ARYNews.tv | Urdu – Har Lamha Bakhabar

Tag: پریانکا گاندھی

  • پریانکا گاندھی پر اسرائیلی سفیر کی تنقید، کانگریس رہنماؤں کا سخت ردعمل

    پریانکا گاندھی پر اسرائیلی سفیر کی تنقید، کانگریس رہنماؤں کا سخت ردعمل

    اسرائیل کو آئینہ دیکھانے پر کانگریسی رہنما پریانکا گاندھی کو تنقید کا نشانہ پر کانگریسی رہنماؤں پاون کھیڑا اور گورو گوگوئی نے بھارت میں تعینات اسرائیلی سفیر رووین آزار کو آڑے ہاتھوں لے لیا۔

    کانگریسی رہنما پاون کھیڑا نے ایکس پر لکھا کسی ملک کا سفیر برسرِ اقتدار رکنِ پارلیمنٹ پر اس انداز میں تنقید کرے، یہ ’ناقابلِ برداشت اور غیر معمولی‘ ہے۔

    کانگریسی رہنما کا کہنا تھا کہ جس ملک پر دنیا نسل کشی کے الزامات عائد کر رہی ہے، اس کے سفیر کا موجودہ رکنِ پارلیمنٹ کو نشانہ بنانا بھارتی جمہوریت کی توہین ہے۔

    ایک اور رکن گورو گوگوئی نے بھی اسرائیلی سفیر کے بیان کو پارلیمانی استحقاق کی سنگین خلاف ورزی دیا، پریانکا گاندھی نے کہا تھا اسرائیل غزہ میں نسل کشی کر رہی ہے، بھارتی حکومت کا اس تباہی پر خاموش رہنا شرمناک ہے۔

    واضح رہے کہ بھارت میں اسرائیل کے سفیر ریوین آزر نے پریانکا گاندھی کے بیان کو شرمناک قرار دیا تھا، ریوین آزر کا حالیہ بیان بھارت پر اسرائیلی اثر و رسوخ کی واضح جھلک ہے، بھارت اور اسرائیل کے درمیان صرف دفاعی یا تکنیکی تعاون نہیں بلکہ نظریاتی ہم آہنگی کا گٹھ جوڑ بھی واضح ہوگیا۔

    مودی کے نئے بھارت میں اسرائیلی سفیر ’’وائسرائے‘‘ کی حیثیت رکھنے لگا ہے۔ اسرائیلی سرپرستی اور دباؤ پر مبنی پالیسیوں پر بھارت کے اندر سے آوازیں اٹھنے لگیں۔

  • غزہ میں اسرائیل 60 ہزار سے زائد افراد کا قتل عام کرچکا، پریانکا گاندھی

    غزہ میں اسرائیل 60 ہزار سے زائد افراد کا قتل عام کرچکا، پریانکا گاندھی

    بھارت میں سیاسی جماعت کانگریس کی جنرل سیکریٹری پریانکا گاندھی نے غزہ میں نہتے مظلوم فلسطینیوں کے قتل عام کی مذمت کرتے ہوئے کہا ہے کہ اسرائیل غزہ میں نسل کشی کررہا ہے۔

    بھارتی میڈیا رپورٹس کے مطابق پریانکا گاندھی کا کہنا تھا کہ اسرائیل 60 ہزار سے زیادہ افراد کا قتل عام کرچکا ہے جس میں 18 ہزار 4 سو 30 بچے شامل ہیں۔ اسرائیلی پابندیوں کے باعث سیکڑوں بچوں سمیت کئی افراد غذائی قلت کا شکار ہوکر مر رہے ہیں۔

    پریانکا نے کہا کہ اسرائیل کے ان جرائم پر خاموشی اور اس پر کارروائی نہ ہونا بذات خود ایک جرم ہے، یہ شرمناک ہے کہ اسرائیل غزہ پر تباہی مسلط کر رہا ہے اور بھارتی حکومت خاموش تماشائی کا کردار ادا کررہی ہے۔

    واضح رہے کہ گزشتہ روز بھارتی اپوزیشن لیڈر راہول گاندھی اور پریانکا گاندھی کو حراست میں لے لیا گیا تھا۔ دونوں کو ووٹ چوری مارچ کے دوران گرفتار کیا گیا تھا۔

    راہول گاندھی اپوزیشن ارکان لوک سبھا کے ساتھ پارلیمنٹ سے الیکشن کمیشن آفس مارچ کیلئے جا رہے تھے کہ انہیں دیگر اپوزیشن رہنما کے ہمراہ حراست میں لیا گیا۔

