Tag: پریس کانفرنس

  • عمران خان کرکٹ کی مثالوں سے باہر نکلیں،دانیال عزیز

    عمران خان کرکٹ کی مثالوں سے باہر نکلیں،دانیال عزیز

    اسلام آباد : مسلم لیگ نواز کے رہنما دانیال عزیز نے کہا ہے کہ دھمکیاں دینے سے کام نہیں چلے گا، عمران خان کرکٹ کی مثالوں سے باہر نکلیں۔

    تفصیلات کے مطابق نواز لیگ کے رہنماؤں نے بھی پریس کانفرنس کر کے تحریک انصاف کے سربراہ عمران خان کو جواب دے ڈالا۔

    عمران خان الیکشن کمیشن پر برسے تو مسلم لیگ ن کے رہنماؤں نے بھی جوابی پریس کانفرنس کرڈالی۔ دانیال عزیز نے عمران خان کو آڑےہاتھوں لیا۔

    پریس کانفرنس سے خطاب کرتے ہوئے دانیال عزیز کا کہنا تھا کہ دھمکیاں دینے سے کام نہیں چلے گا۔ عمران خان کرکٹ کی مثالوں سے باہر نکلیں۔

    عمران خان کو نئی سیاسی چال سمجھ نہ آئی تو الیکشن کمیشن ارکان سے استعفے مانگ لئے۔ ان ارکان کو ہٹانے کا آئینی طریقہ موجود ہے۔ اوچھے ہتھکنڈوں اور دھمکیوں سے کام نہیں چلے گا۔

    تحریک انصاف پارلیمانی سیاست میں ناکام ہو چکی ہے۔ خان صاحب شرم اور استعفوں کا رجسٹر اب الماری میں رکھ دیں۔ان کا کہنا تھا کہ کپتان جمہوریت کی مخالفت نہ کریں۔ اسلام آباد بند کرنے یا اسمبلی کو نشانہ بنانے سے کچھ نہیں ہوگا۔

    پی ٹی آئی کے دھرنے پر ن لیگی رہنما طارق فضل کا کہنا تھا کہ کنٹینر کے اوپر تو ثبوت واضح تھے مگر جوڈیشل کمیشن کے سامنے نہ وہ نام پیش کئے گئے اورنہ ہی ان شخصیات کا ذکر کیا گیا۔

    دانیال عزیز نے کہا کہ کے پی کے حکومت نے بجلی کے فنڈز سےاسٹاک مارکیٹ میں سٹہ کیوں کھیلا؟

  • سندھ پولیس میں اکھاڑ پچھاڑ،4اہم افسران کی خدمات وفاق کو واپس

    سندھ پولیس میں اکھاڑ پچھاڑ،4اہم افسران کی خدمات وفاق کو واپس

    کراچی: آئی جی سندھ سے اختلا فات کی بنیاد پرصوبےکے چار پولیس افسران کی خدمات وفاق کو واپس کردی گئیں۔

    جاری نوٹیفکیشن کے مطابق سابق ایڈیشنل آئی جی کراچی غلام قادری تھیبو ایڈیشنل آئی جی کائونٹر ٹریررزم ڈیپارٹمنٹ ثناَء اللہ عباسی ڈی آئی جی ایڈمن سلطان خواجہ اور ایس ایس پی طارق دھاریجو کی خدمات وفاقی حکومت کے حوالے کی گئیں۔

     ذرائع کے مطابق ایڈیشنل آئی جی کراچی کو آئی جی سندھ سے اختلافات کے باعث پہلے ہی ایڈیشنل آئی جی کے عہدے سے ہٹایا گیا تھا۔

  • پی ٹی آئی اراکین کی اسمبلی رکنیت آئین و قانون کی مرہون منت ہے،اسد عمر

    پی ٹی آئی اراکین کی اسمبلی رکنیت آئین و قانون کی مرہون منت ہے،اسد عمر

    اسلام آباد : پاکستان تحریک انصاف کے رہنماء اسد عمر نے کہا ہے کہ قومی اسمبلی کی رکنیت کسی جماعت کی نہیں آئین و قانون کی مرہون منت ہے،پی ٹی آئی ارکان کوڈی سیٹ کئے جانے سے متعلق جو فیصلہ ہو گا قبول کریں گے۔

