Tag: پرویز خٹک

اسلام آباد: وزیر دفاع پرویز خٹک کا کہنا ہے کہ کرائے کے گھرمیں رہتا ہوں، اللہ تعالیٰ نے جودیا ہے اس پر گزارا ہے۔

تفصیلات کے مطابق وزیردفاع پرویزخٹک نے قومی اسمبلی میں اظہار خیال کرتے ہوئے کہا کہ میں نے کبھی سی پیک منصوبے کی مخالفت نہیں کی۔

پرویز خٹک نے کہا کہ دو سال تک کے پی کو سی پیک کی خبر ہی نہیں ہونے دی گئی، وضاحت یہ ہے حکومت نے 2 سال تک سی پیک کاعلم ہی نہ ہونے دیا۔

وزیردفاع نے کہا کہ بطوروزیراعلیٰ میں نے سی پیک میں نظراندازکرنے پر احتجاج ریکارڈ کرایا، سی پیک کی کبھی مخالفت نہیں کی اورنہ ہماری حکومت نے کی۔

انہوں نے کہا کہ لاہورمیٹرومیں 6 ارب روپے کے سبسڈی دی جا رہی ہے، ایک غریب ملک کرائے کے مد میں کیسے 6 ارب کی سبسڈی دیتا ہے۔

پرویز خٹک نے کہا کہ مالم جبہ میں کہیں بھی میراعمل دخل نہیں رہا، نیب میں پیش ہوں گا وضاحت دوں گا، شورنہیں مچاؤں گا۔

وزیردفاع نے کہا کہ مجھے کسی کاڈرنہیں، اللہ جانتا ہے میں نے زندگی میں کبھی حرام نہیں کھایا، کرائے کے گھرمیں رہتا ہوں، اللہ نے جودیا ہے اس پرگزارا ہے۔

اسلام آباد: وزیر دفاع پرویز خٹک کا کہنا ہے کہ عمران خان کے کزن پاکستان آ کر قومی خدمت سر انجام دیتے ہیں، ’وہ اپنے خرچے پر پاکستان آتے اور جاتے ہیں‘۔

تفصیلات کے مطابق وزیر دفاع پرویز خٹک نے قومی اسمبلی میں منی بجٹ پر اظہار خیال کرتے ہوئے کہا کہ جہانگیر ترین نے صوبائی گورنمنٹ میں کوئی ٹھیکہ نہیں لیا، جہانگیر ترین کو کوئی زمین لیز پر نہیں دی۔

انہوں نے کہا کہ یوٹیلٹی اسٹورز، عارضی اساتذہ کو نکالنے کی باتیں بے بنیاد ہیں، عمران خان کے کزن پاکستان آ کر قومی خدمت سر انجام دیتے ہیں، ’وہ اپنے خرچے پر پاکستان آتے اور جاتے ہیں‘۔

پرویز خٹک کا کہنا تھا کہ عباد اللہ نے جھوٹ پر جھوٹ بولا، اسمبلی میں جھوٹ پر سزا ہونی چاہیئے، ہم نے امیروں کے لیے نہیں، غریبوں کے لیے کام کیا۔

وزیر دفاع نے مزید کہا کہ ہم نے اچھے کام کیے تھے اسی لیے عوام نے ہمیں دوبارہ چنا، نواز لیگ نے کام کیا ہوتا تو الیکشن میں عوام ان کا یہ حال نہ کرتے۔

اسلام آباد : وزیر دفاع پرویز خٹک کا کہنا ہے کہ حکومت ملکی سرحدوں کا بھرپور دفاع یقینی بنانے کے لیے مسلح افواج کی استعداد کار کومزید بہتربنانے کے لیے پرعزم ہے۔

تفصیلات کے مطابق وفاقی دارالحکومت اسلام آباد میں پاک بحریہ کے سربراہ ایڈمرل ظفرمحمود عباسی نے وزیردفاع پرویز خٹک سے ملاقات کی۔

