ARYNews.tv | Urdu – Har Lamha Bakhabar

Tag: پریانکا چوپڑا

  • ’پریانکا کو پاکستان بھیج دو‘ انتہا پسند ہندوؤں کی پکار

    ’پریانکا کو پاکستان بھیج دو‘ انتہا پسند ہندوؤں کی پکار

    ممبئی: بالی ووڈ کی اسٹائلش اداکارہ پریانکا چوپڑا کے خلاف امریکی ٹی وی سیریز ’کوانٹیکو‘ کی تازہ قسط کی کہانی کے سلسلے میں انتہا پسند ہندوؤں نے شدید احتجاج شروع کردیا ہے۔

    تفصیلات کے مطابق بین الاقوامی سطح پر مشہور بھارتی اداکارہ پریانکا چوپڑا امریکی ٹی وی شو ’کوانٹیکو سیزن 3‘ میں بھارتیوں کو دہشت گرد دکھائے جانے پر سخت مشکلات میں گھر گئی ہیں، مداحوں کا کہنا ہے کہ پریانکا کو پاکستان بھیج دیا جائے۔

    امریکی ٹی وی شو، جس میں سابقہ ملکہ حسن مرکزی کردار نبھا رہی ہیں، کی تازہ قسط میں بھارتی قوم پرستوں کو دہشت گردی کے ایک ایسے واقعے کی منصوبہ بندی کرتے دکھایا گیا ہے جس کا الزام بعد میں پاکستان پر تھوپا جانا تھا۔

    کوانٹیکو کی تازہ قسط کے خلاف سخت آن لائن احتجاج کے بعد امریکی ٹی وی اسٹوڈیو اے بی سی کو باضابطہ طور پر بھارتیوں سے معافی بھی مانگنی پڑی۔

    دو روز قبل اے بی سی کی طرف سے آفیشل معافی کے بعد انتہا پسند تنظیم ’ہندو سینا‘ نے اداکارہ پریانکا چوپڑا کے خلاف منظم احتجاج کا سلسلہ شروع کردیا ہے، انتہا پسند گروپ کا کہنا ہے کہ پریانکا نے ہندوؤں کو دہشت گرد دکھا کر تذلیل کی ہے۔

     پریانکا کے خلاف احتجاج کے دوران ان کی تصاویر بھی جلائی گئیں، مظاہرین نے پلے کارڈز اٹھارکھے تھے جن پر لکھا تھا پریانکا غدار ہے، اسے پاکستان بھیج دیا جائے۔ خیال رہے کہ بھارتی اسٹار اداکارہ کو اپنے ہم وطنوں سے معافی بھی مانگنی پڑی۔

    پریانکا چوپڑا نے گزشتہ روز اپنے ٹوئٹر اکاؤنٹ پر لکھا کہ مجھے سخت دکھ ہوا اور میں معذرت خواہ ہوں کہ کوانٹیکو کی تازہ قسط کے باعث لوگوں کے جذبات مجروح ہوئے۔ میں نے یہ جان بوجھ کرنہیں کیا، نہ ہی ایسا کبھی کروں گی، مجھے بھارتی ہونے پر فخر ہے اور ہمیشہ رہے گا۔

    کوانٹیکو کی تازہ قسط چلنے پر پریانکا کو اپنے مداحوں کی جانب سے سخت حملوں کا سامنا ہے، چند مداحوں نے ان کے کام کا بائی کاٹ کرنے کی دھمکی بھی دے دی ہے اور کہا ہے کہ وہ جن برانڈز کی تشہیر کرتی ہیں ان کا بھی بائی کاٹ کیا جائے۔

    کوانٹیکو کی عکس بندی: پریانکا گھٹنے کی ہڈی تڑوا بیٹھیں

    مداحوں نے حکومت سے بھی مطالبہ کیا ہے کہ ٹی وی شو کے اُن مناظر کو بلیک آؤٹ کیا جائے جن میں نیو یارک میں جوہری بم پھاڑنے کی منصوبہ بندی کرنے والے کو بھارتی قوم پرست دکھایا گیا ہے۔