    نریندر مودی کی انتخابی جیت پر راہول گاندھی نے سوال اُٹھا دیا

    راہول گاندھی کا کہنا تھا کہ سچائی پورے ملک کے سامنے ہے، آپ بات نہیں کرسکتے ہیں، حکومت اپوزیشن کی آواز دبانے کیلئے طاقت کا استعمال کررہی ہے۔

    راہول گاندھی نے حراست کے دوران گفتگو میں کہا کہ یہ سیاسی نہیں جمہوریت، آئین اور ون مین ون ووٹ کی لڑائی ہے، ہمیں صاف اور شفاف ووٹر لسٹ چاہیے۔

  • بی جے پی حکومت کے خلاف احتجاج، راہول اور پریانکا گاندھی کئی رہنما سمیت زیرحراست

    بی جے پی حکومت کے خلاف احتجاج، راہول اور پریانکا گاندھی کئی رہنما سمیت زیرحراست

    دہلی(11 اگست 2025): بھارتی اپوزیشن لیڈر راہول گاندھی اور پریانکا گاندھی کو گرفتار کر لیا گیا انہیں ووٹ چوری مارچ کے دوران حراست میں لیا گیا۔

    بھارتی میڈیا کے مطابق راہول گاندھی اپوزیشن ارکان لوک سبھا کے ساتھ پارلیمنٹ سے الیکشن کمیشن آفس مارچ کیلئے جا رہے تھے کہ انہیں دیگر اپوزیشن رہنما کے ہمراہ حراست میں لیا گیا ہے۔

    راہول گاندھی کا کہنا ہے سچائی پورے ملک کے سامنے ہے، آپ بات نہیں کرسکتے ہیں، حکومت اپوزیشن کی آواز دبانے کیلئے طاقت کا استعمال کررہی ہے۔

    راہول گاندھی نے حراست کے دوران گفتگو میں کہا کہ یہ سیاسی نہیں جمہوریت، آئین اور ون مین ون ووٹ کی لڑائی ہے، ہمیں صاف اور شفاف ووٹر لسٹ چاہیے۔

    دوسری جانب بھارتی میڈیا کا کہنا ہے کہ فی الحال مارچ رک گیا ہے، دہلی پولیس کی جانب سے حراست میں لیے گئے رہنماؤں کو بس میں لے جایا جا رہا ہے۔

    دوسری جانب دہلی پولیس کا کہنا ہے کہ الیکشن کمیشن کی طرف سے اپوزیشن رہنماؤں کو وقت دیا گیا تھا لیکن وہ اس کے دفتر نہیں گئے بلکہ سڑک پر ہنگامہ کر رہے ہیں۔

    واضح رہے کہ بھارتی اپوزیشن جماعتیں مودی سرکار اور الیکشن کمیشن گٹھ جوڑ کے خلاف سرپا احتجاج ہیں، بھارتی اپوزیشن جماعتوں نے الیکشن کمیشن آفس تک احتجاجی ریلی کا اعلان کر رکھا تھا۔

  • کنگنا نے پریانکا گاندھی سے کس چیز کا مطالبہ کیا؟

    کنگنا نے پریانکا گاندھی سے کس چیز کا مطالبہ کیا؟

    بھارتی فلم انڈسٹری کی معروف اداکارہ اور سیاستدان کنگنا رناوت نے پریانکا گاندھی کو اپنی آنے والی فلم ’ایمرجنسی‘ دیکھنے کی دعوت دے دی۔

    بھارتی میڈیا کا اس حوالے سے کہنا ہے کہ 38 سالہ کنگنا رناوت ان دنوں اپنی آنے والی فلم ’ایمرجنسی‘ کی تیاریوں میں مصروف ہیں، جو کہ 17 جنوری کو ریلیز ہو رہی ہے۔

    کنگنا کا کہنا تھا کہ انہوں نے پریانکا گاندھی کو فلم دیکھنے کے لیے دعوت نامہ بھجوایا ہے۔

    بھارتی میڈیا کا کہنا ہے کہ یہ فلم 1975ء سے 1977ء کے 21 ماہ کے عرصے پر بنائی گئی ہے جب سابق وزیرِ اعظم اندرا گاندھی نے اندرونی اور بیرونی خطرات کا حوالہ دیتے ہوئے بھارت بھر میں ہنگامی حالت نافذ کردی تھی، کنگنا اس فلم میں اندرا گاندھی کا کردار ادا کر رہی ہیں۔

