Tag: پسندیدہ کرکٹر

پیرس پیرالمپکس کے جیولین تھرو مقابلے میں بھارت کے لیے گولڈ میڈل جیتنے والے نودیپ سنگھ نے اپنے پسندیدہ ایشیا کرکٹر نام بتادیا ہے۔

نودیپ سنگھ بھارت کے نئے جیولین ہیرو ہیں، 2024 کے پیرس پیرالمپکس میں ایف 41 کلاسیفکیشن ایونٹ میں گولڈ میڈل جیت کر انھوں نے اپنا نام تاریخ میں رقم کروالیا ہے، 23 سالہ ایتھلیٹ نے نہ صرف اپنی عام زندگی بلکہ پروفیشنل لائف میں بھی جرات و حوصلے کا مظاہرہ کیا ہے۔

ویسے تو نودیپ سنگھ کو ان کے جوش و خروش کی وجہ سے ویرا کوہلی سے تشبیح دی جارہی ہے مگر ان کا پسندیدہ کرکٹر کوئی اور نہیں بلکہ بھارتی کپتان روت شرما ہیں۔

نودیپ سنگھ نے ایک پوڈ کاسٹ میں کہا کہ کئی ایتھلیٹس کو کرکٹ لیجنڈز مہندر دھونی اور ویرات کوہلی سے تشبیح دی جاتی ہے مگر میرے رول ماڈل روہت شرما ہیں۔

بھارتی پیرا ایتھلیٹ نے کہا کہ روہت بہت اچھا کھیلتے ہیں اور ڈبل سنچری بھی اسکور کرچکے ہیں، وہ کیا شاندار اننگز تھی اس کے بعد سے میں ان کا فین ہوگیا۔

خیال رہے کہ پیرس پیرالمپکس میں جیولن تھرو کے فائنل میں ریکارڈ قائم کرکے گولڈ میڈل جیتنے والے ایرانی ایتھلیٹ صادق بیت سیاح کو نااہل قرار دے دیا گیا تھا۔

ایرانی ایتھیلیٹ صادق بیت سیاح کو گولڈ میڈل جیتنے کی خوشی میں مذہبی جھنڈا (علم) لہرانے کی وجہ سے نا اہل قرار دے دیا گیا تھا اور وہ سونے کا تمغہ جیتنے کے بعد بھی خالی ہاتھ رہے۔

صادق بیت سیاح کا گولڈ میڈل دوسرے نمبر پر آنے والے انڈیا کے نودیپ سنگھ کو دے دیا گیا تھا، جنھوں نے اس سے قبل چاندی کا تمغہ حاصل کیا تھا۔

نودیپ سنگھ کا تعلق بھارتی یاست ہریانہ سے ہے، 23 سالہ نودیپ سنگھ نے مقابلے میں 47.32 میٹر کے فاصلے پر جیولین تھرو کی تھی۔