Tag: پر اسرار ہیروں والی گیند اور دہشت بھری دنیا

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابلِ ذکر تبدیلی کی گئی ہے، یہ نہایت سنسنی خیز، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی نیوز کے قارئین کے لیے پیش کیا جا رہا ہے۔

اس ناول کی پچھلی اقساط پڑھنے کے لیے یہ لنک کھولیں

’’مجھے نہیں لگتا اینگس، کہ یہ سب ٹھیک ہے۔‘‘ مائری تشویش کے عالم میں کہنے لگیں: ’’یہ بہت خطرناک لگتا ہے۔ اگر انھیں کچھ ہو گیا تو کیا ہوگا؟ اگر میں نے انھیں جانے دیا تو میں خود کو کبھی معاف نہیں کر پاؤں گی۔‘‘

فیونا، جس کا منھ ونیلا کیک سے بھرا ہوا تھا، جلدی جلدی کیک نگل کر بولی: ’’ممی، ہمیں کچھ نہیں ہوگا، میں کتنی مرتبہ آپ سے کہہ چکی ہوں۔ انکل، آپ انھیں وہ جادوئی گولا کیوں نہیں دکھاتے!‘‘

’’ہاں، تم نے ٹھیک کہا۔‘‘ اینگس نے سَر ہلاتے ہوئے کہا اور جادوئی گولا لا کر مائری کو دکھایا۔ ’’یہ دیکھو، یہ ہے رالفن کا گولا، کیا یہ شان دار نہیں ہے!‘

مائری نے حیرت کے ساتھ جادوئی گیند ہاتھوں میں لے کر دیکھی۔ ’’شان دار، یہ بہت خوب صورت ہے، اس میں لگے قیمتی پتھر تو دم بہ خود کر دیتے ہیں، اور ان کے اندر جو ڈریگن بنے ہوئے ہیں، ان کا تو جواب نہیں، لیکن یہ کیسے ممکن ہوا؟‘‘

اس بار جونی نے لب کشائی کی: ’’ایسا کرتے ہیں کہ بچوں کو جانے دیتے ہیں، اس دوران ہم آپ کو اس گیند سے متعلق سب کچھ بتا دیتے ہیں۔ انھیں جانے کے بعد بس چند ہی منٹ لگیں گے اور یہ واپس بھی آ جائیں گے، اس لیے پریشانی کی کوئی بات نہیں ہے۔‘‘ جمی نے بچوں کی طرف دیکھ کر کہا: ’’بھئی، اس بار ہو سکتا ہے کہ تم لوگ کسی ٹھنڈے مقام پر پہنچو، اس لیے اپنے کوٹ ساتھ لے کر جاؤ۔ یاد ہے نا کہ ہائیڈرا گرم مقام تھا، آئس لینڈ ٹھندی جگہ تھی اور سیچلز پھر گرم جگی تھی، تو اب ٹھنڈے مقام کی باری ہے۔‘‘
اینگس بھی ان کی طرف قدم بڑھاتے ہوئے بولے: ’’ٹھہرو، تم لوگوں کو بھوک بھی لگ سکتی ہے، اس لیے بیگ میں بسکٹ ڈال کر جاؤ، اور تمھارے پاس رقم بھی ہے یا نہیں؟‘‘ یہ کہہ کر انھوں نے جیب سے نوٹ نکال کر فیونا کی طرف بڑھائے۔ ’’یہ بھی رکھ لو، اور یہ کیمرہ بھی، اب وقت آ گیا ہے کہ ہم تمھاری مہم کی تصویری جھلکیاں بھی دیکھ سکیں۔‘‘
مائری نے فیونا کے بیگ میں پانی کی بوتل بھی رکھ دی۔ ایسے میں جونی بھی پیچھے نہیں رہا، اس نے جیب سے قیمتی بریسلٹ نکال کر کہا: ’’فیونا، یہ ملکہ عالیہ کا پسندیدہ کڑا تھا۔ یقیناً وہ جان کر خوش ہوں گی کہ اسے تم نے پہنا، کیوں کہ تم ان کا خون ہو۔‘‘ جونی نے کڑا فیونا کی کلائی میں پہنا دیا۔ ’’دیکھو، کتنا پیارا لگ رہا ہے۔‘‘

فیونا نے مسکرا کر شکریہ ادا کیا اور بولی: ’’اب ہمیں مزید کسی چیز کی ضرورت نہیں ہے۔ ہم جا رہے ہیں، اور ممی پریشان مت ہونا، ہمیں کچھ نہیں ہوگا۔‘‘

