سابق صدر اور اے پی ایم ایل کے سربراہ پرویز مشرف آج لاہور میں پارٹی کارکنوں سے خطاب کریں گے۔
سابق صدر کے ترجمان میجر جنرل ریٹائرڈ راشد قریشی کا کہنا ہے کہ پرویز مشرف کو انصاف کی فراہمی کے لیے آل پاکستان مسلم لیگ کا سیمینار آج سہ پہر تین بجے لاہور میں ہو گا، جس میں پرویز مشرف کا ریکارڈیڈ خطاب چلایا جائے گا۔
ان کا کہنا ہے کہ سیمینار میں دو سو سے زائد ریٹائرڈ فوجی افسران کی شرکت کی توقع ہے، جس میں ڈاکٹر خالد رانجھا پرویز مشرف کیس کے حوالے سے بریفنگ دیں گے اور سوالات کے جواب بھی دیں گے۔
جماعت اسلامی کے سیکریٹری جنرل لیاقت بلوچ نے کہا ہے کہ پرویز مشرف کے عدات میں پیش ہونے سے فوج کے وقار میں اضافہ ہوگا، اس کیس کا فیصلہ آئین، قانون اور جمہوری روایات کے مطابق ہونا چاہئے۔
پرویز مشرف کے خلاف آرٹیکل چھ کے تحت مقدمے میں پرویز مشرف کو پیشی سے استثنا دینے کے حوالے سے فیصلے پر تبصرہ کرتے ہوئے لیاقت بلوچ نے کہا کہ پرویز مشرف کے معاملہ پر عدالت نے ان کی میڈیکل رپورٹ کا جائزہ لے کر مناسب فیصلہ کیا ہے۔
انھوں نے کہا کہ پرویز مشرف کو عدالت میں پیش ہونا چاہیے جبکہ پاکستان بھی مشکلات کے بھنور سے باہر نکلے گا۔
پرویز مشرف کے خلا ف آرٹیکل چھ کے تحت مقدمے کی سماعت کرنے والی خصوصی عدالت نے میڈیکل رپورٹ کا جائزہ لے کر سابق صدر کو سولہ جنوری کو عدالت میں پیش ہونے کا حکم دے دیا۔
اسلام آباد کی خصوصی عدالت نے سابق صدر پرویز مشرف کے کیس کی سماعت جسٹس فیصل عرب کی سربراہی میں تین رکنی بینچ نے کی، عدالت نے پرویز مشرف کی میڈیکل رپورٹ کا جائزہ لینے کے بعد سابق صدر مشرف کو سولہ جنوری کو عدالت پیش ہونے کا حکم دے دیا۔
جسٹس فیصل عرب کا کہنا تھا کہ مشرف پیش نہ ہوئے تو مناسب حکم جاری کریں گے، اس سے قبل پرویز مشرف کے وکیلوں نے بیرون ملک علاج اور عدالت میں پیشی سے استثنیٰ کے حوالے سے مختلف نظیریں پیش کیں، پرویز مشرف کے وکیل احمد رضا قصوری نے ماضی میں سرکاری خرچ پر بیرون ملک علاج کروانے والوں کی فہرست عدالت میں پیش کی۔
فہرست میں متعدد سیاستدانوں کے نام بھی شامل ہیں، احمد رضا قصوری نے کہا کہ بیرون ملک علاج کروانا غیر قانونی نہیں، ماضی میں متعدد افراد کا بیرون ملک علاج ہوچکا ہے، پرویز مشرف کے وکیل شریف الدین پیر زادہ نے دلائل دیتے ہوئے کہا کہ مشرف کے دل کی مین شریان میں رکاوٹ تشخیص کی گئی ہے یہ بیماری جان لیوہ ثابت ہوسکتی ہے۔
انہوں نے کہا کہ بیماری کی حالت میں بیان دینے پر مجبور کرنا تشدد کے زمرے میں آتا ہے، گواہی حاصل کرنے کیلئے کسی شخص پر تشدد کرنا منع ہے، انہوں نے کہا کہ گاندھی اور مولانا حسرت موہانی کو بھی بیماری کی بناء پر رعایت دی گئی تھی، اکرم شیخ نے بھی طبی بنیادوں پر سپریم کورٹ سے استثنی لیا تھا۔
اکرم شیخ کی جانب سے لیا گیا ستثنی سپریم کورٹ کے ریکارڈ کا حصہ ہے، جس پر اکرم شیخ کا کہنا تھا کہ میری بیماری کا علاج پاکستان میں موجود نہیں، جس کے بعد عدالت نے فیصلہ محفوظ کرلیا اور کچھ دیر کے وقفے کے بعد فیصلہ سنایا۔
