Tag: پرچے لیک

کراچی : انٹر امتحان میں پرچے سوشل میڈیا پر لیک ہونے سے بچانے کے لئے بڑا اقدام سامنے آیا، سیکرٹری بورڈ کا تقرر کردیا گیا ، جو پرچہ آؤٹ ہونے کی اطلاع ٹیم کو دیں گے۔

تفصیلات کے مطابق کراچی میں انٹر امتحان میں پرچے سوشل میڈیا پر لیک سے بچاؤ کیلئے سیکرٹری انٹر بورڈ کی تقرری کردی گئی۔

نیشنل سائبرکرائم انویسٹی گیشن ایجنسی ٹیم کی معاونت کے لئے سیکرٹری کا تقرر کیا گیا ہے۔

امتحانات کے پہلے روز کسی سینٹر پر پرچہ لیک ہونےکی اطلاع نہیں ملی ، پرچوں کی ممکنہ لیک پر تحقیقات کیلئے چیئرمین انٹربورڈ نے این سی سی آئی اے کو خط لکھا تھا۔

بورڈ سیکرٹری پرچے کی سوشل میڈیا پر آؤٹ ہونے کی اطلاع ٹیم کو دیں گے اور بورڈ انتظامیہ کی شکایت پر سائبرکرائم ٹیم متعلقہ امتحانی سینٹر پر چھاپہ مارے گی۔

خیال رہے کراچی میں اعلیٰ ثانوی تعلیمی بورڈ کے تحت انٹر کے سالانہ امتحانات کا آغاز ہوگیا ہے، جس میں 1 لاکھ 26 ہزار 500 سے زائد طلبہ و طالبات صبح اور شام کی شفٹوں میں شریک ہو رہے ہیں۔

انٹر بورڈ کے امتحانات دو شفٹوں میں لیے جا رہے ہیں۔ صبح کی شفٹ میں 92 ہزار سے زائد طلبہ و طالبات شامل ہیں، جنہوں نے سائنس پری میڈیکل سمیت دیگر مضامین کا امتحان دینا ہے۔

صبح کی شفٹ کا امتحان صبح 9 بجے سے 12 بجے تک ہوگا۔

کراچی : نویں اور دسویں کے پرچے لیک کرنے والے نوجوان کو گرفتار کرلیا گیا، ملزم کے موبائل فون میں موجودپیپر لیک کا ڈیٹا بھی مل گیا ہے۔

تفصیلات کے مطابق کراچی میں ڈسٹرکٹ سینٹرل پولیس نے خفیہ اطلاع پر کارروائی کرتے ہوئے نویں اور دسویں کے پرچے لیک کرنے والے نوجوان کو گرفتار کرلیا۔

ایس ایس پی سینٹرل ذیشان صدیقی نے بتایا کہ ملزم کا نام شرجیل الرحمان اورعمر 21سال ہے، ملزم کےموبائل فون میں موجودپیپر لیک کا ڈیٹا مل گیا۔

ذیشان صدیقی کا کہنا تھا کہ گرفتار ملزم حل شدہ پرچے لیک کرتا تھا، ملزم نے نائن ٹین کے نام سےواٹس ایپ گروپ بنایاتھا، اس گروپ میں 202ممبر زہیں جبکہ گروپ کے ایڈمن شرجیل اور فیاض جمالی ہیں۔

ایس ایس پی سینٹرل نے کہا کہ ملزم نےدسویں کلاس کے حل شدہ پرچے گروپ میں ڈالے تھے تاہم ملزم سے مزید تفتیش کا عمل جاری ہے۔

دوران تفتیش ملزم سفیان نے پولیس کو بیان میں کہا کہ واٹس ایپ گروپ کےایڈمن میں فیاض جمالی اورسفیان ہیں، میں نےدسویں کلاس کےحل شدہ پرچے گروپ میں پوسٹ کئے تھے، پیپر لیک کے نام سے گروپ میں بھی پیپر آتے ہیں۔

ملزم نے انکشاف کیا کہ گورنرہاؤس میں باقاعدگی سےآرٹی فیشل انٹیلی جنس کی کلاس لیتا ہوں ، سمجھ کچھ نہیں آتا سر سےگزر جاتا ہےپھر بھی پڑھتا ہوں، اس کے علاوہ سونے کی جیولری ڈیزائن کرنے کا کام بھی کرتا ہوں۔

خیال رہے کراچی سمیت سندھ میں میٹرک کے امتحانات جاری ہے ، ہر سال کی طرح اس سال بھی انتظامیہ نقل مافیا کے آگے بے بس دکھائی دی، اور سوشل میڈیا پر پرچے لیک ہونے کا سلسلہ جاری رہا۔