ایسے وقت جبران اور دانیال اس کے دونوں اطراف میں آ کر کھڑے ہو گئے۔ ان کے چہروں پر عجیب تاثرات تھے۔ وہ پُر جوش بھی تھے اور ان جانے خدشات میں گرفتار بھی۔ وہ کمرے کے وسط میں کھڑے تھے اور سب کی نظریں ان پر ایسے جمی تھیں جیسے وہ دنیا کی عجیب و غریب مخلوق ہوں۔

یکایک فیونا چیخی: ’’ممی، ہم جا رہے ہیں!‘‘ تینوں نے ایک دوسرے کے ہاتھ مضبوطی سے پکڑ لیے۔ مائری کو لگا کہ وہ کوئی بھیانک سپنا دیکھ رہی ہیں۔ یکایک وہ جاگ پڑی اور انھیں روکنے والی تھیں لیکن ان کا منھ کھلا کا کھلا رہ گیا۔ مائری نے دیکھا کہ ان کی آنکھوں کے سامنے رنگا رنگ تارے جگمگا رہے ہیں۔ ان کی سماعت سے جو آخری الفاظ ٹکرائے تھے، وہ کسی ان جانی زبان میں بولا گیا منتر تھا۔

دالث شفشا یم! اور پھر ان کی اکلوتی بیٹی اپنے غیر ملکی دوستوں کے ساتھ وہاں سے غائب ہو چکی تھی!

(جاری ہے….)

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابل ذکر تبدیلی کی گئی ہے، یہ نہایت سنسنی خیز ، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی نیوز کے قارئین کے لیے پیش کیا جا رہا ہے۔

ناول کی گزشتہ تمام اقساط پڑھنے کے لیے یہاں کلک کریں

فیونا انھیں اپنے اتنے قریب دیکھ کر اسپرنگ کی طرح اچھلی اور چلاتے ہوئے دوڑی: ’’بھاگوووو…‘‘ اس کی رفتار اتنی تیز تھی کہ ذرا ہی دیر میں وہ جبران اور دانیال سے بھی آگے نکل گئی۔

اچانک ان کی سماعتوں سے ایک قذاق کی چیخ سے مشابہ آواز ٹکرائی، وہ کہہ رہا تھا: ’’یہ ہمارے خزانے کے پیچھے جا رہے ہیں … پکڑو انھیں اور تختے پر لے آؤ۔‘‘

ایک اور قذاق چلایا: ’’یہ تختہ کیا ہے گدھے… ہمارا جہاز کہاں ہے؟‘‘
سارے کے سارے بحری ڈاکو اب ان تینوں کے پیچھے چیختے چلاتے اور تلواریں لہراتے دوڑ رہے تھے۔ دوڑے دوڑتے فیونا بولی: ’’واؤ زبردست … پہلے وائی کنگ اور اب یہ پائریٹس … جب ہم گھر لوٹیں گے تو جمی اور جیزے کو ان پھندوں کے بارے میں ضرور بتائیں گے۔‘‘

تینوں جھاڑیوں میں اندھا دھند بھاگتے چلے جا رہے تھے۔ سخت جھاڑیوں اور کانٹوں سے بچنا ممکن نہیں تھا اس لیے انھیں جا بہ جا خراشیں آ گئی تھیں۔ دوڑتے دوڑتے وہ ایک کھلی جگہ میں آ گئے۔ تینوں رک کر لمبی لمبی سانسیں لینے لگے۔ فیونا نے سانسوں کو قابو کرتے ہوئے کہا: ’’تم دونوں نے نوٹ کیا، یہ سب بالکل ایک ہی جیسے لگتے ہیں۔‘‘

جبران بولا: ’’میں پائریٹس کے متعلق پڑھا ہے، یہ عقل مند نہیں تھے، اس سے پہلے کہ وہ ہمیں پکڑ لیں کیوں نہ ہم کوئی چال چل کر ان سے چھٹکارا پا لیں، یہ سب بے وقوف ہیں اور مردہ بھی!‘‘

دانیال نے کہا کہ یہ لوگ بے وقوف ہو سکتے ہیں اور کسی زمانے میں یہ مرے بھی ہوں گے لیکن اب یہ زندہ ہیں اور ان کے ہاتھوں میں تیز دھار تلواریں بھی ہیں۔ دانیال سانس لینے رکا اور حیران ہو کر بولا: ’’ارے انھوں نے آنکھوں پر پٹیاں کیوں باندھ رکھی ہیں، اور یہ ارغ کیا چیز ہے، کیا واقعی بحری قذاق اسی قسم کی آوازیں نکالا کرتے تھے؟ میں تو سمجھا تھا کہ یہ صرف کارٹون اور فلموں میں ہوتا ہے۔‘‘