    کنگنا کا بھارتی میڈیا سے بات کرتے ہوئے کہنا تھا کہ میری پریانکا گاندھی سے پارلیمنٹ میں ملاقات ہوئی تھی اور اس وقت جو پہلی بات میں نے ان سے کہی وہ یہ تھی کہ آپ کو فلم ایمرجنسی دیکھنی چاہیے۔

    کنگنا کا کہنا تھا کہ میری بات پر پریانکا گاندھی نے بہت ہی اچھے اور نرم انداز میں کہا تھا کہ ہاں ہو سکتا ہے میں فلم دیکھوں۔

    کنگنا نے کہا کہ تو دیکھتے ہیں کہ وہ فلم دیکھنا چاہیں گی یا نہیں، میرے خیال میں یہ فلم ایک واقعے اور ایک شخصیت کی بہت ہی حساس اور سمجھدار تصویر کشی ہے۔

    شادی کی ناکامی کے 99 فیصد کیسز میں مرد قصوروار ہوتے ہیں، کنگنا رناوت

    کنگنا نے یہ بھی کہا کہ میں نے اندرا گاندھی کے حوالے سے کافی ریسرچ کی اور اس بارے میں بہت مواد موجود ہے، وہ بہت اچھی لیڈر تھیں، کوئی 3 بار وزیر اعظم بن جائے یہ آسان نہیں ہے۔

  • پریانکا گاندھی کا فلسطینیوں سے اظہار یکجہتی کے لئے انوکھا اقدام

    پریانکا گاندھی کا فلسطینیوں سے اظہار یکجہتی کے لئے انوکھا اقدام

    بھارت میں کانگریس کی نو منتخب رکن پارلیمنٹ پریانکا گاندھی نے فلسطینیوں سے کھل کر اظہار یکجہتی کیا، رکن منتخب ہونے کے بعد پارلیمنٹ کے اپنے پہلے ہی اجلاس میں فلسطین لکھا ہوا بیگ لے کر انٹری دے دی۔

    غیر ملکی ذرائع ابلاغ کے مطابق پریانکا گاندھی اس سے قبل بھی غزہ میں ہونے والے مظالم کے خلاف اپنی آواز بلند کرتی رہی ہیں، انہوں نے گزشتہ ہفتے بھارت میں فلسطینی ناظم الامور سے بھی ملاقات کی تھی۔

    حکمران جماعت بی جے پی کے اراکین نے ان کے اس عمل کو تنقید کا نشانہ بنایا اور کہا کہ لوگ ایسی حرکتیں خبروں میں توجہ حاصل کرنے کے لئے کرتے ہیں۔

    گزشتہ روز کانگریس رہنما پریانکا نے مودی کی تقریر کو بورنگ کہہ دیا، اور نریندر مودی کی پارلیمنٹ میں 110 منٹ سے زائد کی تقریر کو اسکول کے ریاضی کے ڈبل پیریڈ جیسا قرار دیا۔

    اُنہوں نے کہا مودی کی تقریر تھی یا ریاضی کا ڈبل پیریڈ، مودی نے ایک بھی ایسی بات نہیں کہی جو نئی ہو، انھوں نے ہمیں بہت بور کر دیا تھا، یہ مجھے دہائیوں پیچھے لے گیا اور ایسا لگا جیسے میں ریاضی کے اُس ڈبل پیریڈ میں بیٹھی ہوں۔

    سال 2024 میں عالمی منظر نامے پر رونما ہونے والے اہم واقعات

    انھوں نے کہا ”(وزیر کیمیکلز اینڈ فرٹیلائزر) جے پی نِڈا جی بھی ہاتھ مل رہے تھے لیکن جیسے ہی مودی ان کی طرف دیکھتے تو وہ ایسی اداکاری کرنے لگتے جیسے توجہ سے سن رہے ہوں، امیت شاہ نے بھی اپنا سر پکڑ رکھا تھا، پیوش گوئل اونگھ رہے تھے، یہ میرے لیے ایک نیا تجربہ تھا، میں نے سوچا تھا کہ وزیر اعظم کچھ نیا، کچھ اچھا کہیں گے۔“

  • مودی کی تقریر تھی یا ریاضی کا ڈبل پیریڈ، بہت بور کر دیا، پریانکا گاندھی

    مودی کی تقریر تھی یا ریاضی کا ڈبل پیریڈ، بہت بور کر دیا، پریانکا گاندھی

    نئی دہلی: پریانکا گاندھی نے وزیر اعظم نریندر مودی کی تقریر کو اسکول میں ریاضی کا پیریڈ قرار دے دیا۔

