Tag: پرینیتی چوپڑا

بالی ووڈ اداکاروں کی ہر فلم کامیاب نہیں ہوتی اور گزشتہ برسوں میں انڈسٹری میں نمایاں تبدیلیاں دیکھنے میں آئی ہیں، وبائی امراض کے بعد بہت سی فلموں نے باکس آفس پر جدوجہد کی اور ساؤتھ فلمیں بھی بالی ووڈ کے زوال کا سبب بنی ہیں۔

تاہم ایک اداکارہ ایسی بھی ہیں جس نے مسلسل فلاپ فلمیں کرنے کے باوجود بالی ووڈ کے بڑے ناموں کے ساتھ کام کیا ہے اور اپنے اسٹارڈم کو برقرار رکھا، وہ اداکارہ پرینیتی چوپڑا ہیں۔

2011 میں پرینیتی چوپڑا نے رومانوی کامیڈی فلم لیڈیز ورسز رکی بہل کے ساتھ ڈیبیو کیا اور بہترین اداکارہ کا فلم فیئر ایوارڈ جیتا، ان کی دوسری فلم ارجن کپور کے ساتھ 2012 میں عشق زادے ریلیز ہوئی تھی، یہ فلم بلاک بسٹر ثابت ہوئی اور فلم فیئر کا ایوارڈ بھی پرینیتی چوپڑا کو دیا گیا، ان کی دیگر دو فلمیں 2013 میں شدھ دیسی رومینس اور 2014 میں ہنسی تو پھسی بھی باکس آفس پر کامیاب ہوئیں۔

اس کے بعد پرینیتی کا کیریئر متاثر ہوا اور جہاں انہوں نے 9 فلاپ فلمیں کیں، جن میں دعوت عشق، کِل دل، میری پیاری بندو، نمستے انگلینڈ، جبریہ جوڑی، سندیپ اور پنکی فرار، سائنا، کوڈ نام ترنگا، مشن رانی گنج شامل ہیں۔

 2024 میں انہوں نے دلجیت دوسانجھ کے ساتھ امتیاز علی کی ہدایت کاری میں بننے والی فلم چمکیلا سے واپسی کی، پرینیتی کی اداکاری کو سراہا گیا اور دلجیت کے ساتھ ان کی کیمسٹری پسند کی گئی۔

پرینیتی نے ایک انٹرویو میں انکشاف کیا کہ چمکیلا کی اسکرپٹ سے اس قدر متاثر ہوئیں کہ انہوں نے سندیپ وانگا ریڈی کی اینیمل کو مسترد کردیا تھا جس میں رنبیر کپور، بوبی دیول اور رشمیکا مندانا نے اداکاری کی۔ انہیں رشمیکا کے کردار کے لیے پیشکش کی گئی تھی لیکن انہوں نے فلم چمکیلا کے ساتھ شیڈول متاثر ہونے کی وجہ سے اسے ٹھکرا دیا۔

اینیمل عالمی سطح پر 900 کروڑ روپے کما کر ایک زبردست ہٹ ثابت ہوئی لیکن اس کا پرینیتی کو کوئی پچھتاوا نہیں ہے کیونکہ اس فیصلے کی وجہ سے انہیں عام آدمی پارٹی (اے اے پی) کے رہنما اور ممبر پارلیمنٹ راگھو چڈھا مل گئے اور وہ ان سے محبت کرنے لگیں۔

آپ کی عدالت نامی ایک شو میں پرینیتی نے اس وقت کا ذکر کیا جب وہ اور راگھو چمکیلا کی شوٹنگ کے دوران ملتے تھے۔ ان کا رومانوی تعلق کچھ اور گہرا ہو گیا اور جوڑے نے 24 ستمبر 2023 کو دی لیلا پیلس، ادے پور میں ایک نجی تقریب میں شادی کی۔

پرینیتی چوپڑا کی فلم ’امر سنگھ چمکیلا‘ حال ہی میں نیٹ فلکس ریلیز ہوئی، اپنی اداکاری پر انھوں نے شوہر راگھو کے ردعمل کے بارے میں بتایا ہے۔

بھارتی ذرائع ابلاغ کو ایک خصوصی انٹرویو کے دوران پرینیٹی نے بتایا کہ جب ان کے رشتے کا آغاز ہوا تھا تو وہ ’چمکیلا‘ کی شوٹنگ کر رہی تھیں۔ انھوں نے یہ بھی انکشاف کیا کہ راگھو وہ پہلے شخص تھے جنھوں نے پیش گوئی کی تھی کہ فلم کامیاب ہوگی۔

