دبئی : آل پاکستان مسلم لیگ کے سربراہ جنرل (ر) پرویز مشرف نے کہا ہے کہ اہل کراچی کو نئے نام اور قیادت تلے متحد کرنا ہے، پنجاب میں چھوٹی قوتوں کو ساتھ ملا کر بڑا اتحاد قائم ہوسکتا ہے، بیت المقدس کے معاملے پر امت مسلمہ متحد ہوکرامریکا پردباؤ ڈالے۔
ان خیالات کا اظہار انہوں نے دبئی میں منعقدہ پارٹی اجلاس سے خطاب کرتے ہوئے کیا، پرویز مشرف نے کہا کہ ملک میں سیاسی اورانتخابی اصلاحات کی ضرورت ہے، قوانین پر عمل درآمد اور چیک اینڈ بیلنس کا مؤثر نظام ہونا بھی ضروری ہے۔
انہوں نے کہا کہ کراچی میں تمام قومیتوں کے لوگ آباد ہیں، پاکستانیت شہر قائد سے شروع ہوتی ہے، اہل کراچی کو نئے نام اور قیادت تلے متحد کرنا ہے، پاکستان میں انتظامی بنیادوں پر15سے20صوبوں کی ضرورت ہے۔
ان کا کہنا تھا کہ اندرون سندھ پیرپگاڑا کے ساتھ مل کر دیگر جماعتوں کا مقابلہ کیا جاسکتا ہے، سندھ میں تمام قومیتوں اور پنجاب میں چھوٹی طاقتوں کو ساتھ ملاکر سیاسی اتحاد بنایا جاسکتا ہے،23جماعتی پاکستان عوامی اتحاد مزید بڑھے گا تو دوسری جماعتیں بھی شامل ہوں گی۔
سابق صدر نے کہا کہ بیت المقدس کے معاملے پرامت مسلمہ متحد ہوکرامریکا پردباؤ ڈالے، دنیا میں مسلمانوں کی بڑی آبادی ہے مگر اتحاد کا فقدان ہے، ہمیں عالمی سطح پروہ بات کرنی چاہیےجوقومی مفادمیں ہو، مسلم ممالک امداد بند ہونے کے ڈرسے امریکا کےخلاف نہیں بولتے۔
لندن : چیئرمین آل پاکستان مسلم لیگ اور سابق صدر پرویز مشرف کا کہنا ہے کہ ٹرمپ کی پالیسیاں دنیاکوتباہی کی طرف دھکیل رہی ہیں، امریکااپنےفیصلے پرنظرثانی کرے،او آئی سی ایسے اقدامات کرے، جس سے امریکا فیصلہ واپس لے۔
تفصیلات کے مطابق چیئرمین آل پاکستان مسلم لیگ اور سابق صدر پرویز مشرف نے امریکی صدر کی جانب سے مقبوضہ بیت المقدس کواسرائیل کادارالحکومت تسلیم کرنے کے فیصلے پر ردعمل کا اظہار کرتے ہوئے کہا ٹرمپ کی پالیسیاں دنیاکوتباہی کی طرف دھکیل رہی ہیں ، امریکی فیصلہ اسلامی دنیاکےلئےمایوس کن ہے۔
پرویز مشرف کا کہنا تھا کہ ڈونلڈ ٹرمپ کی پالیسیاں دنیامیں امن کےلئےخطرناک ہیں امریکی فیصلہ بین الاقوامی قوانین کے منافی ہے،امریکا اپنے فیصلے پرنظرثانی کرے۔
سابق صدر نے مزید کہا کہ اسلامی ممالک حالات کاجائزہ لےکرمتفقہ لائحہ عمل اختیارکریں،او آئی سی ایسے اقدامات کرے، جس سے امریکا فیصلہ واپس لے۔
یاد رہے کہ امریکی صدرڈونلڈٹرمپ نے مقبوضہ بیت المقدس کو اسرائیل کا دارالحکومت تسلیم کرلیا، ٹرمپ کے فیصلے پر مسلمان ملکوں کی جانب سے شدید ردعمل کا اظہار کیا جارہا ہے جبکہ مختلف شہروں میں مظاہرے کئے جارہے ہیں۔
