لاہور: پسند کی شادی کرنیوالی نئی نویلی دلہن پراسرار طور پر جاں بحق ہوگئی، والد نے سسرالیوں پر تششد کرنے کا الزام عائد کردیا۔
تفصیلات کے مطابق پولیس کا کہنا ہے کہ باغبانپورہ کے علاقے میں نوبیاہتا لڑکی پراسرار طور پر چل بسی، مقتولہ ہما کی 4 ماہ پہلے اسد نامی لڑکے سے پسند کی شادی ہوئی تھی، باپ نے سسرالیوں کے خلاف مقدمہ درج کروادیا۔
والد کی جانب سے درج کرائے گئے مقدمے میں کہا گیا ہے کہ لڑکی سسرالیوں کے مبینہ تشدد سے ہلاک ہوئی، سسرالیوں نے گلے میں پھندا ڈال کرقتل کیا۔
ایف آئی آر کے متن میں کہا گیا کہ رسی کے نشانات موجود تھے، مقدمے میں مقتولہ کے شوہر، ساس، سسر اور نند کو نامزد کیا گیا ہے۔
متن میں کہا گیا کہ مقتولہ کا شوہر اور سسرال والے بیٹی پر تشدد کرتے اور ملنے نہیں دیتے تھے، پولیس نے بتایا کہ لڑکی کی لاش پوسٹ مارٹم کے لیے مردہ خانے منتقل کی گئی ہے جبکہ تحقیقات جاری ہیں۔
میانوالی: پنجاب میں پسند کی شادی پر لڑکی کے اہلخانہ نے لڑکے کی والدہ سمیت 2 افراد کو اغوا کرلیا۔
تفصیلات کے مطابق صوبے پنجاب کے ضلع میانوالی میں پسند کی شادی کرنے کیلئے لڑکی لڑکے کے ساتھ چلی گئی جس کے بعد لڑکی کے اہلخانہ نے لڑکے کی والدہ سمیت 2 افراد کو اغوا کرلیا۔
پولیس کا کہنا ہے کہ 9 افراد نے گھر میں گھس کر لڑکے کی والدہ اور 13 سالہ لڑکی کو اغوا کیا، نٹال والا میں 27 ستمبر کو لڑکی اپنی مرضی سے پڑوسی لڑکے کے ساتھ گھر سے گئی تھی۔
پولیس کا کہنا ہے کہ اس واقعے کے بعد 28 ستمبر کو لڑکی کے اہلخانہ نے لڑکے کی والدہ سمیت 2 افراد کو اغوا کرلیا، تھانہ واں بھچراں میں دونوں واقعات کے مقدمات درج کر لیے گئے ہیں۔
پولیس کا کہنا ہے کہ رات گئے چھاپوں میں چند ملزمان کو حراست میں لیا ہے، مغویوں کی بازیابی اور ملزمان کی گرفتاری کیلئے چھاپے ماررہے ہیں۔
ہمارے معاشرے میں عام طور پر والدین کی کوشش ہوتی ہے کہ اولاد کی شادی اپنی پسند سے کریں اور خاندان کی مضبوطی کیلئے بچوں کی شادیاں خاندان میں کرنے پر ہی زور دیا جاتا ہے۔
دوسری جانب اب یہ بھی دیکھنے میں آرہا ہے کہ نوجوان نسل پسند کی شادی کو ترجیح دے رہی ہے لیکن یہ شرح ارینج میرج کے مقابلے میں کافی کم ہے۔
اس مسئلے پر اے آر وائی نیوز کے پروگرام باخبر سویرا میں معروف میچ میکر مسز خان نے اپنے تجربے کی بنیاد پر تفصیل سے روشنی ڈالی۔
ان کا کہنا تھا کہ میں اس بات سے متفق نہیں کہ کتنے فیصد لڑکے لڑکیاں پسند کی شادی یا ارینج میرج کرتے ہیں میرے حساب سے یہ معاملہ ففٹی ففٹی ہے کیونکہ تعلیمی اداروں یا ملازمت کے دوران لڑکے لڑکیاں ایک دوسرے سے متاثر ہوجاتے ہیں اور اپنے والدین کو اس بات سے آگاہ کرکے ان کے ذریعے رشتہ بھیجا جاتا ہے۔
انہوں نے کہا کہ آج کل سوشل طرز کی شادیاں زیادہ ہورہی ہیں اور والدین گھر گھر جاکر رشتہ ڈھونڈنے کے تکلف سے بھی آزاد ہونا چاہتے ہیں اس لیے وہ اولاد کی پسند کو ہی ترجیح دیتے ہیں۔
