ماضی کی معروف اداکارہ دیبا بیگم کا کہنا ہے کہ انہوں نے بطور چائلڈ اسٹار 5 فلموں میں کام کیا اور ان کی ایک فلم کے پریمیئر میں مادر ملت محترمہ فاطمہ جناح بھی شریک ہوئیں۔
تفصیلات کے مطابق اے آر وائی نیوز کے پروگرام ہمارے مہمان میں ماضی کی معروف اداکارہ دیبا بیگم مہمان بنیں۔ انہوں نے اپنے کیریئر اور ذاتی زندگی کے حوالے سے کئی یادیں شیئر کیں۔
دیبا بیگم نے بتایا کہ جب ان کی فلم شمع ریلیز ہوئی تو وہ نہایت سپر ہٹ ہوئی، تاہم اس کے فوراً بعد ہی ان کے شوہر کو سعودی عرب میں ملازمت مل گئی جس کے بعد انہیں اپنا کیریئر چھوڑ کر شوہر کے ساتھ وہیں شفٹ ہونا پڑا۔
انہوں نے بتایا کہ انہوں نے بطور چائلڈ اسٹار 5 فلموں میں کام کیا، ان کی پہلی فلم چراغ جلتا رہا سنہ 1961 میں ریلیز ہوئی اور اس کے پریمیئر میں مادر ملت محترمہ فاطمہ جناح بھی شریک ہوئیں۔
دیبا نے اپنی ساتھی اداکاروں کے ساتھ بھی اپنی یادیں شیئر کیں، انہوں نے بتایا کہ ان کی آن اسکرین کیمسٹری وحید مراد اور محمد علی کے ساتھ بہت اچھی رہی۔
کراچی: اے آر وائی فلمز کے بینر تلے کشمیر کی آزادی پر بنائی جانے والی فلم ’آزادی‘ کا رنگا رنگ پریمیئر منعقد ہوا جس میں فلم انڈسٹری سے تعلق رکھنے والی شخصیات نے بڑی تعداد میں شرکت کی۔
تفصیلات کے مطابق فلم آزادی کا رنگا رنگ پریمیئر کراچی میں منعقد ہوا۔ پریمیئر میں فلم انڈسٹری سمیت مختلف شعبوں سے تعلق رکھنے والی شخصیات نے بڑی تعداد میں شرکت کی۔
فلم کی ہدایت کاری کے فرائض عمران ملک نے انجام دیے ہیں جبکہ فلم میں معمر رانا اور سونیا حسین نے مرکزی کردار ادا کیے ہیں۔ دیگر اداکاروں میں ندیم بیگ، جاوید شیخ، مریم انصاری، علی فتح، ارم اور بلال شامل ہیں۔
شائقین نے فلم کی شاندار کہانی اور فنکاروں کی اداکاری کو بے حد سراہا۔ فلم میں مقبوضہ کشمیر کی آزادی کے لیے جدوجہد کرنے والے مجاہدین کو موضوع بنایا گیا ہے جسے شائقین کی جانب سے بے حد پذیرائی ملی۔
شاندار کہانی لوگوں کی توجہ سمیٹنے میں کامیاب
فلم کا آغاز پاکستانی نژاد برطانوی صحافی زارا (سونیا حسین) سے ہوتا ہے جو اپنے ہندو دوست راج سے شادی کرنے جارہی ہوتی ہے۔
شادی سے چند روز قبل ایک دن اسے پرانے سامان میں سے ایک نکاح نامہ ملتا ہے جس کے بعد اس پر انکشاف ہوتا ہے کہ اس کی شادی کشمیر میں مقیم اس کے کزن آزاد سے ہوچکی ہے۔
زارا کی غیر ملکی والدہ اسے مشورہ دیتی ہیں کہ یہ بچپن کی بات ہے لہٰذا وہ اسے بھول کر راج کے ساتھ اپنی نئی زندگی شروع کرے لیکن زارا کو اندازہ ہوتا ہے کہ یہ مسئلہ اتنا آسان نہیں۔