مریکا صدر ڈونلڈ ٹرمپ کا کہنا تھا کہ کئی امریکی صدور نے اس اقدام کا سوچا تھا لیکن وہ ایسا نہیں کرسکے اس لیے یہ معاملہ کافی برسوں سے التواء کا شکار تھا جس پر میں آج سخت فیصلہ کرتے ہوئے یروشلم کو اسرائیل کا دارالخلافہ تسلیم کرنے کا اعلان کرتا ہوں اور اس مشکل کام کو انجام تک پہنچانے پر خوشی محسوس کر رہا ہوں
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لندن : سابق صدر پروز مشرف نے کہا ہے کہ پاکستان جاؤں گا، وہاں جائے بغیر حالات تبدیل نہیں ہوں گے، ملک کے موجودہ مسائل کاحل عبوری حکومت کا قیام ہے۔
تفصیلات کے مطابق لندن میں جلسے سے خطاب میں سابق صدر پرویز مشرف نے کہا کہ ملک قیادت کے بحران اور بدانتظامی کا شکار ہے، اداروں میں اختلافات ہیں جن کا فائدہ بھارت اٹھارہا ہے۔
نواز شریف پر تنقید کرتے ہوئے پرویز مشرف کا کہنا تھا کہ پارلیمنٹ نےنااہل شخص کوپارٹی صدربنانےکی راہ ہموارکی، نااہل شخص کوپارٹی صدربنانےکی راہ ہموارکرنا آئین کیساتھ ظلم ہے، امید ہےکہ سپریم کورٹ ایسی قانون سازی کےنفاذ کو روکےگی ۔
کراچی کے حالات کے حوالے سے سابق صدر نے کہا کہ کراچی میں سیاسی خلاموجود ہے، کراچی میں ایم کیوایم کے علاوہ کوئی سیاسی قوت نہیں ، پاکستان میں ایم کیوایم اورمہاجرلفظ منفی سمجھا جارہا ہے۔
انکا مزید کہنا تھا کہ مسئلہ کشمیرکے حل تک بھارت کو افغانستان تک رسائی نہیں ملے گی، موجودہ مسائل کاحل عبوری حکومت کا قیام ہے، پاک سرزمین پارٹی کی قیادت سے کوئی تعلق نہیں۔
پرویز مشرف نے کہا کہ سندھ میں تمام قومیتوں پرمشتمل پارٹی ہی پی پی کو شکست دے سکتی ہے، پاکستان جاؤں گا،وہاں جائے بغیر حالات تبدیل نہیں ہوں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔
کراچی : سابق صدر جنرل (ر) پرویز مشرف نے کہا ہے کہ وطن واپس آکر ہر چیز کا سامنا خود کروں گا کسی کی مدد نہیں چاہیئے، ملک میں تیسری سیاسی قوت کی ضرورت ہے، چاہتا ہوں ایم کیو ایم کے سارے دھڑے مل جائیں۔
ان خیالات کا اظہار انہوں نے ملیر کراچی میں اے پی ایم ایل کے جلسے سے ویڈیو لنک کے ذریعے خطاب کرتے ہوئے کیا۔ پرویز مشرف نے کہا کہ جلد پاکستان آؤں گا، ملک کو نیا پاکستان بنانےکی ضرورت ہے، اے پی ایم ایل سب سے پہلے پاکستان کی سیاست کرتی ہے، شہریوں کو سب سے پہلے پاکستان سے محبت ہونی چاہیے۔
انہوں نے کہا کہ ہماری سیاست کسی قومیت نہیں پورے پاکستان سے منسوب ہے، پاکستان کی حالت تشویشناک ہے، کرپشن کی وجہ سے پاکستان کی معیشت تباہ ہو گئی ہے۔
انہوں نے کہا کہ کراچی پورے پاکستان کاشہر ہے، اس سے متعلق خبریں دیکھ کرافسوس ہوتا ہے، ہمارے دورمیں کراچی میں ترقیاتی منصوبے لگ رہے تھے، یہاں اصل ترقی ہمارے دورمیں ہوئی۔