    انتہا پسند تنظیم ’ہندو سینا‘ نے ایک پریس ریلیز جاری کرتے ہوئے کہا ہے کہ ایک ایسی عورت جو ایک بھارتی آرمی آفیسر کی بیٹی ہے اور مس ورلڈ رہی ہے، اور اقوام متحدہ کی سفیر بھی ہے، نے اپنے ملک کو محض چند پیسوں کے لیے بدنام کرنے کی کوشش کی ہے۔

  • بھارتی دہشت گردی اور پاکستان پر الزام، چہرہ بے نقاب کرنے پر پریانکا زیرعتاب

    بھارتی دہشت گردی اور پاکستان پر الزام، چہرہ بے نقاب کرنے پر پریانکا زیرعتاب

    نیویارک: بالی ووڈ کی کامیاب ترین اداکارہ پریانکا چوپڑا نے دہشت گردی سے متعلق بھارت کا مکروہ چہرہ بے نقاب کیا تو بھارتی تلملا اٹھے اور انہوں نے طوفانِ  کھڑا کردیا۔

    تفصیلات کے مطابق بھارتی فلموں میں شاندار اداکاری دکھانے کے بعد ہالی ووڈ انڈسٹری میں جگہ بنانے والی پریانکا چوپڑا امریکی ٹی وی شو ’کوانٹیکو‘ کے ذریعے بھی صلاحیتوں کا لوہا منوار رہی ہیں جس کی تازہ قسط نے بھارتیوں کو بھڑکا کے رکھ دیا۔

    ٹی وی شو کی تازہ قسط میں ایک ایسا منظر  دکھایا گیا کہ نیویارک کے علاقے مین ہیٹن میں کچھ بھارتی حملہ کرتے ہیں اور اُن کا پلان یہ ہوتا ہے کہ دہشت گردی کا الزام پاکستان پر عائد کیا جائے۔

    پریانکا نے بھارت کا اصلی چہرہ بے نقاب کیا تو انڈین شہری اور خصوصاً ہندو مذہب سے تعلق رکھنے والے لوگ سیخ پا ہوگئے اور انہوں نے سوشل میڈیا پر شدید احتجاج کرتے ہوئے پروگرام کے بائیکاٹ کا اعلان کیا۔

    مزید پڑھیں: پریانکا چوپڑا شوٹنگ کے دوران زخمی، گھٹنے پر فریکچر

    ہندو امریکن نامی ٹویٹر سے پیغام شیئر کیا گیا کہ ’پریانکا نے اس حرکت کے ذریعے ہندوؤں پر بہت زیادہ سنگین حملہ کیا اور حاص طور پر اُن ہندو کو نشانہ بنایا جو امریکا میں مقیم ہیں، ایسے پروگراموں کا مکمل بائیکاٹ کرنا چاہیے‘۔

     

    روزی نامی صارف نے تنقید کرتے ہوئے کہا کہ ’پریانکا کو کس طرح کوانٹیکو کا مرکزی کردار دیا گیا، یہ اس بات سے واضح ہوتا ہے کہ انہوں نے بالی ووڈ میں کس طریقے سے کام کر کے اپنی جگہ بنائی‘۔

    سوشل میڈیا پر ادکارہ کے خلاف   کے نام سے ہیش ٹیگ چلایا گیا جو اب تک ٹرینڈنگ پر موجود ہے۔

    یاد رہے کہ پریانکا چوپڑا کو سماجی رابطوں کی دنیا میں مقبول شخصیت سمجھا جاتاہے، اس لیے وہ کنگ خان اور دبنگ خان جیسے سنیئر و باصلاحیت اداکاروں کے مد مقابل نظر آتی ہیں۔

    خیال رہے کہ برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا 97واں نمبر آیا تھا۔

    یہ بھی پڑھیں: پریانکا چوپڑا غصے سے آگ بگولا، گلاس اپنے سر پر دے مارا، ویڈیو وائرل

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔

    بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پریانکا چوپڑا شوٹنگ کے دوران زخمی، گھٹنے پر فریکچر

