوئے انکوائری شروع کردی۔

ایف آئی اے نے بتایا کہ لیسکو نے مبینہ طور پر لاکھوں پروٹیکٹڈ صارفین کو اوور بلنگ کی اور کم یونٹس والےصارفین کو200 سے زائد یونٹس کے بل بھیجے گئے۔

ایف آئی اے کا کہنا تھا کہ اووربلنگ سے پروٹیکٹڈ کیٹگری تبدیل ہونے سے کروڑوں کا اضافی بوجھ پڑا۔

ایف آئی اےاینٹی کرپشن سرکل لاہور نےانکوائری کا آغاز کرتے ہوئے لیسکو کے ڈائریکٹرکسٹمرسروسز اور ڈی جی آئی ٹی کونوٹس جاری کردیئے۔

ترجمان کا کہنا ہے کہ لیسکو افسران سے بلنگ کا ڈیٹا اور دیگر تفصیلات طلب کی گئی ہیں۔

یاد رہے رواں سال مئی میں لیسکو کو مالی نقصان پہنچانے پر کارروائی کا آغاز کیا گیا تھا ، اوور بلنگ کی درستگی سے کمپنی پر اضافی اربوں روپے کا بوجھ پڑا۔

ذرائع کے مطابق اوور بلنگ کے وقت اوسط فی یونٹ قیمت 16 روپے تھی، جب کہ رواں ماہ 48 روپے سے قیمت زائد بنتی ہے، جس سے کمپنی کو اربوں روپے کا نقصان برداشت کرنا پڑے گا۔