اسلام آباد میں خصوصی عدالت نے پرویز مشرف کی میڈیکل رپورٹ کا جائزہ لے کر فیصلہ محفوظ کرلیا، فیصلہ دو بجے سنایا جائے گا۔
اس سے قبل پرویز مشرف کے وکیلوں نے بیرون ملک علاج اور عدالت میں پیشی سے استثنیٰ کے حوالے سے مختلف نظیریں پیش کیں، پرویز مشرف کے وکیل احمد رضا قصوری نے ماضی میں سرکاری خرچ پر بیرون ملک علاج کروانے والوں کی فہرست عدالت میں پیش کی، فہرست میں متعدد سیاستدانوں کے نام بھی شامل ہیں۔
احمد رضا قصوری نے کہا کہ بیرون ملک علاج کروانا غیر قانونی نہیں، ماضی میں متعدد افراد کا بیرون ملک علاج ہوچکا ہے، پرویز مشرف کے وکیل شریف الدین پیرزادہ نے دلائل دیتے ہوئے کہا کہ مشرف کے دل کی مین شریان میں رکاوٹ تشخیص کی گئی ہے یہ بیماری جان لیوہ ثابت ہو سکتی ہے۔
انہوں نے کہا کہ بیماری کی حالت میں بیان دینے پر مجبور کرنا تشدد کے زمرے میں آتا ہے، گواہی حاصل کرنے کیلئے کسی شخص پر تشدد کرنا منع ہے، گاندھی اور مولانا حسرت موہانی کو بھی بیماری کی بناء پر رعایت دی گئی تھی، اکرم شیخ نے بھی طبی بنیادوں پر سپریم کورٹ سے استثنی لیا تھا، اکرم شیخ کی جانب سے لیا گیا استثنی سپریم کورٹ کے ریکارڈ کا حصہ ہے۔
جس پر اکرم شیخ کا کہنا تھا کہ میری بیماری کا علاج پاکستان میں موجود نہیں، سابق صدر مشرف کے وکیل انور منصور کا کہنا تھا کہ پہلے انہیں لاہور میں ٹارگٹ کیا گیا اب کرا چی میں، ان کے ڈرائیور کو کہا گیا کہ اگر انور منصور کیساتھ کام کرو گے تو مارے جاؤگے۔
جسٹس فیصل عرب نے کہا کہ ہم کسی کو ایسا نہیں کرنے دینگے، کیا آپ کے پاس کوئی شواہد ہیں، جس پر انور منصور نے کہا کہ میرے پاس فون نمبر ہے جہاں سے کال آتی ہے۔
ایم کیوایم کا وفد سابق صدر پرویز مشرف کی عیادت کیلئے اسپتال پہنچ گیا، وفد میں سیکڑوں کی تعداد میں گلدستے لئے ہوئے کارکن شریک تھے۔
سابق صدر پرویز مشرف کی بیماری کے بعد ان کے حامی اور مخالفین میں بیان بازی زوروں پر ہے، ایم کیو ایم کاوفد سیکروں کی تعداد میں گلدستے لئے اے ایف آئی سی پہنچ گیا ، تاہم سینیٹر طاہر مشہدی کی قیادت میں جانے والے وفد کو سابق صدر پرویز مشرف کی عیادت کی اجازت نہیں دی گئی ،اس موقع پر طاہر مشہدی کا کہناتھا کہ ہم پرویز مشرف کی عیادت کیلئے آئے ہیں۔
ان کا کہناتھا کہ پرویز مشرف کو انتقام کا نشانہ نہ بنایا جائے ،اگرکارروائی کرنی ہے تو سب کے خلاف کی جائے صرف پرویز مشرف کیخلاف کیوں کی جارہی ہے، ان کا یہ بھی کہناتھا کہ پرویز مشرف کو بیرون ملک علاج کی اجازت ملنی چاہیے ،ایم کیو ایم مشرف کی صحت یابی کیلئے دعا گو ہیں۔
خصوصی عدالت نے پرویز مشرف کیخلاف غداری مقدمے کی سماعت جاری ہے، مقدمے کی سماعت جسٹس فیصل عرب کی سربراہی میں تین رکنی بینچ کر رہا ہے۔
خصوصی عدالت نے پرویز مشرف کو آرٹیکل چھ کے تحت مقدمے میں حاضری سے استثنیٰ دینے یا نہ دینے کے حوالے سے فیصلہ محفوظ کرلیا، جوابی دلائل دیتے ہوئے پراسیکیوٹر اکرم شیخ نے کہا کہ خصوصی عدالت کے قانون میں کوئی سقم نہیں، اگر کہیں کوئی کمی ہے تو عام قانون کا اطلاق ہوگا۔