    بھارتی میڈیا رپورٹس کے مطابق بھارتی سیاسی جماعت کانگریس کی رہنما پریانکا گاندھی نے مودی کی تقریر کو بورنگ کہہ دیا، اور نریندر مودی کی پارلیمنٹ میں 110 منٹ سے زائد کی تقریر کو اسکول کے ریاضی کے ڈبل پیریڈ جیسا قرار دے دیا۔

    پریانکا گاندھی نے کہا مودی کی تقریر تھی یا ریاضی کا ڈبل پیریڈ، مودی نے ایک بھی ایسی بات نہیں کہی جو نئی ہو، انھوں نے ہمیں بہت بور کر دیا تھا، یہ مجھے دہائیوں پیچھے لے گیا اور ایسا لگا جیسے میں ریاضی کے اُس ڈبل پیریڈ میں بیٹھی ہوں۔

    انھوں نے کہا ’’(وزیر کیمیکلز اینڈ فرٹیلائزر) جے پی نِڈا جی بھی ہاتھ مل رہے تھے لیکن جیسے ہی مودی ان کی طرف دیکھتے تو وہ ایسی اداکاری کرنے لگتے جیسے توجہ سے سن رہے ہوں، امیت شاہ نے بھی اپنا سر پکڑ رکھا تھا، پیوش گوئل اونگھ رہے تھے، یہ میرے لیے ایک نیا تجربہ تھا، میں نے سوچا تھا کہ وزیر اعظم کچھ نیا، کچھ اچھا کہیں گے۔‘‘

    اگر پارلیمنٹ کھود کر کوئی چیز نکالوں تو کیا وہ میری ہوگی؟ اسد الدین اویسی

    وزیر اعظم مودی نے اپنی تقریر میں گاندھی خاندان کو تنقید کا نشانہ بنایا، اور کہ کانگریس کے ایک خاندان نے آئین کو پامال کرنے میں کوئی کسر نہیں چھوڑی، میں اس ایک خاندان کا ذکر کر رہا ہوں کیوں کہ ہمارے 75 سال کے سفر میں انھوں نے 55 سال حکومت کی، اس خاندان کی غلط سوچوں، بری پالیسیوں کی روایت مسلسل جاری ہے۔ اس خاندان نے ہر سطح پر آئین کو چیلنج کیا ہے۔

  • پریانکا گاندھی بھی اسرائیلی وحشیانہ مظالم کے خلاف بول پڑیں

    پریانکا گاندھی بھی اسرائیلی وحشیانہ مظالم کے خلاف بول پڑیں

    نئی دہلی : بھارت کی اپوزیشن جماعت کانگریس کی رہنما پریانکا گاندھی کا کہنا ہے کہ غزہ میں صورتحال ہولناک اورشرمناک کےالفاظ سےآگےبڑھ چکی، عالمی برادری غزہ میں جنگ بندی کرائے۔

    تفصیلات کے مطابق بھارت کی اپوزیشن جماعت کانگریس کی رہنما پریانکا گاندھی بھی اسرائیلی وحشیانہ مظالم کے خلاف بول پڑیں۔

    پریانکاگاندھی نے سوشل میڈیا پر اپنے بیان میں لکھا کہ ‘غزہ میں صورتحال ہولناک اورشرمناک کےالفاظ سےآگے بڑھ چکی ہے، غزہ میں دس ہزارشہریوں کا قتلِ عام ہوچکا ، جن میں تقریباً پانچ ہزاربچے شامل ہیں، پناہ گزینوں کے کیمپوں، اسپتالوں اور ایمبولینسوں کو بموں سے نشانہ بنایا جارہاہے۔

    انکا کہنا تھا کہ نام نہاد آزاد دنیا کے رہنما فلسطین میں نسل کشی کی مالی معاونت اور حمایت جاری رکھے ہوئے ہیں، بین الاقوامی برادری کو فوری طور پر جنگ بندی کرانی چاہئے، ایسا نہ ہوا تو عالمی برادری کے پاس کوئی اخلاقی جواز نہیں بچے۔

  • رابڑی دیوی کی رہائش گاہ پر سی بی آئی کا چھاپا، پریانکا گاندھی کا سخت رد عمل

    رابڑی دیوی کی رہائش گاہ پر سی بی آئی کا چھاپا، پریانکا گاندھی کا سخت رد عمل

    نئی دہلی: بہار کی سابق وزیر اعلیٰ اور لالو پرساد یادو کی بیوی رابڑی دیوی کی رہائش گاہ پر سی بی آئی کے چھاپے پر پریانکا گاندھی نے سخت رد عمل ظاہر کیا ہے۔