ان دونوں نے اس پر کوئی تبصرہ نہیں کیا، لیکن فیونا اچانک بولی کہ انھیں جانا کس طرف ہے؟ یہ کہہ کر اس نے کلائی پر بندھی گڑھی پر نظر ڈالی، لیکن وہ سمندری پانی سے خراب ہو چکی تھی۔ جبران کی گھڑی واٹر پروف تھی، جس کے مطابق جیکس کی واپسی میں صرف پینتالیس منٹ رہ گئے تھے، اور وہ پک اپ پوائنٹ سے بھی بہت دور تھے۔ دانیال نے ایک طرف اشارہ کرتے ہوئے کہا کہ چلو اس سمت چلتے ہیں، وہ ڈھونڈ نہیں پائیں گے۔ لیکن فیونا نے کہا: ’’انھیں پتا ہے کہ ہم نے موتی حاصل کر لیا ہے، اور انھیں ایک ایسا منتر آتا ہے جس کے ذریعے وہ ہمیں ڈھونڈ نکال سکتے ہیں۔‘‘

دانیال نے پوچھا: ’’کیا وہ سمجھتے ہیں کہ ہم نے ان کا خزانہ چرا لیا ہے؟‘‘
فیونا نے اثبات میں سر ہلایا۔ انھیں آوازیں سنائی دینے لگیں، فیونا نے دونوں کو اپنے پیچھے آنے کو کہا اور وہ ایک بار پھر جھاڑیوں کے درمیان دوڑنے لگے۔ وہ جتنا تیز دوڑ سکتے تھے، دوڑتے چلے جا رہے تھے۔ ان کے پیچھے بحری ڈاکو چیختے اور نعرے لگاتے ہوئے آ رہے تھے۔ ’’پکڑو… ان بدمعاشوں کو… لے چلو انھیں تختے پر!‘‘

(جاری ہے…)

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابل ذکر تبدیلی کی گئی ہے، یہ نہایت سنسنی خیز ، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی نیوز کے قارئین کے لیے پیش کیا جا رہا ہے۔

پچھلی تمام اقساط پڑھنے کے لیے اس لنک کو کھولیے

’’ہاں ایسا ہی ہے۔‘‘ اینگس نے اثبات میں سر ہلایا: ’’یہ سب ان جادوئی ہیروں کی حفاظت کے لیے کیا گیا، اور اب غور سے میری بات سنو، ہمیں محسوس ہو رہا ہے کہ کنگ دوگان کا جادوگر پہلان ہم سے جادوئی گولا حاصل کرنے کے لیے دوگان کے کسی وارث کو استعمال کر رہا ہے۔ اگر یہ جادوئی گیند اُس جادوگر کے پاس چلی گئی تو وہ پھر سے زندگی کی طرف لوٹ آئے گا اور پوری دنیا پر راج کرے گا۔‘‘

یہ سن کر دانیال تیزی سے بولا: ’’تو اس کا مطلب ہے کہ جو شخص فیونا کے گھر میں دو مرتبہ گھسا وہ کنگ دوگان کا وارث ہے!‘‘

اینگس نے انھیں خبردار کیا کہ اس وارث کے پاس جادوئی طاقتیں بھی ہیں، اور وہ بھی فیونا کی طرح اب آگ لگا سکتا ہے، اور جیسے جیسے فیونا کو طاقتیں ملتی جائیں گی، اس وارث کو بھی وہی طاقتیں ملتی رہیں گی، ہر ہیرہ ملنے کے ساتھ اس کی طاقتیں بھی بڑھیں گی، اسی لیے ہمیں حفاظت کے لیے ان بارہ آدمیوں کی اشد ضرورت ہے۔‘‘

کئی لمحوں تک چاروں خاموش رہے، پھر فیونا نے اس خاموشی کو توڑا: ’’اگر یہ بات ہے تو پھر جونی یا کوئی دوسرا خود کیوں نہیں جا کر باقی ہیرے حاصل کر لیتا؟‘‘ فیونا کے لہجے میں اس بار خوف کی جھلک واضح محسوس کی جا سکتی تھی، کیوں اس سے قبل اسے حالات کی سنگینی کا علم نہیں تھا۔ اب اچانک اسے سمجھ آیا کہ وہ ایک خوف ناک ترین معاملے میں پھنس چکے ہیں۔ یہی حال جبران اور دانیال کا بھی تھا، وہ دونوں بھی خوف زدہ ہو گئے تھے۔

