Tag: پرویز الہٰی

لاہور : لاہور ہائیکورٹ نے سابق وزیراعلی پنجاب پرویز الہٰی ، ان کے بیٹے راسخ الہٰی اور بہو زاہرا الہٰی کا نام پاسپورٹ کنٹرول لسٹ سے نکالنے کا حکم دے دیا۔

تفصیلات کے مطابق لاہورہائیکورٹ کے جسٹس شمس محمود مرزا نے پرویز الہٰی اور ان کے خاندان کے ارکان کی الگ الگ درخواستوں پر سماعت کی۔

جس میں سابق وزیراعلی پنجاب کے علاوہ ان کے بیٹے راسخ الہی اور بہو زاہرا نے اپنے نام پاسپورٹ کنٹرول لسٹ میں شامل کرنے کے اقدام کو چیلنج کیا۔

عدالت نے حکم دیا کہ سابق وزیراعلی پنجاب، ان کے بیٹے اور بہو کا پاسپورٹ لسٹ سے خارج کیا جائے۔

سابق وزیراعلی پنجاب اور ان کے خاندان کے ارکان نے اپنے نام پاسپورٹ کنٹرول لسٹ میں شامل کرنے پر عدالت سے رجوع کیا اور درخواستوں میں یہ استدعا کی کہ ان کے نام لسٹ سے خارج کئے جائیں۔

صدر پی ٹی آئی پرویز الہٰی نے کہا ہے کہ نہ بانی پی ٹی آئی پیچھے ہٹے نہ میں پیچھے ہٹوں گا، ڈیل کی باتیں کرنے والے منہ بند رکھیں۔

ڈھیل اور ڈیل کا طعنہ دینے والوں کو پرویز الہٰی نے جواب دیتے ہوئے کہا ہے کہ پہلے بھی بانی پی ٹی آئی کے ساتھ تھا آئندہ بھی ان کے ساتھ رہنا ہے، ڈیل ڈھیل کی باتیں کرنے والوں کی یہ غلط فہمی ہے، وہ منہ بند رکھیں۔

پرویزالہٰی کا کہنا تھا کہ ڈیل اور ڈھیل کی باتیں کرنے والے سن لیں سوا سال جیل میں رہا ہوں، میرے کچھ رشتہ دار اور محسن نقوی ایسی غلط باتیں کررہے ہیں۔

انھوں نے کہا کہ گرنے پر میری 5 پسلیاں ٹوٹیں، اللہ تعالی نے میری جان بچائی، اللہ تعالیٰ نے میری جان کسی مقصد کے لیے بچائی ہے، ہم جیل میں ایک دوسرے سے باتیں کرتے رہے ہیں وہ باتیں جلد رنگ لائیں گی۔

صدر پی ٹی آئی نے کہا کہ تحریک انصاف جلد اقتدار میں آئے گی، جہاں تک گجرات کی سیٹوں کی بات ہے مینڈیٹ چوری کرنے والےعوام سے معافی مانگیں۔

پرویزالہٰی کا کہنا تھا کہ مینڈیٹ چوری کرنے والے جب تک معافی نہیں مانگتے کوئی بات نہیں ہوگی، آج میں سرخرو ہوا ہوں۔

اسلام آباد : سابق وزیراعلیٰ پنجاب پرویز الہٰی نے بانی پی ٹی آئی کی مذاکرات کے لئے رضامندی کی وجہ بتادی۔

تفصیلات کے مطابق سابق وزیراعلیٰ پنجاب پرویز الہٰی نے پیشی پر میڈیا سے غیر رسمی گفتگو کرتے ہوئے کہا کہ مذاکرات ہی موجودہ بحران سے نکلنے کا واحد راستہ ہیں ، بااختیارحلقوں سے مذاکرات ہی نتیجہ خیز ثابت ہو سکتے ہیں۔

پرویز الہٰی نے بتایا کہ بانی پی ٹی آئی اپنی ذات نہیں ملک و قوم کیلئے مذاکرات پررضامند ہوئے۔

عارف علوی کے حوالے سے ان کا کہنا تھا کہ سابق وزیراعلیٰ پنجاب عارف علوی کی مذاکرات کی دعوت کا مثبت جواب دینا چاہیے، موجودہ حالات میں مذاکرات سے انکار ملک و قوم سےخیر خواہی نہیں ہو گی۔

سابق وزیراعلیٰ پنجاب نے الزام عائد کیا کہ پی ٹی آئی اوراسٹیبلشمنٹ میں مذاکرات کو ن لیگ سبوتاژ کررہی ہے ، آئینی اداروں کے خلاف سب سے زیادہ زہر اگلنے والی جماعت ن لیگ ہے۔

ان کا مزید کہنا تھا کہ ن لیگی رہنما جھوٹے پروپیگنڈے کے ذریعے تصادم سے باز رہیں، ہر بات میں زیرو ٹالرنس کے دعویداروں کی زیرو پرفارمنس سب کے سامنے ہے۔

اسلام آباد : سابق وزیراعلیٰ پنجاب چوہدری پرویز الہٰی کا تفصیلی طبی معائنہ آج ہو گا، جس کے بعد انھیں اسپتال سے ڈسچارج کیےجانے کا امکان ہے۔

تفصیلات کے مطابق پمز کے میڈیکل بورڈ نے سابق وزیراعلیٰ پنجاب پرویزالہٰی کے تفصیلی چیک اپ کا فیصلہ کرلیا ، چوہدری پرویز الہٰی کا تفصیلی طبی معائنہ آج ہو گا۔

اسپتال ذرائع نے بتایا کہ پرویز الہٰی کے چیک اپ کے بعد میڈیکل بورڈ کا اجلاس ہو گا، بورڈ رپورٹس کی بنیاد پر پرویز الہٰی کے علاج کے بارے میں فیصلہ کرے گا۔

ذرائع کا کہنا تھا کہ بورڈ کو پرویز الہٰی کی بیشتر ٹیسٹ رپورٹس موصول ہو چکیں، پرویز الہٰی کاایچ آرسٹی اسکین، ایکو کارڈیو گرام ٹیسٹ کیا گیا، ان کا چیسٹ ایکسرے، الٹراساؤنڈ بھی کیا گیا جبکہ کارڈیک بلڈ ٹیسٹ، آر ایف ٹیز، ایل ایف ٹیز بھی ہوئے۔

اسپتال ذرائع نے کہا کہ چوہدری پرویز الہٰی کی تمام کلینیکل رپورٹس ، شوگر اور بلڈ پریشر لیول نارمل ہیں جبکہ چوہدری پرویز الہٰی کے مرکزی اعضانارمل کام کر رہے ہیں

ذرائع کے مطابق چوہدری پرویز الہٰی کی پسلیوں کا فریکچر تیزی سے ٹھیک ہو رہا ہے، پسلیوں کا فریکچر آئندہ ہفتے مکمل ٹھیک ہو جائے گا۔

اسپتال کا کہنا تھا کہ چوہدری پرویزالہٰی کا 05-2004میں بائی پاس ہو چکا ہے، ان دل نارمل انداز میں کام کر رہا ہے جبکہ ان کا تھیلم اسکین، ایکو کارڈیو گرام ٹیسٹ نارمل ہے۔

ڈاکٹرز نے پرویز الہٰی کی شکایات پر ادویات تجویزکر دی ہیں تاہم پرویز الہٰی کو آج اسپتال سے ڈسچارج کیےجانے کا امکان ہے۔