    پریانکا چوپڑا شوٹنگ کے دوران زخمی، گھٹنے پر فریکچر

    نیویارک: بھارتی اداکارہ پریانکا چوپڑا ’کوانٹیکو‘ شو کی عکس بندی کے دوران زخمی ہوگئیں جس کے نتیجے میں اُن کے گھٹنے میں چوٹ لگ گئیں۔

    تفصیلات کے مطابق بھارتی فلموں میں شاندار اداکاری دکھانے کے بعد ہالی ووڈ انڈسٹری میں جگہ بنانے والی پریانکا چوپڑا امریکی ٹی وی شو ’کوانٹیکو‘ کے ذریعے بھی صلاحیتوں کا لوہا منوار رہی ہیں۔

    ایکشن سے بھرپور اس ٹی وی شو کی کئی ویڈیوز اور تصاویر سامنے آچکیں جن میں دیکھا جاسکتا ہے کہ بھارتی اداکارہ ایک ایسی لڑکی کا کردار ادا کررہی ہیں جو کبھی پستول تھامے روڈ پر کھڑی ہوتی ہے تو کبھی کوئی کارروائی کرتی ہیں۔

    ویڈیو دیکھیں : پریانکا چوپڑا غصے سے آگ بگولا، گلاس اپنے سر پر دے مارا، ویڈیو وائرل

    سماجی رابطے کی ویب سائٹ پر بالی ووڈ اداکارہ نے مداحوں کو بری خبر سنائی اور بتایا کہ ’کوانٹیکو کی شوٹنگ کے دوران ایک منظر عکس بند کرواتے ہوئے میرے گھٹنے میں شدید چوٹ ) آگئی جس کی وجہ سے ڈاکٹر نے تین ہفتے آرام کرنے کی تجویز دی ہے‘۔

    اداکارہ کا کہنا تھا کہ ’ہم شو کی شوٹنگ کے لیے اٹلی میں موجود ہیں چونکہ شو میں میرا مرکزی کردار ہے اس لیے مجھے ساتھی اداکاروں کے ساتھ درمیانی رات باہر نکلنا پڑا‘۔

    یاد رہے کہ پریانکا چوپڑا کو سماجی رابطوں کی دنیا میں مقبول شخصیت سمجھا جاتاہے، اس لیے وہ کنگ خان اور دبنگ خان جیسے سنیئر و باصلاحیت اداکاروں کے مد مقابل نظر آتی ہیں۔

    یہ بھی دیکھیں: پریانکا کا نیا انداز مداحوں میں مقبول

    گذشتہ دنوں اپنے مقبول ٹی وی شو کوانٹیکو کے تیسرے سیزن کی شوٹنگ کے لیے نیویارک میں مقیم پریانکا چوپڑا نے ایک ویڈیو شیئر کی تھی، جس میں دیکھا جاسکتا ہے کہ وہ تھکن سے چور ہیں اور اُن کے ہاتھ وائن کا گلاس ہاتھ بھی موجود ہے۔

    خیال رہے کہ برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا 97واں نمبر آیا تھا۔

    اسے بھی دیکھیں: پریانکا کی تصاویر وائرل

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔

    بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پریانکا چوپڑا نے شاہی شادی میں مدعو ہونے کی تصدیق کردی

    پریانکا چوپڑا نے شاہی شادی میں مدعو ہونے کی تصدیق کردی

    برطانوی شاہی خاندان کے چھوٹے شہزادے ہیری اگلے ماہ امریکی اداکارہ میگھن مرکل سے رشتہ ازدواج میں بندھنے جارہے ہیں۔ اداکارہ کی بہترین دوست اور بالی ووڈ کی معروف اداکارہ پریانکا چوپڑا نے شاہی شادی میں مدعو کیے جانے کی تصدیق کردی ہے۔

    امریکی جریدے سے گفتگو کرتے ہوئے معروف بالی ووڈ اداکارہ پریانکا چوپڑا نے بتایا کہ انہیں شاہی شادی میں شرکت کا دعوت نامہ موصول ہوچکا ہے۔

    پریانکا چوپڑا امریکی ٹی وی سیریز کوانٹیکو اور ہالی ووڈ فلم بے واچ میں کام کرچکی ہیں۔ میگھن مرکل سے ان کی پہلی ملاقات ایک تقریب میں ہوئی جس کے بعد وہ دونوں بہت اچھی دوستیں بن گئیں۔