اینگس نے ان کے چہروں پر نظریں ڈالتے ہوئے سپاٹ لہجے میں کہا: ’’نہیں … ہیروں کے لیے اور کوئی نہیں جا سکتا۔ فیونا، صرف تم اور تمھارے یہ دوست ہی ہیرے حاصل کر سکتے ہیں، کیوں کہ جبران اور دانیال بھی جادوئی سفر سے گزرنے کے بعد اب اس سلسلے سے وابستہ ہو گئے ہیں۔ اور فیونا، تم تو کنگ کیگان کے ساتھ ساتھ کنگ دوگان کی بھی وارث ہو، یعنی مشترکہ وارث، اس بات کی وضاحت میں بعد میں کر دوں گا، بس میری بات پر یقین رکھو کہ صرف تم ہی ہیرے حاصل کر سکتی ہو، اور یہ دونوں تمھارے بہترین مددگار ثابت ہوئے ہیں۔‘‘ اینگس نے جبران اور دانیال کی طرف اشارہ کیا: ’’اب تمھیں ہر حال میں ہیرے جمع کرنے ہیں۔‘‘

فیونا نے طویل سانس لے کر کہا: ’’اچھا مجھے یہ بتائیں کہ یہ جو دوسرا وارث ہے، کیا وہ بھی ہیرے حاصل کر سکتا ہے یا نہیں؟ اور کیا وہ ہمیں نقصان پہنچانے کی طاقت رکھتا ہے؟‘‘
اینگس نے کہا: ’’آلرائے کہتا ہے کہ جہاں جہاں تم جا سکتی ہو، وہاں وہاں وہ بھی جا سکتا ہے، لیکن ہیرے صرف تم ہی حاصل کر سکتی ہو۔ ہاں، وہ تمھارے لیے پریشانیاں بھی کھڑی کر سکتا ہے، اس لیے تمھیں محتاط رہنا ہوگا۔‘‘

جبران نے اچانک پوچھا: ’’ہمیں یہ نہیں پتا کہ اس کی شکل کیسی ہے، وہ بڑی عمر کا ہے یا لڑکا؟‘‘ اینگس نے خود لاعلمی کا اظہار کیا اور کہا اگر کوئی ایک ہی چہرہ مختلف مقامات پر نظر آئے تو اس سے محتاط رہنا۔ اسی وقت جمی اور جیزے بھی اندر آ گئے، انھوں نے گھر کی صفائی کر دی تھی، جمی جیسے ہی ان کے سامنے آیا، وہ تینوں اسے گھور گھور کر دیکھنے لگے۔ جمی نے چونک کر پوچھا کہ وہ اسے کیوں گھور رہے ہیں۔ دانیال نے کہا: ’’ہم جان گئے ہیں کہ آپ کون ہیں۔‘‘

جمی مسکرا دیا: ’’تو اینگس نے سب بتا دیا، بہرحال بچو، گھبرانے کی بالکل ضرورت نہیں، ہم یہاں آپ سب کی حفاظت کریں گے، اور اب تم تینوں جاؤ اور اگلا ہیرا لے کر آؤ، اگلا ہیرا آتے ہی ہماری مدد کے لیے ایک اور شخص آ جائے گا۔‘‘

جبران اور دانیال فیونا کے دائیں بائیں کھڑے ہو گئے اور فیونا ایک بار پھر منتر پڑھنے لگی: ’’دالث شفشا یم…‘‘

اور دنیا ان تینوں کے گرد نہایت تیزی سے گھومنے لگی!
۔۔۔۔
دوسری طرف ڈریٹن حملے کے بعد خوف زدہ ہو کر نہیں بھاگا تھا بلکہ واپس آ کر اسی کھڑکی میں جھانک کر انھیں دیکھنے لگا۔ جب اس نے فیونا کو منتر پڑھتے ہوئے سنا تو چونک اٹھا اور بڑبڑایا: ’’تو یہ ہے وہ منتر جس کے ذریعے فیونا مطلوبہ مقامات پر پہنچ جاتی ہے، لیکن واپسی کے لیے کیا منتر ہے؟‘‘

وہ یہ سوچ ہی رہا تھا کہ اس نے اینگس کو کہتے سنا۔ وہ جمی اور جیزے کو وہ منتر بتا رہا تھا جس کے ذریعے تینوں واپس گیل ٹے آتے۔ ڈریٹن نے خوشی سے دانت نکال لیے۔ اتنی آسانی سے اس کا مسئلہ حل ہو گیا تھا۔ وہ اینگس کا غائبانہ شکریہ ادا کرتے ہوئے جھیل ڈون کی طرف چل پڑا۔

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابل ذکر تبدیلی کی گئی ہے، یہ نہایت سنسنی خیز ، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی نیوز کے قارئین کے لیے پیش کیا جا رہا ہے۔

’’ہم آپ کے لیے یونانی سموسہ اور بادام کا کیک لے کر آئے ہیں۔ یونانی زبان میں ان کے نام طویل ہیں لیکن یہ بہت ذائقہ دار ہیں۔‘‘ جبران نے کہا۔

