Tag: پسند کی شادی

فیصل آباد : پسند کی شادی کرنے والے 25 سالہ نوجوان کو فائرنگ کرکے قتل کردیا گیا، علی حمزہ نے ایک سال قبل فیصل کی بہن سے پسندکی شادی کی تھی۔

تفصیلات کے مطابق فیصل آباد کے باؤ والا میں پسند کی شادی کرنے والے 25 سالہ نوجوان کو قتل کردیا گیا، پولیس نے بتایا کہ علی حمزہ واٹر فلٹریشن پلانٹ سے پانی لے کر گھر جا رہا تھا کہ موٹرسائیکل سوار ملزم فیصل نے علی حمزہ پر فائرنگ کردی.

پولیس کا کہنا تھا کہ علی حمزہ نے ایک سال قبل فیصل کی بہن سے پسندکی شادی کی تھی۔

یاد رہے ایسے ہی واقعے میں مانسہرہ میں پسند کی شادی کرنے والی لڑکی کوعدالت جاتےہوئےقتل کردیا گیا تھا، ملزمان کی فائرنگ سے مقتولہ کا سسر شدید زخمی ہوا تھا۔

اس سے قبل سندھ کے شہر جامشورو میں پسند کی شادی کرنے والی لڑکی کے بہیمانہ قتل کا انکشاف ہوا تھا ، جس نے 8 ماہ قبل گھر سے بھاگ کر دلدار کھوسو نامی لڑکے سے پسند کی شادی کی تھی۔

ظفروال : پسند کی شادی نہ ہونے پر ملزم نے لڑکی کی فیملی پرگولیاں چلا دیں اور گھرکو آگ لگادی۔

تفصیلات کے مطابق صوبہ پنجاب کے شہر ضلع نارووال کی تحصیل ظفروال میں پسندکی شادی نہ ہونے پرملزم نے لڑکی کی فیملی پرگولیاں چلادیں۔

خوشحال گڑھ میں گھر میں فائرنگ سے 3 خواتین سمیت 4 افراد قتل اور 2 زخمی ہوگئے۔

پولیس نے قتل میں ملوث ملزم اکرام اسلم کو گرفتار کرلیا اور لاشوں اور زخمیوں کواسپتال منتقل کردیاگیا۔

پولیس کا کہنا تھا کہ قاتل اکرم اسلم نے واردات کے بعد گھرکو آگ لگادی۔

یاد رہے گوجرانوالہ میں ڈھاریوال روڈ پر ملزم نے رشتہ سے انکار پر فائرنگ کرکے لڑکی کو قتل کر دیا تھا۔

پولیس نے بتایا تھا کہ ملزم نوید نے ساتھی کیساتھ ملکر رکشہ روک کر فائرنگ کی، مقتولہ کے والد نے الزام لگایا کہ ملزم بیٹی سے زبردستی شادی کرنا چاہتا تھا انکار پر فائرنگ کی۔

ساہیوال : پسند کی شادی کرنیوالی لڑکی کو شوہر کے دوستوں نے اجتماعی زیادتی کا نشانہ بنا ڈالا اور فرار ہوگئے۔

تفصیلات کے مطابق ساہیوال میں چک 6 چودہ ایل میں پسند کی شادی کرنیوالی لڑکی سے شوہر کے دوستوں کی اجتماعی زیادتی کا واقعہ سامنے آیا۔

پولیس نے شوہراقبال کی مدعیت میں مقدمہ درج کرکے 2ملزمان کوگرفتارکرلیا۔

ایف آئی آر میں کہا گیا کہ اقبال نے 7 دسمبر کو سے والدین کی مرضی کے بغیر لو میرج کی تھی، لو میرج کے بعد شوہر اقبال بیوی کو رشتہ دار ندیم کے گھر لے آیا تھا۔

مدعی مقدمے کا کہنا تھا کہ اقبال اگلے روز بیوی کو لے جانے کیلئے آیا تو دوستوں نے اسے کمرے میں بند کردیا اور ملزمان لڑکی سےاجتماعی زیادتی کے بعد موقع سے فرارہوگئے۔

مزید پڑھیں : ڈاکوؤں کی ناکہ لگا کر لوٹ مار اور خاتون سے مبینہ اجتماعی زیادتی

یاد رہے چند روز قبل شیخوپورہ ضلع شرقپورشریف میں ایک افسوسناک واقعہ پیش آیا تھا جہاں ڈاکوؤں نے ناکہ لگا کر لوٹ مار کرنے کے بعد خاتون کو مبینہ اجتماعی زیادتی کا نشانہ بنایا تھا۔

