عالمی شہرت یافتہ اداکارہ پرینکا چوپڑا نے اپنی دوست انشوکا شرما کا کونسا تحفہ سالوں بعد بھی سنبھال کررکھا ہوا ہے، انھوں نے خود بتادیا۔

کئی لوگوں کو یہ بات معلوم نہیں ہے کہ 2015 میں ریلیز ہونے والی زویا اختر کی فلم ’دل دھڑکنے دو‘ میں ساتھ کام کرنے کے بعد سے پرینکا اور انوشکا میں کافی اچھی دوستی ہوگئی جو اب تک برقرار ہے، جس کا ثبوت نک جوناس کی اہلیہ نے حال ہی میں دیا ہے۔

پرینکا نے اپنی انسٹاگرام اسٹوریز پر شیئر کیا کہ وہ اب بھی چاچا چوہدری کی ایک ٹی شرٹ کو پسند کرتی ہیں جو انوشکا نے انھیں برسوں پہلے تحفے میں دی تھی۔

بالی ووڈ کی جنگلی بلی نے سیاہ ٹی شرٹ پہنے ایک سیلفی شیئر کی، جس پر چاچا چوہدری کے پرنٹ موجود تھے جبکہ ساتھ ہی انھوں نے سرمئی سویٹ پینٹ زیب تن کی ہوئی تھی۔

اس پوسٹ کے کیپشن میں پرینکا چوپڑا نے لکھا کہ اب بھی میری چاچا چوہدری کی ٹی شرٹ پہننا پسند کرتی ہوں، ساتھ ہی انھوں نے دل کی ایموج بھی بنائی اور انوشکا شرما کا شکریہ بھی ادا کیا۔

خیال رہے کہ اس سے قبل نامور اداکارہ پرینکا چوپڑا نے ایشوریا رائے اور سشمیا سین سے متعلق اخباری تراشے محفوظ رکھنے کا انکشاف کر کے سب کو حیران کر دیا تھا۔

ایک پوڈکاسٹ میں انھوں نے بتایا تھا کہ مجھے یاد ہے 1993 یا 1994 میں مس ورلڈ اور مس یونیورس (ایشوریا رائے اور سشمیتا سین) دونوں انڈیا سے تھیں اور میں نے ان کی کامیابی کی خبروں کے اخباری تراشے محفوظ رکھے تھے۔

انہوں نے بتایا کہ اخباری تراشے محفوظ رکھنے کا مطلب یہ نہیں تھا کہ میں ان جیسی بننا چاہتی ہوں بلکہ خوشی تھی کہ میں نے ان کو عالمی سطح پر دیکھا تھا۔

پرینکا چوپڑا نے 2000 میں پہلی بار مس ورلڈ کا مقابلہ حسن جیتا تھا جب ان کی عمر صرف 18 سال تھی۔ اداکارہ کے بھائی سدھارتھ چوپڑا نے ان کی اجازت کے بغیر مقابلے کیلیے ان کی تصاویر بھیجی تھیں۔

ڈان تھری کے لیے جب سے شاہ رخ خان کی جگہ رنویر سنگھ کو کاسٹ کیا گیا ہے تب سے مداحوں کو انتظار تھا کہ ان کے مقابل کون سی اداکارہ کردار نبھائے گی۔

بھارتی میڈیا رپورٹس کے مطابق اب اس اداکارہ کا نام سامنے آگیا ہے، وہ کوئی اور نہیں بلکہ ’پرانی جنگلی بلی‘ پرینکا چوپڑا ہی ہیں جو کہ ڈان 3 میں بھی رنویر کی لیڈنگ لیڈی بننے جارہی ہیں۔

سامنے آنے والی نئی اطلاعات میں بتایا گیا ہے کہ ڈائریکٹر فرحان اختر کو ’ڈان 3‘ میں مرکزی خاتون کے کردار کے لیے نام مل گیا اور رنویر سنگھ کے ساتھ پریانکا چوپڑا جوناس ایکشن میں نظر آئیں گی۔

ڈان فرنچائز کی ٹیم کی جانب سے عالمی شہریافتہ اداکارہ سے رابطہ کیا گیا تو نئی فلم میں کردار کی پیشکش پر اداکارہ نے مثبت جواب دیا ہے اور توقع یہی ہے وہ ہی حتمی انتخاب ہونگی۔

ہالی وڈ میں بھی کامیابی سمیٹنے والی دیسی گرل کو ڈان 3 کا فلمی پروجیکٹ پسند آیا ہے جس کے بعد وہ پھر سے بالی وڈ میں واپسی کے لیے پر تول رہی ہیں۔

پریانکا چوپڑا فلم میں اپنے پرانے کردار روما کو نبھاتی ہی نظر آئیں گی جب کہ رپوٹس کے مطابق اداکارہ کے ساتھ ڈان کی ٹیم کی گفتگو ان کے حالیہ دورہ بھارت کے موقع پر ہوئی تھی۔

ذرائع کے کا کہنا ہے کہ فرحان اور پریانکا کے درمیان پیشہ ورانہ تعلقات اچھے ہیں اور شاہ رخ خان کے پروجیکٹ سے نکلنے کے بعد اب ان کی واپسی میں کوئی رکاوٹ نہیں ہے۔

خبروں میں بھی بتایا گیا ہے کہ ہالی وڈ اداکارہ اور فلم کے ہدایت کار کے مابین شوٹنگ کی تفصیلات طے ہورہی ہیں اور اگر یہ معاملہ نمٹ گیا تو جلد پریانکا کو ہندوستانی شائقین ایکشن میں دیکھ سکیں گے۔

پاکستانی فلم اسٹار معمر رانا نے انکشاف کیا ہے کہ وہ بنا بالی وڈ اور ہالی وڈ کی مشہور اداکارہ پرینکا چوپڑا کو بنا میک دیکھ کر پہچان ہی نہیں پائے تھے۔

یوٹیوب چینل کو انٹرویو دیتے ہوئے انھوں نے کہا کہ سابقہ مس ورلڈ میک اپ کے بغیر بالکل مختلف نظر آتی ہیں، پریانکا کو بغیر میک اپ کے دیکھا تو میں ڈر گیا تھا، میں اور سلمان خان محو گفتگو تھے اس دوران ایک لڑکی آئی اور دبنگ خان سے باتیں کرنے لگی۔

انھوں نے بتایا کہ مجھے پتا ہی نہیں چلا کہ یہ لڑکی کون تھی، جب لڑکی کے جانے کے بعد سلمان سے پوچھا یہ محترمہ کون تھیں؟ تو انھوں نے حیرانی کا اظہار کرتے ہوئے کہا کہ تم نے نہیں پہچانا؟ یہ پریانکا چوپڑا تھی!

لالی وڈ کے معروف ہیرو معمر رانا کا کہنا تھا یہ سن کر میں کافی حیران ہوا، پرینکا پر سے میرا سارا کرش ختم ہوگیا، انھوں نے امیشا پٹیل کی تعریف کی اور کہا کہ وہ بہت دلکش اور حسین اداکارہ ہیں وہ بالکل فٹ اور دکھنے میں بہت پیاری ہیں۔

پاکستانی اداکاراؤں حوالے سے گفتگو میں انھوں نے کہا کہ بغیر میک اپ صائمہ بہت پیاری لگتی ہیں، ریما اور ریشم حقیقی طور پر خوبصورت ہیں جب کہ اسکرین اپیئرنس میرا کی شاندار ہے۔