    پریانکا چوپڑا کا کہنا ہے کہ وہ اپنی دوست کے لیے بہت خوش ہیں۔ ’میں اسے 3 سال سے جانتی ہوں۔ وہ ایک مضبوط اور پرعزم عورت ہے‘۔

    وہ کہتی ہیں کہ میگھن کو صرف یہ کہہ کر نہیں پکارا جاسکتا کہ یہ شہزادے کی گرل فرینڈ ہے، ’اس کی ایک اپنی مضبوط شخصیت ہے جو اس پہچان سے کہیں زیادہ ہے‘۔

    گو کہ شاہی شادی میں ایک مہینے سے بھی کم وقت رہ گیا ہے تاہم پریانکا چوپڑا کے مطابق انہوں نے شادی میں پہننے کے لیے تاحال لباس کا انتخاب نہیں کیا۔

    خیال رہے کہ شہزادہ ہیری اور میگھن مرکل 19 مئی کو شادی کے بندھن میں بندھ جائیں گے۔ ان کی شادی میں برطانوی وزیر اعظم تھریسا مئے اور امریکی صدر ڈونلڈ ٹرمپ کو بھی مدعو نہیں کیا گیا۔

    شاہی شادی میں صرف خاص مہمانوں کو مدعو کیا گیا ہے جن کی تعداد 600 کے قریب ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رقم کی عدم ادائیگی، پریانکا کا عدالت جانے کا اعلان

    رقم کی عدم ادائیگی، پریانکا کا عدالت جانے کا اعلان

    ممبئی: بالی وڈ کی مقبول اداکارہ پریانکا چوپڑا نے رقم کی عدم ادائیگی پر عدالت جانے کا فیصلہ کر لیا، اداکارہ کا کہنا ہے کہ انہوں نے اشتہار میں کام کیا جس کا معاوضہ ایک سال گزرنے کے بعد بھی نہیں ادا کیا گیا۔

    تفصیلات کے مطابق معروف تاجر نیرو مودی نے گزشتہ سال اپنی کمپنی کے اشتہار کے لیے اداکارہ پریانکا اور نوجوان اداکار سدھارتھ ملہوترا کاسٹ کیا مگر ایک سال گزر جانے کے بعد بھی دونوں کو معاوضہ ادا نہیں کیا۔

    پریانکا چوپڑا دنیا کی 100 بااثر خواتین میں شامل

    بھارتی میڈیا کے مطابق پریانکا چوپڑا نے متعدد بار مالک سے رقم کا مطالبہ کیا مگر انہیں معاوضہ نہ مل سکا جس پر  اداکارہ نے پروجیکٹ کے مالک پر برہمی کا اظہار کرتے ہوئے عدالت جانے کا فیصلہ کیا۔

    واضح رہے کہ نیریو مودی پر پہلے ہی الزام ہے کہ وہ بھارت کے دوسرے سب سے بڑے پنجاب نیشنل بینک سے 11 ہزار کروڑ روپے کی دھوکا کرچکے ہیں۔

    بینک ترجمان کے مطابق نیریو مودی تین کمپنیوں کے مالک ہیں جس میں ان کے خاندان کے شیئرز بھی شامل ہیں، انہوں نے غیر قانونی اور دھوکا دہی سے آمدن سے زائد منافع کمایا اور بینک سے قرضہ بھی حاصل کیا جس کی اب تک ادائیگی نہیں کی گئی۔

    پریانکا چوپڑا زیادہ کمانے والے اداکاروں کی فہرست میں شامل

    واضح رہے کہ بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور گذشتہ سال شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خیال رہے سال 2017 میں برطانوی جریدے فوربز کی جانب سے جاری کردہ دنیا کی 100 بااثر خواتین کی فہرست میں بالی وڈ اداکارہ پریانکا چوپڑا کا نام بھی شامل ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • فلم ’’کرش 4‘‘ میں پریانکا چوپڑا کی جگہ کترینہ کیف کو کاسٹ کرنے کا امکان

