ARYNews.tv | Urdu – Har Lamha Bakhabar

Tag: پریس کانفرنس

  • پاکستان کیلئے20لاکھ مہاجروں نےجانیں قربان کیں، مہاجررابطہ کونسل

    پاکستان کیلئے20لاکھ مہاجروں نےجانیں قربان کیں، مہاجررابطہ کونسل

    کراچی: مہاجررابطہ کونسل کے رہنمائوں کا کہنا ہے کہ نئے صوبوں کے قیام کے لیے فوری قومی کمیشن تشکیل دیا جائے ،سندھ کی تقسیم نہ ہونے دینے کی باتیں کرنے والے بلاول بھٹو یاد رکھیں اکہتر میں شہید ذوالفقار علی بھٹو نے کوٹہ سسٹم نافذ کرکے سندھ کی تقسیم کی بنیاد رکھ دی تھی۔

    کراچی میں پریس کانفرنس کرتے ہوئے مہاجر رابطہ کونسل کے رہنمائوں کا کہنا تھا کہ بتا دیا جائےمہاجر قوم کیا کرے،پاکستان بنانے کے لیے انکے ابائواجداد نے بیس لاکھ جانوں کا نذرانہ پیش کیا تھا، جنرل سیکریٹری ارشد صدیقی کہتے ہیں کہ صوبے کے مطالبے پر گرفتار کرنا ہے تو سب سے پہلے سرائیکی صوبے کا مطالبہ کرنے والوں کوگرفتار کیا جائے،مرسوں مرسوں سندھ نہ ڈیسوں کا نعرہ لگانے والے لیڈر یاد رکھیں ذوالفقار علی بھٹو نے انیس سو اکہتر میں کوٹہ سسٹم نافذ کرکے تقسیم کی بنیاد رکھی۔

    رہنمائوں کا کہنا تھا کہ نئے صوبے کی تحریک ، عوامی جلسے اور رابطہ مہم کا آغاز جلد شروع کیا جائے گا، کراچی پریس کلب کے باہر مہاجر رابطہ کونسل کی جانب سے نئے صوبوں کے قیام اور مہاجروں کے ساتھ متعصبانہ روئیے کے خلاف احتجاج بھی کیا گیا۔

  • سندھ پولیس میں ایک ہزارخواتین بھرتی کرینگے،آئی جی سندھ

    کراچی: سندھ پولیس میں ایک ہزار خواتین بھرتی کی جائیں گی یہ بات آئی جی سندھ غلام حیدر جمالی نے پریس کانفرنس میں بتائی ،انہوں نے یہ بھی کہہ دیاکہ کس کے کہنے پر یہ کام کیا جائے گا۔

    تفصیلات کے مطابق سندھ پولیس میں خواتین اب پولیس ڈیپارٹمنٹ میں اپنے فرائض انجام دیں گی۔ آئی جی سندھ غلام حیدر جمالی نے پریس کانفرنس کرتے ہوئے اعلان کیاہے  کہ سندھ پولیس میں ایک ہزار خواتین کو بھرتی کیا جائے گا۔

    خواتین کی اہمیت اور پولیس میں ان کی افادیت پر بات کرتے ہوئے وہ سادگی میں یہ بھی کہہ گئے کہ خواتین کی بھرتی کے لئے خاص طورپر چیئرمین پیپلزپارٹی بلاول بھٹوزرداری نے تاکید کی ہے۔ کہنےکو تو آئی جی سندھ اندرکی بات کہہ گئے جس کا جواب بلاول بھٹو نے سوشل ویب سائٹ ٹوئٹرپردیا۔

  • الیکشن کمیشن نےدھاندلی کے الزامات کی تائید کردی ہے، شاہ محمود قریشی

    الیکشن کمیشن نےدھاندلی کے الزامات کی تائید کردی ہے، شاہ محمود قریشی

    اسلام آباد: شاہ محمود قریشی کا کہنا ہے کہ الیکشن کمیشن کی رپورٹ دراصل انتخابی دھاندلی کے خلاف وائٹ پیپر ہے۔

    شاہ محمودقریشی کاپریس کانفرنس کے دوران کہنا تھا کہ الیکشن کمیشن نےدھاندلی کی الزامات کی تائید کردی،انہوں نے سوال کیا کہ وزیراعظم نے یورپی یونین کی رپورٹ اسمبلی میں لہرا کرکہا کہ الیکشن شفاف تھے اب تحریک انصاف الیکشن کمیشن کی جائزہ رپورٹ کہاں لہرائے؟۔