    تفصیلات کے مطابق اسلام آباد میں پریس کانفرنس کرتے ہوئے اسد عمر نے کہا کہ اسمبلی کی یاد میں بے حال ہو کر ایوان میں واپس نہیں گئے تھے بلکہ حکومت اور اپوزیشن کی مہینوں سر توڑ کوششوں اور اصرار کے باعث قومی اسمبلی گئے۔

    جبکہ اسمبلی میں واپسی کے لئے حکومت اور پی ٹی آئی کے مابین باقاعدہ معاہدہ طے پایا تھا۔

    انہوں نے کہا کہ اسمبلی کی رکنیت آئین و قانون کی مرہون منت ہے،پی ٹی آئی ارکان کوڈی سیٹ کئے جانے سے متعلق جو فیصلہ ہو گا قبول کریں گے۔

    اس موقع پر اسد عمر نے پی ٹی آئی کی جانب سے مفت قانونی معاونت سروس کا آغاز بھی کیا۔سروس کے تحت پی ٹی آئی کے وکلاء اسلام آباد کے ان رہائشیوں کو مفت قانونی معاونت فراہم کرے گاجو وکلاء کی بھاری بھر کم فیسیں برداشت نہیں کر سکتے۔

  • عمران خان نے مجھ پرالزامات ذاتی طور پر لگائے، افتخار چوہدری

    عمران خان نے مجھ پرالزامات ذاتی طور پر لگائے، افتخار چوہدری

    اسلام آباد : سابق چیف جسٹس افتخار چوہدری کا کہنا ہے کہ عمران خان نے ان کے خلاف الزامات ذاتی طور پر لگائے یہ ان کی پارٹی تحریک انصاف کی پالیسی لائن نہیں تھی۔

    ان خیالات کا اظہار انہوں نے اسلام آباد میں پریس کانفرنس کرتے ہوئے کیا، افتخار چوہدری نے کہا کہ عمران خان نے دھرنے کے دوران بڑے لوگوں پر الزام لگائے لیکن ثابت نہ کر سکے اس لئے تحقیقات کی جائے۔

    انہوں نے کہا کہ عمران خان نے ان پر الزامات کی بوچھاڑ کر دی، ریاست دھرنے کی وجوہات کی تفصیلی تحقیقات کرے۔

  • عمران خان کو مشورہ دینے والے جرنیلوں کا کورٹ مارشل ہونا چاہیے، جاوید ہاشمی

    عمران خان کو مشورہ دینے والے جرنیلوں کا کورٹ مارشل ہونا چاہیے، جاوید ہاشمی

    ملتان: سینئر سیاست دان مخدوم جاوید ہاشمی نے کہا کہ جوڈیشل کمیشن کا فیصلہ جو بھی آیا ہمیں اسی فیصلہ کی توقع تھی جیسا بھی جوڈیشل کمیشن تھا اس پر تمام سیاسی جماعتیں متفق تھیں۔

    اپنی رہائش گاہ پر میڈیا سے گفتگو کرتے ہوئے مخدوم جاوید ہاشمی کا کہنا تھا کہ عمران خان پرانے نظام کو ختم کرنا چاہتے ہیں عمران خان سیاست کو صحیح طرح سے نہیں سمجھ سکے۔

    انہوں نے کہا کہ عمران خان کو کچھ لوگ استعمال کرکے سائیڈ پر ہوگئے، شیخ رشید اب کسی اور کے کانوں میں مشورے دیں گے،عمران خان کو مشورہ دینے والے جرنیلوں کا کورٹ مارشل ہونا چاہیے۔

    جاوید ہاشمی کا کہنا تھا کہ عمران خان کی سیاست کو اس کے اپنے نااہل فیصلوں نے دفن کردیا،تحریک انصاف عمران خان نے بنائی اور وہی اسے توڑ سکتے ہیں، عمران خان کے بغیر پی ٹی آئی کچھ بھی نہیں، عمران خان نے نوجوانوں کو گالی دینا سکھایا اب تربیت بھی کریں۔

    ان کا کہنا تھا کہ جوڈیشل کمیشن کا فیصلہ قوم کو متحد کرنے کا فیصلہ ہے اب قوم آرام کرسکتی ہےجوڈیشل کمیشن کے فیصلہ سے قوم کو اپنے ووٹ پر اعتماد بڑھ گیا ہے ملک میں اب مارشل لا کا کوئی امکان نہیں۔