    فلم ’’کرش 4‘‘ میں پریانکا چوپڑا کی جگہ کترینہ کیف کو کاسٹ کرنے کا امکان

    ممبئی: بالی وڈ کی معروف سائنس فکشن فلم ’’کرش‘‘ کی سیریز کے چوتھے پارٹ میں پریانکا کی جگہ کترینہ کیف کو مرکزی کردار دینے کی بازگشت سامنے آرہی ہے۔

    تفصیلات کے مطابق فلم کرش کی سیریز کے پچھلے دو حصوں (پارٹس)  میں اداکار ہرتیک روشن کے ساتھ پریانکا چوپڑا مرکزی کردار ادا کرچکی ہیں لیکن اب ان کی جگہ بیوٹی کوئین کو کاسٹ کرنے کی اطلاعات سامنے آرہی ہیں۔

    بھارتی میڈیا کے مطابق ہدایت کار نے پہلے پریانکا چوپڑا کو مرکزی کردار دینے کے  بارے میں سوچا تاہم انہوں نے اپنا فیصلہ تبدیل کرتے ہوئے ٹائیگر زندہ ہے کی ہیروئن کو موقع دینے پر غور شروع کردیا۔

    سلمان خان کترینہ کیف پرایک بارپھرمہربان

    فلمی پنڈتوں کے مطابق فلم ’’زندگی نہ ملے گی دوبارہ‘‘ اور ’’ بینگ بینگ‘‘ میں ہرتیک اور کترینہ کی کامیاب جوڑی کو مدد نظر رکھتے ہوئے کرش 4 میں بھی دونوں اداکاروں کو ایک ساتھ جلوہ گر کرنے کے بارے میں سوچ بیچار شروع ہوگئی ہے۔

    فلمی ناقدین کا کہنا ہے کہ اس وقت کترینہ کے کیریر کو منفرد کرداروں کی ضرورت ہے اس لیے امکان ہے کہ ’کرش 4‘ اُن کے لیے بہت اچھی ثابت ہوگی۔

    محبت کو پانے کے لیے بغیر کچھ سوچے اپنا کرئیر قربان کردوں گی، کترینہ کیف

    کرش کے چوتھے پارٹ میں کاسٹ اور دیگر کام فی الوقت شروع نہیں ہوئے مگر یہ امکان ظاہر ہے کہ ہدایت کار جلد اس پروجیکٹ پر کام کا آغاز کردیں گے۔

    دوسری جانب کترینہ کیف کے حوالے سے یہ بھی توقع کی جارہی ہے کہ انہیں بالی وڈ کی نئی آنے والی فلم ’’83‘‘ میں بھی کاسٹ کیا جائے گا، فلم کی کہانی بھارتی کرکٹ ٹیم کے ورلڈ کپ کی جیت پر مبنی ہوگی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پریانکا چوپڑا، ملالہ یوسف زئی کی مداح نکلیں

    پریانکا چوپڑا، ملالہ یوسف زئی کی مداح نکلیں

    نیویارک: نوبل امن انعام یافتہ ملالہ یوسف زئی کی بالی وڈ اداکارہ پریانکا چوپڑا سے ملاقات ہوئی، ملالہ یوسف زئی نے کہا کہ یقین نہیں آرہا ہے کہ پریانکا چوپڑا سے ملی ہوں۔

    پریانکا اور ملالہ کی ملاقات نیویارک میں اقوام متحدہ کے جنرل اسمبلی اجلاس میں ہوئی، پریانکا چوپڑا بھی اس ایونٹ میں بچوں خصوصاً لڑکیوں کی تعلیم کی اہمیت اجاگر کرنے کے سلسلے میں موجود تھیں۔

    ملالہ یوسف زئی نے اپنے ٹوئٹر اکاؤنٹ پر بالی وڈ اداکارہ پریانکا چوپڑا کے ساتھ تصویر شیئر کی اور کہا کہ یقین نہیں آرہا ہے کہ پریانکا سے ملی ہوں۔

    پریانکا چوپڑا نے جواب دیتے ہوئے کہا کہ ملالہ کے لیے الفاظ کافی نہیں مجھے بھی یقین نہیں آرہا کہ میں تم سے ملی ہوں، تمہارے اندر کتنا حوصلہ ہے اور تمہارے نام کے ساتھ کتنی کامیابیاں جڑی ہیں، مجھے تم پر بے حد فخر ہے۔