چاہتا ہوں ایم کیو ایم کے سارے دھڑے مل جائیں
ان کا کہنا تھا کہ کراچی صرف مہاجروں کا نہیں سب کا شہر ہے، مہاجر دھڑوں میں بکھر گئے ہیں، میں کسی دھڑے کےساتھ نہیں، میرے لئے ایم کیوایم پاکستان، لندن اور پی ایس پی سب برابرہیں، چاہتا ہوں سارے دھڑے مل جائیں۔
انہوں نے کہا کہ قومیتیں آگےآ گئی ہیں،ملک پیچھے رہ گیا ہے، قائداعظمؒ نے کہا تھا کہ صوبائیت کو ترجیح دی تو حماقت ہوگی، ہم نے صوبائیت کی سوچ نہ چھوڑی توترقی نہیں ہو سکتی، بھارت کے پاکستان سے متعلق خطرناک عزائم ہیں۔
علاوہ ازیں آل پاکستان مسلم لیگ کے جلسے میں گلوکار محمد علی شہکی نے ملی نغمہ گا کر شرکا کا جوش بڑھایا۔ جلسے سے اے پی ایم ایل کے جنرل سیکرٹری ڈاکٹر امجد اور دیگر رہنماؤں نے بھی خطاب کیا۔
کراچی : سابق صدر پاکستان جنرل (ر) پرویز مشرف نے کہا ہے کہ پاکستان جیسےحالات میں سزائےموت کا ہونا ضروری ہے، کلبھوشن یادیو کی پھانسی کےمعاملے میں حکومت اورفوج میں اختلاف نہیں۔ حکومت پھانسی کے معاملے پر کوئی دباؤ قبول نہ کرے۔
ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی کو خصوصی انٹرویو دیتے ہوئے کیا، پرویز مشرف نے کہا کہ کلبھوشن یادیو کو بھارتی قونصلر تک رسائی نہ دے کر بالکل ٹھیک کیا گیا وہ دہشت گردی میں ملوث تھا، کلبھوشن یادیو کا فیلڈ جنرل کورٹ مارشل میں اسپیڈی ٹرائل ہوا، اس کو لیگل ٹیم بھی فراہم کی گئی تھی، کلبھوشن کےپاس دفاع کیلئے کچھ نہیں کیونکہ وہ رنگے ہاتھوں پکڑا گیا۔
اس سوال کے جواب میں کہ اگر کلبھوشن یادیو کی جانب سے پھانسی کی سزا میں رحم کی اپیل کی گئی تو اس کو منظور ہونا چاہیئے یا مسترد؟ ان کا کہنا تھا کہ پرویزمشرف نے کہا کہ بھارت کلبھوشن کی سزائے موت پر واویلا مچائے گا، ان کے میڈیا نے تو ابھی سے شور مچانا شروع کردیا ہے۔
بھارت کی جانب سے کلبھوشن کی پھانسی کو قتل کہنا سچائی مسخ کرنے کےمترادف ہے، بھارت کلبھوشن کی گرفتاری پر پہلےانکار کررہا تھا، بعد میں نسچائی سامنے آنے پر اسے اعتراف کرنا پڑا، انہوں نے کہا کہ بھارت نے کلبھوشن کی گرفتاری کے فوری بعد اس کی فیملی کو ممبئی سے غائب کردیا تھا اور اب اس کی فیملی کو ہمدردی پیدا کرنے کیلئے سامنے لایا جاسکتا ہے۔
سابق صدر پرویز مشرف نے کہا کہ کلبھوشن کو سزا سنانے کے بعد ہمیں اب ہوشیار رہنا پڑے گا کیونکہ مودی حکومت کلبھوشن پر سودے بازی کی کوشش کرسکتی ہے،بھارت کلبھوشن کیس پر مقابلے کیلئے کچھ بھی کرسکتا ہے، اس کے علاوہ بھارت پاکستان میں دہشت گردی کی کارروائی بھی کرسکتا ہے۔
