Tag: پرویز الہیٰ

لاہور: پاکستان تحریک انصاف نے حکومت کے ساتھ مذاکرات جاری رکھنے کا فیصلہ کیا ہے۔

ذرائع کے مطابق زمان پارک لاہور میں چیئرمین پی ٹی آئی عمران خان کی زیرصدارت اہم اجلاس ہوا، اجلاس میں پی ٹی آئی مذاکراتی کمیٹی کے ارکان شاہ محمود قریشی، فواد چوہدری اور بیرسٹر علی ظفر نے خصوصی شرکت کی۔

ذرائع کے مطابق تینوں رہنماؤں نے حکومت کے ساتھ ہونے والے دو ملاقاتوں کا احوال شرکا کے سامنے رکھا۔

ذرائع کے مطابق پرویز الہیٰ کے گھرچھاپےکےبعد حکومت سےمذکرات پرپی ٹی آئی میں اختلاف رائے سامنے آیا، ارکان کی اکثریت رائے تھی کہ مرکزی صدر کے گھر پر پولیس چھاپے کے باوجود مذاکرات جاری رکھنے چاہیے یہ گرفتاریاں اور چھاپے مذاکرات کو سبوتاژ کرنے کی سازش ہے۔

ذرائع کے مطابق مذاکراتی کمیٹی میں شامل تینوں رہنما اب بھی مذاکرات کو جاری رکھنےکےحق میں ہیں،رہنماؤں کا کہنا تھا کہ ہمیں مذاکرات سے پیچھے نہیں ہٹنا چاہئے ایسا کیا تو حکومت کو جواز مل جائے گا۔

عمران خان کی زیرصدارت اجلاس میں چند سینئر رہنماؤں نے ماحول بہتربنانے تک مذاکرات کی مخالفت کرتے ہوئے کہا کہ پرویزالٰہی کےگھرچھاپے سے واضح ہوگیا کہ مذاکرات کرنیوالے سیاستدان کمزورہیں۔

اجلاس میں اس نقطے پر بھی گفتگو ہوئی کہ مذاکرات میں معاملہ ستمبر یا جولائی کا نہیں بلکہ بجٹ دینےکا ہے اسحاق ڈار ایسا بجٹ دینا چاہتےہیں جو عالمی مالیاتی اداروں سےبات چیت کےخلاف ہوگا، ایسے بجٹ سے نئی آنے والی حکومت کے لیے مشکلات پیدا کرناچاہتے ہیں۔۔ یہ چاہتےہیں نگراں حکومت تین ماہ کا بجٹ دے اورپھر نئی حکومت سالانہ بجٹ لائے۔

لاہور: وائس چیئرمین پی ٹی ۤآئی شاہ محمود قریشی کا کہنا ہے کہ گذشتہ رات والے واقعے کے بعد ایسا ماحول بنے گا تو کوئی حل نہیں نکل سکے گا بلکہ مزید بگاڑ ہوجائے گا۔

تفصیلات کے مطابق پرویز الہیٰ سے ملاقات کے بعد میڈیا سے گفتگو کرتے ہوئے شاہ محمود قریشی نے کہا کہ گزشتہ رات کے واقعے سے ہم رنجیدہ ہیں، پرویزالٰہی کےگھرپرجو کچھ کیا گیا دلی صدمہ پہنچا،پرویزالٰہی ضمانت پرتھے،سرچ وارنٹ کے بغیرپولیس گھرمیں داخل ہوئی،ایسےماحول سے کوئی حل نہیں نکلےگا بلکہ بات بگڑےگی۔

وائس چیئرمین پی ٹی ۤآئی کا کہنا تھا کہ ذاتی طورپر بہت دکھ ہوا ہے میرےپاس اس کےالفاظ نہیں ہیں، چوہدری ہاؤس میں وہ ہستیاں بھی رہائش پذیر ہیں جو حکومت کیساتھ تعاون کررہی ہیں، وہ ہستیاں پی ڈی ایم کاحصہ ہیں اس کا بھی احساس نہیں کیا گیا۔