    ٹوئٹ کے علاوہ پریانکا نے اپنے انسٹا گرام پر ملالہ یوسف زئی کے ساتھ تصویر شیئر کی اور کہا کہ ملالہ یوسف زئی دنیا بھر کی خواتین کو خوب متاثر کررہی ہیں۔

    یاد رہے کہ ملالہ یوسف زئی اور بالی وڈ اداکارہ پریانکا چوپڑا دونوں ہی اقوام متحدہ کی خیر سگالی سفیر ہیں اور بچوں کی تعلیم کے حوالے سے آواز اٹھاتی رہتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پریانکا چوپڑا کی ایک اور ہالی ووڈ فلم

    پریانکا چوپڑا کی ایک اور ہالی ووڈ فلم

    ممبئی: معروف بالی ووڈ اداکارہ پریانکا چوپڑا نے ہالی ووڈ کی ایک اور فلم سائن کرلی ہے جس کی عکس بندی کا جلد ہی آغاز کردیا جائے گا۔

    مس ورلڈ کا تاج سر پر سجانے اور بالی ووڈ میں بے شمار کامیاب فلموں میں کام کرنے کے بعد پریانکا چوپڑا اب ہالی ووڈ میں بھی تیزی سے اپنے قدم جما رہی ہیں اور انہوں نے ہالی ووڈ میں اپنی تیسری فلم بھی سائن کرلی۔

    @priyankachopra in shooting for the new movie #isntromantic #priyankachopra #priyankaqueen #hollywood #isntromantic

    A post shared by PriyankaGreeceFC (@priyankagreek) on

    امریکی ٹی وی شو کوانٹیکو سے اپنے بین الاقوامی کیریئر کا آغاز کرنے کے بعد انہوں نے اپنی پہلی ہالی ووڈ فلم بے واچ میں ڈوائن جانسن دی راک کے ساتھ کام کیا۔ اس کے بعد انہیں دوسری فلم اے کڈ لائیک جیک میں کام کرنے کا موقع ملا جو رواں سال ریلیز ہوگی۔

    اب انہوں نے اپنی تیسری فلم ازنٹ اٹ رومینٹک بھی سائن کرلی ہے جس میں ان کے ساتھ ریبیل ولسن اور ایڈم ڈوائن مرکزی کرداروں میں جلوہ گر ہوں گے۔

    رومانویت اور مزاح پر مبنی اس فلم میں پریانکا چوپڑا ایزابیلا نامی ایک یوگا ٹرینر کے روپ میں دکھائی دیں گی۔

    فلم کی شوٹنگ کا نیویارک میں بہت جلد آغاز کردیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہال کی صفائی کرتا پریانکا کا لباس

    ہال کی صفائی کرتا پریانکا کا لباس

    نیویارک: بالی ووڈ کی معروف اداکارہ پریانکا چوپڑا آج کل ہالی ووڈ میں خاصی مصروف ہیں اور اسی سلسلے میں انہوں نے میٹ گالا کی تقریب میں شرکت کی۔ لیکن ان کا وہاں پہنا جانے والا لباس سب کے مذاق کا نشانہ بن گیا۔

    نیویارک میں ہونے والے میٹ گالا 2017 میں پریانکا چوپڑا نے امریکی فیشن ڈیزائنر رالف لورین کا ڈیزائن کردہ خاکی رنگ کا لباس زیب تن کیا۔

    ان کا لباس خاصا لمبا تھا اور اسے سنبھالنے اور تصاویر کھنچوانے کے لیے انہیں مدد کی ضرورت بھی پڑی۔

    تاہم ان کا یہ لباس بھارتیوں کو ایک آنکھ نہ بھایا اور انہوں نے ٹوئٹر پر اس کا مذاق اڑانا شروع کردیا۔

    زیادہ تر بھارتیوں نے اسے طنزیہ طور پر مودی سرکار کی سواچ بھارت ابھیان نامی صفائی مہم کا حصہ قرار دے ڈالا جس کے تحت پورے بھارت کی سڑکوں اور گلیوں کی صفائی کی جارہی ہے۔

