Tag: پروگرام آف دی ریکارڈ

لاہور: پاکستان مسلم لیگ ن کے رہنما محمد زبیر عمر نے کہا ہے کہ مسلم لیگ ن کا برا وقت گزر گیا ہے، اور اچھا وقت آنے والا ہے، لیکن عمران خان کا برا وقت شروع ہو چکا۔

اے آر وائی نیوز کے پروگرام آف دی ریکارڈ میں بات کرتے ہوئے محمد زبیر نے کہا کہ انھوں نے نواز شریف کو اتنا پُر جوش کبھی نہیں دیکھا، مسلم لیگ ن کی قیادت نے مشکل وقت گزار لیا ہے۔

محمد زبیر کا کہنا تھا ‘نواز شریف ہائی اسپرٹ میں ہیں، پہلے کبھی انھیں ایسا نہیں دیکھا، ہمارا اچھا وقت آ گیا، عمران خان کا برا وقت شروع ہو چکا۔

محمد زبیر نے یہ دعویٰ قائد ن لیگ سے لندن میں ملاقات کے بعد کیا ہے، انھوں نے کہا کہ پی ٹی آئی والوں کے لیے یہ اچھی خبر نہیں، ان کا برا وقت شروع ہو گیا ہے۔

مجھے یقین ہے اب حکومت سے ہاتھ اٹھا لیا گیا ہے: نواز شریف

انھوں نے کہا نواز شریف سے میری ملاقات اچھی رہی، نواز شریف سیاست کا محور ہیں، وہ بہت جلد مستقبل قریب میں وطن واپس آئیں گے، لندن میں ان کا احتجاج ہو رہا ہے۔

کاشف عباسی نے محمد زبیر سے سوال کیا کہ نواز شریف سے ملاقات کے بعد اب بتائیں کہ پارٹی کی قیادت کون کرے گا؟ انھوں نے کہا میں آپ کو کوئی ہیڈ لائن نہیں دوں گا، قیادت کون کرے گا، یہ پارٹی قیادت کا اپنا فیصلہ ہوتا ہے، مسلم لیگ ن میں سارے بہترین لیڈرز ہیں۔

نواز شریف کی صحت سے متعلق رپورٹس پر انھوں نے کہا کہ عدالت نواز شریف کی صحت کی رپورٹ جب بھی مانگے گی تو ہم فراہم کر دیں گے، صحت کسی کا بھی ذاتی معاملہ ہوتا ہے، اس پر کھل کر بات نہیں کر سکتا، طبی طور پر جب بھی ضرورت ہوگی نواز شریف سرجری کرا لیں گے۔

محمد زبیر نے بیان حلفی سے متعلق کہا بیان حلفی پر کہیں بھی دستخط ہوئے تھے اس سے فرق نہیں پڑتا، ہمارے لیے یہ اہم ہے کہ ثاقب نثار پر الزامات لگے تو وہ وضاحت کریں، اور بیان حلفی پر جہاں بھی دستخط ہوئے ہوں الزامات کی تحقیقات ہونی چاہیئں۔

کراچی : ایم کیوایم کے رہنما ڈاکٹر عامر لیاقت حسین کا کہنا ہے کہ آئندہ اڑتالیس گھنٹوں میں اسمبلیوں میں ایم کیوایم کے مستعفی ہونے کا خدشہ ظاہر کردیا۔

اے آروائی نیوز کے پروگرام آف دی ریکارڈ میں گفتگو کرتے ہوئے متحدہ قومی مومنٹ کے رہنما ڈاکٹر عامر لیاقت حسین کا کہنا ہے ایم کیوایم کے ساتھ ظلم ہورہا ہے، متحدہ اپنے پارٹی مسائل اور حکومتی رویے سے مایوس ہوکر آئندہ اڑتالیس گھنٹوں میں قومی اور صوبائی اسمبلیوں سے استعفے دینے پر غور کر رہی ہے ۔

انہوں نے کہا کہ ایم کیو ایم کے کارکنان کو ماورائے عدالت قتل کیا جارہا ہے، روزانہ چھاپے مارے جارہے ہیں، نامزد میئر جیل میں ہیں، بلدیاتی نمائندوں کو نہ اختیارات دیئے جارہے ہیں نہ ہی کسی قسم کا کام نہیں کرنے دیا جارہا ہے۔

ایک سوال کے جواب میں ڈاکٹرعامرلیاقت کا کہنا تھا کہ آئندہ 90 دن میں ہمیں حکومت چلتی ہوئی نظرنہیں آرہی ہے، لیکن موجودہ حالات میں ایم کیو ایم کسی تحریک کا حصہ نہیں بن سکتی ہے۔

MQM cannot be part of any movement; might leave… by arynews

ان کا کہنا تھا کہ ایم کیوایم متحدہ اپوزیشن کے ساتھ نہیں ہے نہ ہی اپوزیشن کے احتجاج سے ہمارا کوئی تعلق ہے ہمارا احتجاج الگ ہے،ایم کیوایم اگر استعفے دیتی ہے تو اس کا اپوزیشن سے کوئی تعلق نہیں ہوگا ۔

دوسری طرف ایم کیوایم نے کراچی میں کارکنوں کی گرفتاریوں کے خلاف بھوک کراچی پریس کلب پرتادم مرگ بھوک ہڑتال شروع کردی ہے، بھوک ہڑتالی کیمپ میں اراکین رابطہ کمیٹی،اراکین پارلیمنٹ اورکارکنان شریک ہیں ۔

کراچی: ڈاکٹر عامر لیاقت نے کہا ہے کہ ایم کیو ایم میں شخصیات کی نہیں نظریات کی اہمیت ہے۔

اے آر وائی نیوز کے پروگرام آف دی ریکارڈ میں معروف اسکالر ڈاکٹر عامر لیاقت حسین نے کہا کہ ایم کیو ایم کو کوئی نہیں ختم کرسکتا ،ایم کیو ایم میں شخصیات کی نہیں نظریات کی اہمیت ہے ،کیا کوئی پہلے مصطفی ٰ کمال، انیس قائم خانی،اظہار الحسن کو جانتا تھا؟۔

ایک سوال پر عامر لیاقت کا کہنا تھا کہ میں دس برس سے متحدہ سے باہر ہوں میں تو کراچی سے نہیں بھاگا ؟یہ کچھ بھی نہیں ہے ماضی میں بھی متحدہ کے اندر اس سے بڑے بڑے گروپ بنے ہیں۔

Aamir Liaquat taunts Mustafa Kamal on Off The… by arynews

ان کا کہنا تھا کہ اس سے پہلے بھی پی ٹی آئی اور جماعت اسلامی نے مل کر ایم کیو ایم کے خلاف ایکشن لڑا تھا تو کیا ہوا ،ایم کیو ایم کا ورکر انتخابات کے میدان میں چمکتا دمکتا نظر آتا ہے اوروہاں کلین سوئپ کرتا ہے مجھے کامل یقین ہے ایم کیو ایم کراچی میں 246 کی نشست پر بھی کامیابی حاصل کرے گی ۔

ڈاکٹر عامر لیاقت نے کہا کہ متحدہ کی خاموشی کا فیصلہ درست ہے ،الزام اُسے لگانا چاہیے جو کبھی بھی ان کا حصہ نہیں رہا ہو،کیا یہ ننھے منے تھے سریلیک کھاتے تھے جو انھیں کچھ نہیں پتہ تھا اور اچانک تین سال بعد ان کا ضمیر جاگ گیا۔

Amir Liaquat's views on MQM by arynews