Tag: پرویز مشرف

اسلام آباد: سابق صدر پرویز مشرف کا کہنا ہے کہ انہیں آمر کہنے والوں نے خواتین کو ان کے حقوق سے محروم رکھا ہے۔

خواتین کے عالمی دن کے موقع پراسلام آباد میں آل پاکستان مسلم لیگ ویمن ونگ کے زیر اہتمام تقریب سے ٹیلی فونک خطاب کرتے ہوئے پرویز مشرف کا کہنا تھا اقتدار میں آتے ہی خواتین کو سیاسی طور پر بااختیار بنانے کا فیصلہ تھا ۔

ان کا کہنا تھا کہ خاتون وزیر اعظم کے دور میں بھی خواتین کو ان کے حقوق نہیں ملے۔

سابق صدر نے کہا کہ قومی اسمبلی، سینیٹ اور صوبائی اسمبلیوں میں خواتین کی نمائندگی کا سہرا ان کے سر ہے۔

پرویز مشرف نے کہا اسلامی تعلیمات کے مطابق عورت کو رتبہ دینے کے بجائے منافقت دکھاتے ہیں، پاکستان کے تعلیمی اداروں میں طالبات کی کارکردگی طلباء کی نسبت بہت بہتر ہے۔

 کراچی: سابق صدر پرویز مشرف نے کہا ہے کہ ملک آئینی اصلاحات، اور تیسری قوت کی ضرورت ہے ، آئین کوبچانے کے چکر آئین کو تباہ کیا جارہا ہے ، چار چار بار حکومتیں کرنے والوں نے ملک کا ستیا ناس کردیا ہے ۔

کریک کلب کراچی میں موجودہ حالات پر مولانا تنویر الحق تھانوی کی جانب سے منعقدہ تقریب سے خطاب کرتے ہوئے سابق صدر پرویز مشرف کاکہنا تھا کہ حکومتوں میں فیصلے کرنے کی طاقت نہیں اس لیے طاقت ور حکومت کی ضرورت ہے ۔ انہوں نے کہا کہ کراچی میں بیرونی مداخلت ہورہی ہے، فرقہ واریت کو بھارت بڑھارہا ہے۔

 پرویز مشرف نے کہا کہ ملٹری کورٹس کی حمایت کرتا ہوں، ملٹری کورٹس کا قانون پاس ہوگیا ہے رکاوٹیں ڈالی جارہی ہیں، انہوں نے کہا کہ امن کے دشمن فسادات کرانا چاہتے ہیں، بدامنی پھیلانے والے دشمن ہیں،ایک دشمن باہر سے آنے والے لوگ ہیں جو فرقہ واریت پھیلاتے ہیں،دوسرا دشمن اندرونی فسادات ہیں۔

پرویز مشرف کاکہنا تھا کہ فوج کو جدید ترین ہتھیاروں سے لیس کریں گے،پاک فوج کی موجودگی میں ملک کو کچھ بھی نہیں ہوسکتا ہے،ملک میں سپریم کورٹ اور فوج کا کردار اہم ہے ، انہوں نے کہا کہ ملک میں اب کوئی ترقی نہیں ہورہی ہے ،کرپشن اور اقربا پروری بڑھ گئی ہے۔ چار ، چار دفعہ حکومتیں کرنے والوں نے پاکستان کا بیڑا غرق کیا ہے۔

، تیسری سیاسی قوت بنانے کیلئے پاکستانی عوام کو جاگیا چاہیے ، پاکستان کا ستیاناس کرنے والوں کے بارے میں عوام کو سوچنا چاہیے ،تیسری سیاسی قوت بنانے کیلئے اپنی کوششیں جاری رکھوں گا، انہوں نے کہا کہ میرے خلاف آرٹیکل چھ کا مقدمہ محض مزاق ہے، میں محب وطن ہوں پاکستان کی خدمت کی ہے۔

 پرویز مشرف نے کہا کہ ملک میں نئے اصلاحات اور تعمیر نو کی ضرورت ہے ،اصلاحات کیلئے آئینی ترامیم کرنا ہوں گی ، دو ، تہائی اکثریت والی حکومت کبھی بھی قائم نہیں ہوگی، اس کا انتظار نہ کیا جائے۔

اسلام آباد: صدر پرویز مشرف نے کہا ہےتبدیلی کی ابتدا گلگت بلتستان سے ہوگی پھر پورے ملک میں تبدیلی آئےگی، چترال کے عوام اےپی ایم ایل کے کے امیدوار کو ووٹ دیں۔