کچھ تجسس اور کچھ الجھن کے ہاتھوں مجبور ہو کر وہ اپنے خاندان سے ملنے کے لیے مقبوضہ کشمیر پہنچتی ہے۔
یہاں اس کے انکل (ندیم بیگ) تحریک آزادی کے ایک سرگرم رہنما کی حیثیت سے کام کر رہے ہوتے ہیں۔ کچھ عرصہ قبل ایک بھارتی میجر ان کے گھر پر ریڈ کے دوران ان کی بیٹی جنت کو زیادتی کا نشانہ بناتا ہے۔
اس وقت ان کا بیٹا آزاد (معمر رانا) ایک کم عمر اور زندہ دل نوجوان ہوتا ہے لیکن اپنی بہن کے ساتھ یہ ہولناک واقعہ اس کے دل میں آگ بھڑکا دیتا ہے جس کے بعد وہ تحریک آزادی کے مجاہدین کی صف میں جا کھڑا ہوتا ہے اور کشمیر کی آزادی کے لیے جدوجہد شروع کردیتا ہے۔
فلم میں مضبوط ہدایت کاری، جاندار مکالموں اور ایکشن مناظر کے ساتھ ساتھ رومانوی مناظر بھی ہیں جبکہ موسیقی بھی نہایت خوبصورت ہے جس کی وجہ سے یہ فلم خاصی پسند کی جارہی ہے۔
فلم کو عید الفطر کے موقع پر سینما گھروں میں ریلیز کردیا جائے گا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
لندن میں ہالی وڈ فلم اور کائنڈ آف ٹریٹر کے رنگا رنگ پریمیئر ہوا۔ ریڈ کارپٹ پر فلمی ستاروں کی آمد نے تقریب کو چار چاند لگا دیے۔
لندن میں فلم کائنڈ آف ٹریٹر کی پریمیئر سے قبل ریڈ کارپٹ فلمی ستاروں کی کہکشاؤں سے جگما اٹھا۔ ہدایتکارہ سوسانہ وائٹ کی فلم ایک ایسے میاں بیوی کے گرد گھومتی ہے جو روسی مافیا سے تعلق رکھنے والے ایک شخص کی حقیت سے آگاہ ہوجاتے ہیں۔
اس کے بعد ان کی زندگی کو شدید خطرات لاحق ہوجاتے ہیں اور وہ اپنی جان بچانے کے لیے کبھی مراکش، فرانس تو کبھی سوئٹزر لینڈ کا رخ کرتے ہیں۔ فلم کی کاسٹ میں ایوان میک گریگر، نومی ہارس نے مرکزی کردار ادا کیا ہے۔
نیویارک: امریکا کےخفیہ راز فاش کر نیوالے سیکرٹ ایجنٹ ایڈورڈ سنوڈن کی دستاویزی فلم سٹیزن فور کا نیویارک میں پریمیئر ہوا۔
اہم امریکی راز فاش کرنے والےامریکی سیکرٹ ایجنٹ ایڈورڈ اسنوڈن پر بننے والی دستاویزی فلم کا نیویارک میں پریمیئر ہوا، اس موقع پر فلم میکر نے سنوڈن کی ہمت کو سلام پیش کیا، امریکی نیشنل سیکیورٹی ایجنسی کے راز کیسے فاش ہوئے، یہ بتانے والی سنوڈن پر بننے والی ڈاکومینٹری فلم ریلیز ہو نےکو تیار ہے۔
ڈاکومینٹری میں ہانک کانگ کے ہوٹل میں سنوڈن کا انٹرویو اور حساس معلومات لیک کرنے کے بعد کے حالات شامل ہیں، ڈاکومینٹری چوبیس اکتوبر کو ریلیز کی جائے گی۔
