اگرچہ پسینہ آنا ایک قدرتی عمل ہے جو جسم کو ٹھنڈا رکھنے میں مدد دیتا ہے تاہم دیگر افراد کے مقابلے میں آپ کے جسم پر زیادہ پانی بہہ رہا ہو تو یہ کافی برا لگتا ہے۔
اگر آپ کو بہت زیادہ پسینہ آتا ہے تو اس سے کافی مسئلے مسائل پیش آتے ہیں، جس سے آپ کو پیسنے سے بُو آرہی ہوتی ہے جس کی وجہ سے پرفیوم کا استعال کیا جاتا ہے۔
مگر ایسا کیوں ہوتا ہے اور کیوں کچھ افراد کو بہت زیادہ پسینہ آتا ہے؟ اس کی وجہ مختلف طبی تحقیقی رپورٹس کے مطابق کچھ یوں ہے۔
پبلک ہیلتھ ایکسپرٹ ڈاکٹر سلیمان اوتھو نے اس حوالے سے بتایا کہ زیادہ پسینہ آنے کو ’ ہائپر ہائیڈروسس ‘ کہتے ہیں، عام طور پر پسینے کا آنا قدرتی عمل ہے جس کے بڑی اہمیت ہے، جب پسینہ آتا ہے تو آپ کا جسم ٹھنڈا ہوتا ہے۔
انہوں نے بتایا کہ پسینہ کی مدد سے آپ کے جسم سے کیمائی مادوں کا اخراج ہوتا ہے اور اس سے جسم کے درجہ حرارت کا پتہ چلتا ہے، لیکن ضرورت سے زیادہ پسینہ آنے سے کئی مسائل کا سامنا کرنا پڑتا ہے، زیادہ پسینہ آنے کو ہائپر ہائیڈروسس کہتے ہیں۔ ہائپر ہائیڈروسس ایک ایسی حالت ہے جس میں ضرورت سے زیادہ پسینہ آتا ہے۔
موسم گرما کی آمد: جلد کا خیال رکھنے کے لیے کارآمد ٹپس
ڈاکٹر سلیمان اوتھو نے بتایا کہ بعض لوگوں کو بہت زیادہ پسینہ آتا ہے، یہ ایک غیر معمولی عمل ہے، گرمی میں پسینہ آنا معمول ہے لیکن اگر آپ کو بہت زیادہ پیسنہ آرہا ہے تو اس میں کوئی نا کوئی علامت ہوتی ہے۔
انہوں نے بتایا کہ Hyperhidrosis نامی عارضہ اپنی علامت بہت زیادہ پسینے کے اخراج کی شکل میں ظاہر کرتا ہے۔ اس سے پورا جسم یا مخصوص حصے جیسے ہاتھ، ہتھلیاں، پیروں کے تلوے، چہرے، سینے وغیرہ پر بہت زیادہ پسینہ خارج ہوتا ہے جبکہ باقی حصوں پر اس کا اخراج معمول کے مطابق ہوتا ہے۔
پبلک ہیلتھ ایکسپرٹ کا کہنا تھا کہ اگر اچانک بہت زیادہ پسینہ خارج ہونے لگے تو یہ بیماری کی علامت ہوتی ہے، اس طرح یہ ہارٹ اٹیک کی پہلی علامت یا کسی قسم کی دل کی بیماری کا عندیہ ہوسکتا ہے۔
ڈاکٹر سلیمان نے کہا کہ اگر بہت زیادہ پسینے کے ساتھ سینے میں تکلیف کا احساس بھی ہو تو بھی یہ دل کے کسی سنگین عارضے کی علامت ہوسکتی ہے۔
انہوں نے بتایا کہ اگر آپ نارمل ہیں اور پسینہ بہت زیادہ آرہا ہے تو آپ اپنے کپڑے اور کلر کا انتخاب کرتے ہوئے اس بات کا خیال رکھیں زیادہ دارک کلر نہ پہنیں۔