پرویز مشرف کا کہنا تھا کہ کلبھوشن کیس کو پاک بھارت تعلقات سے نہیں ملانا چاہئے، بھارت پاکستان کے ساتھ بہتر تعلقات نہیں چاہتا، بھارت ہمارا دشمن ہے اور وہ پاکستان کو دنیا میں تنہا کرکے غیر مستحکم کرنا چاہتا ہے، مودی کے پاکستان دشمن رویے کا جواب دوستی نہیں ہوسکتی۔
ایک سوال کے جواب میں پرویز مشرف کا کہنا تھا کہ لیفٹیننٹ کرنل (ر) حبیب ظاہر کے کیس کو سنجیدہ لینا پڑیگا، حبیب ظاہرکی گمشدگی ڈرٹی انٹیلی جنس گیم ہوسکتا ہے۔ طالبان کے حوالے سے پوچھے گئے سوال پر انہوں نے کہا کہ کالعدم ٹی ٹی پی کے سربراہ فضل اللہ کو بھارت کی سرپرستی حاصل ہے، میں شک وشبے کے بغیر کہتاہوں کہ بھارتی ایجنسی ’’را‘‘فضل اللہ کی حمایت کررہی ہے۔
اپنی وطن واپسی کے حوالے سے پرویزمشرف نے کہا کہ الیکشن سےپہلے پاکستان واپس آجاؤں گا، مختلف سیاسی جماعتوں سے رابطے میں ہوں، ق لیگ، ایم ڈبلیوایم، فنکشنل لیگ کو ہماراساتھ دینا چاہیئے۔
پیپلز پارٹی کے چیئرمین بلاول بھٹو زرداری کے بیان پر ردعمل میں انہوں نے کہا کہ کلبھوشن کی سزائے موت پرعملدر آمد ہونا چاہئیے، بلاول بھٹو ذاتی وجوہات کی بنا پر سزائے موت کی مخالفت کرتے ہیں۔
دبئی : سابق صدر پرویز مشرف نے دبئی میں سیاسی ملاقاتیں شروع کردیں، مسلم لیگ ق کے رہنماؤں چوہدری شجاعت حسین اور مونس الہٰی نے سابق صدر پرویز مشرف سے ملاقات کی، انہوں نے دبئی میں موجود پیر پگارا سے بھی رابطہ کیا.
تفصیلات کے مطابق سابق صدر پرویز مشرف کے سیاسی رابطوں میں تیزی آ گئی ہے۔ پرویز مشرف سے ان کی رہائش گاہ پر چودھری شجاعت حسین اور پرویزالہٰی کے صاحبزادے مونس الہٰی نے ملاقات کی.
ملاقات میں ملک کی موجودہ سیاسی صورتحال پرغور خوص کیا گیا، ذرائع کے مطابق اپوزیشن کومتحد کرنے اورپاناما لیکس پر حکومت پردباؤ بڑھانے پر بھی بات چیت ہو ئی۔
ذرائع کا کہنا ہے سابق صدر پرویزمشرف نے مسلم لیگ فنکشنل کے سربراہ پیر پگارا سے بھی ٹیلیفونک رابطہ کیا جو ان دنوں دبئی میں ہیں۔ دونوں رہنماؤں کے درمیان جلد ملاقات بھی متوقع ہے۔
اسلام آباد: وزیراعظم ہاؤس کے ترجمان مصدق ملک نے جنرل(ر) پرویز مشرف کے ایک انٹرویو کو مسترد کرتے ہوئے کہا ہے کہ مشرف کا بیان جھوٹ پر مبنی ہے، وزیراعظم نے پرویز مشرف سے دو جنرلز کی برطرفی کی کوئی فرمائش نہیں کی۔
وزیراعظم ہائوس سے جاری بیان میں ترجمان وزیراعظم ہائوس مصدق ملک نے کہا کہ پرویز مشرف کے نجی ٹی وی چینل کو دیے گئے بیان میں صداقت نہیں، ایسی کوئی بات نہیں ہوئی کہ دو میجر جنرلز کو برطرف نہ کرنے اور کشمیر کا معاملہ نہ اٹھانے پر نواز شریف اور پرویز مشرف میں چپقلش کا آغاز ہوا۔