  • چوہدری نثار کے بیان کی مذمت کرتے ہیں، فاروق ستار

    چوہدری نثار کے بیان کی مذمت کرتے ہیں، فاروق ستار

    کراچی: ایم کیوایم کے رہنما فاروق ستار نے وزیر داخلہ چوہدری نثار کے بیان کی مذمت کرتے ہوئے کہا کہ ایم کیوایم فوج کے ساتھ تھے اور رہے گے۔

    متحدہ قومی مومنٹ کے رہنما فاروق ستار کا کہنا ہے چوہدری نثار نے الطاف حسین کی تقریر کے دو تین الفاظ اٹھا کر بات کی ہے۔

    فاروق ستار نے کہا ہے کہ الطاف حسین کی تقریر پر چراغ پا ہونے والے وفاقی وزیر داخلہ اس وقت کہاں تھے جب آصف زرداری فوج کو للکار رہے تھے۔

    ان کا کہنا تھا کہ الطاف حسین کے بیان پر چوہدری نثار طیش میں آگئے لیکن وہ اس وقت کہاں تھے جب سابق صدر آصف زرداری فوج کو للکار رہے تھے۔

    فاروق ستار کا کہنا تھا کہ چوہدری نثار کو معلو م ہونا چاہیئے کہ مہاجر قوم اب جاگ چکی ہے اور وہ کسی گیدڑ بھبکی میں نہیں آئے گی۔

    رابطہ کمیٹی ارکان کا کہنا تھا کہ مہاجروں کے خلاف آپریشن کرنے کا شوق ہے تو وہ بھی پورا کر کے دیکھ لیا جائے، انہوں نے کہا کہ الطاف حسین کے چاہنے والوں کی تعداد کم نہیں ہوگی۔

  • الیکشن 2013 : دھاندلی میں الیکشن کمیشن بھی ملوث تھا، عمران خان

    الیکشن 2013 : دھاندلی میں الیکشن کمیشن بھی ملوث تھا، عمران خان

    اسلام آباد : پاکستان تحریک انصاف کے چیئر مین عمران خان نے کہا ہے کہ ہم نےپینتیس پنکچروں کی بات کی تھی یہاں تو پورا ٹائر ہی پنکچر نکلا۔ ڈھائی کروڑ ووٹ کہاں گئے؟بیس ہزار فارم پندرہ لاپتہ ہیں۔

    ان خیالات کا اظہار انہوں نے اسلام آباد میں پریس کانفرنس  سے خطاب کرتے ہوئے کیا،ان کا کہنا تھا کہ چھپن ہزار پولنگ اسٹیشنز میں سے بیس ہزار کےفارم پندرہ غائب ہیں، ڈھائی کروڑ ووٹ کہاں گئےٰ؟

    عمران خان کا کہنا تھا کہ 2013ء کے عام انتخابات میں ہونے والی دھاندلی میں الیکشن کمیشن بھی ملوث تھا۔ الیکشن کمیشن نے چار مرتبہ اپنا بیان بدلا۔

    فارم پندرہ کے بغیر فارم 14 نہیں بن سکتا۔ مسلم لیگ (ن) فارم پندرہ کے حوالے سے افواہیں پھیلا رہی ہے۔ عمران خان نے کہا کہ اس سے پہلے کسی الیکشن میں دھاندلی کی تحقیقات نہیں ہوئیں۔

    تحریک انصاف کے سربراہ کا کہنا تھا کہ فارم پندرہ سےمتعلق ن لیگ نے غیر ذمہ دارانہ مہم چلائی ، پینتیس پنکچروں کا ذکر کرتے ہوئے عمران خان نے کہا کہ فارم پندرہ کے انکشاف کے بعد الیکشن کا پورا ٹائر پنکچر ہوگیاہے۔

    انہوں نے کہا کہ وہ نون لیگ کے مطالبے پر ایک ایک ووٹ گننے کو تیار ہیں، عمران خان نےکہا کہ خواجہ سعدرفیق کےحلقےمیں بیس ہزارآٹھ سو اضافی بیلٹ پیپرزبھیجےگئے،جبکہ حمزہ شہباز کےحلقےمیں باون ہزاراضافی بیلٹ پیپرزاضافی ڈالےگئے۔