    بھارتی میڈیا کے مطابق پریانکا گاندھی نے ایک بیان میں مودی سرکار کو تنقید کا نشانہ بناتے ہوئے کہا ہے کہ جن رہنماؤں نے بی جے پی کے سامنے جھکنے سے انکار کیا ہے، انھیں اب سی بی آئی کے ذریعے ہراساں کیا جا رہا ہے۔

    لالو پرساد یادو کی بیوی رابڑی دیوی کی رہائش گاہ پر چھاپے پر حزب اختلاف کے رہنما مودی سرکار کو تنقید کا نشانہ بنا رہے ہیں، کانگریس جنرل سیکریٹری پریانکا گاندھی نے بھی اس سلسلے میں ایک ٹوئٹ میں مرکزی حکومت پر اپوزیشن رہنماؤں کو پریشان کرنے کے حوالے سے تنقید کی ہے۔

    پریانکا گاندھی نے اپنے ٹوئٹ میں لکھا کہ ’’جو اپوزیشن لیڈر بی جے پی کے سامنے جھکنے کو تیار نہیں ہیں، انھیں ای ڈی-سی بی آئی کے ذریعے پریشان کیا جا رہا ہے۔‘‘

    پریانکا نے لکھا کہ آج رابڑی دیوی جی کو پریشان کیا جا رہا ہے، لالو پرساد جی اور ان کے کنبے کو سالوں سے ہراساں کیا جا رہا ہے کیوں کہ وہ جھکے نہیں، بی جے پی اس طرح اپوزیشن کی آواز دبانا چاہتی ہے۔‘‘

    اس سے قبل رابڑی دیوی کے بیٹے اور بہار کے نائب وزیر اعلیٰ تیجسوی یادو نے بھی اپنی ماں کی رہائش گاہ پر سی بی آئی ٹیم کی آمد پر شدید رد عمل کا اظہار کیا۔ انھوں نے کہا ’’بی جے پی کو آئینہ دکھانے والوں کے خلاف ای ڈی اور سی بی آئی جیسی ایجنسی کارروائی کر رہی ہے، عوام سب دیکھ رہی ہے۔‘‘

    انھوں نے کہا کہ بی جے پی کے ساتھ رہنے یا ان کے ساتھ جانے والے راجہ ہریش چندر ہو جاتے ہیں۔

    واضح رہے کہ سی بی آئی کی ٹیم نے پیر کے روز بہار کی سابق وزیر اعلیٰ رابڑی دیوی کے پٹنہ میں واقع رہائش گاہ پر چھاپا مارا تھا، جس کا مقصد سابق وزیر ریل لالو پرساد یادو اور دیگر کے خلاف زمین کے بدلے ملازمت کے اسکینڈل میں تحقیقات کرنا تھا۔

  • کانگریس کی حکومت میں کسان مخالف قوانین واپس ہوں گے: پریانکا گاندھی

    کانگریس کی حکومت میں کسان مخالف قوانین واپس ہوں گے: پریانکا گاندھی

    سہارنپور: کانگریس کی سیکریٹری پریانکا گاندھی نے کہا ہے کہ جب کانگریس کی حکومت آئے گی تو سبھی کسان مخالف قوانین واپس ہوں گے۔

    تفصیلات کے مطابق اتر پردیش میں آل انڈیا کانگریس کمیٹی کی سیکریٹری پریانکا گاندھی آج کسان مہا پنچایت میں پہنچی، اور مودی سرکار کے عائد کر دہ ظالمانہ کسان مخالف قوانین کے خلاف احتجاج کرنے والے کسانوں سے خطاب کیا۔

    انھوں نے کہا جب کانگریس کی حکومت بنے گی تو قانون آپ کی مدد کے لیے بنیں گے، نہ کہ آپ کو پیسنے کے لیے، ہم آپ کے دلوں کے ساتھ اور زندگی کے ساتھ سیاست نہیں کریں گے، مذہب اور ذات کے نام پر آپ کو نہیں توڑیں گے، یہ سارے قانون واپس ہوں گے اور آپ کو ایم ایس پی کی پوری قیمت ملے گی۔

