بالی ووڈ: ایکشن سے بھرپور فلمیں بنانے والے پروڈیوسر ارون نے مبشر لقمان کوفلم کی آفر کی ہے، یہ فلم مبشر لقمان کی کتاب پر بنائی جائے گی۔
ڈی ڈے اور لنچ باکس جیسی شانداربالی ووڈ فلمیں بنانے والے پروڈیوسر ارون رنگرچری کو پاکستانی صحافت پر فلم بنانے کا خیال آیا، مبشر لقمان کی تھرل سے بھرپور زندگی اور ان کی کتاب کھرا سچ بابا جی کے نام فلم کا موضوع بنے گی۔
اےآروائی نیوز سے خصوصی گفتگو کرتے ہوئے ڈار موشن پکچرز کے سی ای او ارون نے کہا کہ مبشر لقمان پاکستان میں بے حد مقبول ہیں، اسی لئے ان کی کتاب پر فلم بنانے کا خیال آیا، فلم کے بارے میں بتاتے ہوئے ارون کا خیال ہے کہ پاکستان اور بھارت دونوں ملکوں میں یہ فلم ہٹ ہوگی۔