گزشتہ روز پرویزمشرف کے وکیل انور منصور نے اپنے دلائل میں کہا تھا کہ خصوصی عدالت کا قیام ایک خصوصی قانون کے تحت عمل میں لایا گیا، جس پر فوجداری قوانین کا اطلاق نہیں ہوتا، اس لئے عدالت پرویز مشرف کو عدالت طلب کرنے کے لئے انکے وارنٹ گرفتاری جاری نہیں کرسکتی، ان کی یہ دلیل بھی تھی کہ خصوصی عدالتوں کے انیس سو چھیتر کے قانون میں گرفتاری سے متعلق کوئی شق شامل نہیں ہے۔
خصوصی عدالت میں مشرف غداری کیس کی سماعت آج پھر ہوگی، کیس کی سماعت جسٹس فیصل عرب کی سربراہی میں تین رکنی بینچ کرے گا۔
گزشتہ روز سماعت میں پرویز مشرف کی میڈیکل رپورٹ خصوصی عدالت میں پیش کی گئی، عدالت کو ملنے والی میڈیکل رپورٹ کا بنچ کے تینوں ارکان نے معائنہ کیا اور وکلا کی درخواست پر انہیں میڈیکل رپورٹ کی نقول فراہم کرنے کی ہدایت کردی، جسٹس فیصل عرب نے کہا کہ وکلا دو دن تک رپورٹ کا بغور مطالعہ کرلیں، مقدمے کا فیصلہ جمعرات کو سنایا جائے گا۔
میڈیکل رپورٹ کی نقول وکلاء کو فراہم کردی گئی، اس سے قبل عدالت میں دلائل دیتے ہوئے وکیل صفائی انور منصور کا کہنا تھا کہ پرویز مشرف کے خلاف مقدمے کی سماعت کرنے کے لئے بنائی گئی خصوصی عدالت عام عدالت نہیں، سنگین غداری اور توہین عدالت آئینی جرائم ہیں اور ان کے لئے رہنمائی بھی آئین سے لینی ہوگی۔
انور منصور نے کہا کہ آرٹیکل چھ اور دو سوچار یا ان کے تحت بنائے گئے قوانین میں دوران سماعت گرفتاری کی کوئی شق نہیں اور انیس سو چھہتر کی خصوصی عدالت کے قانون میں ملزم کی گرفتاری کی کوئی شق نہیں، انور منصور کی اس دلیل پر جسٹس فیصل عرب نے سوال کیا کہ اگر مقدمہ توہین عدالت کا ہو یا آرٹیکل چھ کا، ملزم کے پیش نہ ہونے پر وارنٹ گرفتاری کیے جا سکتے ہیں۔
انہوں نے کہا کہ وکیل صفائی کے مطابق اگر عدالت کو گرفتاری کا اختیار نہیں ہے تو ملزم صرف اس لیے حکم عدولی کرسکتا ہے کہ اسے گرفتار نہیں کیا جائیگا۔
وزیراعظم نوازشریف نے کہا ہے کہ پاکستان اور سعودی عرب کے درمیان مضبوط تعلقات پر مبنی نیا دور شروع کرنے کی ضرورت ہے، سعودی وزیر خارجہ کہتے ہیں دونوں ملکوں کے معاملات کے جائزے کیلئے کمیٹی بنانے کی تجویز دی ہے ان کے دورے کا مشرف سے کوئی تعلق نہیں۔
اسلام آباد میں میڈیا سے گفتگو میں سعودی وزیر خارجہ سعود الفیصل کا کہنا تھا کہ مشرف کا معاملہ پاکستان کا اندرونی معاملہ ہے، ان کے دورے کا پرویز مشعف سے کوئی تعلق نہیں، دونوں مملک کے درمیان تعلقات کے جائزے کیلئے کمیٹی بنانے کی تجویز دی ہے۔
سعود الفیصل ، سعودی وزیر خارجہ مشیر خارجہ سرتاج عزیز کا کہنا تھا کہ پاک سعودی تعلقات کو مزید مستحکم کیا جائے گا۔ معاشی ترقی کیلئے سعودی تعاون کو قدر کی نگاہ سے دیکھتے ہیں، سرتاج عزیز ، مشیر خارجہ اس سے پہلے وزیراعظم نوازشریف سے سعودی وزیر خارجہ سعود الفیصل نے ملاقات کی، جس میں دو طرفہ تعلقات ،علاقائی سلامتی اور افغانستان کی صورتحال پر تبادلہ خیال کیا گیا۔
