Tag: پشاور ایئرپورٹ

پشاور: باچا خان انٹرنیشنل ایئر پورٹ کے اندر حادثہ پیش آیا ہے، پی آئی اے کی ایک گاڑی بورڈنگ برج سے ٹکرا گئی۔

تفصیلات کے مطابق باچاخان انٹرنیشنل ایئر پورٹ پر قومی ایئر لائن کی گاڑی بورڈنگ برج سے ٹکرانے سے ہنگامی اخراج کی سیڑھیوں کو نقصان پہنچا۔

ترجمان سول ایوی ایشن کا کہنا ہے کہ پی آئی اے کی گاڑی جہاز سے سامان لوڈ کر کے واپس آ رہی تھی، اس دوران گاڑی ڈرائیور سے بے قابو ہو کر برج سے ٹکرا گئی۔

ایئر پورٹ انتظامیہ کا کہنا ہے کہ ڈرائیور کو ویجلینس نے حراست میں لے لیا ہے، اور ان کا کارڈ بھی ضبط کر لیا گیا ہے، ان پر پشاور ایئرپورٹ میں داخلے پر پابندی بھی لگا دی گئی ہے، دوسری طرف پی آئی اے انتظامیہ نے بھی واقعے کا نوٹس لے لیا ہے۔

قومی ایئر لائن کے ترجمان نے بتایا کہ واقعے کی تحقیقات کا حکم دے دیا گیا ہے، اور حادثے کی وجہ جاننے کی کوشش کی جائے گی۔

لاہور ایئرپورٹ کے رن وے پر کارگو طیارے کے ٹائرپھٹنے کے واقعے کی تحقیقات کا حکم

یاد رہے کہ چند دن قبل لاہور ایئر پورٹ پر ایک غیر ملکی کارگو طیارے کے ٹائر پھٹنے سے رن وے پر آپریشن معطل ہو گیا تھا، جہاز میں سامان بھرا ہونے کی وجہ سے ٹائر تبدیل نہیں کیے جا سکتے تھے، جس پر سامان اتارنے کے بعد جہاز رن وے سے ہٹایا گیا تھا۔

پشاور: باچا خان انٹرنیشنل ایئر پورٹ پر ایک شخص ہزاروں سعودی ریال اسمگل کرتے ہوئے پکڑا گیا۔

تفصیلات کے مطابق پشاور ایئر پورٹ پر 50 ہزار سعودی ریال کی اسمگلنگ ناکام بنا دی گئی، کارروائی ایئر پورٹس سیکیورٹی فورس نے کی۔

اے ایس ایف اہل کاروں نے نجی ایئر لائن سے دبئی جانے والے مسافر سے پچاس ہزار سعودی ریال برآمد کیے، مسافر عادل احمد نے یہ رقم اپنے دستی سامان میں چھپا رکھی تھی۔

اے ایس ایف کے عملے نے مسافر کے سامان کی تلاشی کے دوران ریال برآمد کیے، ملزم کو ابتدائی تفتیش کے بعد برآمد شدہ رقم سمیت مزید کارروائی کے لیے کسٹم حکام کے حوالے کر دیا گیا۔

3 غیر ملکیوں سمیت 10 منشیات اسمگلرز گرفتار

واضح رہے کہ آج اینٹی نارکوٹکس فورس (اے این ایف) نے ملکی اور بین الاقوامی سطح پر کارروائیاں کر کے 3 غیر ملکیوں سمیت 10 منشیات اسمگلرز کو گرفتار کیا ہے۔

اے این ایف انٹیلیجنس نے کارروائیوں میں 595 کلوگرام ہیروئن اور 5.033 کلوگرام کوکین برآمد کی، گرفتار اسمگلرز میں 3 ویسٹ افریقن باشندے بھی شامل تھے، اور ان میں ایک عورت بھی تھی۔

علامہ اقبال انٹرنیشنل ایئر پورٹ لاہور پر ایتھوپیا سے آنے والی مغربی افریقی خاتون سے جب 1.393 کلوگرام کوکین برآمد ہوئی، تو اس کیس کے تعاقب میں اے این ایف نے فیصل آباد ایئر پورٹ پر کارروائی کرتے ہوئے 2 غیر ملکی باشندوں کو گرفتار کیا۔

ایک اور کارروائی میں اے این ایف انٹیلیجنس کی سری لنکن سیکیورٹی حکام کو فراہم کی جانے والی خفیہ معلومات کے نتیجے میں کھلے سمندر میں 2 کشتیوں سے مجموعی طور پر 595 کلوگرام ہیروئن برآمد کی گئی، اور 7 ملزمان کو گرفتار کیا گیا۔