 اسلام آباد میں ورکرز کنونشن سے خطاب میں جنرل رٹائرڈ پرویز مشرف نے کہا کہ جو لوگ غلط وعدے کرتے ہیں، وہ کرتے کچھ نہیں انتخابات کے بعد پانچ سال کے لئے غائب جاتے ہیں۔

 ان کا کہنا تھا کہ انہوں نے اپنے دور صدارت میں متعدد بار گلگت اور چترال کا دورہ کیااور گلگت بلتستان اور چترال بےشمار ترقیاتی کام کرائے۔

پرویز مشرف کا ہنا تھا کہ انہوں نے جو منصوبے ا نکے دور میں جاری تھے وہ مکمل نہیں کرائے گئے۔

سابق صدر نے کہا کہ ہرادارے کا فرض بنتا ہے کہ پاکستان کی ترقی کےلئے کردار ادا کرے،جن لوگوں نےتین چار مرتبہ حکومت کی انہیں کتنی بارآزمائیں گے۔

کراچی: سابق صدر پرویز مشرف کا کہنا ہے کہ پاکستان آنے کا مقصد تیسری سیاسی قوت بناکر عوام کو بدعنوان حکمرانوں سے چھٹکارا دلانا تھا۔

کراچی میں نجی ہوٹل مین تقریب سے خطاب کرتے ہوئے پرویز مشرف کاکہنا تھا کہ چترال اور چترالیوں سے دل لگاؤ ہے ،چترالیوں کی وفاداری پر فخر ہے،جلسے یا الیکشن ہوتے ہیں تو چترال کا نتخاب کرتا ہوں

پرویز مشرف کا کہنا تھا ان کیخلاف جعلی کیسز کے ذریعے سیاست چمکائی جا رہی ہے۔ کہا گیا میں صادق اورامین نہیں کیا اسمبلی کے اندر صادق اور امین بیٹھے ہیں۔

 پرویز مشرف نے کہا آئین ہمارا ہی لکھا ہوا کاغذ ہے ملک کی بہتری کیلئے آئین میں تبدیلی لائی جا سکتی ہے، پاکستان کا مستقبل اسٹیٹس کو نہیں تبدیلی ہے۔

 ان کا کہنا تھا موجودہ حکمران پہلی دفعہ نہیں چوتھی بار حکومت کر رہے ہیں جو لیڈر عوام کو خوشحالی اور ملک کو ترقی نہیں دے سکتا اسے عہدہ چھوڑ دینا چاہیے، ملک لوٹنے والوں سے پاکستان کو نجات دلا کر خوشحالی لانا چاہتے ہیں۔

سابق صدر پرویز مشرف نے کہا ہے ملکی سالمیت کیلئے آئین کو تبدیل کریں گے، پاکستان کا مستقبل اسٹیٹس کو نہیں تبدیلی لانے والی جماعتوں کو اکٹھا کر کے آگے بڑھنا ہوگا۔

کراچی: سندھ ہائی کورٹ نے سابق صدر جنرل پرویز مشرف کو عوامی نمائندے کے لئے نااہل قرار دے دیا۔

پرویز مشرف اہلیت کیس میں سندھ ہائی کورٹ نے تفصیلی فیصلہ جاری کر دیا ہے جس کے مطابق پر ویز مشرف کو اسمبلی رکنیت سے نا اہل قرار دےدیا گیا ہے۔

 پرویز مشرف اہلیت کیس کی سماعت جسٹس مقبول باقر کی سرباراہی میں تین رکنی بنچ نے کی جس نے اپنے تفصیلی فیصلے میں کہا کہ سابق صدر نے ججوں کے خلاف اقدام اور اختیارات کا ناجائز استعمال کیا.

عدالت نے کہا کہ رٹائیرڈ جنرل پرویزمشرف آئین کی دفعہ باسٹھ اور تریسٹھ پر پورے نہیں اترتے،اس لئے سابق صدر جنرل رٹائرڈ پرویز مشرف کو عوامی نمائندگی کیلئے نا اہل قرار دیا جا تا ہے۔

 تین رکنی بنچ نے اپنے فیصلے میں لکھا ہے کہ ملک کا قانون دفاعی اور سول اداروں پر یکساں لاگو ہوتا ہے ۔ اورسابق صدر اپنے اقدامات کی روشنی میں باکردار نہیں۔

عدالت نے یہ بھی قرار دیا کہ سابق صدر کے آئین توڑنے کے اقدام سے ملکی وقار کو بھی نقصان پہنچا۔