ایک سوال کے جواب میں مسز خان نے کہا کہ آن لائن رشتے کروانے والی ایپس میں زیادہ تر باتیں اور معلومات فیک ہوتی ہیں لہٰذا والدین کو چاہیے کہ بچوں کا رشتہ کرنے سے قبل ان معلومات کے اصل حقائق کو بھی جاننے کی پوری کوشش کریں۔
عوامی رائے
اس سلسلے میں جب اے آر وائی نیوز نے عوامی آراء جاننے کی کوشش کی تو ملاجلا رجحان دیکھنے میں آیا، ایک خاتون کا کہنا تھا کہ شادی محبت کی ہو یا ارینج، شادی کے بعد میاں بیوی میں انڈر اسٹینڈنگ بہت ضروری ہے۔
ایک شہری نے کہا کہ شادی سے پہلے لڑکا لڑکی میں تھوڑی بہت واقفیت ہونی چاہیے تاکہ ایک دوسرے کو سمجھ سکیں جبکہ ایک اور نے کہا کہ پسند کی شادی زیادہ بہتر ہے لیکن اگر ارینج ہو تو اس میں بھی کوئی مضائقہ نہیں۔
گیلپ سروے رپورٹ
واضح رہے کہ عوامی آراء جاننے والے ادارے گیلپ پاکستان کے سروے میں سامنے آیا ہے کہ81 فیصد پاکستانی نوجوان لڑکوں نے ارینج میرج کی جب کہ 18 فیصد نے پسند کی شادی کرنے کا کہا۔
گیلپ پاکستان کے مطابق ارینج میرج کرنے والوں میں لڑکیوں کی شرح زیادہ ہے، 85 فیصد لڑکیوں نے ماں باپ کی خواہش پر شادی کی جب کہ 14 فیصد نے اپنی پسند سے شادی کرنے کو ترجیح دی۔
اسلام آباد : پسند کی شادی پر لڑکا اور لڑکی کو ذبح کرنے والے ملزمان نے پولیس سے رابطہ کیا اور کہا ہماری روایات کے مطابق قتل بنتا تھا ہم نے کیا۔
تفصیلات کے مطابق اسلام آباد میں تھانہ ترنول کی حدود میں ہنگو سے تعلق رکھنے والے لڑکا اور لڑکی کے قتل کے واقعے کی تحقیقات جاری ہے.
پولیس نے بتایا کہ مقتول لڑکا خاتون کا رشتہ دار تھا، خاتون نے لڑکے کے حوالے سے اپنے دیور سے حراساں کرنے کی شکایت بھی کی اور ملزمان خاتون کی شکایت پر اسلام آباد آئے تھے۔
پولیس کا کہنا تھا کہ ملزمان جب پہنچے تو دونوں مقتولین نازیبا حالت میں پائے گئے، جس پر پہلے لڑکے کو مارا گیا اور پھر خاتون کو قتل کیا گیا۔
ملزمان نے ٹیکسلا سے کرائے پر گاڑی بک کرائی تاہم پولیس نے گاڑی اور ڈرائیور کو تحویل میں لے لیا۔
ملزمان نے پولیس سے رابطہ کرکے بتایا کہ ہم نے دونوں کو قتل کیا ہے، ڈرائیور کا کوئی قصور نہیں، ہماری روایات کے مطابق قتل بنتا تھا ہم نے کیا۔
یاد رہے تھانہ ترنول کی حدود میں لڑکا،لڑکی کو ذبح کردیا گیا تھا، لڑکی کی شناخت مردانہ بی بی جبکہ لڑکے کی شناخت شعیب کے نام سے ہوئی۔
واقعہ تھانہ ترنول کی حدود میں گاؤں پنڈ پڑیاں میں پیش آیا۔مقتولین نے پسند کی شادی کی تھی، مقتولین نے جان بچانے کے لیے ایک گھر میں پناہ لی۔ ملزمان مقتولین کا تعاقب کرتے ہوئے گھر میں داخل ہوئے اور قتل کردیا۔
پولیس کی جانب سے لاشوں کو اسپتال منتقل کر دیا گیا، ایس ایس پی آپریشن ارسلان شاہ زیب نے کہا ہے کہ ملزمان کو جلد از جلد گرفتار کریں گے۔
اسلام آباد: وفاقی دارلحکومت میں پسند کی شادی کرنے والے جواں سالہ لڑکے اور لڑکی کو ذبح کر دیا گیا۔
تفصیلات کے مطابق اسلام آباد میں دہرے قتل کی لرزہ خیز واردات ہوئی ، جس میں تھانہ ترنول کی حدود میں ہنگو سے تعلق رکھنے والے لڑکا اور لڑکی کو بے دردی سے قتل کردیا گیا۔
پولیس ذرائع نے بتایا کہ تھانہ ترنول کی حدود میں ہنگو سے تعلق رکھنے والے لڑکا اور لڑکی بے دردی سے قتل کیا گیا۔