’امر سنگھ چمکیلا‘ پر راگھو چڈھا کے ردعمل کے بارے میں بتاتے ہوئے پرینیتی چوپڑا نے کہا کہ شوہر ہمیشہ کہتے تھے کہ یہ فلم بڑی ہٹ ہونے والی ہے۔

انھوں نے بتایا کہ میں راگھو سے کہتی تھی کہ تم کچھ نہیں جانتے اس لیے چپ رہو، پہلے فلم بننے دو اور ہم اس دن کا انتظار کریں گے۔

بالی وڈ اداکارہ نے بتایا کہ فلم کے حوالے سے کافی اچھا رسپانس آرہا ہے اور وہ بہت خوش ہیں، انھیں فلم پسند ہے اور ان کی فیملی میں ہر کوئی بہت خوش ہے۔

اس فلم میں پرینیتی چوپڑا نے امرجوت کور کا کردار ادا کیا ہے جبکہ اداکارہ نے یہ بھی انکشاف کیا تھا کہ فلم اسے قبل کچھ لوگوں نے انھیں ڈرایا تھا کہ ’چمکیلا‘ ان کا کیریئر ختم کردے گی۔

بالی وڈ اداکارہ پرینیتی چوپڑا نے بالآخر باقاعدہ گلوکاری کا آغاز کردیا، گزشتہ رات انھوں نے پہلی بار کراؤڈ کے سامنے فن کا مظاہرہ کیا۔

فلم ’کِل دل‘ کی اداکارہ نے ممبئی فیسٹیول میں اپنی پہلی لائیو گانے کی پرفارمنس پیش کی جس کی جھلک انھوں نے سوشل میڈیا پلیٹ فارم پر اپنے مداحوں کے ساتھ شیئر کی۔ شیئر کی گئی تصاویر میں پرینیتی کو سیاہ چمکدار لباس میں ملبوس اور مائیک تھامے دیکھا جا سکتا ہے۔

پرینیتی چوپڑا نے انسٹا گرام پر پوسٹ کرتے ہوئے لکھا کہ ’میں یہ الفاظ ٹائپ کررہی ہوں اور اس وقت میری آنکھوں میں خوشی کے آنسو آرہے ہیں‘۔

’میں نے گزشتہ رات پہلی بار لائیو گلوکاری کا مظاہرہ کیا اور اس میں وہ سب کچھ موجو تھا جس کی میں خواہش کر سکتی ہوں بلکہ اس سے بھی کہیں زیادہ۔‘

انھوں نے مداحوں کی سپورٹ کا شکریہ ادا کرتے ہوئے کہا کہ آپ سب کی محبت اور مہربانی کے لیے آپ سب کا شکریہ، یہ میرے لیے کافی معنی رکھتا ہے۔

View this post on Instagram

A post shared by @parineetichopra

ایک ویڈیو میں پرینیتی کو اسٹیج پر سامعین سے خطاب کرتے ہوئے بھی دیکھا گیا، جس میں وہ کہہ رہی ہیں کہ یہ میرا پہلا شو ہوگا جو ہمیشہ کے لیے میری یاد میں رہے گا اس لیے آپ کا بہت بہت شکریہ۔

واضح رہے کہ اس سے قبلل اداکارہ نے اپنی انسٹا پوسٹ کے ذریعے میوزک انڈسٹری میں بطورِ گلوکارہ اپنے کیریئر کا آغاز کرنے کا اعلان کیا تھا۔

انڈسٹری میں پہلے ہی ‘مانا کہ ہم یار نہیں’ اور ‘مطلبی یاریاں’ جیسے گانا گا چکی ہیں تاہم اب وہ باضابطہ طور پر اپنے موسیقی کے سفر کا آغاز بھی کرچکی ہیں۔

پرینیتی کا کہنا تھا کہ ’’موسیقی، ہمیشہ میرے لیے خوشی اور سکون کی وجہ رہی ہے، میں بھی موسیقی کی دنیا کا حصہ بن رہی ہوں‘‘۔

ان کا کہنا تھا کہ ’’ الفاظ میں بیان نہیں کرسکتی کہ میں اس موسیقی کے سفر کو شروع کرنے کے لیے کتنی پُرجوش ہوں‘‘۔