    پریانکا نے مرکز کی مودی حکومت کو کسان مخالف، مزدور مخالف اور عوام مخالف قرار دیا، اور کہا 56 انچ کے سینے کے اندر ایک چھوٹا سا دل ہے جو صرف کچھ صنعت کاروں کے لیے دھڑکتا ہے، جاگ جائیں، جن سے آپ امید رکھ رہے ہیں یہ آپ کے لیے کچھ نہیں کریں گے۔

    انھوں نے کہا 16 ہزار کروڑ کے 2 ہوائی جہاز لے لیے اور 20 ہزار کروڑ پارلیمنٹ کی سجاوٹ میں صرف کر دیے، لیکن کسانوں کے بقایا 15 ہزار کروڑ آج تک نہیں دیے۔

    متنازعہ زرعی قوانین کے حوالے سے کسانوں کی جاری تحریک کا تذکرہ کرتے ہوئے پریانکا گاندھی نے کہا یہ آپ کی زمین کی تحریک ہے، آپ پیچھے مت ہٹیں، ہم آپ کے ساتھ کھڑے ہیں، جب تک یہ بل واپس نہیں ہوتے تب تک ڈٹے رہنا ہے۔

    واضح رہے کہ کانگریس جنرل سکریٹری پریانکا گاندھی نے آج صبح ایک ٹوئٹ کیا تھا جس میں انھوں نے کہا تھا کہ وہ کسانوں کے دل کی بات سننے، سمجھنے اور ان سے اپنے جذبات کا اظہار کرنے کے لیے سہارنپور پہنچیں گی۔

  • مودی سرکار بزدل ہے: پریانکا گاندھی کا بیان

    مودی سرکار بزدل ہے: پریانکا گاندھی کا بیان

    نئی دہلی: آل انڈیا کانگریس کمیٹی کی سیکریٹری جنرل پریانکا گاندھی نے مودی سرکار کو بزدل قرار دے دیا ہے۔

    تفصیلات کے مطابق بھارت کے تیس کے قریب شہروں میں مسلم مخالف بل کے خلاف جاری مظاہروں کے دوران مودی سرکار کی جانب سے بد ترین تشدد کے تناظر میں کانگریسی خاتون رہنما پریانکا گاندھی نے بیان دیا ہے کہ مودی سرکار بزدلی کا مظاہرہ کر رہی ہے۔

    پریانکا گاندھی نے کہا کہ عوام کی آواز سننے کی بہ جائے صحافیوں اور طلبہ کی آواز کو دبایا جا رہا ہے، مودی سرکار عوام کی آواز سے خوف زدہ ہو چکی ہے۔ اپوزیشن رہنما کا یہ بھی کہنا تھا کہ مودی سرکار ڈکٹیٹر شپ سے طلبہ کو ہراساں کرنا چاہتی ہے۔

    خیال رہے کہ گزشتہ روز مودی سرکار نے دہلی کی جامعہ ملیہ کے طلبہ پر وحشیانہ تشدد کیا، بھارتی میڈیا کا کہنا ہے کہ پولیس گرلز ہاسٹل اور جامعہ ملیہ کی مسجد میں بھی گھس گئی، اور پناہ گزین طالبات پر تشدد اور بد سلوکی کی۔

    تازہ ترین:  بھارتی پولیس اور نیم فوجی دستوں کا مظاہرین پر بدترین تشدد، بڑے پیمانے پر ہلاکتوں کا خدشہ

    بھارتی پولیس نے طلبہ پر بدترین تشدد کرتے ہوئے متعدد طلبہ کو زخمی کیا اور کئی طلبہ کو گرفتار کر کے لے گئی، جس کے بعد دہلی سمیت مختلف شہروں میں طلبہ نے کلاسز کے بائیکاٹ کا اعلان کر دیا ہے، بھارتی میڈیا کے مطابق جامعہ ملیہ کے طلبہ و طالبات کے خلاف رات بھر کریک ڈاؤن کیا گیا۔

    خیال رہے کہ بھارت میں مسلمان مخالف، ہندو نواز متنازع بل کے خلاف بڑے پیمانے پر احتجاج جاری ہے، پرتشدد مظاہروں میں بڑے پیمانے پر ہلاکتوں کا خدشہ ہے، بھارتی پولیس اور نیم فوجی دستے مظاہرین پر بدترین تشدد کر رہے ہیں۔ بی جے پی اور آر ایس ایس کے خلاف پورا ملک نعروں سے گونج اٹھا ہے، بھارت کے 30 کے قریب شہروں میں احتجاجی مظاہروں کا سلسلہ جاری ہے۔