یاد رہے کہ پیر کی رات نجی ٹی وی چینل کو انٹرویو دیتے ہوئے سابق صدر اور آرمی چیف جنرل(ر) پرویز مشرف نے کہا تھا کہ نواز شریف نے مجھے دو میجر جنرل کی برطرف کا کہا تاہم میں نے انکار کردیا جس کے بعد ان سے اختلافات کا آغاز ہوا، بعدازاں انہوں نے کشمیر کے معاملے کو اس وقت کے وزیراعظم واجپائی کے سامنے ٹھیک طرح اجاگر نہیں کیا جسے میں ںے غلط قرار دیا۔
مشرف کا انٹرویو میں یہ بھی کہنا تھا کہ ان کی تعیناتی میرٹ پر ہوئی۔
انٹرویو میں پرویز مشرف نے یہ بھی انکشاف کیا تھا کہ ’’راحیل شریف اُن کے ماتحت تھے اس لیے انہوں نے حکومت سے معاہدہ کرکے مجھے بیرون ملک روانہ کروایا‘‘۔
پرویز مشرف نے تسلیم کیا تھا کہ سابق آرمی چیف راحیل شریف نے ان کے خلاف کیسز میں ان کی مدد کی حکومت سے ڈیل کی اور بیرونِ ملک روانگی کا محفوظ راستہ فراہم کیا۔
سابق صدر جنرل(ر) پرویزمشرف کے انٹرویو کے بعد سیاسی حلقوں میں ایک نئی بحث چھڑ گئی ہے کیونکہ آئین پاکستان کو توڑنے پر سابق صدر پرویز مشرف کے خلاف عدالت میں سنگین غداری کا مقدمہ زیرسماعت ہے۔
کراچی/ لندن : سابق آرمی چیف اور سابق صدر جنرل (ر) پرویز مشرف نے کہا ہے کہ بھارت کو منہ توڑجواب دے کر بات چیت کریں، اگر بھارت کو جنگ چاہئیے تو ہم بھی جنگ لڑیں گے، پانی کامسئلہ اہم ہے اسے سنجیدگی سے لیناچاہئے۔
ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا۔
سابق صدر پرویز مشرف کا کہنا تھا کہ جنرل قمر جاوید باجوہ سے میرا ذاتی طور پر کوئی رابطہ نہیں رہا،و ہ 10کور کمانڈر تھے جو بہت بڑی کور ہے۔آرمی چیف کی شخصیت کا ملک پراثر ضرور ہوتا ہے،جنرل قمر جاوید باجوہ پربہت بڑی ذمہ داری آئی ہے۔فوج کی سب سے بڑی ذمہ داری دشمن کے چیلنجز سے ہر وقت تیار رہنا ہے،فیصلوں میں سب سے پہلے پاکستان کو مد نظر رکھا جائے تو کوئی غلطی نہیں ہوگی۔
میں نے بھی واجپائی کے لئے ہاتھ بڑھایا تھا انہوں نے بھی بھرپور جواب دیا تھا۔ ایک سوال کے جواب میں ان کا کہنا تھا کہ نریندر مودی ایک طرف ملنے کے لئے بلا رہے ہیں اور دوسری طرف ہمارا پانی بند کر رہے ہیں،وہ پاکستان کو دبانا چاہتے ہیں۔
بھارتی وزیر اعظم چالاکی کر رہا ہے،ہمیں بھی اپنے سارے حربے استعمال کرنے چاہیئں۔ نریندر مودی کوپانی روکنے کے لئے ڈیم بنانا ہوگا،اپنے کمرے کانل بند کرنے سے پانی بند نہیں ہوگا، پانی کا مسئلہ بہت اہم ہے اسے حل کرنا چاہیے۔ان کا کہنا تھا کہ میرا خیال ہے اس وقت بھارت کا امن پر بات کرنے کا کوئی موڈ نہیں ہے،اگر وہ امن چاہتا ہے اور بات چیت کرتا ہے توپھر آپ بھی بات کریں،ان کو منہ توڑ جواب دے کر بات چیت کرنی چاہیے۔