    انہوں نے سوال کیا کہ نواز شریف کی تقریر کے بعد آر ایم ایس سسٹم بند ہوا اس کی تحقیقات کیوں نہیں ہوئیں؟

  • ایم کیو ایم کو دیوار سے لگانا مسائل کا حل نہیں ہے، فاروق ستار

    ایم کیو ایم کو دیوار سے لگانا مسائل کا حل نہیں ہے، فاروق ستار

    کراچی:ایم کیو ایم کے مرکزی رہنماء ڈاکٹر فاروق ستار نے کہا ہے کہ متحدہ قومی موومنٹ کیخلاف کل رات سے ایک بار پھر میڈیا ٹرائل شروع کیا گیا ہے۔

    انہوں نے کہا کہ ایم کیو ایم کو دیوار سے لگانا مسائل کا حل نہیں ہے، اگر رینجرز کی رپورٹ ہم سے منسوب ہے تو ایم کیو ایم اس کی شدید مذمت کرتی ہے۔

    خدمت خلق فائونڈیشن کی چالیس سال کی خدمات کو ایک دم بھلا کر اس پر الزمات کی بوچھاڑ کر دی گئی ۔ این اے دو سوپینتالیس کے انتخابات کی طرح ایم کیو ایم اس آزمائش سے بھی سرخرو ہو کر نکلے گی۔

    ان خیالات کا اظہار انہوں نے کراچی میں ہنگامی پریس کانفرنس سے خطاب کرتے ہوئے کیا، ڈاکٹر فاروق ستار کا کہنا تھا کہ گزشتہ کئی سالوں سے ایم کیو ایم کیخلاف بے بنیاد الزامات لگائے جا رہے ہیں، لیکن آج تک عدالت کی جانب سے کوئی الزام ثابت نہیں ہو سکا۔

    ایم کیو ایم پر جبراً فطرہ اور زکوٰۃ لینے کے الزام کو مسترد کرتا ہوں۔ انہوں نے کہا 1992 سے باقاعدہ منصوبے کے تحت متحدہ قومی موومنٹ کو کرمنلائز کیاگیا۔

    انہوں نے کہا  کہ ایم کیو ایم کو دیوار سے لگانا مسائل کا حل نہیں ہے،  ان کا کہنا تھا کہ ہم پر الزام لگایاگیا کہ ایم کیو ایم انتخابات میں ٹھپے پر انحصار کرتی ہے، لیکن این اے 246 کے انتخابات میں عوام کے اتحاد کی مثال نہیں ملتی۔

    فاروق ستار نے کہا کہ ملک بھر میں ایدھی فاؤنڈیشن کے بعد خدمت خلق فاؤنڈیشن کی فلاحی سرگرمیاں قابل تعریف ہیں لیکن کے کے ایف کی فلاحی خدمات کو پس پشت ڈال دیا گیا،انہوں نے کہا کہ ایم کیو ایم کے تحت صحت مراکز بھی قائم کئے گئے ہیں۔

  • صحافیوں پر تشدد، اے آئی جی نے تحقیقات کی یقین دہانی کرادی

    صحافیوں پر تشدد، اے آئی جی نے تحقیقات کی یقین دہانی کرادی

    کراچی : ایڈیشنل آئی جی غلام قادر تھیبو نے گذشتہ روز سندھ ہائیکورٹ میں صحافیوں پر تشدد کےواقعے کی شفاف تحقیقات کی یقین دہانی کرا ئی ہے۔

    سندھ ہائیکورٹ کے باہر گذشتہ روز صحافیوں پر وحشیانہ تشدد کیخلاف صحافیوں نے ایڈیشنل آئی جی غلام قادر تھیبو کی پریس کانفرنس میں شدید احتجاج کیا۔

    سندھ ہائیکورٹ میں گذشتہ روزسابق صوبائی وزیرداخلہ ذوالفقار مرزا کی پیشی کےموقع پر پولیس اہلکاروں کی جانب سےصحافیوں پر بدترین تشدد کیا گیا۔ انہیں سڑک پر گھسیٹا گیا اور کیمرے توڑ دیئے گئے۔

    صحافیوں نےایڈیشنل آئی جی کی پریس کانفرنس کےدوران احتجاج کرتے ہوئے مطالبہ کیا کہ صحافیوں پرتشدد کےواقعےکی تحقیقات کی جائے۔