15کے قریب ڈاکوؤں نے شیخوپورہ روڈ پر واردات میں 20 شہریوں کو نقدی، موبائل فونز سے محروم کردیا تھا، متاثرہ افراد نے بتایا تھا کہ ہمارے ساتھ لٹنے والی خاتون سے 3 ڈاکوؤں نے زیادتی کی، زیادتی کا شکار خاتون روتی ہوئی گھر چلی گئی۔

کراچی : پسند کی شادی کے کیسز میں سندھ ہائیکورٹ نے تحریری فیصلے میں کہا کہ اگر والدین ذات اور مسلک کی وجہ سے شادی کیلئےراضی نہیں ہوتےتو بالغ لڑکا لڑکی شادی کر سکتے ہیں۔

تفصیلات کے مطابق سندھ ہائیکورٹ نے پسند کی شادی کرنیوالے تین جوڑوں کےکیسز کا تحریری فیصلہ جاری کردیا۔

جس میں کہا ہے کہ جمہوری ملک میں جب کوئی لڑکا یا لڑکی بالغ ہوجائے تو وہ پسند کی شادی کرسکتا ہے، اگر والدین ذات اور مسلک کی وجہ سے شادی کیلئے راضی نہیں ہوتے تو بالغ لڑکا لڑکی شادی کرسکتے ہیں۔

تحریری فیصلے میں کہا گیا کہ والدین لڑکے یالڑکی کاسماجی رابطہ ختم کرسکتےہیں ان کو ہراساں کرنےیاتشدد نہیں کرسکتے،پولیس اور انتظامی حکام کو ہدایت کی جاتی ہیں کہ پسند کی شادی کرنے والوں کو تحفظ فراہم کریں اور اگر فریقین کے درمیان لڑکی کی عمر کا کوئی تنازع ہے تو اسے متعلقہ عدالت میں حل کیا جائے۔

عدالت نے گھوٹکی کے رہائشی جوڑے کو تحفظ فراہم کرنے کا حکم دیتے ہوئے کہا کہ پسند کی شادی کرنیوالے شاہ زمان کیخلاف مقدمہ سی کلاس کیا جائے۔

عدالت نے شاہ زمان اور لڑکی کے اہلخانہ کو 5،5 لاکھ روپے کے مچلکے جمع کرانے کا حکم دیتے ہوئے کہا کہ لڑکی چاہے تو والدین سے مل سکتی ہے۔

پولیس نے بتایا کہ نور الدین کے خلاف درج مقدمہ بھی سی کلاس کردیا گیا ہے ، جس پر عدالت نے حبیب الرحمان اورلڑکی کو بھی تحفظ فراہم کرنے کا حکم دے دیا۔

مانسہرہ : پسند کی شادی کرنے والی لڑکی کو عدالت جاتے ہوئے قتل کردیا گیا، پولیس نے واقعے کا مقدمہ درج کرلیا ہے۔

تفصیلات کے مطابق مانسہرہ میں پسند کی شادی کرنےوالی لڑکی کوعدالت جاتےہوئےقتل کردیا گیا، ملزمان کی فائرنگ سے مقتولہ کا سسر شدید زخمی ہوا، جنہیں اسپتال منتقل کردیا گیا ہے۔

پولیس کا کہنا ہے واقعے کا مقدمہ درج کرلیا گیا اور ملزمان کی گرفتاری کیلئےچھاپے مارے جارہے ہیں۔

یاد رہے سندھ کے شہر جامشورو میں پسند کی شادی کرنے والی لڑکی کے بہیمانہ قتل کا انکشاف ہوا تھا ، جس نے 8 ماہ قبل گھر سے بھاگ کر دلدار کھوسو نامی لڑکے سے پسند کی شادی کی تھی۔

شادی کے چند ماہ بعد مقتولہ کا باپ باقاعدہ رخصتی کا کہہ کر بیٹی کو ساتھ لے آیا تھا تاہم رات گئے لڑکی نے شوہر دلدار کھوسو کو واٹس ایپ پر وائس میسج بھیجا کہ گھر والوں نے اس کے قتل کا منصوبہ بنایا ہے۔

وائس میسج میں مقتولہ نے شوہر کو کہا تھا کہ اب میرے ملنے کی توقع مت رکھنا کیونکہ گھر والے مجھے مار دیں گے۔

بعد ازاں شوہر دلدار کھوسو کا اہم بیان سامنے آیا تھا جس میں اس کا کہنا تھا کہ بیوی کو اس کے رشتہ داروں نے کلہاڑی کے وار کر کے قتل کر دیا، میری بیوی نے مجھے 2 روز قبل وائس میسج کر کے قتل سے متعلق آگاہ کیا تھا۔