کراچی : انٹر کے سالانہ امتحانات میں زولوجی کا پرچہ وائرل کرنے میں ممتحن امتحانات ملوث نکلی اور غلطی کا اعتراف کرلیا۔
تفصیلات کے مطابق انٹر کے سالانہ امتحانات میں پرچہ وائرل کرنے میں ایک خاتون ملوث نکلی۔ْ
گورنمنٹ ڈگری گرلز آرٹس اینڈ کامرس کالج کی ممتحن امتحانات نے اعتراف کرتے ہوئے کہا کہ زولوجی کا پرچہ سوشل میڈیا پر وائرل میں نے کیا تھا۔
ممتحن امتحانات نے کہا کہ غلطی نادانستہ طور پر ہوگئی، آئندہ کوشش کروں گی ایسی غلطی نہ ہو۔
گورنمنٹ اسکول گریڈ سولہ کی ایک ٹیچر کالج میں ممتحن امتحانات کے فرایض اداکر رہی ہیں ۔
ممتحن امتحانات نے ناظم امتحانات کو درخواست کی ہے کہ اس مرتبہ معاف کردیا جائے، اس عمل میں کالج کے عملے کی غلطی نہیں ہے۔
خاتون ممتحن امتحانات کی درخواست سی سی او کی جانب سے بورڈ انتظامیہ کو موصول ہوگئی ہے تاہم چیرمین انٹر بورڈکا کہنا ہے کہ قوائد کے تحت ممتحن امتحانات کیخلاف ایکشن ہوگا۔