    شاہ محمود قریشی نے کہا کہ رپورٹ نے نگراں حکومت اور الیکشن کمیشن کی ناکامی کا پول کھول دیاہے،اضافی بیلٹ پیپرزچھپوا ئے گئے، سکروٹنی سیل غیرفعال تھا ،انہوں نے کہا کہ بتایاجائے مقناطیسی سیاہی استعمال نہ ہونے پرکسی کوذمہ دارکیوں نہیں ٹھہرایاگیا، آراوزپولنگ اسکیم تبدیل کرتے رہے الیکشن کمیشن کہاں تھا۔

    تحریکِ انصاف کے رہنما کاکہناتھا پندرہ مذاکراتی نشستوں میں جوڈیشل کمیشن پراتفاق ہوا لیکن جائزہ رپورٹ سے پتہ چل گیاہےکہ حکومت نے راہِ فرار کیوں اختیارکی، شاہ محمودقریشی نے سوال کیا کہ الیکشن کمیشن کی جائزہ رپورٹ نو ماہ تک کیوں چھپائی گئی۔

  • تحریک انصاف کے صدرجاوید ہاشمی کی رکنیت معطل

    تحریک انصاف کے صدرجاوید ہاشمی کی رکنیت معطل

    اسلام آباد : جاویدہاشمی کی پارٹی رکنیت معطل کردی گئی اورانہیں شوکازنوٹس جاری کر کے جواب طلبی کیلئےعمران خان نے انتیس ستمبرکواسلام آباد بلالیاہے۔

    پاکستان تحریک انصاف کی اعلیٰ قیادت کا اہم اجلاس ہوا جس میں پارٹی صدر جاوید ہاشمی کو معطل کرنے کا فیصلہ کیا گیا، سیکریٹری جنرل پی ٹی آئی نے باغی رہنماء کو شوکاز نوٹس بھیج جاری کردیا ہے۔

    جاوید ہاشمی کو جاری کئے گئے شوکاز نوٹس میں کہا گیا ہے کہ 29 ستمبر کو انضباطی کمیٹی کے سامنے پیش کر اپنے خلاف الزامات کا جواب دیں۔

  • ملتان: جاوید ہاشمی نے شاہ محمود قریشی کو چیلنج دے دیا

    ملتان: جاوید ہاشمی نے شاہ محمود قریشی کو چیلنج دے دیا

    ملتان: تحریک انصاف کے سابق صدر جاوید ہاشمی نے کہا ہے کہ میں شاہ محمود قریشی  کو چیلنج کرتا ہوں کہ میرے مقابلے میں این اے ایک سو پچاس پر الیکشن لڑیں، ملتان کے عوام اچھی طرح جانتے ہیں کہ کون باغی ہے اور کون داغی۔میں نذرانے وصول نہیں کرتا اور نہ نذرانے لینے والوں کو پیر سمجھتا ہوں۔

    ان خیالات کا اظہار انہوں نے ملتان میں پریس کانفرنس سے خطاب کرتے ہوئے کیا ،جاوید ہاشمی کا کہنا تھا کہ ضمنی انتخابات کے لئے کاغذات نامزدگی کل جمع کراؤں گا، میں کسی کے بارے میں جھوٹ نہیں بولتا۔

    عمران خان کو ہمیشہ کہا کہ آپ کو استعمال کیا جا رہا ہے، طاہرالقادری بھی استعمال ہو گئے نوجوان کہاں جائیں؟ انہوں نے کہا کہ میں دھرنوں کا حامی نہیں اب بات آگے جا چکی ہے۔

    ان کا کہنا تھا کہ عوام کو بتایا جائے کہ خورشید محمود قصوری کس کے کہنے پر تحریک انصاف میں آئے، پی ٹی آئی کے سابق رہنماء کا کہنا تھا کہ جب تک زندہ ہوں جمہوریت کی حفاظت کروں گا، کسی میں ہمت نہیں کہ میرے سامنے جمہوریت کا مذاق اڑائے۔

    انہوں نے مزید کہا کہ شاہ محمود قریشی کو وائس چیئر مین بنانے کیلئے شیریں مزاری کو نکالا گیا، جولوگ اس نظام کو درست نہیں سمجھتے پہلے وہ اپنے استعفوں پر وضاحت دیں۔

