بالی وڈ کے مسٹڑ پرفیکٹ عامر خان کی فلم دنگل سے ڈیبیو کرنے والی اداکارہ فاطمہ ثنا شیخ نے اپنی پسندیدہ بالی وڈ اداکاراؤں کے بارے میں کھل کر بات کی۔
بھارتی میڈیا رپورٹس کے مطابق حال ہی میں اداکارہ فاطمہ ثناء شیخ نے ہیومنز آف سنیما کو انٹرویو میں اپنے پسندیدہ اداکار کے حوالے سے کئے گئے ایک سوال کا جواب دیتے ہوئے کہا کہ ’میں شاہ رخ خان کی بہت بڑی فین ہوں لیکن مجھے لگتا ہے کہ عامر خان ناظرین کے لئے ہر بار مختلف فلمیں لے کر آتے ہیں‘۔
اداکارہ نے کہا کہ مجھے لگتا ہے کہ عامر خان نے ہمیں رنگ دے بسنتی، پی کے، تھری ایڈیٹ جیسی بہت سی فلمیں دی ہیں، یہ تمام فلمیں دوسری فلموں سے بہت مختلف ہیں۔
مزید پڑھیں: عامر خان اور کرن راؤ میں طلاق
یہ بھی پڑھیں: کرن راؤ سے علیحدگی، معروف اداکارہ کی عامر خان کو شادی کی پیشکش
انہوں نے دوران انٹرویو مختلف موضوعات پر کھل کر بات کی اور ایک سوال کے جواب میں فنکاروں کے حوالے سے قائم اس تصور کو بھی غلط قرار دیا کہ وہ اعلیٰ طبقے سے تعلق رکھتے اور شاہانہ طرز زندگی کے مالک ہوتے ہیں۔
اداکارہ نے بتایا کہ میں بچپن سے اداکاری کے شعبے سے وابستہ ہوں تاہم اب بھی میرا تعلق ایک متوسط گھرانے سے ہے اور ہمیں کئی عرصے تک ایک کمرے کے مکان میں کرائے پر رہنا پڑا جس پر مجھے فخر ہے۔
فاطمی ثناء شیخ میگھنا گلزار کی فلم سیم بہادر میں وکی کوشل کے مدمقابل نظر آئیں گی، انہوں نے ساتھی فنکار کو موجود جینیریشن کا بہترین اداکار قرار دیا۔
واضح رہے کہ بالی وڈ کے مسٹڑ پرفیکٹ کی فاطمہ ثنا شیخ سے تعلقات کی خبروں کے بعد ہی عامر خان کی دوسری بیوی فلم ساز کرن راؤ سے جولائی 2021 میں شادی کے 16 سال بعد طلاق ہوئی تھی۔