لڑکی کی شناخت مردانہ بی بی جبکہ لڑکے کی شناخت شعیب کے نام سے ہوئی، واقعہ تھانہ ترنول کی حدود میں گاؤں پنڈ پڑیاں میں پیش آیا۔
حکام کا کہنا تھا کہ مقتولین نے پسند کی شادی کی تھی اور جان بچانے کے لیے ایک گھر میں پناہ لی لیکن ملزمان مقتولین کا تعاقب کرتے ہوئے گھر میں داخل ہوئے اور لڑکا، لڑکی کو ذبح کرنے کے بعد موقع سے فرار ہوگئے۔
پولیس کی جانب سے لاشوں کو اسپتال منتقل کر دیا گیا ہے ، لڑکے کی عمر 22 سال جبکہ لڑکی کی 24 سال ہے۔
ایس ایس پی آپریشن ارسلان شاہ زیب نے کہا ہے کہ ملزمان کو جلد از جلد گرفتار کرلیاجائے گا۔
نوشہروفیروز : پسند کی شادی کرنے والے جوڑے کے گھر پر فائرنگ سے دُلہے کے والد سمیت 3افراد زخمی ہوگئے جبکہ دلہن کو اغوا کرلیا گیا۔
تفصیلات کے مطابق نوشہرو فیروز کے علاقے کنڈیارو میں پسند کی شادی کرنے والے دولہے کے گھر پر مسلح افراد نے حملہ کردیا۔
فائرنگ سے دولہے کے والدسمیت 3افرادزخمی ہوئے جبکہ دلہن کو اغوا کرلیا گیا، پولیس نے بتایا کہ زخمیوں کو طبی امداد کے لئے اسپتال منتقل کردیاگیا ہے تاہم دولہے کے والدشاہد جوکھیو کی حالت تشویشناک ہونے پر نواب شاہ منتقل کردیا ہے۔
پولیس نے کہا کہ پسندکی شادی پردلہن کےرشتہ دارناراض تھے تاہم ملزمان کی گرفتاری کے لئےٹیم تشکیل دے دی گئی ہے۔
کراچی: منگھو پیر میں پسند کی شادی کرنے والے جوڑے کے قتل کا مقدمہ درج کرلیا گیا ، جس میں انکشاف ہوا والدین اور پھپھو کی نگرانی میں لڑکی اور لڑکے کا قتل کیا گیا۔
تفصیلات کے مطابق کراچی کے علاقے منگھو پیر سلطان آباد میں پسند کی شادی کرنے والے جوڑے کا غیرت کے نام پر قتل کا مقدمہ
سرکار کی مدعیت میں درج کرلیا گیا۔
مقدمتے کے متن میں کہا ہے کہ لڑکی کی والدہ، پھپھو اور والد کی موجودگی میں 5 سے زائد افراد نے میاں بیوی کوقتل کیا، 3 مئی کو مقتولین نے کورٹ میرج کی اور منگھوپیرمیں رشتےدارکےگھررہ رہےتھے۔
متن میں کہنا تھا کہ قتل سے قبل بھی لڑکی کی والدہ اور پھپھو ان کےگھرآئی تھی، فواد اور دیگر5ملزمان میاں بیوی کوقتل کرکے فرار ہوگئے۔
مقدمے میں انکشاف کیا گیا کہ مالک مکان نے بتایا والدین اور پھپو کی نگرانی میں لڑکی اور لڑکے کا قتل کیا گیا۔
گزشتہ روزعادل نامی نوجوان اور لڑکی کا پوسٹ مارٹم کرلیاگیاتھا، پسندکی شادی کرنےوالےجوڑےکاتعلق خیبرپختونخواکےقبائل سے ہے، کراچی میں دونوں کےخاندان نارتھ ناظم آباد ڈی سلوا کے رہائشی تھے۔
عادل اورسائرہ پڑوسی تھے، جن کی دوستی ہوگئی تھی، 7 ماہ پہلے دونوں نے گھر والوں کی رضامندی کےبغیر چھپ کرشادی کی اور منگھو پیر کی کچی آبادی میں میاں بیوی اپنے خاندانوں سےچھپ کررہائش پذیرتھے۔
7ماہ سے عادل اورسائرہ کو دونوں خاندان تلاش کررہے تھے ، چند روز پہلےدونوں کے خاندانوں کو میاں بیوی کی رہائش کا معلوم ہوگیا تھا۔
کراچی : منگھو پیر میں پسند کی شادی کرنے والے جوڑے کے قتل کا فیصلہ جرگے میں ہونے کا انکشاف سامنے آیا۔