گزشتہ اقساط پڑھنے کے لیے یہاں کلک کریں

’’بہت بہت شکریہ۔‘‘ اینگس نے جبران کے ہاتھ سے سموسہ اور بادام کے کیک لے لیے۔ ’’اگر تم لوگوں کو برا نہ لگے تو میں یہ کسی اور وقت کے لیے رکھ دوں۔ کیوں کہ میں ابھی ابھی تین عدد چاکلیٹ بسکٹ کھا چکا ہوں۔‘‘ یہ کہہ کر وہ کچھ سوچنے لگے اور پھر ان کی آنکھوں میں چمک سی پیدا ہو گئی۔ ’’میرے پاس ایک زبردست آئیڈیا ہے۔ سمجھ لو کہ میں ایک تاریخ نویس ہوں، آلرائے کیتھ مور کی طرح۔ میں بھی اس کتاب میں ان دل چسپ واقعات اور مہمات کی کہانی لکھوں گا۔ میرے پاس خصوصی سیاہی ہے اور اس قدیم کتاب میں خالی صفحات بھی ہیں۔‘‘

’’اوہ یہ تو شان دار خیال ہے۔ اگر آپ کچھ بھول بھی جائیں تو ہم ساری کہانی دہرا بھی سکتے ہیں۔‘‘ جبران جلدی سے بولا۔ ’’ویسے میں یہ ساری کہانی اپنی ڈائری میں بھی لکھوں گا۔‘‘

ایسے میں دانیال اپنی جیب پر ہاتھ پھیرنے لگا۔ وہ زبان کے مسئلے کی وجہ سے کافی دیر سے خاموش کھڑا تھا۔ یکایک اسے پتھر کا وہ ٹکڑا یاد آیا جو اس نے خانقاہ سے اٹھایا تھا۔ وہ جلدی سے بولا: ’’یہ دیکھیں انکل، یہ میں نے خانقاہ سے اٹھایا تھا۔‘‘

جبران نے فوراً اس کی ترجمانی کی۔ اینگس نے اس کے ہاتھ سے ٹکڑا لیا۔ یہ ماربل کی اینٹ کا ہی ایک ٹکڑا تھا۔ فیونا نے وہ تصویریں اینگس کو دکھائیں جو انھوں نے ساحل پر گدھے پر بیٹھ کر کھینچی تھیں۔ یہ تصاویر دیکھ کر وہ سب ہنسنے لگے۔

اینگس نے اٹھ کر الماری کے اوپر سے قدیم کتاب اٹھا کر میز پر رکھ دی۔ ’’میں اسے بعد میں لکھنا شروع کروں گا جب بالکل اکیلا ہوں گا، تاکہ بھرپور توجہ کے ساتھ سارے واقعات قلم بند کر سکوں۔‘‘

(جاری ہے…)

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابل ذکر تبدیلی کی گئی ہے، یہ نہایت سنسنی خیز ، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی نیوز کے قارئین کے لیے پیش کیا جا رہا ہے۔

گزشتہ اقساط پڑھنے کے لیے کلک کریں

فیونا کی ممی مائری مک ایلسٹر نے اپنے باغیچے سے تمام قسم کے پھول چُنے، اور ان سے ایک خوب صورت گل دستہ بنا لیا۔ پھر، چند سبزیاں توڑیں اور باسکٹ میں بھر کر جبران کے گھر کی طرف چل پڑیں۔ پندرہ منٹ بعد وہ جبران کے گھر کے دروازے پر کھڑی تھیں۔ دستک دینے پر ذرا دیر بعد جبران کی امی شاہانہ نے دروازہ کھول دیا۔ وہ مائری کو نہیں پہچان سکیں، کیوں کہ وہ اس سے پہلے کبھی مائری سے نہیں ملی تھیں۔

"میں مائری… مائری اینافرگوسن مک ایلسٹر۔” انھوں نے اپنا تعارف کرایا۔

"ارے آپ، فیونا کی ممی۔” شاہانہ چونک اٹھیں اور انھیں خوش آمدید کہا اور اندر مہمان خانے میں لے گئیں۔ "بلال نے مجھے آپ کے بارے میں بتایا ہے، آپ سے ملنے کا مجھے بڑا اشتیاق تھا۔”

دونوں آمنے سامنے ایک صوفے پر بیٹھ گئیں، لیکن شاہانہ نے اچانک کہا: "میں آپ کے آنے سے پہلے اپنے لیے چائے بنا رہی تھی، میں ابھی لے کر آتی ہوں۔” یہ کہہ کر وہ اٹھیں اور باورچی خانے چلی گئیں۔ مائری اس چھوٹے سے گھر کا جائزہ لینے لگیں۔ پہلی ہی نظر میں وہ شاہانہ کی سلیقہ مندی کی معترف ہو گئیں۔ ہر چیز سے صفائی اور سادگی کی جھلک نمایاں تھی۔ دروازے کی سامنے والی دیوار پر فریم میں ایک بڑی تصویر لٹک رہی تھی۔ اس تصویر میں ایک گاؤں کے پس منظر میں برف پوش پہاڑوں کا نہایت ہی دل پذیر منظر دکھائی دے رہا تھا۔ وہ اس تصویر میں نظر آنے والی جگہ کے متعلق سوچ کر حیران ہو گئیں۔ وہ اسے پہچان نہیں سکیں۔ گھروں کا طرز تعمیر ان کے لیے بالکل اجنبی تھا۔