    لوگوں کا کہنا تھا کہ پریانکا چوپڑا نے اس مہم کو اتنی سنجیدگی سے لیا کہ وہ بیرون ملک بھی اپنے لباس کے ذریعے مودی سرکار کی مہم کا حصہ بن گئیں۔

    ایک ٹوئٹر صارف نے ان کے لباس کی تصویر پوسٹ کرتے ہوئے کہا، ’ہمارا ڈوپٹہ ذرا سا زمین کو چھوتا ہے تو مائیں چیخ اٹھتی ہیں، کہ زمین پر لگ رہا ہے‘۔

    ایک شخص نے کہا، ’پریانکا ممبئی پولیس کی سب سے زیادہ فیشن ایبل لیڈی کانسٹیبل ہیں‘۔

    ایک صارف نے کچھ یوں تبصرہ کیا، ’سنی دیول کہتا ہے، اپنا لک (قسمت) پہن کر چلو، پریانکا کہتی ہے، اپنا بیڈ شیٹ (بستر کی چادر) پہن کر چلو‘۔

    کچھ لوگوں نے کہا کہ اگر آئی پی ایل کے میچز کے دوران بارش ہوگئی تو گھبرانے کی ضرورت نہیں، پریانکا کا لباس پورے میدان کو ڈھانپ سکتا ہے۔

    ایک صارف نے ان کی گاڑی میں سفر کی تصویر بھی پوسٹ کی کہ کس طرح وہ اس لباس کے ساتھ تقریب میں پہنچی ہوں گی۔

    طنز اور مذاق کے ساتھ ساتھ ایسے افراد کی بھی کمی نہیں تھی جنہوں نے پریانکا کی تعریف کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پریانکا چوپڑا خلا باز بنیں گی

    پریانکا چوپڑا خلا باز بنیں گی

    ممبئی: بالی ووڈ بھارت کی پہلی خاتون خلا باز کلپنا چاولہ پر فلم بنانے جارہا ہے اور مرکزی کردار کے لیے اداکارہ پریانکا چوپڑا کو کاسٹ کیے جانے کی اطلاعات ہیں۔

    ذرائع کے مطابق پریانکا چوپڑا نے اس اہم کردار کو ادا کرنے کے لیے ہامی بھر لی ہے اور ان کی ٹیم خاتون خلا باز کلپنا کی زندگی کے بارے میں معلومات جمع کر رہی ہے تاکہ پریانکا چوپڑا مکمل طور پر اپنے آپ کو اس کردار میں ڈھال سکیں۔

    پریانکا اس سے پہلے بھی عالمی شہرت یافتہ بھارتی باکسر میری کوم کی زندگی پر بننے والی فلم میں مرکزی کردار ادا کرچکی ہیں۔ اب اپنے اس کردار کے لیے بھی وہ بہت پرجوش ہیں۔

    فلم کی ہدایت کار پریا مشرا ہیں اور بطور ہدایت کار یہ ان کی پہلی فلم ہوگی۔

    کلپنا چاولہ کون ہیں؟

    کلپنا چاولہ خلا میں جانے والی پہلی بھارتی خاتون ہیں۔ وہ سنہ 1997 میں پہلی بار ناسا کے خلائی مشن کے ساتھ خلا میں گئیں۔

    سنہ 2003 میں جب وہ اپنے دوسرے خلائی سفر کے لیے روانہ ہوئیں تو ان کا خلائی جہاز تکنیکی پیچیدگی کا شکار ہوگیا۔

    اس خرابی کو بر وقت ٹھیک نہ کیا جاسکا نتیجتاً واپسی میں جیسے ہی ان کا خلائی جہاز زمین کی حدود میں داخل ہوا اس میں آگ بھڑک اٹھی اور کلپنا سمیت اس میں موجود ساتوں خلا باز مارے گئے۔

    مزید پڑھیں: خلا کو تسخیر کرنے والی باہمت خواتین

    دونوں خلائی مہمات کے دوران کلپنا نے کل 31 دن خلا میں گزارے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