ملاقات کے دوران باہمی دلچسپی کے پیشہ ورانہ امور اور علاقائی سمندری حدود کے تحفظ اور بحرہند کے علاقے سے متعلق باہمی دلچسپی کے پیشہ ورانہ امور پرتبادلہ خیال کیا گیا۔

پاک بحریہ کے سربراہ نے وزیردفاع پرویزخٹک کو خطے میں حالیہ تبدیلیوں اور پاک بحریہ کی جنگی تیاریوں سے آگاہ کیا۔

اس موقع پر ایڈمرل ظفرمحمود عباسی کا کہنا تھا کہ پاک بحریہ کسی بھی خطرے سے نمٹنے اور ملک کی سمندری حدود کا دفاع یقینی بنانے کے لیے پوری طرح تیار ہے۔

وزیر دفاع پرویز خٹک کا وزارت دفاع کا دورہ

یاد رہے کہ گزشتہ ماہ 27 اگست کو وزیر دفاع پرویز خٹک نے وزارت دفاع کا دورہ کیا تھا، اس موقع پر سیکریٹری دفاع اکرام الحق نے انہیں بریفنگ دی تھی۔

وزیر دفاع پرویز خٹک کا کہنا تھا کہ مسلح افواج کو مضبوط بنایا جائے گا، دفاع کے لیے تمام وسائل اور سازوسامان فراہم کیا جائے گا۔

اسلام آباد : پاکستان تحریک انصاف کے رہنما پرویز خٹک کا کہنا ہے کہ عمران خان کے سپاہی ہیں، پروپیگنڈا بند کیا جائے، میں گنتی کر کے بتاسکتا ہوں ہم نے نمبر گیم مکمل کرلیا ہے۔

تفصیلات کے مطابق پی ٹی آئی کے نومنتخب رکن اسمبلی پرویز خٹک نے بات چیت کرتے ہوئے کہا کہ ہم عد لیہ اور الیکشن کمیشن کا احترام کرتے ہیں، عمران خان کے سپاہی ہیں، پروپیگنڈا بند کیا جائے۔

پرویز خٹک کا کہنا تھا کہ محمود خان بہترین انسان ہیں، نامزدگی پر مبارکباد دیتا ہوں، پی ٹی آئی نے نمبر گیم مکمل کرلیا ہے۔

گذشتہ روز اے آر وائی نیوز کے پروگرام الیونتھ آور میں انٹرویو دیتے ہوئے پرویز خٹک کا کہنا تھا کہ محمودخان کی وزیراعلیٰ کے پی نامزدگی پر خوش ہوں، وہ اچھے اور محنتی شخص ہیں، امید ہے بہتر کارکردگی دکھائیں گے۔

انہوں نے کہا تھا مالاکنڈ ڈویژن سے کبھی کوئی وزیراعلیٰ نہیں بنا، یہاں سے وزیراعلیٰ بنانے سے مثبت پیغام جائے گا، مالاکنڈڈویژن میں پی ٹی آئی نے بہت اچھے نتائج دیے ہیں۔

مزید پڑھیں : عمران خان مشورہ سب سے کرتے ہیں، فیصلہ خود کرتے ہیں: پرویزخٹک

ان کا کہنا تھا کہ عمران خان جو بھی فیصلہ کریں گے قبول ہوگا، وہ کسی کے دباؤ میں نہیں آتے، جو بھی فیصلہ کرتے ہیں سوچ سمجھ کر کرتے ہیں۔

خیال رہے کہ پاکستان تحریک انصاف کی جانب سے وزیراعلیٰ‌ کے پی کا نام سامنے آیا اور پارٹی چیئرمین کی جانب سے محمود خان کو اس عہدے کے لیے نامزد کیا گیا۔

اس سے قبل وزیراعلیٰ کے پی کے کے لئے پرویز خٹک اور عاطف خان کا نام لیا جا رہا تھا۔