"یہ ہمارے آبائی گاؤں کی تصویر ہے۔” شاہانہ نے اندر آتے ہوئے مائری کو تصویر میں گم دیکھ کر کہا۔ انھوں نے میز پر سینی رکھ دی اور دو پیالیوں میں کیتلی سے چائے انڈیلنے لگیں۔ مائری کیتلی کو دیکھ کر چونک اٹھیں۔ "ارے، میں نے آج تک اسکاٹ لینڈ میں اس طرح کی کیتلی نہیں دیکھی، یہ تو کوئی بہت قدیم لگ رہی ہے۔”

شاہانہ مسکرا دیں۔ انھوں نے ایک پلیٹ آگے کرتے ہوئے کہا: "یہ کشمش کے بسکٹ ہیں، بے حد ذائقہ دار ہیں۔ رہی بات اس کیتلی کی تو یہ میں پاکستان سے اپنے ساتھ لائی ہوں۔ یہ ہماری روایتی کیتلی ہے۔”

"بہت ہی شان دار ہے۔” مائری اس سے متاثر نظر آنے لگیں، پھر کچھ یاد آکر انھوں نے باسکٹ اٹھا کر میز پر رکھ دی۔ باسکٹ سے گل دستہ نکال کر شاہانہ کے حوالے کر دیا۔ "یہ میں نے اپنے باغیچے کے پھولوں سے بنایا ہے۔”

"شکریہ….!” شاہانہ نے گل دستہ وصول کرتے ہوئے کہا: "معلوم ہوتا ہے کہ آپ نے اپنے باغیچے میں بہت سارے پودے اگائے ہیں۔”

"جی ہاں۔ میں نے کئی اقسام کی سبزیاں اور پھل بھی اگائے ہیں۔ کچھ اپنے ساتھ بھی لائی ہوں۔ دراصل میں نے سوچا کہ جب بلال اور آپ کا مہمان لوٹیں گے تو رات کے کھانے کے لیے کچھ زبردست قسم کی چیزیں موجود ہوں۔” مائری نے روانی میں کہہ دیا لیکن وہ دل ہی دل میں حیران ہونے لگیں کہ اس نے اتنی روانی سے مہمان کا ذکر کیسے کر دیا۔ "میرا مطلب ہے کہ …. آپ کے ہاں ایک مہمان آیا ہوا ہے، کیا ایسا نہیں ہے؟” وہ گڑبڑا کر بولیں۔

شاہانہ مسکرا دیں۔ ان کی آنکھوں میں چمک سی آ گئی۔ ” ہاں، ہاں… جونی تھامسن لندن سے یہاں آیا ہے۔ اچھا آدمی ہے۔ وہ بلال کے ہمراہ مچھلیوں کے شکار پر گئے ہوئے ہیں۔ آج رات آپ اور فیونا کا کیا پروگرام ہے؟ کیا آپ ہمارے ہاں آنا پسند کریں گی۔ رات کا کھانا ہمارے ساتھ ہی کھائیے، مہمان کے ساتھ بھی ملاقات ہوجائے گی، اور جتنی دیر چاہیں آپ ان سے مچھلی کے شکار کے قصے بھی سن سکتی ہیں۔”

مائری ہنس پڑیں۔ "تھامسن سے کل میری ملاقات ہوئی تھی۔ وہ ایک اچھا شخص لگتا ہے۔ میں رات کے لیے قیمہ اور آلو کا بھرتا بنانے کی تیاری کر رہی تھی۔ اگر آپ کو پسند ہو تو میں وہ یہاں لے کر آ جاؤں!”

شاہانہ فوراً سمجھ گئیں کہ وہ کیا چاہتی ہیں۔ "ٹھیک ہے، آپ اطمینان کے ساتھ آ سکتی ہیں۔ جتنا چاہیں یہاں وقت گزاریں۔ ویسے آپ تو پہلے ہی سے اتنا کچھ لے کر آئی ہیں۔” انھوں نے باسکٹ کی طرف اشارہ کیا۔

(جاری ہے….)

