لاہور: مسلم لیگ ق اور مسلم لیگ فنکشنل نے آئندہ انتخابات میں ایک ہی نشان سے الیکشن لڑنے کا فیصلہ کیا ہے۔

تفصیلات کے مطابق لاہور میں مشترکہ پریس کانفرنس میں مسلم لیگ فنکشنل کے سربراہ پیر پگارا اور مسلم لیگ ق کے سینئر رہنما پرویز الہیٰ نے متحدہ ہو کر ایک ہی نشان پرالیکشن لڑیں کا اعلان کیا۔ اس موقع پر انھوں نے کہا کہ گذشتہ انتخابات میں رات کے اندھیرے میں نتائج تبدیل کیے گئے ،اس مرتبہ الیکشن شفاف ہونے چاہییں۔

اس موقع پر چوہدری پرویزالٰہی کا کہنا تھا جلد تمام لیگی ذہن رکھنے والے ایک پلیٹ فارم پرمتحدہوں گے، سب کوایک ہی جھنڈے تلے متحد ہونے کی دعوت دیتے ہیں، ایک جماعت نے سارے ملک میں تباہی مچائی، اب ہم نے فیصلہ کیا ہے کہ متحدہ ہو کر ایک ہی نشان پرالیکشن لڑیں گے۔

پیر پگارا نے کہا کہ 2013کے انتخابات والی نگراں حکومت ہوئی، تونتائج ملک کے لیے بہترنہیں ہوں گے، ہم اس لیے متحد ہوئے ہیں کہ آئندہ انتخابات شفاف ہوں، گذشتہ نگراں سیٹ اپ نے انتخابات میں ہیرپھیرکاسہارالیا۔

انھوں نے کہا کہ حالات دیکھ کر لگ رہا ہے کہ اس مرتبہ الیکشن نتائج مشکل سے تبدیل ہوں گے، کسی سیاست دان نے نہیں، فوج نے دہشت گردی کاخاتمہ کیا،دہشت گردی کاخاتمہ جوانوں کی قربانی کےمرہون منت ہے کچھ سیاسی جماعتیں توجرائم پیشہ افرادکوتحفظ دیتی رہی ہیں۔

شریف برادران بہت تسلسل کے ساتھ جھوٹ بولتے ہیں، پرویز الہیٰ

پاک فوج اورعدلیہ کی وجہ سے پاکستان آج تک سلامت ہے، پیرپگارا

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