    ایڈیشنل آئی جی نےصحافیوں کویقین دہانی کرائی کہ وہ صحافیوں پر تشدد کےواقعے کی شفاف تحقیقات کرائیں گے۔

    دوسری جانب وزیر اعلیٰ سید قائم علی شاہ نے بھی سندھ ہائیکورٹ کے باہر صحافیوں پرتشدد کے واقعے پرا ظہارافسوس کرتے ہوئے ڈی آئی جی امیر شیخ کو پانچ روز میں ذمہ داروں کا تعین کرنے اور رپورٹ پیش کرنے کی ہدایت کی ہے۔

  • تماشےجاری ہیں،الیکشن ٹریبونل شٹ اپ کال کیوں نہیں دیتا، چوہدری نثار

    تماشےجاری ہیں،الیکشن ٹریبونل شٹ اپ کال کیوں نہیں دیتا، چوہدری نثار

    اسلام آباد : وزیر داخلہ چوہدری نثارعلی خان نے کہا ہے کہ جب سے ہم نےحکومت سنبھالی اسلحہ لائسنس پر پابندی لگائی ہے اس وقت ساڑھے سات ہزار پاکستانیوں کا نام ای سی ایل میں شامل ہے۔

    یہ بات انہوں نے اسلام آباد میں پریس کانفرنس سے خطاب کرتے ہوئے کہی، چوہدری نثار نے کہا کہ روزتماشے کئے جارہے ہیں۔ الیکشن ٹریبونل شٹ اپ کال کیوں نہیں دیتا۔

    وفاقی وزیرداخلہ کا کہنا تھا کہ دھاندلی کافیصلہ الیکشن ٹریبونل کے سوا نادرایا کسی اورادارےکو نہیں کرنا، وفاقی وزیر داخلہ کا کہنا تھا کہ پاکستان میں بلٹ پروف گاڑیاں فیشن بن گئی ہیں۔اسلحہ رکھنے والا شخص ٹیکس دہندہ ہونا چاہئیے۔

    انہوں نے کہا کہ 25سال سے کم عمر افراد کو اسلحہ لائسنس جاری نہیں کیا جائے گا۔ چوہدری نثار کا کہنا تھا کہ اب تک کسی سیکیورٹی ایجنسی کو اسلحہ لائسنس نہیں دیا۔ایف آئی اے میں 64اہلکاروں کو سائیڈ لائن کردیا گیا۔

    چوہدری نثار نے کہا کہ کچھ لوگوں کا کہنا ہے کہ نادرا پر حکومت کا دباؤ ہے انتخابی دھاندلی کا فیصلہ نادرا یا کسی اور ادارے کو نہیں کرناالیکشن ٹریبونل کو انتخابی دھاندلیوں کا فیصلہ کرنا ہے۔

    وزیر داخلہ نے کہا کہ سکینڈل کی راہ میں کوئی رکاوٹ بنا تو عوام کے سامنے لاؤں گا۔ای سی ایل سے متعلق قانون بہت جلد بنا لیا جائے گا۔ انہوں نے کہا کہ ماضی میں بیرون ملک سے لاکر بڑے بڑے مجرموں کو چھوڑ دیا گیا۔ابتدائی طور پر ایک سال کیلئے ای سی ایل میں نام ڈالا جائے گا۔

    وزیر داخلہ نے کہا کہ تھائی لینڈ میں تعینات سفیر قونصلر اور ایک اہلکار کو سمن جاری کئے گئے ہیں جو ملزمان کو چھوڑنے کے واقعے میں ملوث ہیں۔تحقیقاتی اداروں نے عمران فاروق قتل کیس میں تفتیش مکمل کر لی ہے۔

    انہوں نے کہا کہ عدالتی احکامات یا سیکیورٹی ایجنسیاں کی سفارش پر نام ای سی ایل میں ڈالا جائے گا۔اسلحہ لاسئنس کی تحقیقات کے بعد 4500اسلحہ لائسنس جعلی نکلے۔

    غیر قانونی بلٹ پروف گاڑیاں بنانے والوں کے خلاف تحقیقات شروع کردی گئی ہیں۔بلا خوف تمام اہم کیسوں کو منطقی انجام تک پہنچایا جائے گا۔