نوٹ: یہ طویل ناول انگریزی سے ماخوذ ہے، تاہم اس میں کردار، مکالموں اور واقعات میں قابل ذکر تبدیلی کی گئی ہے، یہ نہایت سنسنی خیز ، پُر تجسس، اور معلومات سے بھرپور ناول ہے، جو 12 کتابی حصوں پر مشتمل ہے، جسے پہلی بار اے آر وائی (اردو ویب) پر قارئین کے لیے پیش کیا جا رہا ہے۔

جس دیوار میں مطلوبہ اینٹ لگی ہوئی تھی وہ بہت خستہ ہو چکی تھی، اور ایسا لگتا تھا جیسے اب گری تب گری۔ فیونا اینٹ کے پاس رک گئی۔ "یہ واقعی ڈھیلی ہے اور بہ آسانی باہر نکل آئے گی۔”

گزشتہ اقساط پڑھنے کے لیے یہاں کلک کریں

"فیونا، داموں کو مت بھولو۔” دانیال نے اسے پھر یاد دلایا۔ اس سے خاموش نہ رہا گیا تھا۔ وہ بے چینی سے فیونا کی طرف دیکھ رہا تھا۔ "یہ کارنر اسٹون ہے، اس پر پوری دیوار ٹھہری ہوئی ہے۔”

"میں داموں کو بھولی نہیں ہوں۔” اس نے مڑے بغیر تیز لہجے میں جواب دیا اور اینٹ کو جھٹکے سے کھینچ لیا۔ دیوار اچانک لرز کر رہ گئی۔ اوپر سے ان کے سروں پر ماربل کے چھوٹے چھوٹے ٹکڑے اور خشک کیچڑ گرنے لگا۔ انھوں نے فوراً بازوؤں سے سر چھپا لیے۔ "یہ یقیناً پھندوں میں سے ایک ہے، اگر ہم نے اینٹ نکالی تو پوری دیوار ہم پر گر جائے گی۔” فیونا چلا کر بولی۔ دانیال نے اس کا جملہ پورا کر دیا: "اور ہم سب مر جائیں گے۔”

ایسے میں جبران نے آئیڈیا پیش کیا: "کیوں نہ گدھے سے کام لیا جائے۔ ہم نکولس سے اس کے گدھے کو کرائے پر لے لیتے ہیں۔ سہ پہر کو وہ ویسے بھی آرام کرنے جائے گا۔ ہم گدھا یہاں لا کر اس سے ایک رسی باندھ لیں گے اور اس رسی کا دوسرا سرا اینٹ کے گرد لپیٹ دیں گے۔ ہم میں سے کوئی ایک اپنے ہاتھ میں ایک اور اینٹ لے کر کھڑا ہوگا۔ جیسے ہی گدھا اینٹ کھینچ لے گا، وہ فوراً اس جگہ پر دوسری اینٹ رکھ دے گا۔ کیسا ہے یہ آئیڈیا؟” جبران فخر سے سینہ پھلائے ان کی طرف داد طلب نظروں سے دیکھنے لگا۔

"آئیڈیا تو اچھا ہے لیکن اس کا مطلب ہے کہ ہمیں گدھا چوری نہیں، ادھار پر لینا پڑے گا۔ اور مجھے یقین نہیں ہے کہ نکولس ہمیں اپنا گدھا ادھار دینا پسند کرے گا۔ ویسے تم دوڑ کر ساحل پر جا کر گدھا لا سکتے ہو۔ میں یہاں کھڑے ہو کر سوچوں گی کہ اور کیا کر سکتی ہوں۔” فیونا نے اسے دیکھ کر کہا۔

"ٹھیک ہے، مجھے پیاس بھی لگی ہے، ہم چلے جاتے ہیں۔” دانیال بولا۔ فیونا نے ڈریکما کے چند نوٹ ان کے حوالے کرتے ہوئے کہا: "یہ لو مقامی کرنسی، کھانے پینے کی چیزیں خرید لو اور ہاں رسی بھی خرید کر لانا۔”

