لندن : برطانیہ کی مقتول لیبرپارٹی کی رکن پارلیمنٹ جوکوکس کوخراج عقیدت پیش کرنے کا سلسلہ جاری ہے،مقتول رکن پارلیمنٹ کے سوگ میں سرکاری عمارتوں پرپرچم سرنگوں رہا.
تفصیلات کے مطابق مقتول لیبرپارٹی کی رکن پارلیمنٹ جوکوکس کوخراج عقیدت پیش کرنےبرطانیہ کے مختلف شہروں میں مقتول رکن پارلیمنٹ کی یاد میں مختلف مقامات پرپھول رکھنے کا سلسلہ جاری ہے.
دعائیہ اجتماع میں کچھ دیرخاموشی اختیارکی گئی،برطانوی وزیراعظم سمیت عالمی رہنماؤں نے جوکاکس کے قتل پرافسوس کا اظہارکیا ہے.
یاد رہے دو روز قبل لندن کے علاقے برسٹل میں فائرنگ سے برطانوی خاتون رکن پارلیمنٹ جوکوکس ہلاک ہوگئیں تھی.
یارک شائر پولیس کے مطابق زخمی خاتون رکن پارلیمنٹ کوفوری اسپتال منتقل کردیا گیا تھا جہاں انہیں طبی امداد دی جارہی تھی،ملزم نے ان پر کئی فائر کیے تھےساتھ ہی چاقو سے بھی حملہ کیا تھا.
پولیس کی جانب سے حملے کے الزام میں 52 سالہ شخص کو گرفتار کیاگیا،جسے تفتیش کے لیے نامعلوم مقام پر منتقل کر دیاگیا تھا.
واضح رہے کہ برطانوی وزیراعظم ڈیوڈ کیمرون نے خاتون رکن پارلیمنٹ جوکوکس کی ہلاکت پر انتہائی افسوس کا اظہارکرتے ہوئے کہا کہ وہ مشکل کی اس گھڑی میں خاتون رکن پارلیمینٹ کے اہل خانہ کے ساتھ ہیں.