  • پاکستان تحریک انصاف سندھ کی تقسیم نہیں چاہتی،ڈاکٹرعارف علوی

    پاکستان تحریک انصاف سندھ کی تقسیم نہیں چاہتی،ڈاکٹرعارف علوی

    کراچی: تحریک انصاف کے رہنماء ڈاکٹرعارف علوی نےکہا ہے کہ ہم کسی جماعت کے خلاف نہیں اور نہ ہی سندھ کی تقسیم چاہتے ہیں ۔

    کراچی میں پریس کانفرنس کرتے ہوئے پی ٹی آئی سندھ کے صدرعارف علوی کا کہنا تھا کہ ایم کیوایم ،پیپلزپارٹی کے درمیان کوئی مسئلہ ہوتا ہے تو بات سندھ کی تقسیم پر آجاتی ہے۔

    اس موقع پرپی ٹی آئی کے رہنماء عمران اسماعیل کا کہنا تھا کہ تحریک انصاف کراچی میں امن اور دہشت گردی کا خاتمہ چاہتی ہے۔ عمران اسماعیل کا کہنا تھا کہ پاکستان تحریک انصاف کی نوازشریف کے استعفے تک جدوجہد جاری رہے گی ۔

    انہوں نے کہا کہ عمران خان ہرہفتے بڑے شہروں دھرنا دیں گے اور خطاب کریں گے۔

  • وزیراعظم معاملات کوافہام وتفہیم سے حل کریں، ڈاکٹرفاروق ستار

    وزیراعظم معاملات کوافہام وتفہیم سے حل کریں، ڈاکٹرفاروق ستار

    کراچی:متحدہ قومی موومنٹ کے رہنما ڈاکٹر فاروق ستار نے کہا ہے کہ ملک کی موجودہ سیاسی صورتحال میں ہمارا خاموش رہنا ممکن نہیں، قائد تحریک الطاف حسین نے اسلام آباد واقعے کی شدید الفاظ میں مذمت کی ہے،انہوں نے کہا کہ مسائل حل نہ ہوئے تو معاملات سے لاتعلق سے نہیں رہ سکتے۔

    ان خیالات  کا اظہار انہوں نے کراچی میں پریس کانفرنس سے خطاب کرتے ہوئے کیا،انکا کہنا تھا کہ اگرپرامن مظاہرین کو وزیراعظم ہاؤس جانے دیا جاتا تو کیا ہوجاتا،اسلام آباد کے حالات پورے ملک پر اثر انداز ہورہے ہیں، لوگ ذہنی پریشانی میں مبتلا ہوگئے ہیں، ملکی معیشت کو ایک ہزار ارب روپے کا نقصان ہوچکا ہے۔

    ہماری وزیراعظم سے پرزور اپیل ہے کہ خدارا معاملے کو جلد ازجلد افہام وتفہیم سے حل کیا جائے، فاروق ستار کا کہنا تھا کہ ایم کیوایم نے ملک گیر یوم سوگ منا کر پی ٹی آئی اور پی اے ٹی کے کارکنان سے اظہار یکجہتی کیا ہے۔

    انہوں نے کہا کہ کل کے پولیس ایکشن سے ہماری معاملات کو سلجھانے کی تمام کوششیں ناکام ہوگئیں،وزیر اعظم سے گذارش ہے کہ اگر ان ہاؤس تبدیلی آسکتی ہے تو اس پر فوری عمل درآمد کیا جائے۔،

  • افضل خان کا انٹرویو فکس میچ اورپری پلان ہے،ریاض کیانی

    افضل خان کا انٹرویو فکس میچ اورپری پلان ہے،ریاض کیانی

    لاہور : الیکشن کمیشن آف پاکستان کے سابق ممبر جسٹس (ر) ریاض کیانی نے کہا ہے کہ ای سی پی کے سابق ایڈیشنل سیکریٹری افضل خان کا انٹرویو فکس میچ ہے۔یہ سب کچھ پری پلان کیا گیا، ان خیالات کا اظہار انہوں نے لاہور میں پریس کانفرنس سے خطاب کرتے ہوئے کیا ۔

    انہوں نے کہا کہ افضل خان کو یہ سب باتیں چودہ ماہ بعد کیوں یاد آئیں ؟ انتخابات پر شکایات تھیں تو کسی کو کیوں آگاہ نہیں کیا گیا ؟میرے اور دیگر افراد کے خلاف الزامات سوچی سمجھی سازش ہے، جسٹس (ر) ریاض کیانی کا ایک سوال کے جواب میں کہنا تھا کہ اپنے خلاف لگائے گئے الزامات کیخلاف چیف الیکشن کمشنر اور دیگر سینئر ارکان سے مشورے کے بعد قانونی کارروائی کروں گا۔