وزیراعظم کا کہنا تھا کہ پاکستان اسلامی ممالک کے درمیان اتحاد کی کوششوں سمیت پر امن افغانستان کا حامی ہے، ذرائع کا کہنا ہے کہ ملاقات میں پرویز مشرف اور غداری کیس پر بھی بات چیت ہوئی، سعودی وزیر خارجہ نے صدر ممنون حسین سے بھی ملاقات کی جس میں انھوں نے سعودی فرماں رواں کا خصوصی پیغام پہنچایا۔
پنجاب اسمبلی میں قائد حزب اختلاف میاں محمود الرشید نے کہا ہے کہ الطاف حسین جو زبان استعمال کررہے ہیں، کوئی محب وطن ایسا نہیں کہہ سکتا، وہ اسطرح کی باتیں کرکے پرویز مشرف کو فائدہ پہنچانا چاہتے ہیں۔
لاہور میں مجسٹریٹ کے جرمانے کے باعث دل کا دورہ پڑنے سے جاں بحق ہونے والے مزدور کے اہلخانہ سے تعزیت کرنے کے موقع پر میڈیا سے گفتگو کرتے ہوئے میاں محمود الرشید کا کہنا تھا کہ الطاف حسین کے بیان کی پوری پنجاب اسمبلی مذمت کرے گی، الطاف حسین کو اُس وقت مسائل کیوں یاد نہیں آئے جب وہ پیپلزپارٹی کے ساتھ حکومت کے مزے لوٹ رہے تھے۔
آج سندھ ون اور سندھ ٹو کیوں یاد آرہا ہے، ایسے حالات میں اس طرح کی باتیں پاکستان کونقصان پہچانے کی سازش ہے، میاں محمود الرشید نے کہا کہ شہباز شریف صرف میڈیا پر ڈرامے کرنا جانتا ہے ، وہ غریب عوام کےلیے کچھ نہیں کرسکتا، آج تک غربت اور مہنگائی کو کنٹرول کرنے کےلیے کیا اقدامات کئے گئے ہیں۔
شہباز شریف اور انکی ٹیم رزق حلال کمانے والوں کے گلے پر چھری پھیر رہی ہے بڑے مگرمچھوں پر ہاتھ کیوں نہیں ڈالا جاتا، اپوزیشن لیڈر پنجاب اسمبلی کا کہنا تھا کہ ایک پالک فروش کو پانچ ہزار جرمانہ کیا گیا۔ اسے دل کا دورہ پڑا اور موقع پر ہی جاں بحق ہوگیا۔
خیبر پختون خواہ میں پنجاب سے بہتر حالات ہیں، آئندہ چھ ماہ میں لوگ کے پی کے میں انقلاب محسوس کرینگے، ہیلی کاپٹر پر گھومنے والے مہنگائی کنٹرول نہیں کرسکتے انہیں صرف ہوائی سیر سپاٹوں کا شوق ہے۔
پیپلز پارٹی پنجاب کے صدر میاں منظور وٹو نے کہا ہے کہ سابق صدر پرویز مشرف کو بھی ایسے ہی راستہ دیا جائے گا جیسے نواز شریف کو دیا گیا تھا، قیاس آرائیاں یہیں ہیں کہ سعودی وزیر خارجہ کی آمد مشرف کے حوالے سے ہی ہے۔
لاہور میں پریس کانفرنس کرتے ہوئے میاں منظور وٹو نے کہا کہ وہ چودھری شجاعت کے اس بیان کی حمایت کرتے ہیں جس میں انہوں نے کہا تھا کہ پرویز مشرف کے ساتھ جنرل کیانی، جسٹس افتخار سمیت دیگر شخصیات کا بھی ٹرائل کیا جانا چاہیے۔
انہوں نے کہا کہ بلدیاتی انتخابات میں حکومت پہلے ہی راہ فرار اختیار کررہی تھی، افسوس ناک بات ہے کہ آمریت کے دور میں بلدیاتی انتخابات ہوئے لیکن سول دور میں ایسا نہیں ہوا، میاں منظور وٹو نے واضح کیا کہ آصف علی زرداری نیب عدالت میں پیش ہونگے۔
پنجاب کے کارکن بلاول بھٹو زرداری کی آمد کے منتظر ہیں، سندھ کی تقسیم کے حوالے سے الطاف حسین کےبیانات کو مسترد کرتے ہیں، وہ بادشاہ آدمی ہیں، وہ پرویز مشرف کے ٹرائل سے ناراض ہیں۔