تفصیلات کے مطابق کراچی کے علاقے منگھوپیر سلطان آبادمیں پسند کی شادی کرنے والے جوڑےعادل اورسائرہ کے قتل کیس کی تحقیقات میں اہم پیش رفت سامنے آئی۔
پولیس ذرائع نے بتایا کہ منگھوپیرمیں میاں بیوی کےقتل کافیصلہ جرگےمیں ہوا، قتل میں میاں بیوی کے والدین کی رضا مندی شامل تھی، ابتدائی طور پر دونوں فریقین نے مقدمہ کےاندراج سےانکاربھی کیا۔
ذرائع کا کہنا تھا کہ مقتولہ سائرہ کی والدہ اور خالہ نے قتل میں اہم کرداراداکیا، سائرہ کی والدہ بہن کےہمراہ گھر میں داخل ہوئی اور کافی دیر تک بات ہوتی رہی پھر مقتولہ کی ماں نے ہی ملزمان کو گھر کے اندر بلایا، ملزمان نےگھرمیں گھس کرفائرنگ کی،چھریوں کے واربھی کیے۔
پولیس ذرائع نے کہا کہ گھر سے 30 بور کے 4خول،2 سکے اور دیگر سامان برآمد ہوا۔
گذشتہ روز پسندکی شادی کرنے والے جوڑے عادل اورسائرہ کوقتل کردیا گیا تھا، مقتولین نارتھ ناظم کےرہائشی اورآبائی تعلق خیبرپختونخوا سے تھا۔
فیصل آباد : باپ نے پسند کی شادی کرنے والی بیٹی کو قتل کر ڈالا، 16 سالہ بیٹی زبیریہ نے پانچ ماہ قبل محسن مسیح سے شادی کی تھی۔
تفصیلات کے مطابق فیصل آباد کے یاسر ٹاؤن میں باپ نے پسند کی شادی کرنے والی بیٹی سمیت دو افراد کو غیرت کے نام پر قتل کر دیا۔
ملزم خالد نے رخصتی کے بہانے بیٹی کو گھر بلا کر پنچایت میں فائرنگ کی۔
پولیس نے بتایا کہ یاسر ٹاؤن کے رہائشی خالد مسیح کی سولہ سالہ بیٹی زبیریہ نے پانچ ماہ قبل محسن مسیح سے شادی کی تھی اور محسن نے شادی کے بعد زبیریہ کو لے کر وارث پورہ میں اپنے خالو اشرف کے گھر رہائش اختیار کرلی تھی۔
خالد تین روز قبل صلح جوئی سے رخصتی کرنے کے بہانے اپنی بیٹی کو گھر واپس لے آیا اور پیر کی رات ملزم خالد نے اپنے گھر میں پنچایت بلائی اور اچانک پستول سے فائرنگ کر دی، جس سے زبیریہ اور اشرف موقع پر جاں بحق ہو گئے۔
ملزم خالد نے فرار ہونے کی کوشش نہ کی اور خود ہی تھانہ روشن والا پولیس کو گرفتاری دے دی، جس کے بعد ملزم کے خلاف مقدمہ درج کر لیا گیا ہے۔
حافظ آباد: تاجپورہ میں پسند کی شادی کرنا جرم بن گیا، باپ اور سسر نے مل کر لڑکی کو بے رحمی سے قتل کردیا۔
اے آر وائی نیوز کے مطابق پولیس کا کہنا ہے کہ مقتولہ مبشرہ لاہور یونیورسٹی میں زیر تعلیم تھی، مقتولہ نے 3روز قبل آئیرلینڈ میں مقیم اویس نامی لڑکے سے آن لائن نکاح کیا تھا۔
پولیس کا کہنا ہے کہ نکاح کے بعد مقتولہ سسرال کے گھر ٹھٹھہ قادر چلی گئی، سسر عابد نے مقتولہ کے والد سے کہا کہ وہ اسے اپنے گھر رکھنے پر راضی نہیں ہیں۔
ایف آئی آر کے متن کے مطابق مقتولہ کے والد نے سسر عابد کو کہا کہ ہم اسے قتل کردیتے ہیں، جس پر والد نے سسر سے مل کر مبشرہ کو دھوکے سے اپنے گھر بلایا۔
مقتولہ کے والد نے سسر عابد کے ساتھ مل کر لڑکی کا گلہ گھونٹ کر قتل کردیا، قتل کے بعد ملزمان ڈرامہ رچانے کیلئے مقتولہ کو کرنٹ لگاتے رہے۔
پولیس نے مقتولہ کے والد اور سسر کیخلاف مقدمہ درج کرلیا، ملزمان فرار ہوگئے، نعش کو پوسٹ مارٹم کے اسپتال منتقل کردیا گیا ہے جبکہ ملزمان کی تلاش شروع کردی گئی ہے۔