    انہوں نے الزام لگایا کہ افضل خان اپنی مدت ملازمت میں توسیع اور ترقی کرانا چاہتے تھے، منع اس لئے کیا گیا کہ ایک سال میں دو ترقیاں نہیں ہو سکتی تھیں، افضل خان نے میری تنخواہ دس لاکھ بتائی جو سراسر غلط ہے،جسٹس (ر) ریاض کیا نی نے کہا کہ الیکشن کمیشن کا ممبر بننا کیرئیر کی سب سے بڑی غلطی تھی۔

    انہوں نے کہا کہ  افضل خان ثابت کریں کہ الیکشن کے نوے فیصد بگاڑ کا میں ذمہ دار ہوں، کوئی فیصلہ اکیلے نہیں کیا تمام فیصلے ممبران کی مشاورت سے کئے، ایک سوال کے جواب میں انہوں نے کہا کہ میں نے کبھی شریف برادران یا اتفاق فاؤنڈری کا کیس نہیں لڑا، اور نہ کسی مقدمے میں ان کی وکالت کی،اس حوالے سے عمران خان کا بیا ن سراسر جھوٹ ہے۔

  • پی اے ٹی کوخیابان سہروردی میں دھرنے کی اجازت مل گئی

    پی اے ٹی کوخیابان سہروردی میں دھرنے کی اجازت مل گئی

    اسلام آباد: پاکستان عوامی تحریک اورانتظامیہ کے درمیان دھرنے کے مقام پر معاملات طے پاگئے

    پی اے ٹی کے رہنما شیخ زاہد فیاض کےمطابق اسلام آباد کی انتظامیہ اور پی اے ٹی میں دھرنے کے مقام پر معاملات طے پاگئے ہیں ۔ پاکستان عوامی تحریک کو خیابان سہروردی پر دھرنے کی اجازت مل گئی، خیابان سہروردی اور آب پارہ چوک قریب قریب ہیں، شیخ زاہد فیاض کا کہنا ہے دونوں دھرنے ایک ہی جگہ ہوں گے، جبکہ گاڑیوں کی پارکنگ سیونتھ ایونیومیں کی جائے گی ۔

  • حکومت کوگھٹنے ٹیکنے پرمجبورکردیں گے، ڈاکٹرطاہرالقادری

    حکومت کوگھٹنے ٹیکنے پرمجبورکردیں گے، ڈاکٹرطاہرالقادری

    جہلم: پاکستان عوامی تحریک کے سربراہ ڈاکٹرطاہر القادری نے کہا ہے کہ عوامی تحریک کے کارکنان پر امن ہیں ،اور ہم اسی پر امن مارچ کی بدولت انقلاب مارچ کے مقاصد حاصل کرینگے،ان خیالات کا اظہا ر انہوں نے جہلم پہنچنے پر پریس کانفرنس کرتے ہوئے کیا، انہوں نے کہا کہ ہمارا انقلاب مارچ پر امن تھا پر امن ہے اور رہیگا۔،

    انہوں نے کہا کہ یہ انقلاب 18 کروڑ عوام کے لئے ہے جو اپنی بنیادی ضروریا ت سے محروم ہیں،ہم اس ظلم کو امن کی قوت سے ختم کریں گے۔انقلاب مارچ حکومت کو گھٹنے ٹیکنے پر مجبور کردے گا اوروہ وقت دور نہیں جب عوام کو انصاف ملے گا،کرپشن کا خاتمہ ہوگا  اور اقتدار نچلی سطح تک منتقل ہوگا۔

    ایک سوال کے جواب میں ڈاکٹر طاہر القادری نے کہا کہ ہم مارشل لاء کی شدید مخالفت کرتے ہیں اورہم کسی بھی صورت میں مارشل لاء کے حامی نہیں۔انہوں نے کہا کہ کیا حکمران اقتدار میں رہنے کے قابل ہیں؟ ان کا کہنا تھا کہ اس وقت انقلاب مارچ کے شرکاء کی تعداد چھ لاکھ کے قریب ہے اور اسلام آباد پہنچنے تک یہ تعداد دس لاکھ تک ہو جائیگی۔