لائن آف کنٹرول پر جہاں آپ بیٹھے ہیں وہ آپ کی جگہ ہے،ہمیں امن چاہیے جس کے لئے مسائل حل کرنے ہیں۔ پرویز مشرف نے کہا ہے کہ بھارتی وزیر اعظم نریندر مودی امن کے حوالے سے بات کرنے کے موڈ میں نہیں، اگر بھارت کو جنگ ہی چاہیے تو ہم بھی جنگ لڑیں گے۔ مجھے پورا یقین ہے بھارت پاکستان کے خلاف کوئی مہم جوئی نہیں کرسکتا۔
پی ٹی آئی کے حوالے سے سوال پر انہوں نے کہا کہ عمران خان کو کامیاب ہوتے ہوئے نہیں دیکھ رہا، انتخابات میں ہارتے کے باوجود وہ ہمیشہ سولو فلائٹ لیتے ہیں۔
کراچی : سابق صدر پرویز مشرف نے کہا ہے کہ بھارتی فوج جانتی ہے وہ پاکستان سے نہیں لڑ سکتی۔ بھارت پاکستان کو بھوٹان سمجھ کر آپریشن کا منصوبہ بنا رہا تھا۔
سابق صدر اور سابق آرمی چیف جنرل ریٹائرڈ پرویز مشرف نے ایک انٹرویو میں کہا کہ ان کا خیال ہے کہ جنرل راحیل شریف کو توسیع لے لینی چاہئیے۔ کیونکہ جنرل راحیل شریف کو لوگ کہہ رہے ہیں کہ کچھ کرکے جائیں۔
کارگل جنگ کے سوال پر سابق صدر کا جواب تھا کہ یہ ہماری بہادری کی مثالیں ہیں، ہم نے بھارت کو گردن سے دبوچ لیا تھا۔ پاک فوج جنگ جیت رہی تھی۔
انہوں ے بتایا کہ ہم نے بھارت کے روٹ توڑ ڈالے تھے۔ پرویز مشرف نے نواز شریف کا نام لیے بغیر کہا اس وقت کے وزیر اعظم پوچھتے رہے کہ کارگل سے پیچھے ہٹیں؟ اُسی وزیراعظم نے عوام کو بتایا کہ فوج پیچھے ہٹی۔
ایک سوال کے جواب میں پرویز مشرف نے کہا کہ برکھادت کی کتاب میں بھارت کے کلنٹن سے رابطے کا ذکر ہے۔ ان کا کہنا تھا کہ میں فوج میں کھانا کھانے کیلیے نہیں لڑنے کیلئے گیا تھا۔
اسلام آباد : خصوصی عدالت نے وفاقی سیکریٹری داخلہ سے سابق صدرپرویزمشرف کی بیرون ملک روانگی پروضاحت طلب کر لی۔
تفصیلات کے مطابق مشرف غداری کیس کی سماعت کے دوران عدالت نے سیکٹریری داخلہ کے پیش نہ ہو نے پربرہمی کا اظہا کیا۔
عدالت نے سوال کیا کہ سیکٹریری داخلہ خود عدالت میں پیش کیوں نہیں ہوئے۔ جس پر جوائنٹ سیکریٹری نے بتایا کہ سیکریٹری داخلہ دو روز کی رخصت پر ہیں۔
عدالت کا کہنا تھا کہ گذشتہ تاریخ پر انہیں وضاحت پیش کرنے کو کہا گیا، حاضری سے استثنٰی نہیں کیا گیا۔ عدالت نے پرویز مشرف کی بیرون ملک روانگی سے متعلق وزرات داخلہ کا جواب مسترد کرتے ہوئے استفسار کیا بتایا جائے کہ مشرف کی بیرون ملک روانگی کا ذمہ دار کون ہے۔
جسٹس مظہر عالم نے استفسار کیا کہ کیاملزم کو نہ روکنے کے ذمہ دار سیکریٹری داخلہ ہیں جس پر اکرم شیخ نےکہا کہ ملزم پر لازم تھا کہ وہ باہر جانے سے پہلے عدالت کو اعتماد میں لیتا۔ پرویز مشرف کے وکیل احمد رضا قصوری نے عدالت کو بتایا کہ مشرف کی روانگی کی ذمہ دار وزارت داخلہ ہے۔