میڈیا سے گفتگو کرتے ہوئے سابق وزیر خارجہ کا کہنا تھا کہ آزمائش کےدن آتےہیں اورگزر جاتے ہیں، پرویزالٰہی کے حوصلےاورعزم کو جانتا ہوں مونس الٰہی سے بھی رابطہ ہوا ہے،انشااللہ یہ وقت گزرجائےگا۔

شریف خاندان کو تنقید کا نشانہ بناتے ہوئے شاہ محمود قریشی نے کہا کہ دنیا جانتی ہے کہ شریف فیملی پرجب مشکل وقت آیا تو چوہدری برادران نے مدد کی،کاش جنہوں نے کل حملہ کیا وہ ماضی کی روایت کو یاد رکھتےتو شاید ایسانہ کرتے۔

انہوں نے کہا کہ کل رات جس طرح گیٹ توڑےگئےایسے ہی عمران خان کےگھرپربھی حملہ کیا گیا،عمران خان کے گھرپر بھی چادراورچاردیواری کاخیال نہیں رکھا گیا،عمران خان بھی اس آزمائش سےگزرےاورگزررہےہیں۔

حکومت کے ساتھ مذاکرات سے متعلق شاہ محمود قریشی کا کہنا تھا کہ حکومتی مذاکراتی کمیٹی کو ہم نےکوئی زبردستی نہیں بٹھایا،حکومتی لوگ اپنی مرضی کےمطابق بیٹھےہیں،خواجہ آصف کوتحفظات ہیں توانہیں اپنی پارٹی سےبات کرنی چاہیے ہم چاہتےہیں نیک نیتی کےساتھ بات چیت آگےبڑھے۔

انہوں نے واضح کیا کہ پاکستان تحریک انصاف نیک نیتی سے مذاکرات کیلئے بیٹھی ہے،اس وقت ملک میں جمود ہے ہم چاہتے ہیں کہ جمود سےباہرنکل کرانتخابات کی طرف بڑھیں۔

لاہور : سابق وزیراعلیٰ پنجاب چوہدری پرویز الہیٰ کا کہنا ہے کہ زمان پارک آپریشن مریم نواز کی خواہش پر کیا جا رہا ہے۔

تفصیلات کے مطابق سابق وزیراعلیٰ پنجاب چوہدری پرویز الہیٰ نے چیئرمین عمران خان سے ملاقات میں کہا کہ انتخابات کرانے کے آئینی اور قانونی حکم میں رکاوٹ برداشت نہیں کی جائے گی۔

سابق وزیراعلیٰ پنجاب کا کہنا تھا کہ حکومت کے اوچھے ہتھکنڈے الیکشن نہیں روک سکتے، الیکشن ہوکر رہیں گے۔

پرویز الہیٰ نے کہا کہ زمان پارک آپریشن مریم نواز کی خواہش پر کیا جا رہا ہے، نگران پنجاب حکومت وفاقی حکومت کی کٹھ پتلی ہے۔

ان کا مزید کہنا تھا کہ آئینی اور سیاسی حقوق کو پامال کیا جا رہا ہےاور انسانی حقوق کی بدترین خلاف ورزیاں کی جا رہی ہیں، نگران وزیر اعلیٰ پی ڈی ایم کی ہر سازش کے حصہ دار ہیں۔

سابق وزیراعلیٰ پنجاب نے کہا کہ حکومت سیاسی حالات خراب کرنے کے ایجنڈے پر کام کر رہی ہے، اعلیٰ عدلیہ سے امید ہے حکمرانوں کے ہتھکنڈوں کا نوٹس لے گی۔

پرویز الہیٰ کا کہنا تھا کہ حکمرانوں میں عوام کا سامنا کرنے کی ہمت نہیں، انتخاب آئینی مدت میں ہونے چاہیں، ملتوی کرانے کی سازش کامیاب نہیں ہوگی کیونکہ عمران خان کا پیغام گھر گھر پہنچ چکا ہے۔