جبران اور دانیال کے جانے کے بعد فیونا ایک دیوار سے ٹیک لگا کر بیٹھ گئی۔ اس نے اسی کونے والی ماربل اینٹ ہی پر نظریں جمائے رکھیں۔ اسے پتا ہی نہیں چلا اور وہ نیند کی وادیوں میں اتر گئی۔ اس نے ایک جھٹکا کھایا اور مڑ کر دیکھنے لگی۔ اس کے سامنے دھند سی چھائی ہوئی تھی۔ اس نے محسوس کیا کہ وہ قلعۂ آذر کے ایک کمرے کی چھت کے قریب ہوا میں کسی تتلی کی طرح منڈلا رہی ہے۔ نیچے میز پر ایک اعلیٰ قسم کا فیتے والا خوب صورت میز پوش نظر آ رہا تھا۔ میز پر سنہری رنگ کا شمع دان رکھا تھا جس میں گلابی رنگ کی موم بتیاں جل رہی تھیں۔ گل دان گیندے، سوسن اور گلاب سے بھرے ہوئے تھے، جن میں گندم کی ڈنٹھل بھی دکھائی دے رہی تھی۔ میز پر طرح طرح کے کھانے سجے ہوئے تھے جن کی خوش بوؤں سے کمرا مہک رہا تھا۔ ماحول بے حد پر سکون تھا۔ اچانک فیونا کو آوازیں سنائی دینے لگیں اور پھر بہت سارے لوگ کمرے میں داخل ہوئے۔ ایسے میں فیونا نے منقش شیشے والی کھڑکی کو غور سے دیکھا۔ اس نے کمرے میں داخل ہونے والوں میں بادشاہ کیگان کو پہچان لیا۔ بادشاہ نے ترشے ہوئے سفید پشم کے ساتھ سرخ عبا پہن رکھا تھا اور اس کے سر پر خالص سونے کا تاج دھرا تھا جو، روبی، نیلم اور زمرد سے سجا ہوا تھا۔ اس کے دائیں طرف بادشاہ کی ملکہ تھی اور چند بچے چھوٹے چھوٹے قدموں سے اس کے آس پاس پھر رہے تھے۔ ان سب نے شاہی لباس پہن رکھا تھا۔ آتش دان کے پاس مسخرے اور شعبدہ باز کھڑے اس شاہی خاندان کو اپنے ہنر سے خوش کر رہے تھے۔ شاہی خاندان اور ان کے دوست کھانے کی میز کے گرد اکھٹے ہو گئے۔

اچانک سارا محل خطرے کی گھنٹیوں سے گونج اٹھا۔ ملکہ نے فوراً خطرہ محسوس کر کے بچوں کو اکٹھا کیا اور کمرے سے باہر نکال کر ایک دوسرے کمرے میں لے گئی۔ اسی وقت چوبی ڈھالوں اور اسٹیل کی چمکتی تلواروں سے مسلح افراد اندھا دھند کھانے کے کمرے میں گھسے چلے آئے۔ ان کے سامنے جو بھی آیا، اسے ان حملہ آوروں نے تلواروں سے کاٹ کر رکھ دیا۔ چند ہی لمحوں میں وہ کچھ ہوا جس کا کسی نے تصور بھی نہیں کیا تھا۔ بادشاہ فرش پر تڑپ رہا تھا۔ اس کے اردگرد اس کے مہمان خون میں ڈوبے پڑے تھے۔ اسی لمحے فیونا کو کمرے کے باہر سے چیخنے کی آوازیں سنائی دیں۔ وہ سمجھ گئی کہ ملکہ اور بچے بھی ان ظالموں سے نہیں بچ سکے۔

یہ اتنا دل دوز منظر تھا کہ فیونا شدت غم سے سسکیاں بھرنے لگی۔ عین اسی وقت اچانک بادشاہ کیگان نے گردن موڑ کر اوپر فیونا کی آنکھوں میں دیکھا۔ یکایک تلوار چمکی اور کسی نے بادشاہ کا سر تن سے جدا کر دیا۔ فیونا خوف کے مارے چھت کے ساتھ دُبک گئی۔ ایک شخص اندر داخل ہوا اور اس نے بادشاہ کیگان کی کٹی ہوئی گردن سے ہار کھینچ لیا۔ کئی اور افراد نے ملکہ اور بچوں کی لاشیں گھسیٹتے ہوئے اندر لا کر بادشاہ کے قریب ڈھیر کر دیں۔

کمرے کو نذر آتش کرنے سے قبل ایک شخص نے شاہی خاندان کی لاشوں پر تیل چھڑک دیا۔ یہ منظر کہیں زیادہ تکلیف دہ تھا۔ فیونا اسے دیکھنے کی تاب نہ لا سکی اور ہوا میں تیرتے ہوئے کمرے سے نکل گئی۔ کچھ ہی دیر میں کمرے میں آگ کے سرخ شعلے چھت کو چھونے لگے۔

فیونا آنکھیں کھول کر اٹھی۔ اس کے گالوں پر آنسوؤں کی لکیریں بنی ہوئی تھیں۔ اس نے گال صاف کیے۔ وہ یہ جان کر بڑی خوش ہوئی کہ وہ محض ایک خواب تھا۔ اس نے اپنے دل میں یہ عزم کیا کہ وہ تمام قیمتی پتھر حاصل کر کے انھیں جادوئی گیند پر واپس رکھ دے گی۔ وہ بڑبڑ انے لگی: "میں اپنے جد امجد بادشاہ کیگان کا اقبال مزید بلند کرنے کے لیے جادوئی گولے کو پھر سے مکمل کر کے رہوں گی۔”

(جاری ہے….)