ARYNews.tv | Urdu – Har Lamha Bakhabar

Tag: پری

  • بالی ووڈ فلم ’پری‘ کی نمائش پر پابندی عائد

    بالی ووڈ فلم ’پری‘ کی نمائش پر پابندی عائد

    اسلام آباد: پاکستان میں بالی ووڈ ہارر فلم ’پری‘ کی نمائش پر پابندی عائد کردی گئی ہے۔ فلم میں انوشکا شرما مرکزی کردار ادا کر رہی ہیں۔

    تفصیلات کے مطابق سینٹرل بورڈ آف فلم سینسر کے چیئرمین مبشر حسن کی جانب سے جاری کردہ بیان کے مطابق مذکورہ فلم کے مناظر بورڈ کی جانب سے قائم کردہ ضابطہ اخلاق کی خلاف ورزی پر مشتمل ہیں۔

    ان کا کہنا ہے کہ فلم کے لاتعداد مناظر اور ڈائیلاگز مذہبی، سماجی اور اخلاقی اقدار کے خلاف ہیں۔

    ذرائع کے مطابق فلم میں کالے جادو کو دکھایا گیا ہے جو اسلام میں سختی سے منع ہے جبکہ مسلمانوں کے جذبات مجروح کرنے والے جملے بھی فلم میں موجود ہیں۔

    سینسر بورڈ کے اس اعلان کے بعد سینما گھروں نے بھی فلم پری کی نمائش منسوخ کردی اور فلم کے جاری کردہ ٹکٹس کے پیسے واپس دینے کا اعلان کردیا ہے۔

    دوسری جانب انوشکا شرما کے شوہر ویرات کوہلی نے فلم اور اس میں انوشکا کی اداکاری کی تعریف کرتے ہوئے اسے انوشکا کی بہترین فلم قرار دیا۔

    خیال رہے کہ پروست رائے کی ہدایت کاری میں بننے والی فلم پری میں انوشکا شرما ایک خوفناک بھوت کا کردار ادا کررہی ہیں۔ یہ انوشکا شرما کی کرکٹر ویرات کوہلی سے شادی کے بندھن میں بندھنے کے بعد پہلی فلم ہے۔

    فلم میں پرم بارتا چٹرجی، رجت کپور اور ریتا بہاری چکرورتی بھی اہم کردار میں نظر آئیں گی۔

    فلم پری آج 2 مارچ کو ریلیز کی جانی تھی تاہم سینسر بورڈ کے اعلان کے بعد فلم کی نمائش منسوخ کردی گئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پریوں کی گزر گاہ ننھے منے دروازے

    پریوں کی گزر گاہ ننھے منے دروازے

    واشنگٹن: امریکی ریاست مشی گن میں ایک چھوٹا سا قصبہ ایسا ہے جہاں جانے والوں کو ایک حیرت انگیز اور کسی حد تک پراسرار شے نظر آتی ہے۔

    یہ پراسرار شے قصبہ میں جا بجا بکھرے ننھے منے سے دروازے ہیں جنہیں پریوں کا دروازہ یا فیری ڈور کہا جاتا ہے۔

    5

    10

    4

    یہ ننھے منے دروازے دراصل مختلف ریستورانوں، دکانوں یا عمارتوں میں بنائے جاتے ہیں۔ ان کے بنانے کا کوئی خاص مقصد نہیں ہوتا۔ یہ خوبصورتی اور وہاں موجود بچوں کو بہلانے کے لیے بنائے جاتے ہیں اور دیکھنے میں یہ بند دروازے کسی فریم کی طرح لگتے ہیں۔

    7

    9

    بعض دروازوں کے اندر ننھی منی سیڑھیاں بھی بنائی گئی ہیں اور یہ سیڑھیاں ایک اور بند دروازے پر منتج ہوتی ہیں، اور دیکھنے میں یوں لگتا ہے کہ اس دروازے کے پیچھے واقعی کوئی پری چھپی بیٹھی ہے۔ یہ دیکھنے والے کو ایک پراسرار سے سحر میں مبتلا کردیتا ہے۔

    6

    مشی گن کے قصبے این آربر میں بنائے جانے والے یہ دروازے دراصل ایک رہائشی جوناتھن بی رائٹ نامی فنکار نے بنائے ہیں۔

    2

    اسے اپنے گھر میں بھی ایک ایسا ہی ننھا سا دروازہ ملا تھا جو اس گھر کی تعمیر کے وقت بنایا گیا تھا۔ اس نے اس دروازے کو بے حد خوبصورتی سے سجایا اور ساتھ ہی قصبے کے نمایاں مقامات پر بھی یہ دروازے بنانے کا کام شروع کردیا۔

    3

    کچھ عرصے بعد رہائشیوں نے ان دروازوں کو وشنگ ویل یا خواہشات کے دروازے کے طور پر استعمال کرنا شروع کردیا۔

    8

    ان کا عقیدہ ہے کہ یہاں سچ مچ پریاں آتی ہیں۔ وہ خیر سگالی کے طور پر یہاں ان کے لیے سکے، ڈارئنگز اور دیگر اشیا رکھتے ہیں، اس امید پر کہ شاید ان پریوں کو ان کا تحفہ پسند آجائے اور وہ اپنی جادوئی چھڑی گھما کر ان کا بگڑا ہوا کام بنا دیں۔